عالم الحياة الزوجية - منتدى

to0ota · 11-12-2008, 05:12

السلام عليكم ورحمه الله وبركاته.
انا بنت عمري 18 سنه .. سنه اولا بالجامعه .. تقريبا باقي لي ع التخرج اربع او 3 سنوات .. عندي خالاتي الثنتين .. كل وحده منهم تبغاني اتزوج ولدهاا ..الاختيار الاول والي احس اني اميل له صرااحه هو في نفس عمري .. والاختيار الثاني اكبر عني بــ سنتين .. المشكله ان خالتي 1 تقول للوالده الله يحفظها بما انهم نفس العمر ننتظرهم يتخرجوو ثمن بنزوجهم لبعض .. بس انا اخاف اقعد ارفض الخطاب في انتظاره وآخر شي يقول ماابغااهااا .. والمشكله الثانيه ان خالتي 2 ولدها بتخرج هالسنه ووظيفته مضموونه وحلوه وراتب ومستقبل معرووف وتبغاني اتزوجه السنه الجايه على اساس خطوبه هالسنه والزواج السنه الثانيه ..
ومشكلتي مع ولد خالتي 1 اخاف يكبر ويقول ماابغاها ..
ومشكلتي مع ولد خالتي 2 اذا وافقت وتزوجته بضطر اني اتخلى عن دراستي لانه يسكن في دوله اخرى ومابقدر اكمل في مكان خاص ..
ملاحظه : اولاد خالاتي الاثنين غير جنسيتي يعيشون في دوله اخرى
يعني الغربه حاصله حاصله
انتظر الي قلبي يميل له
او اوافق على المستعد
ودراستي ..
والكل يقولي انتي محظوظه والاختيارات قدااامكـ ..
بس الحيره متعبتني ..
وانا مجتهده ودرجاتي حلوه وان شاء الله بتخرج ..
بليييز لاتبخلووون علي بردووووودكم الوااافيه ..

افهميني · 11-12-2008, 06:06

كل هذا كلام بين الاهل ماصار وتقدم احد ..على حد مافهمت ..!

ممكن الاول ما يبغاك ..وممكن حتى الثاني ..ما اقصد شيء ..بس احتمالات والزواج نصيب وقبول ..

وممكن الاثنين شارينك ..

انا عن راي ..انه سنك بعده ماراح يفوتك شيء ولا شيء ..

فلا تستعجلي ..والدراسه في هذا الزمن مهمة ..

واذا تاكد شيء مثلا من طرف الاول ممكن تشترطي ملكة ..والزواج بعد التخرج ..

بس انتي ليش تبيه ؟ هل هو افضل ..من ناحية معينة ؟ ...

انا افضل من وجهة نظري انك تتزوجي الي اكبر منك ..وحصل وظيفة ..اذا تاكد انه بيتقدم لك وتتفاهمي معاه على الدراسة ممكن تقدري تكملي في مكان ثاني ..

اما الاول ماتدري عن ظروفه ..وش ممكن يصير ..وهذا لو انتي ملزمه تزوجي واحد فيهم ..

واكيد الاختيار لك ..شوفي الي يريحك ..بس في هذي المواضيع الخيرة في وقتها ..استخيري ..

تحياتي

hanyicol · 11-12-2008, 06:24

تزوجي الاكبر منكي
وكيف اولاد خالتكوجنسيه ثانيه؟؟؟

THE SKY COLORS · 11-12-2008, 06:31

استخيري ياحبيبتي والله يوفقك يارب..

عطيه الزهراني · 11-12-2008, 07:04

انصحك بالأستخارة وإذا اخترتي واحد والثاني بيزعل فأشوف انك تسحبي عليهم كلهم وانتي توك صغيره وانشاء الله يجي نصيبك احسن منهم والله يوفقك .

abo khaled · 11-12-2008, 14:53

اذا بغيتي رأيي تزوجي الاكبر منك سنا بما انه شبه جاهز اذا كنتي ترين فيه الزوج القادر على تحمل المسئولية واتركي عنك عقد الآمال على اشياء في علم الغيب وما يدريك ويش يصير بعد اربع سنوات واشوفها فرصة لاتفوتك وتضيع سنوات عمرك ويفوتك القطار وترى قطار هذي الايام اذا مر ما عاد يرجع الا اذا شاء الله ، واذا الله وفقك وتزوجتي ما تجي اربع سنوات الا عندك طفل او طفلين ولما يكبرو اولادك يكون فارق السن بينك وبينهم قليل وقبل هذا وذاك استخيري وانشاء الله ما تخيب آمالك.
تقبلي شكري وتقديري...

*بحرالمشاعر* · 11-12-2008, 16:56

رايي من راي ابو خالد
تزوجي اللي اكبر منك
والله يوفقك

bdooor_qa · 11-12-2008, 16:59

الثاني افضل الله يوفقك اختي

وردة شوك · 11-12-2008, 17:04

بس ماتعرفين اذا عيال خالتج باغينج او لا

خوو صايره موضه الحين الواحد مايصك ال17 الا وعنده حبيبه عال waiting list

فـ أنصحج ماتتعبين نفسج غير بالاول تتأكدين من شعورج تجاه من يكون وطبعا الخيره في هاي الحاله بتنفعج فاستخيري الله وبعدين شوفي هالشخص هو هو جاد برغبته بالزواج منج ولا اجبار من امه وغصب

يعني تفهمي وتبصري وتكشفي الامور قبل لا تتسرعين بالتفكير الى اشياء ممكن بعدين تصدمج بالواقع

وانا اتمنالج التوفيق والسعاده بس لاحظي ان اغلب الاعضاء قالو خذي الاكبر اما انا انصحج تختارين من هو افضل بالاخلاق والدين والمفاهيم والي يتناسب مع شخصيتج ويقدر يفهمج

موفقه

استاذ الحب · 11-12-2008, 17:29

اقتباس:

المشاركة الأصلية كتبت بواسطة abo khaled

اذا بغيتي رأيي تزوجي الاكبر منك سنا بما انه شبه جاهز اذا كنتي ترين فيه الزوج القادر على تحمل المسئولية واتركي عنك عقد الآمال على اشياء في علم الغيب وما يدريك ويش يصير بعد اربع سنوات واشوفها فرصة لاتفوتك وتضيع سنوات عمرك ويفوتك القطار وترى قطار هذي الايام اذا مر ما عاد يرجع الا اذا شاء الله ، واذا الله وفقك وتزوجتي ما تجي اربع سنوات الا عندك طفل او طفلين ولما يكبرو اولادك يكون فارق السن بينك وبينهم قليل وقبل هذا وذاك استخيري وان شاء الله ما تخيب آمالك.
تقبلي شكري وتقديري...

نفس الرأي ,,,

العنـــــــوود · 12-12-2008, 00:19

استخيري وربي يكتب لك اللي فيه الخير الاخوان ماقصرو

فـــارس الشرقية · 12-12-2008, 01:24

واضح ان الاثنين كويسين لكن مشكلتك دراستك بس وهالشي خلاك تميلين للخيار الاول .. عن نفسي اقول لك كملي دراستك ان كانت مهمة بالنسبة لك وبعدها انتي واللي مكتوب لك .

Dr1986 · 12-12-2008, 05:01

انتي خلك بدراستك ولاتفكرين بالزواج الحين كل هذه كلام بين الاهل
يمكن يتقدم لك واحد من نفس دولتك ومميزاته احسن ويخليك تكملي دراستك!!!!!!
يمكن الله مو كاتب لك لا الاول ولا الثاني
كل هذه في علم الغيب خليها على ربك
لا تفكري باشياء ماراح تستفيدي من التفكير فيها اصلا
وش راح تستفيدي لما تفكري اصلا!!!!!!!!
انتي لسه صغيره خلك في دراستك وبس

to0ota · 12-12-2008, 06:25

مشكوورين ..

بس صرااحه انا محتاره كثير .. انا مااعرف شعور اي واحد فيهم احنا عايلتنا من النوع ان مانكشف على قرايبنا ولانقعد معهم .. بس اكيد ان هم الاثنين يبغووني ولاكيف خالاتي بتكلموون في مثل هذاا الموضوع من غير شور اولادهم ..وامي تمدح في الاثنين .. وخالاتي يحبووني كثير ..بس انا اخاف ارفض الكبير على امل بالي بنفس سني ثم يتخرج ويقوول لا .. اعرف ان الموضوع نصيب بس التفكير ذبحني ..

ام رقيه · 12-12-2008, 20:51

صح كلامك الي بعمرك يمكن يكبر ويحب غيرك ويشوف غيرك ويقول مايبغاك وانتي تكوني حاطه امال عليه

تزوجي الثاني بس كملي دراستك في اي شي ثاني وماظني يرفض

لاتوقفي عند نقطه معينه وتحيرك تعديها للي بيصير بعدين

خوفك في محله والافضل انك توديه بانك توافقي وخلاص

ربي يوفقك ياحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتارهـ بين الاثنين .. والقطار لايفوتني ؟؟