عالم الحياة الزوجية - منتدى

زوجي حياتي-احبك · 22-12-2008, 09:07

السلام عليكم ورحمه الله وبركاته
انا ملكت لي شهرين وماعدى على زواجي اسبوعين الا توفى اخوه وصار هو شايل البيت واحسه مره اتخربط حياتو

المهم انا صرت اضايق منه بعد الملكه كثير مع اني كنت احبه وهو يحبني رغم كل المشاكل الي صارت وقت خطبتنا الا اننا اتمسكنا في بعض بس احس انه تغير بعد الملكه كثير وتتطلع منه تصرفات تنرفزني واكره فيها مع اني احبوا واموت عليه
ومنها:
اول مره جاني فيها بعد الملكه ماقال لاهلو وهما من النوع الي مايخلوا اخوهم في حالوا يسالوا كل شوي فينك وهو يكذب عليهم
غير كذا في كل مره يجي الجوال مايبطل يدق واحس انه مالو داعي انه يجي عندي
واول مره خرجت فيها معاه كان مع اهلو وجاني ممل من الجلسه وهوحتى مافكر يقولي تعالي نمشي مع بعض يستحي قدام اهلو
وثاني مره اخرج فيها معاه السوق مااخذت راحتي معاه لان اهلوا يدقوا كل شوي وشوي معرف مين لدرجه مني قادره امشي في السوق او اشوف شيء وغير كذا هو مره مايحب السوق وانا احب اذا طفشت اني اروح السوق اتمشى فيه مو شرط اشتري بس المهم افك عن نفسي وهوعارف ذا الشيء من قبل ومارجعني من السوق غير وهو طول الطريق جالس يهزي فيا عشان مااكلت وعشان غطوتي وعشانو طرطور بس ماشيء وراي جلست افهمه انه الواحد قبل الزواج مع اهلو غير ومع زوجته غير بس مافي امل يفهم وانا ماحب اطلع السوق لوحدي احب زوجي يكون معايا
يضايقني اني حتى لما يزعلني مايفكر يتاسف زي قبل واذا مثل غلط انا اجي اتاسف بس جى يوم واضارب فيه معاه وقالي انا مو طفل عندك كل شوي تتجي تتاسفي صدمني وامشيها له لاني احبوا ومابغى اخسره
صار يضايقني بعد الملكه اكثر وكان يقولي خلاص انتي زوجتي عصب عنك ماتقدر تسوي شيء وراح ترضي لاي شيء اقوله

هو شخص حنون وطيب ويخاف علي كثير ويهتم فيا وانا مقدر اتركه لانه حياتي واحن علي من اهلي بس اتعجب من تصرفاته ونفسي اعرف كيف اغيره

وانا الان مقدر اكلمه رغم انه يتصل ويسال عني بس مضايقه منه مره ويضايقني اسلوبه
ممكن تنصحوني

شرقاوية دلع · 22-12-2008, 10:37

اختي اول شي مبرووووك الملكة

ثاني شي انتي الحين زوجته يعني لازم تكونين معاه على الحلوة والمرة
ووفاة اخوه امر ما في امر منه يعني لازم تراعينه وتواسينه وتراعينه

الله يكتب لكم كل خير ويسهل اموركم

كادية الكويت · 22-12-2008, 11:40

الله يهديج حبيبتي انا مقدره نفسيتك
بس احسك عصبيه شوي يعني افهمي وقدري ظروف زوجك الحياة اخذ وعطى
وبالتوفيق

زوجي حياتي-احبك · 22-12-2008, 16:09

تسلموو اخواتي على مروركم

بس راح احاول اصبر عليه بس صعب علي اني في كل مره اتنازل واتركه يهزني كل شوي مقدر اتحملها غير كذا انه مايقبل انه يهتذر اذا ضايقني يستنى مني انا الي اكلمه عشان كذا تركته نفسي بس يحس شوي اهلي دايما يهزوني لانهم حاسين اني راميه نفسي عليه ويبغوني اثقل واتركه ومااخليه كل ماقال شيء اقول طيب خاصه احنا في فتره ملكه ماصرت في بيته عشان يحاول يتحكم في كل شيء

النبراس123 · 22-12-2008, 17:26

ممكن وفات اخوه مأثره على نفسيته

فكي عنه شوي الى مايسترجع مشاعره

واذا هزئك سكتي وقوليله الله يسامحك

وبتشوفينه شوي شوي يستعدل

والله يوفقكم

انتبه لكلامي · 22-12-2008, 18:44

الصبر عليه وصدقيني راح يتغيير كل شي واكيد وفاة اخوه مأثره فيه ،،،
حاولي تتقربين منه اكثر وجلسه مصارحه بعيد عن اهلك وأهله عشان ما تخسرو بعض لا سمح الله
كوني له الأم والأخت وكل شي والله يوفقك انتي وياه ...

عقبالي انشاءالله
وجميع افراد كوكب العزوبية

شهلا · 22-12-2008, 18:45

عزيزتي . ..
شي طبيعي يتغير ... وفاة اخوه لخبطت عنده امور كثيره ..
ولازم يرتب اوراقه من جديد ..
انتي حاولي تراعي هالشي ...

اما بخصوص اهله .. انا انصحك ما تتدخلين بينهم .. بكيقهم يدقون عليه يسالونه بكيفهم طالما هو ما اشتكى .. لانك مهما قلتي ماراح يتقبل منك شي لانهم اهله ... وهو متعود على كذا ..

اما بخصوص تلفونه .. انتي اذا جا عندك .. تدلعي عليه شوي .. وقولي له انك تحبين يكون لك لحالك .. وان محد يسمع صوته غيرك .. وانك تبين تاخذين راحتك معه ... من هالكلام .. ترى الرجل مثل الطفل كم كلمه تفر عقله ...

بخصوص الاعتذار .. يمكن طبيعته كذا .. انتي لما يغلط عليك .. لا تدققين ... وطنشيه .. وتكلمي معه برسميه وقولي له لو انك شخص ثاني كان ما اهتميت له لانه غلط علي ولا اعتذر لكن انت غير .. وقتها بيفهما من نفسه وبيستحي ..

اما بخصوص السوق ..
عزيزتي كل الرجال كذا ما احد يحب يدور في السوق .. مع الحريم .. ابد ابد ..
فانتي بهالنقطه لازم تتنازلين عشان حياتك تمر ..

عزيزتي ..
خليك ثقيله .. حتى لو كنتي تحبينه بلاش انك تبينين لها هالشي بشكل ملاحظ ..
خلي اهتمامك فيه عادي .. وسؤالك عنه بشكل عادي .. ولا تدققين على كل شي لانه في وضع استعداد للانفجار هههههههه بسبب الضغط ...

وصدقيني هذي كلها مشاكل بسيطه بالنسبه لمشاكل الزواج ..

لا تنسين الاستغفار والله بيحل امور كثيرة ..
الله يصلح لك الحال ..

شكولاتــــه · 22-12-2008, 18:51

مرحبااا
لازم اطولين بالج يا قلبي وترى الزواج مو عسل على عسل طوول الوقت

بالذات اول فتره بتصير كثير مشادات وانتقادات

بس شوي شوي كل واحد بيفهم الثاني ويقدر

بالعشررره وبطولت البال والصبر

ولا يضيق صدرج .........موفقه يارب

زوجي حياتي-احبك · 23-12-2008, 04:10

مشكوووورررررره اخواتي واخواني على نصايحكم لي

بحاول اصبر عليه وعلى اهله وخاصه اخواته مهم هينين وهذا الي خايفه منه يخرب علي حياتي خاصه انه اول وعدني قبل مايتوفى اخوه انه يبعدني عنهم اكبر مايكون لكن في الوضع الحالي حاسه نفسي مقيده ومقدر الا اقبل اني اكون جبنيهم بس انا معرف كيف اتعامل معاهم لان اخواتوا عمالولي مشاكل قبل الملكه كانت راح توصل اني اتركه قبل العقد بيوم اذا منكم المتزوج افيدوني بخبرتكم لان للاسف ماعندي اخوات انا اكبر وحده وامي للاسف بدل ماتنصحني صح تخلني اخرب بيتي اكثر عشان كذا للاسف ماحب اسمع لها لان اخاف اخرب زوجي وهيا لسى مابدت

بس للاسف انا الي الان نفسي ادق عليه واسال عنه بس قلت دامه مادق بلاش ادق ولا ايش رايكم انتم اخاف كثر الثقل يكرهوا فيني وهو متعود اذا زعلني انا الي ادق هو مايدق عطوني حل بليز

وتسلمووووووووووووووووووو ويعطكيم الف عافيه

zema8 · 23-12-2008, 13:51

طالما ان هناك تفاهم بينكم

ويجب ان يكون هناك تفاهم بينكم

فاعتبري ما يمر الان سحابة صيف

واستعدي لبناء حياتك بشخصيتك انت

وابتعدي تماما عن مهاترات اهل الزوج

وفقك الله

زوجي حياتي-احبك · 23-12-2008, 15:52

تسلمي زيماك على مرورك بس سوري مافهمت ايش يعني مهاترات

غير كذا تنصحوني ادق عليه اول بس اتكلم عادي كانه ماضايقني ككلمته ببرود وقفل في وجهي والي الان مادق وقول في نفسي ادق اسال قلبي مو مطاوعني ماتحمل اني اقسى ليت قلبي يقدر يقسى ويطنش محتاره ايش راي الي سبقوني في تجاربهم ليتكم تفيدوني

وشكرا على مرور الجميع

мόόη Ļίģħт · 23-12-2008, 16:05

طيب حطي حالك بمحله

هل كل تصرفاتك سليمه معاه ....
هل في يوم من الايام ماضايقتيه بتصرف او كلمة حتى بدون قصد

انتوا بمرحلة تعارف والاخطاء هذي واردة

اللي علينا كيف نتكيف معها ..ووشلون نتعامل مع كل موقف

حياتك مع زوجك غير حياتك قبل .. محتاجه الحين للصبر والحلم حتى تمشي المركبه بـ سلام

افرضي احترامكـ باسلوبك الطيب .. وافرضي حبكـ بابتسامتك وطولة بالكـ

الحياة الزوجيه اخذ وعطاء وتضحيه
مافيها مجال لكلمة اتنازل ..و كرامتي ماتسمح ......
الا بالامور الكبيرة وبكل وقت

على قد ماتعطين على قد ماتاخذين

والله يوفقك يارب

زوجي حياتي-احبك · 23-12-2008, 18:03

تسلملي اختي عروسه جديده نصيحتك وعلى مرورك الكريم

وعسى ربي يقوني ويصبرني واقدر اسعده وراح اتنازل عشان تمشي المركبه ماتوقف وشكرا

لسعة شقآوه بدلع · 23-12-2008, 18:36

بالتووووووووفييييييق يالغلا

فارسhgljuf · 24-12-2008, 04:11

رااااح يتغير بعد الزوااااج أنشالله طولي بااااالك عليه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لي شهرين مملكه بس للاسف دايما اتخانق مع زوجي