عالم الحياة الزوجية - منتدى

مغربية متسامحة · 12-12-2008, 17:11

يسعد لي صباحكم جميعاَ

عندي لكم مشكله احسها شوي معقده وغريبه وطبعاَ هاذيا لمشكله لناس مقربين لي وايد
وابيكم تساعدوني في حلهاا

ولكم المشكله وطبعا راح اختصرهاا شوي

هاذي البنت تحب شخص وهو بعد طبعا يحبها والحمد الله ان هم متفاهمين مع بعض ع الاخر ومابينهم وبين بعض اي خلافات الى خلفات عاديه ومشاكل جداَ عاديه وهيه البنت واثقه ان هو راح يتزوجها وعلاقتهم طبعا مستمره لليوم وصار لهم سنه ونص تقريباا يحبون بعض
بس دخل طرف ثاني في حياة البنت وهيه طبعا غلطت البنت من البدايه ان خلت هطرف الثاني يدخل حياتها من البدايه المهم صار كلام من البدايه مع بعض بس بعدين تطورت علاقتهم شوي والبنت حسيت انها قامت تميل الى الشاب الثاني وهو بعد يراودها نفس الشعور وهي للحين متمسكه في الاولي يعني ماهدته بس تغيرت علاقتهم شوي صارت فيه مشاكل وايد ماصار تفاهم بينها وبينه بس بعد هو متمسك فيها لانه شاريها واحبها ومستعد يسوي اي شي عشانها وهو طبعاً ماعنده علم ان هي تكلم واحد غيره بس هيه البنت محتاره مو عارفه شتسوي تحب حبيبها وبعد تحب الثاني بس مو حب ان تفكر فيه لزواج حب امتلاك مثل مايقولون وهي ماتقدر تستغني عنه وهو بعد خلاص تعودو على بعض حتى هي قامت تصارحه بأشياء يمكن تضر الى نفسها بس بعد اتصارحه وفتحت له قلبها اكثر من حبيبها الاولي وحست براحه معاه وهي مو عارفه شتسوي واتحس نفسها ان محتاره بين لثنين ولثنين يحبونها بس الاولي يحبها ويبي يتزوجها والثاني على كلامها للحين ماقال لها وللعلم هو يدري ان هي تكلم واحد وتحبه بس هو متمسك فيه بعد بس هيه محتاره ومو عارفه شتسوي وماتبي تترك لثنين وللعلم ان تعبت من المشاكل مع الاولي لانه كل يوم تطلع مشكله اعقد من الثانيه

وبس هاذي المختصر لكم وياريت تفيدوني لو بحل بسيط واي اسأله عندكم او استفسار انا حاضره

وسلاامتكم

كتكوته ورديه · 12-12-2008, 17:55

هي حاطه نفسها بهالمشاكل الله يهديها

و عندنا مثل يقول من بغاه كله خلاه كله
شكلها بضيع الاثنين

ما اظن الثاني بيرضى يتزوجها ويدري انها تكلم اثنين بنفس الوقت
اكيد بيشك فيها
والمشاكل اللي مع الحبيب الاولي شي طبيعي شافت البديل اكييد ما تتحمله

spirit-88 · 12-12-2008, 18:23

صراحه هذا شكلو حب مراهقه, لان الانسان العاقل ما بيحب اي احد كده وخلاص, بيكون في صفات معينه و تجاذب في الشخص اللي الانسان يبغى يرتبط به, يعني في اخلاق معينه مستوى اجتماعي متقارب, توافق فكري, توافق ديني... كده لكن اي واحد كده بدون اي اساس في التفكير او المبادئ في الاختيار هذا بيكون حب مراهقه يعني بتحب اي واحد بدون اي اساس عقلاني... حتى لو سألتيها ايش اللي تحبيه في الشخص هذا و الشخص الثاني راح تقولك اشياء ليس لها معنى, ما حيكون عندها رد عقلاني او اسباب عقلانيه كلها ستدور حول اشياء عاطفيه, يعني تقولك مثلا انا اشعر انه فلان يحبني اكثلر او احس انه طيب او شكله احلى او رقيق اكثر.... كده اسباب مالها معنى, قولي لها تسيبها من هالخرابيط و تتقي الله, واذا تبغى واحد منهم ممكن تفكر في الاشياء العقلانيه اللي تبغاها في زوج المستقبل و تشوف من تتوفر به هذه الاشياء اكثر

الـقـيـصـر · 12-12-2008, 18:42

اسمحيلي هذي خويتك مرااااااااااااهقه درجه اولى
وكل اللي تسويه غلط في غلط
والله مافي رجال بيتزوج بنت وهو يعرف انها تكلم احد قبله لو يصير اللي يصير
اسمحيلي عقلها ناقص
ولااتوقع حتى الاول اصلا انه راح يتزوجها
لان راح يقول اللي تكلمني راح تكلم غيري وفعلا هي كلمت غيره
ااتمنى منك انت اذا كنت تعرفين البنت انك توعينها من الغفله اللي فيها
ترى كل اللي تسويه خرابيط
وماراح تطلع بفايده
الله يوفقكم جميع

وردة شوك · 12-12-2008, 19:18

هههههه والله يضحكوني البنات الا جذيه صج انا اشفق عليهم يحطون لهم الف صديق عالويتنق ليست كل ذي عقده يعني ولا شسالفه

الله يعينها

بس هااااا

قولي لها القلب يحب مرة مايحب مرتين

اما اذا هي كانت من النوع كل يوم تحب واحد فهذي جد اهنيها على قوة قلبها وعواطفها الجياشه

الله يعين الا بياخذها

rogin · 12-12-2008, 19:37

و كأني اشوف فيلم في السيما ..... هذه اكيد مراهقة ما قلتي كم عمرها...لا اكيد مراهقة.. شكلها اصلا ما تحبهم هم الاثنين هي تحب نفسها فيهم و زي ما قلتي حب الامتلاك ..
اسمعي خلاها تعطي قلبها هدنا ..يعني تبعد عنهم هم الاثنين فترة شهر او اكثر و تشوف احساسها لمين مشتاقة اكثر للاول و لا للثاني ...

ام رقيه · 12-12-2008, 20:57

هي غلطت ولازم تتحمل مسؤلية غلطها

ومبين اذا ماصفت نيتها وظلت على شخص واحد بتفقد الاثنين

لان هذي اسمها خيانه بدون لف ودوران

Dr1986 · 13-12-2008, 05:56

العلاقة كلها غلط
اصلا هي ماتحب الاثنين وجالسة معهم بس تضيع وقت
تدرين ليش؟؟؟........لو تحب الاول كان ماكلمت غيره وهو موجود بحياتها
ونفس الكلام ينطبق على الثاني
معروف ان الحب يغلب عليه حب التملك......كل الطرفين الرجل والمراة يحب حبيبه له وبس
ولان الثاني سمح لها تشاركه في غيره فهو اكيد مايحبها وجالس يتسلى
الافضل تترك الاثنين وتنتبه على نفسها زين

اقدار · 13-12-2008, 06:36

اقتباس:

المشاركة الأصلية كتبت بواسطة Dr1986

العلاقة كلها غلط
اصلا هي ماتحب الاثنين وجالسة معهم بس تضيع وقت
تدرين ليش؟؟؟........لو تحب الاول كان ماكلمت غيره وهو موجود بحياتها
ونفس الكلام ينطبق على الثاني
معروف ان الحب يغلب عليه حب التملك......كل الطرفين الرجل والمراة يحب حبيبه له وبس
ولان الثاني سمح لها تشاركه في غيره فهو اكيد مايحبها وجالس يتسلى
الافضل تترك الاثنين وتنتبه على نفسها زين

انا مع اخوي بكل كلمه قالها
الله يهديها

النبراس123 · 14-12-2008, 02:22

اتقي الله

لاحول ولاقوة الى بالله

يطري على البال · 14-12-2008, 10:11

هي عايشه على الظن والامل ان الاول يتزوجها .........
والثاني فاهمها مره ....... بس ما طلب يدها .......

شتت نفسها لانها عايشه حبين غير كذا هي ما حددت موقفها لانها مالقت وقت تفضى وتسال نفسها هي مين ترتاح معه اكثر ....... المفروض تتبع خطة>>> استوب<<<< توقف شوي وتحاول تقطع كل الاتصالات بالاثنين ........... وتشوف قلبها من يفقد فيهم .؟؟

غير كذا هذا يمكن يكون حب وهمي يعني لازم تحدد موقفها وتشوف منو شاريها .......وصادق بحبه ويفكر يخليه حب ابدي ومشروع ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلة