عالم الحياة الزوجية - منتدى

بندوره حمرا · 21-12-2008, 14:12

السلام عليكم ورحمة الله وبركاته

كيفكم وشخباركم

انا عمري 18 سنه كنت حامل بخمس شهور واجهضت قبل اسبوعين وقالو لي يظهر ان عنق الرحم مرتخي عندك ..يعني مو اكيد,, وعلى الحمل الجاي لازم ربط بعد ما اخلص ثلاث شهور انا خااااااااااااااااااااااااايفه مره يقول الدكتور تبعي ان الربط عباره عن غرزه في عنق الرحم ويبي لي ما اتحرك كثير طول فتره الربط

سوالي

هل في الام فترة الربط
هل اقدر اتحرك يعني اقلها الطلعه والنزله من الدرج والطبخ وتنظيف بيتي وانا من النوع الي ما اعرف اجلس يوم كيف كم شهر
وهو قال يظهر ان عندك اارتخاء يعني مو شي اكيد اقدر اطنش ما اربط ولا لازم اربط خايفه اطنش وينزل النونو واتعب زي المره الي فاتت لاني عن جد انهرت لان ولدي كان واضح جدا وكبير وطلع شبهي مره فتقطع قلبي عليه وخايفه اربط وانا مايحتاج اربط اصلا ((ع فكره انا اهملت نفسي بالحمل الي فات مره يعني سبحت وسقت سياره بالبر كثير ولعبت وطلعت ونزلت ومارست اوضاع جنسيه متعبه ماتنفع للحوامل ودخنت وشيشت كم مره لعب بس مع زوجي فانا اقول يمكن السبب من اهمالي ولا شرايكم))

الله يسعدكم ردوا علي وربي مره خايفه احمل مره ثانيه عشان هالموضوع

النوخذة عبدالله · 21-12-2008, 14:32

ننتظر الاجابات

/أمل عمري/ · 21-12-2008, 16:51

اختي انا ماجربت.بس اسمع من صاحباتي اللي جربوا انه عادي وان شاء الله مافيه الم.....

انا صحباتي 2 مايحملوا الا بربط وماشاء الله عندهم اطفال.......

اعتقد ترتاحي اسبوعين وطبعا بعدها لازم تنتبهي ع نفسك ماتشيلي ثقيل

لاتخافي وتوكلي ع الله.....وربي يتمملك ع خير......

ويرزقنا الذرية الصالحة

@سنووايت@ · 21-12-2008, 22:22

متابعه للاستفاده

بندوره حمرا · 23-12-2008, 00:35

مشكورين بس انا اقول يمكن مايحتاج ربط ولا شرايكممممممم

a woman · 23-12-2008, 03:27

مرحبا أختي بندورة حمراااا

انا مسوية ربط مرتين والحين حامل ومسويته للمرة الثالثة

لأني نفس الشيء اجهضت كم مرة والجنين كان كبير

كلام دكتورك صحيح لأن الحامل اذا سقطت بعد الثلاث شهور الأولى

فأحتمال يكون السبب ضعف في عنق الرحم وتحتاج الى عملية ربط

وطبعا هذا مو أكيد لأن ممكن يكون في اسباب ثانية منها حدوث تجلطات بالمشيمة

مما يمنع وصول الدم للجنين وبالتالي وفاته وهذا يحتاج تسوين تحليل للدم وان شاء الله

مايكون هو سبب الأسقاط ويكون السبب فقط عنق الرحم

بالنسبة للعملية هي مو متعبة جدا تجلسين يوم واحد في المستشفى بعدها

تطلعين للبيت وتحتاجين راحة اسبوع أو اسبوعين لكن مهم تكون حركتك خفيفة

وماتطلعين كثير او تبذلين مجهود يعني لا راحة تامة ولا جهد زايد

واذا تبين نصيحتي سوي العملية لأنك اكيد مو مستعده تخاطرين بالحمل الجاي وتعيشين معاناة الأجهاض مرة ثانية

وخليكي حذرة لأن هذي روح انتي مسئولة عنها وما اعتقد ان الدخان او الأمور الثانية

تستاهل انك تضحين بجنينك عشانها فخليكي قد المسئولية..

والله يوفقك ويكتب لك الخيرة من امرك ويرزقك الذرية الصالحة..

بندوره حمرا · 23-12-2008, 12:44

اقتباس:

المشاركة الأصلية كتبت بواسطة a woman

مرحبا أختي بندورة حمراااا
انا مسوية ربط مرتين والحين حامل ومسويته للمرة الثالثة
لأني نفس الشيء اجهضت كم مرة والجنين كان كبير
كلام دكتورك صحيح لأن الحامل اذا سقطت بعد الثلاث شهور الأولى
فأحتمال يكون السبب ضعف في عنق الرحم وتحتاج الى عملية ربط
وطبعا هذا مو أكيد لأن ممكن يكون في اسباب ثانية منها حدوث تجلطات بالمشيمة
مما يمنع وصول الدم للجنين وبالتالي وفاته وهذا يحتاج تسوين تحليل للدم وان شاء الله
مايكون هو سبب الأسقاط ويكون السبب فقط عنق الرحم
بالنسبة للعملية هي مو متعبة جدا تجلسين يوم واحد في المستشفى بعدها
تطلعين للبيت وتحتاجين راحة اسبوع أو اسبوعين لكن مهم تكون حركتك خفيفة
وماتطلعين كثير او تبذلين مجهود يعني لا راحة تامة ولا جهد زايد
واذا تبين نصيحتي سوي العملية لأنك اكيد مو مستعده تخاطرين بالحمل الجاي وتعيشين معاناة الأجهاض مرة ثانية
وخليكي حذرة لأن هذي روح انتي مسئولة عنها وما اعتقد ان الدخان او الأمور الثانية
تستاهل انك تضحين بجنينك عشانها فخليكي قد المسئولية..
والله يوفقك ويكتب لك الخيرة من امرك ويرزقك الذرية الصالحة..

هلا حبيبتي لا انا لما دخلت المستشفى كان عندي الم شديد في بطني وظهري ومو قادره اتحرك ورحت طلع الجنين سليم ميه بالميه وسوت لي كشف داخلي طلع الرحم مفتوح عندي وقالت حالة اجهاض قبل مايموت الجنين وظليت اتالم لين حسيت بدفع دفعت طلعت كل المويات الي حول الجنين طبعا الكلام هذا الفجر وظل الجنين حي بدون مويات الى العصر بعدين مات وعطوني طلق ونزلته ... يعني في الاصل قالو اجهاض وهو مو ميت قلت لهم يسوو لي ربط قالو ماينفع يعني ما اعتقد الموضوع له علاقه بتجلطات المشيمه ولو سمحتي يلقلبي اذا مافيها احراج انا في التوقيع عندي مكتوب راسلني هنا ياليت تراسليني لاني ابي اسالك عن اشيا واجد واذا فيها احراج خلاص مو مشكله

طيـــــــــــرك · 27-12-2008, 06:29

مرحبا اختى انا عندي رحم ذو قرنين ...........

كل عيالي اسوي ربط الربط ابدا ما يخوف عمليه بسيطه تتخدرين فيها

مطلوب منك الراحه ثم الراحه بكل معانيها...........

لا مشي كثير لاركب سيارة كثير لا وقفه كثير ريحي نفسك

يسوونها في الاسبوع 14 من الحمل يعني اخر الثالث...........

بعد ما تخلصين انشاء الله الثامن يفكونه لك بشكل جدا بسيط كنه كشف من تحت ولاكن بغرفه العليات لانهم يخافون يصير ولادة

طبعا الفك بدون بنج ما يحتاج كنه كشف عادي

شوفي حبيبتي لازم تكونين حذرة طول فترة الحمل يعني يكون عندك زوجك متواجد باي لحظه لانك تخافين تجيك الولادة

او اجهاض او مضاعفات لاسمح الله

ما تتاخرين عن المسشفى لان الرحم مربوط ينخاف عليه اذا جاء الطلق ولا انفتح

توكلي على الله لازم الربط لا تجربين بضناك

الله يا رب يعوضك

يا رب ويجبر حزنك وخاطرك ويفرحك

بندوره حمرا · 28-12-2008, 02:33

طيرك

الف الف شكر والله يعين ان شاء الله

احاسيس هبله · 25-07-2009, 17:25

انا جربت الربط بسيط مثل ما قالتلك الأخت

توكلي على الله وياريت تاخذين مثبتات للحمل

وموفقه يا الغلا

لمراة الوحيدة · 25-07-2009, 21:39

مساء الخير اختي انا بصراحة اجهضت مرتين قبل حملي وسويت ربط وهو بسيط جدا ولا تحاتي بس انا كنت على طول ما اسوي شيئ وببداية التاسع فكته الدكتورة وكملت الحمل عادي وولدت طبيعي والحمدللة وفي الحمل اللي بعده قالت الدكتورة خلاص ما احتاج ربط اتمنى لك العافية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

من جربت الربط بالحمل بلييييييييييز تدخل..