دمعتي هلت.. ومن شوقي بكيته

الهوى عطشان وترويه المدامع


ما نسيت شي .. ولا شي رميته

صورتك بالعين وصوتك بالمسامع


جيت أحاكيكي .. بشي ما حكيته

يوم أشوفك أنحني والعقل ضايع


عيني ما تقدر تقول اللي بغيته

والحيا أهلكني من كثرالموانع


واشتكي لله .. وما شي شكيته

قبل هم بالجوى .. باق وهاجع


تحسبين إني أبهدم .. ما بنيته

أو أفرط فيك والحب اللي جامع


تحسبين إني أبنثر .. ما جنيته

قلبي ما يقدر على زود المواجع


يومها .. الموت الذي ما قد هويته

أطلبه يسقيني وأشرب ما ني جازع


أشهدوا إن لي نصيب .. ما خذيته

ما أسامح من شرى أو فيه يبايع


يا عديل الروح .. يا طيف هويته

إرجع لقلبي .. تراني اليوم راجع


يا حبيب القلب .. من دمي سقيته

هذي روحي تعتذر والقلب شافع



كلماتي ..
العاشق المائق ..

الغالية :

(( شمس الحب ))


مرورك .. هو الأميز ..


لك كل ..التقدير .. والإحترام ..

الغالي :
(( بديع الزمان ))

أيها .. الكريم الجواد ..

بركات حرفك .. عمت البلاد ..

فارتوى منها .. الحاضر والباد ..


كلما زاد المعروف .. من أهل المعروف ..

ونالني من كرم الأكرمين ..

أكثر مما أستحق ..


كلما تفلتت الحبال .. من بين يدي ..

وتهت .. في بحر من الحيرة ..

فيخونني اللسان ..

لأعجز عن الكلام ..

وتنطوي كلماتي .. خجلى ..

لا تقوى على التعبير ..

وربما .. أني عذرتها ..

فهي وإن .. تجملت ..

تضل ..

أقل ..

من حرفك ..

عندما أطل ..

وهو يكتسي ..

كل هذا النور والجمال ..

شكرا لك ..

الغالية :
(( الم ))

ها أنت .. ككل مرة ..

كريمة .. معطاء ..

وها أنا .. ككل مرة ..

عاجز .. عن الوفاء ..

بما تستحقه .. يداك ِ البيضاء ..

السعادة .. تغمرني ..

والفرح .. يعم المكان ..


شكرا لك ..