عالم الحياة الزوجية - منتدى

قصةمات كاتبها · 21-12-2008, 00:29

اخواتي اقرأوووكل كلمه بتمعن والله راح ترتاحي نوعا ما والله عجبني الموضوع وجبته لكم قريته اكثر من مره

مساء الخير على جميع المحروقات المجروحات اللي بداخلهم براكين لاتخمد
غضب والم وحسرة
اسئلة تحتاج لاجابات واجابات
ليه تخون ؟
ليه تغازل ؟
ليه تكلم غيري ؟
انا قايمة بكل واجباتك
انا اعمل كل شي عشان ارضيك
انا جميله ودلوعه
باطلع عنه اربيه
باطلب الطلاق
بابلغ اهلي
بابلغ الهيئة
باكلم البنات اللي يكلمهم
باتابع الارقام اللي يتصل فيها
وبعدين ؟
بتنحل الامور
لا

حاسه بكل لحظة الم تمروا فيها
الغصه اللي تحرق حناجركم بالدموع اللي تشهد عليها سجاداتكم ووسايدكم
بس خلونا نحكي بشوية عقل كل وحده مجروحه تترك قلبها على جنب وتحكم عقلها الزواج ماحيستمر وانتيتتبعي مشاعرك وقلبك فقط
الزواج يحتاج لعقلك وذكاءك وحكمتك واهم شي صبرك
ولاتنسي قربك من الله هواللي يسمع نجوانا ويجيب دعوانا

اكتشفتي اني زوجك يلعب بذيله اوكيه وش الجديد ؟
ليه الصدمه ؟
اغلب الرجال حاليا بهالشكل نخرب على انفسنا والانحافظ على بيوتنا
ليه مخلين حياتكم الزوجية لعبة قط وفار
وسجين وسجان ؟
باصيده
باراقبه
باتابعه
بالعكس
الغباء نعمه في احيان كثيره استغبي ماحتندمي اطلاقا لان الرجل يكره المرأة اللي تتابعه وتراقبه وتنتبه لكل شي انا لاحظت زوجي يرتاع لمايلاحظ مدى دقتي ونباهتي فاصبحت استغبي لقيت ان اسهمي ارتفعت اكثر واكثر
هذي هي طبيعة اغلب الرجال
يحبوكي اضعف واغبى منهم
وينفروا من ذكاءك لانه يحسسهم بالضعف والرجل يكره هالخصله امام زوجته
صدتيه يغازل
اعلنتي حالة الطواريء والاستنفار كنك ماصدقتي لقيتي عليه شي ؟؟؟؟؟؟؟؟؟؟؟؟؟؟
وبديتي التخطيط للانتقام وجلستي عاد تجمعين الجديد والقديم بتطلعينه على راسه ولقى الشيطان مدخله لك
بدا يثيرك ويستفزك اكثر ويفتح لك ابواب شر لها اول مالها اخر
والنتيجه انتي الخسرااااااااااااااانه صدقيني

الحلول ماحاطول عليكم بالقرق لاني حاسه بالبراكين القابله للانفجار بأي لحظه
وهالكلام ماقلته الامن تجربه شخصيه بحته مايهمكم تعرفوا مين صاحبتها
الاهم تعرفوا النتائج
وايش النتائج

الزوج مايكلم بنات نهائيا
جواله طول الوقت قدام زوجته
اي اتصال من بنت اورسالة يوريها هي بنفس سامحه ومبتسم
تسوى عيونه
شايلها من عالارض شيل
كل وقت وكل لحظه يقول لها ماشفت احد بحكمتك وروعتك
لوضعف باي لحظه جا رمى الجوال عندها اوقال لها كلمتني بنت اليوم
المسنجر لماتجيه اضافه يبلغها وتضحك معه
ويلغي الاضافه لان احيانا ياخذوا الايميل من بعض مواضيعه
يحكي لها اي موقف يمر عليه ولوبالشارع اوبالسفر
صايرين مثل الصدقاء مافي حواجز اواسرار اوغموض

هاه وش رايكم بالنتايج ؟

بس ماجت الابعد صبر سنوات وكفاح من هالزوجه ولحظات الم مريرة جدا جدا كتمتها قدامه
ياما استغبت
تعرف انه يكلم بنت وتروح عنه حتى ماينتبه انها صادته تجلس تلف تلف حوالين نفسها وسكاكين تقطع قلبها
تنهار
تبكي
تروح لسجادتها وتناجي ربها

بس كانت تقرب من زوجها اكثر واكثر تحاول تشغله
تشاركه بالنت
حتى تعود يشاركها
تقول له شفت واحد طلب اضافتي واضفته طلع رجال وشتته
طلع له قرون وينه هاتي ايميله كنسلي مسنجرك
قالت له والله لويضيفني تريليون رجال غيرك مابي ولااشوف

ارضت غروره
لما تلاقيه عالنت تجي تسولف معه حتى لومالها نفس وماتتعمد النظر للجهاز غضي نظرك عن الجهاز هوبيحاول يخبي المحادثه
تجاهلي كنك ماشفتيها
استمرت على هالحال

كان يطلع من عندها مشوار
وتعرف انه طالع يكلم
ماتتصل عليه تتركه ياخذ راحته كنها مادرت لوتاخر تتصل حبيبي شفيك تاخرت ماتقول معاك انتظار
ويرجع يلاقيها باحلى صورة

اكتشفت انه مسجل بمواقع الزواج لانها اسهل طريقه لصيد البنات
جت قالت له بعد ايام
حبيبي فيه موقع سجلت فيه اسمع كذا كذا
انهبل يوم عرف انها مسجله فيه
لاعبته لاعبته لاعبته

كره هالموقع نهائيا وماعاد دخله

الصبر وطولة البال كل وحده تعرف زوجها ومداخله ومخارجه لاتقولون مانعرف
تعرفون وش يلفت انتباههم وش يشدهم
بس يحتاج منكم لفترات طويلة وكفاح حتى تنتشلوهم

ممكن حتى تجي على نفسك وتقولي عادي تكلم بنات
بينهبل لوقلتي كذا

بينجن ليه ماتغارين علي
ردي عليه اذا ماحفت على مشاعري ليه اغار ؟

اجرحي وداوي
اجرحي وداوي

اسلوب الصراخ والمشاكل والله يابنات ماينفع معهم النتيجه
جوالات ماتدرون عنها
مكالمات في اوقات طلعاتهماوحتى بالعمل
موكل مرة زوجك بيكلم من جواله
ولاكل مرة بتصيدي رقم ثاني لهم طرقهم ومداخلهم
وابواب الشر لين انفتحت انفتحت صدقوني

مكالمتك للي يكلمهم بتفتح لك ابواب ليه تنزلين نفسك لوه قذرة ؟
ممكن حتى تجرحك بالكلام
ممكن عناد فيك تتقرب له اكثر
اثقلوا
اللي تبي تحافظ على بيتها وزوجها تثقل وتحكم عقلها وتقرب من الله
والله ماتندمون

بكرة يجيبها لبيتك ماتدرين
بكرة يسوي بلاوي مادرين
خلك نبيهه تابعي بحذر حتى تكوني عارفه بكل الامور
موتبقي على عماك
لين يدخل يابيده وحده متزوجها من علاقه
يامنومها في غرفتك وانتي عند اهلك مواعد بالعربي

لااتصالكم بالهيئة بينفعكم اما بيرميك ببيت اهلك بحجدة اتهمتيه وفضحتيه وشوهتي سمعته
والرجال لين حقد حقد
ولاطلعتكم لاهلكم بتنفع
ولاخناقك بينفع ممكن يطق بوجهك ويقولك خلاص هذا انا عاجبك هلا
ماعجبك طقي راسك بالجدار( وانتم اخبر ببعض هماجة الرجال وعنادهم وبجاحتهم)

اثقلوا وحلوا اموركم بذكاءكم وكيدكم اللي تبي فعلا تحافظ على زوجها وبيتها تتحمل وتصبر
حتى لوزوجك عاقل فيه بنات يبلونه في نفسه
ان زان الرجال مازانوا البنات
مايخلون احد بحاله والدليل روحي معه لاي سنتر وشوفي كيف يحلى في نظرهم لمايشوفوه مع زوجته وتبدا حركات الاستفزاز
حنا يابنات يامجروحات في زمن الفتن والشدائد كل يوم يمر نشوف اعظم
هل نخرب على انفسنا والانحل امورنا

انتي لما تطبخي طبخه ياترى بتطلع تمام لوعليتي النار عليها وطبختيها بدقايق ؟
ممكن تحترق ويروح تعبك وتخسري

والاتخليها تتسبك على نار هادية حتى لوميته من الجوع ؟
وتطلع زي الورد

العاقله بتفهم كلامي مضبوط الله يعلم اني ناصحه لكم ومتألمة لالامكم
موكل زوج ملتزم يخاف الله ويتقيه ويوم مايلاقي ان زوجته ماتكفيه بيتزوج ثانية
ولاكل زوج بيراعي مشاعر زوجته
ولاكل زوج يعشق زوجته ومابيهون عليه يظلمها
حرقة قلبي عليكم خلتني اكتب لكم اللي بخاطري
فهمتوني يابنات ؟

$الوجد$ · 21-12-2008, 01:12

مشكوره وجزاك الله خير
لكن انا اقول لكل زوج له علاقه مع اي بنت مهما كانت هذي العلاقه
يجي يوم من الايام ويجي رجال غيره ويسوي في زوجته نفس الي سوى في بنت الناس
حتى لو كانت مجرد مكالمات فقط
سلف ودين..............الله يكفينا الشر
لاحول ولاقوة الا بالله

مشكلتي اني صريح · 21-12-2008, 01:36

طيب الزوج اللي عنده هالمشاكل ماسنجر وجوال وعلاقات انترنت طبعا سوالف بس وزجته مو مقصرة معه ويشعر بالذنب وديه يترك الحاجات وش النصيحة له

بناتي حبايبي · 21-12-2008, 02:20

يعطيكي ربي العافيه على موضوعك الرئع

ودنيا دوره مثل ما يسوي به بنات اناس ويلعب عليهم

يجي يوم اللي يلعب على

اهـــــــــــــله

وساعتها يعرف انه الله حق

مشكوره حبيبتي

عذبني حبه · 21-12-2008, 03:08

صراحه كلامك منتهى العقل والحمكه

الله يحفظلك زوجك ويصونه

قصةمات كاتبها · 21-12-2008, 03:34

اشكركم ع المرور الرئع والاروع منه انتم اخوتي الاعزاء زي ماقلتو الدنيا دواره بس والله فيه رجال منحطين وزوجاتهم محافظات وحافظات للقراءنواللي يبغى يبطل حركات النت والماسنجر والسوالف يجزم ويعزم ع انه راح يبطل لان الشر لازم يتطور وماراح يقتصر ع ماسنجر بس ومدام زوجته مومقصره معه مافيه داعي يخش ماسنجر يخليها شات وسوالف بس وقدام عينها

الهواوية · 21-12-2008, 04:13

مرحبا انا عضوة جديدة واول شي لفت نظري موضوعك اختي قصة

الكلام حلو وجميل ومدروس بس المشكلة في التنفيذ وغير كذا المثل يقول النار ما تحرق ايلا رجل واطيها ان شاء الله ما

تكوني مريتي بتجربت الخيانة من الزوج وانا في نظري ان الوحدة ان عرفت او شافت خيانة زوجها خلاص كل شي يسود

في وجهها وما تعرف ايش تسوي يعني بالعربي تتعمى واذا حاولت تسوي زي ما تفضلتي اكيد بعدها بيجيها سكر أو ضغظ

لان الموضوع يبيلة صبر طووويل والرجل لما يشوف زوجتة ما عاد تغار علية أو انها مطنشة يبداء هو بالزيادة والضغظ(نفس

الرجال اطول من نفسنا)في العناد

على العموم موضوعك جدا جدا رائع أختكم الهواوية

لوعة الخاطر · 21-12-2008, 04:35

بس المشكله يا اخواني ان اذا هالزوج الخاين طلع معاها وزنا معاها تتوقعون ان الزوجه بتصبر اكييد لا والف لالالالالالالالالا
بعد مايطيح الفاس بالراس وتنقله مرض وينقله الى زوجته !! وهنا الطامه الكبرى !!
صحيح الصبر لابد منه في امور تحتاج الى صبر وعزيمه لكن بهالمواضيع فيها شيئ من الاستحاله يعني لو تزوجها بعد معرفته فيها بيكون اهون لكن اذا طلعت فاسقه وزنوا مع بعض وطلعت هالبنت قذره ومنحطه ومن رجل لرجل اظن ان الزوجه لازم تخاف على نفسها وزوجها بالعنه اهم شيئ صحتها لازم تخاف على نفسها وسمعتها قبل لايلوثها وتشيل العار طوووووووول حياتها
وتدفع ثمن صبرها وسكوتها وخوفها من كلمه طااااااااااااالق !!
لان الطلاق انقاذ لنفسها من الخيانه واثارها الي توصل لمرحله المرض والدمار والتعب وكل شيئ !!!!

قصةمات كاتبها · 22-12-2008, 03:22

اشكر كل من مر ع موضوعي وادلى بدلوه اختي ان شاء الله انه مايوصل لمرحله الزنا معها ولو حصل ان شاء الله انه يكون حريص في اختياره وتكون وحده نظيفه والله يستر واللي عنده دين وامانه ماراح يتهور

<جورجي> · 22-12-2008, 04:06

الله يحفظك

أنسة دلـــوعة · 22-12-2008, 04:52

مووضووعك مررررره رووعه
بس انا اختلف معك بنقطه انو تسكت عنه او تتغاضى لا صعب مرره بيحسها غبيه وبيزيد مغازل
انا ماحب اسلوب الصرااخ والعصبيه لانه بيقلب عليها بالاخير ويعاند وكأنها هي الغلطانه
كل وحده تعرف زووجها وكيف تتعامل معه فيه ناس ينفع معهم اسلووب النقاش وفيه ناس ينفع التلميح وفيه ناس ماينفع الا البهذله

يعني تختار الوقت المناسب للمناقشه لما يكوون الجو حلوو وهادي والرجال فرحان بزوجته ويسولف عليها احبك ومادري ايش ...تقووله بكل هدوء عن حركته الي سواها لو تحبني ليه سويت كذا !! تصدمة!!
تصدمــــــة بجد يعني سؤال غير متوقع عشان ماينسااه

والله ان ينحرج ولاعاد يعيدها بيدري انها بتنتبهله ويتأدب بيحس انه غلطان بيتفشل بشكل فضيع
اصلا ماله وجه يتكلم ولا يبرر لانها تكلمه بهدووء حتى لو صارخ تسكت مرده يرجع ويعتذر
بيحسبلها الف حساب من بعدها بيخاف منها بيحس انه لو وش سوى بنكشف وماراح يحط نفسه بهالموقف ثانيه
.
.
وفيه رجال يذبحهم انك تكونين عارفه ومسويه نفسك مو عارفه والله يشك بنفسه ويكره عمره
اذا كان زوجك رااعي حركات ودجه وجا موضووع عن المغاازل او الخياانه بس تجلس تبتسم وتنااضر فيه بيقول اكيد داريه...بيقول لا لو داريه ماراح تسكت بيشك بنفسه
وتسوولف معه وتقووله وهي تبتسم بخبث اكيد انت مو منهم وانا واثقه فيك ... وتشووفون رده فعله بعدها !!
بيرووح وجهه ويخفف حركات لانه بشك ان زوجته داريه
.
.
وفيه رجال بهذليهم لين يملوون اذا مره مغازلجي خربي جواله او مسحي ارقاامه طفشيه وكأنك ماسويتي شي!
اسرقي الماسنجر كل ماحط جديد حوسيه بيمــــل ويطفش بس اهم شي لايدري انه انتي وسوي نفسك غبيه ماتعرفين شي ابد
لاتقولي مسكين ومادري ايش يخرب الجوال ولا تخرب حيااتك
اذا استغرب الوضع قولي اكيد مسوي شي مغضب ربك ولا ليه كل هذا يصير معك ^_^
فيه رجال وقحين مايستحوون مايفيد شي معهم اما السكووت ماينفع يزيد والله ويستهين فيك
حلو الاستغباء بس بشي يفيدك مو على حساابك هذا زووجك لاتراقبينه بس حسسيه انك تدري وش يسوي حتى لو من ورااك حسسيه انه مايقدر يلعب بذيله بس احساس ماينفع كلام صريح بيقلب ضدك
اهم شي اذا عرفتي عنه اي شي لاتعلمينه مصدر المعلوومة عشان مايقطعه عنك ......
هذي وجهه نظري من المووضووع وقبل كل شي الدعاااء اكيد

قصةمات كاتبها · 24-01-2009, 13:27

مشكورييييييييييييييييييييييين ع الردود وربي يبعد عنا الخيانه

النبراس123 · 24-01-2009, 13:54

اشكرك على موضوعك الحكيم
بصراحه لما قريت موضوعك وحكمتك انصدمت لاني غاسل يدي من امرئه تفكر مثلك بعقلهل ليس بعواطفها وقلت في نفسي لسا الدنيا بخير لان في حريم يفكرون بحكمه زيك
ويعطيك الف عافيه كلامك كله صحيح
لو كل الحريم يطبقونه كان مافي مشاكل زوجيه وياليت زوجتي تدخل على موضوعك لكي تتعلم
وننتضر المزيد من مواضيعك المفيده

مشتاقه لضناها · 24-01-2009, 13:57

مشكورة موضوع روعــــــــــــــــــــة جزيتي خيرا

zema8 · 24-01-2009, 14:05

مقال جيد

فهل من مطبق لاسلوبك

تحياتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

زوجك يغازل...خانك......معه بنات في الماسنجر تعالي عندي الحل