عالم الحياة الزوجية - منتدى

ارهابيه · 01-12-2008, 07:07

السلام عليكم ورحمة الله وبركاته

مشكلتي مع خطيبي مايهتم فيني حتى لم يحاول يبين لي انو مهتم احس كانه يجاملني يكلمني عشر دقايق هذا اذا ومغير يفرد لي شخصيته مع ان مافيني عيب لدرجة فكرت اطلب الطلاق مو عارفه ايش اسوي انا عمري22 وهو 35يمكن السبب فارق السن وكمان اعترف لي انو له علاقة بس لحظة ماخطبني وشافني يقول حرام انظر لغيرك كل شي اتمنه فيك بس احتررررررت ساعدوني بموت قهر

mr_abdulrahman · 01-12-2008, 13:17

اختي شخص بعمر 35 لا اعتقد انه نفس تفكير 22 و بالمقابل ما يعني هذا عدم نجاح الزواج

بس اختي حاولي تتأقلمي مع الوضع هو يشوف المكالمات امر ثانوي و انتي تشوفينه امر اساسي لتقريب وجهات النظر

ادع ربك التوفيق و حاولي تكسبيه يعني هديه حلوه منك رسائل رومانسيه

(العنود) · 01-12-2008, 13:24

اذا كنتو توكم في بدايه المشوار ها شي طبيعي انه يكون بها الوضعيه في شباب يراعون شعور الزوجه في بدايه مشوارهم
واذا شفتي بعد فتره انه على نفس ماهو عليه انتي الي ابدئي وياه وانتي الي تقدرين تغيرينه اول شي ابدئي وياه برساله حلوه..اهتمي فيه شوفي شو الي يحبه ووشو الي مايحبه حسسيه انج مهتمه فيه عسبه يراعي شعورج انا اقولج ها الشي ع تجربه مريت فيها ومازلت امر فيها ماكنت مهتمه واهوه بدوره نفس الشي ويوم خذيت النصايح من ها المنتدى من اخواتي يزاهم الله خير حياتي تغيرت وياه يوم شافني مهتمه فيه ووطرش له مسجات صار اهوه الحين يبادلني بنفس الشعور...والله يوفقج ان شالله...وخبرينا عقب شو بيصير وياج..وموفقه

تفاحة زوجها · 01-12-2008, 13:27

تطلقي ترى الزواج ماله فايده بذا الزمن
ريحي مخس وانا اختس الزواج صار خرطي خيقي بيقي

(العنود) · 01-12-2008, 13:28

وشيلي فكره الطلاق من راسج لانها مابتقدم ولا بتاخر شي

mr_abdulrahman · 01-12-2008, 14:04

اقتباس:

المشاركة الأصلية كتبت بواسطة تفاحة زوجها

تطلقي ترى الزواج ماله فايده بذا الزمن
ريحي مخس وانا اختس الزواج صار خرطي خيقي بيقي

[B]وش خيقي بيقي
الرسول اللهم صلي و سلم عليه يقول ( تزوجوا الولود الودود ، فإني مكاثر بكم الأمم يوم القيامة )
قال رسول الله صلى الله عليه و سلم : ( أربع من سنن المرسلين الحياء, و التعطر, و السواك, و النكاح )
الزواج اختي يعف الانسان عن الفحشاء حفظنا الله و اياكم
تعليقي : ارجو منك اختي اني تقول خيراً
[/B]

تفاحة زوجها · 01-12-2008, 14:18

انا حبيت ابين لها ان الزواج بهالزمن ماله داعي كله خيانات ومشاكل فالاولى والاحسن انها تريح مخها وتشيل الزواج من راسها اذا كان زوجها كذا
اما اذا كان زوجها ينحط على الجرح يبرى عادي لاتشيل هم

روآآبي · 01-12-2008, 16:44

عزيزتي الزواج سنة الله في خلقه
وحياة فيها الخير وفيها الشر وفيها الحلو وفيها المر
خطيبك اذا كان يمتلك مقومات الرجل الصالح والمناسب لك ..اذن كل مشكله اخرى لها حل
ممكن تثقلين عليه ... احيانا الرجل اذا حس بلهفة خطيبته او زوجته عليه ..يثقل ويفقد الاهتمام فيها

a7la 3aros · 01-12-2008, 16:56

الصبر زين خاصه في الايام الاولى توكم مرتبطين لاتتعجلين بالامور هذي
عذريله يمكن له مشاغله
وحطي في بالك الزمن العمر حقه 35 يعني مايفكر نفس تفكيرك يمكن تكوني انتي تفكرين باهتمام ورومانسيه مثل مايفكرون باقي البنات وتعتبر من اهم الاشياء في الملكه
لكن هو مايشوفها اساسيه بس مستحيل يكوون مهمشها بس في بعض الامور تنحل بعدين لصرتي عنده
بس قولي له وحسسيه باللي تبينه تقدرين تقولين له اني احتاج سؤالك عني تحسسني بإهتمامك فيني ومن هالكلام
وبعد انتي سوي نفس الشي خليه يحس بحلاوه الاهتمام مسجي له واسألي عنه بعدين خفي عنه شوي كانك انشغلتي وهو بيحس بالفرق لما كان يحس بأهتمام احد فيه
وان شاء الله تتحسن اموورك
بس نهائيا لاتفكرين تتطلقي لاتخربين بيتك بأدينك عشان هالسبب
الله يوفقك

عيش الزمن بظروفه.. · 01-12-2008, 17:04

انا اوافق ما قالت الأخت سحايب

اذا هو صالح((((((((((((((((((((((((((((وما عنده علقات ما علاقات هذي

فلا داعي لتهويل الأمور الأخرى قد تاتي مع الزمن

moshtk · 01-12-2008, 17:06

اختي فكري زين الوضع عادي شوي ويتعود عليك

كحيـلان · 01-12-2008, 17:12

بسيطه

سابق الريح · 01-12-2008, 17:16

لو ما يبيك ما خطبك .. احمدي ربك مو 55 عمره ..

كلام في التلفون لا تكثرين لابد تعرفي اهتمامات الطرف الثاني

ما اشوف فيه فرق كبير .. ..

اعرف واحد تزوج عمره ثلاثين واتزوج ثاني وعمره 50 وعاش ميه سنه

الحياه حلوه يا بنتي

سابق الريح · 01-12-2008, 17:19

نسيت اقول صحيح كلام سحايب

لان البنت اذا جات مندفعه يقول هذه اهلها ما صدقوا اني جيت خطبتها ووووو ..

..
.

/أمل عمري/ · 01-12-2008, 18:03

فيه كثير رجال كذا.....وترى الاهتمام مو بكثرة الاتصالات.....

اذا رجل صالح به دين......لاتفكري بأشياء تخرب عليك........

ربي يوفقك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ملييت عطوني حللللللل