عالم الحياة الزوجية - منتدى

ياناس ابيها · 23-12-2008, 16:59

السلام عليكم ورحمة الله وبركاته ...

اولا انا شاب ..

ترددت كثيرا في طرح مشكلتي ...

لكن خلاص انفجرت ..دموعي ماتوقف ...حزني وتعاستي صارت عنوان أيامي ...

الوحدة و العزلة رفيقتاي دوما ..

لم أعد أطيق أحدا .. الابتسامة اختفت .. الضحكة تلاشت .. السعادة انحذفت من قاموس حياتي ..

فقط أريدها أريدها أريدها ياناااااااااااس ..

بداية ارجوكم لحد يحكم علي الا بعد مايقرأ هذا الموضوع من أوله وآخره ...

بسم الله الرحمن الرحيم ..

كنت انا وهي في منتدى ..وهذا المنتدى إسلامي محافظ ...

وإيميلها كان مخفي .. لكن في يوم من الأيام حصل عطل في المنتدى وظهرت ايميلات الاعضاء جميعهم ..

وهي ذو فكر راسخ وعقل ناضج ..

فاظطريت وقتها لأخذ إيميلها لأستفسارها عن رد كانت تكتبه في مواضيعي ... فقط كانت نيتي الاستفسار ..

واستمريت الايام وتواصلنا على الانترنت .. طبعا أنا كنت عاصي + اسمع اغاني + وكان تسجيلي للمنتدى الإسلامي فقط لإرضاء صديقي ..

واستمرت الايام وتواصلنا مع بعض .. وبدأنا نتعلق في بعض ... اعترفلكم بأن نيتي كانت سيئة تجاهها ..

وتواصلنا لعدة شهووووور ... وانتقلنا لمرحلة الجوال وهي أول مرة تكلم شاب .. وهي جدا متدينة

.. وتكلمنا .. ولم أرى صورتها الى الآن ..وتعلقنا في بعض اكثر حينما تكلمنا بالجوال ..

والله والله ياناس ماهمني شكلها ... أبيها هي انسانة طيبية حنونة ..

والله ... أبي هالقلب الطيب أبي احساسها الجميل ..

المهم

استمرينا بالجوال شهرين ...وبعدين بفضل الله ثم هي ... تركت الاغاني ..تركت المعاصي ...تركت اصدقاء السوء ... والله غيرت في حياتي اشياء كثيـــــــــــــــــــــــــــــــــــــرة ...واصبحت متدين

ماشاء الله عليها انسانة طيبة حنونة مثقفة طفولية ..رائعة رائعة ..

وبعد ان تدينت ... ( طبعا كنت غافلا عن حكم مهاتفة الفتيات بإختصار كنت غافلا عن امور ديني )

وبعد التدين قررت أن أصلح خطأي ..وأذهب أطرق باب بيتها ...فكرة الزواج .. لكن الغلط ..

واكبر غلطة في حياتي ارتكبتها ...

اني صلحت الخطأ بخطأ .. فقد اصبحت متشددا في الدين .. تعرفوا بداية التدين .. وماكانت عارف اني ماشي على طريق خطأ ..

المهم ..لما اشتد تديني وهذا غلط ...

قلت خلاص خليني اتركها ربي حيعوضني بأحسن منها ... ( لكن شدة تديني خلتني اتجاهل مشاعر الفتاة واحساسيسها )

وجا شهر .. وهذا الشهر كان كله تخطيط لزواجنا .. وهل اهلها حيقبلوني وو وو والراتب والوظيفة والسكن ..

وجدنا توافق الحمدلله ..واللي أثبتلي حبها وطيبتها ...

قالتلي .. / أنا ماهمني حتى لو نسكن في غرفة وحدة أهم شي نكون سوى ..

لكن

جا اليوم الصعب ..وقلتلها خلاص الله يرزقك بولد الحلال ...

وانا ياناس قعدت معاها شهور ...وخططنا لشهر لأمور الزواج وكيف نفاتح الأهل بالموضوع ..ووو

لحظة بس قررت ونفذت هذا القرار .. وكان السبب شدة تديني ... وشدة تديني سببلي مشاكل مع الناس ..

انعزلت عنهم .. ماصرت ابتسم ..مفرط في السنن والصلوات ..مفرط في كل شي باختصار...

وهذا وصلني لفراقها ...وانا والله ياناس اعيد واكرر ماشفتها ابد ..والله يكفي طيبتها وحنانها واحساسها ..

وقلبي متعلق بها وينبض باسمها كل يوم ..

المهم فارقتها في رجب ...

وبعدها خلاص حسيت قلبي حجر ..حسيت ان الدنيا انقلبت .. كيف سبت بنت الحلال .. بعد ما اصلحتني ووجهتني لطريق الهداية بفضل الله ثم بفضلها ...

كيف اضيعها كيف اسيبها تروح من يدي ..

المهم ومن بعدها جاتني هاذي الحالة .. وكل يوم احلم فيها .. وكل يوم افكر فيها لساعاااااااااات ...

ياناس اقلكم الكلام من قلبي وعيوني تدمع ...

ماشفت في حياتي مثلها اهتمت فيا اهتمام اكثر من أي شخص ...تبغى مصلحتي تبغى نجاحي تبغاني استرها ...

والله ماهمها كيف شكلي كيف وزني ...كل اللي تبغاه حياتي والجنة ..

المهم جا شهر شعبان ..وبرضو نفس الحالة ..حزين كئيب وكل يوم ادعي واقول يارب رجعلي هي واجعلها من نصيبي

وجا رمضان .. وانا استمر وادعي .. وكل يوم في حزن ..

حسيت اني فقدت جزء من حياتي ...

وجا العيد ... ياناس ماذقت طعم الفرحة والسعادة في العيد ...كلها افكر افكر افكر متى تتصل ... هل اتصل عليها .. .ايش اسوي ... ايش مسوية دحين ... كيف حالها دحين ...

كل ايام العيد حزن ...

وعدى شوال على هذا الحال

وجا شهر ذو القعدة ونفس الحال...

ماني قادر انساها ..حاسس انها بتفكر فيا حاسس انها تبغى تتصل حاسس انها متضايقة حاسس انها جمبي ..

كل يوم اجلس لحالي واتخيل نفسي اكلمها ...

وهي ياناس تحسب اني سبتها من جد ... لكن ماهي عارفة اني انشديت في الدين ..وتجاهلت مشاعرها ..

انا غلطان والف غلطان .. تصدقوا خلاص ماني قادر اتحمل خمسة شهور وانا على ذا الحال

فأنا جيتكم وكلي جزن وأسى ودموع منهارة ..وانا مجنون بيها مجنون بيها يانااااااااااس

ماذا أفعل. .؟؟؟

ماني قادر اتخيل نفسي مع غيرها والله مستحيــــــــــــــــل ..بعد فراقها كرهت كل البنات ..

يعني ماني متصور نفسي مع وحدة غيرها. .مستحيل احد يقنعني بأي بنت غيرها ..

وهي نفس الحال ياناس سبق وقالتلي مستحيل اخذ غيرك ..وجوها خطاب ورفضتهم ..

ياناس خمسة شهور على ذا الحال ... ايش اسوي هل أحاول أرجعلها .؟

هي تحسبني اني تركتها عشان ما ابغاها

ماهي عارفة اني تركتها عشان كنت متدين بزيادة..
فإيش اسوي انا مستعد ادفع مليار ريال مهر عشانها ..

والله مستحيل الاقي زيها ..

ياناس ارجو انكم تفهموني .. ولا تحلو مشكلتي بالطريقة الاعتيادية اللي هي ( حب وهمي .. وحتنساها بعدين ..وحتنساك هي .. ياناس انا اعرفها اكثر من اهلها ..والله ياناس وصلنا لمراحل جدا متقدمة في علاقتنا ...وانا أدرى بعلاقتنا

فأتمنى عدم وضع الاجوبة الاعتيادية ..وياريت تناقشوني وتنصحوني بإيجابية ..

وفي النهاية .. انا فعلا غلطت وهي صححتلي غلطي .. وخلتني اتدين .. لكن تصحيحها لحياتي انا استخدمته بسلبية وتركتها

وجاتني حالات نفسية كثييييرة من بعد فراقها والكل لاحظ عليا ..

واخيرا .. انا ياناس متدين متوكل على الله ادعو الله ان يجعلها من نصيبي .وثقتي بالله كبيرة ..

وانا حاليا عرفت جميع اخطائي ..لكن ابغى الخطوة المناسبة لمشكلتي ..

:

واعذروني ياجماعة الخير ..كلامي جدااااااا ملخبط ..والله دا كلام قلبي .. اللي من قلبي خرجتوا لكم ..

فالمعذرة والسموحة الله يسعدكم ..

وحياكم الله وبياكم وسدد الله خطاي وخطاكم

Rawwaf · 23-12-2008, 17:04

ما شاء الله عليك

أنبير الإلتزام عندك ضارب مره

يوم كنت صايع.. ثم اليوم الثاني متشدد.
ما تجي يا حبيبي
!!!!!!!!!!!!!!!!!!!!!!!!

والله يا أخوي ودي أفيدك بس معليش .. ما تمشي براسي الأساطير والأحلام الخياليه.

أعتذر لك.

يمكن الأعضاء ما يقصرون معك..بعضهم يحب الأساطير

ربي يسعدك

حرم خاالد · 23-12-2008, 17:12

هلا اخوي

شف شي جميل ورائع جدا ما قريته عن طريقة تفكيرك

والمهم طبعاً طريقة التفكير والحل جاي ان شاء الله

بصراحة شدني موضوعك

اخي هذي هي اليد الرحيمة اللي انارت لك الطريق

وسبحان الله قد تكون هي السبب في هدايتك

لا تهدي من احببت ولكن الله يهدي من يشاء

انصحك نصيحه لوجه الله اقابل فيها وجه كريم

رح بيت اهلها وطلبها رسمياً وطلب شوفتها الشرعية

وصدقني دام انك قلت ما يهمك شكلها

اذا انت الكسبان لانك كسبت زوجه صالحة مربية لاجيال المستقبل

توكل ع الله

ودامك متاكد من صدق مشاعرك توكل توكل توكل على الله

واي شي تبغاه احنا جاهزين

ربنا بوفقك

moshtk · 23-12-2008, 17:18

احس فية تضارب في القصة مرة ................ لذلك لاتعليق

وعزاااااه · 23-12-2008, 17:26

ياخوووووووووووووووي انت ليش معقد السالفة صراحة انت الي جايب البلا لنفسك دامك لهدرجت تحبها دق عليها وقولها انا ناوي اطلب ايدك وبررلها فترة انقطاعك بانك كنت حاب تتاكد اذا كانت مشاعرك حب ولابس تعلق وانك خلاص تاكدت وماتقدر تستغني عنها واللة راح تستانس من هالاكلام .............. وثانيا: خلعنك التشدد الي بيوديك ورا الشمس وخل قاعدك احافظ على صلاتي وطاعتي وبنفس الوقت اعيييييييييييييييييييش دنيتي وستانس بس بعيد عن الحرام.... موفق

ثلوج الصيف · 23-12-2008, 17:33

وين المشكلة

اتقدم لاهلها بدون ماترجع تكلمها

ادخل البيت من الباب مثل ما اي شاب محترم يسوي

واذا هي من نصيبك راح تكون لك

ماني شايفة اي مشكلة في الموضوع

اتقدم لها بطريقة مباشرة وبس

أبو لجين · 23-12-2008, 17:49

أنا يا عزيزي خبير منتديات .. وكان لي موقع يقدم خدمة الدعم الفني للمواقع .. والمنتديات خصوصاً ..
وأشرفت على مواقع عربية كبيرة ومشهورة ..

اقتباس:

كنت انا وهي في منتدى ..وهذا المنتدى إسلامي محافظ ...
وإيميلها كان مخفي .. لكن في يوم من الأيام حصل عطل في المنتدى وظهرت ايميلات الاعضاء جميعهم ..

هذا أول سطر من موضوعك ما دخل راسي ( ولا تواخذني ) ..
لأن مافيه عطل فني ممكن يكشف إيميلات الأعضاء ..

إلا بحالة وحدة وهي سرقة قاعدة البيانات .. وفك الشفرة وأخذ الايميلات والباسووردات ..
وهذه هي الطريقة الوحيدة لمعرفة إيميل العضو بدون ما تكون ( أدمن ) ..

فما فيه مجال نهائياً تقنعني بأن فيه خلل فني ممكن يكشف إيميلات الأعضاء ..
هذا غير إن القصة كلها على بعضها .. ما دخلت راسي ..

وصدقني سالفتك ما يقبلونها ولا حتى mbc3 ..

روح طفلهـ · 23-12-2008, 17:58

انت رجل مو بنت تستنى تجي وتخطبهااا

مدام انت صاادق بمشاعرك وحبك روح واتقدم لها واخطبها...

وادعي ربك يسهلك عليك ولو في خيرها بتكوون من نصيبك...

/

وبالتوفيقــ،،،،

ايوتا · 23-12-2008, 18:24

لا تعليق على موضوعك
الله يهديك

روآآبي · 23-12-2008, 23:07

اخوي
انت معقدها حبتين ... بما انك كنت متواصل معها .. وتعرف طريقها
فليه التردد !! والحيرة
اسخير وتوكل على الله واخطبها ..من بيت اهلها
واذا لكم خير مع بعضكم .. ربي بييسر اموركم

استاذ الحب · 24-12-2008, 01:27

البدايه استفسار وتواصل علي النت لشهور وبعدين جوال لمدة شهرين >>كل هالامور والبنت متدينه !!!
واضح البنت متدينه لا تفوتك البنت>> ياحليلكم ,,,
ممكن تنورنا طال عمرك طالما إنت متدين وهي متدينه وتفهمونا هل الالتزام الديني يكون بالسوالف والحكاوي
خارج إطار الزواج ؟
إذا إنت إعتبرت نفسك والبنت متدينيين فالله تعالي يكملك بعقلك ,,,

*سحر الشرق* · 24-12-2008, 01:52

اصلا أين المشكلة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
طيب
تزوجها ان كانت قصتك حقيقية

ANGEL EYESs · 24-12-2008, 01:58

متابع

همس طفله · 24-12-2008, 12:38

اخوي ابو لجين معاك حق بكل اللي قلته وانا مع وجهة نظرك

وعلى فكره ماعمري سمعت بعطل يطلع الايميلات

الله يعين بس

مجنووون ريومه وبس !! · 24-12-2008, 13:22

متــــــــــــابع وحاط رجل ع رجل ( ويشرب كوب شاهي بس ياخوســــارة السكر ناقص شويه ... الله يعيننا ع القومه من جديد ) هههههههههه
لاتعـــــــــــليق .... الأخوان كفو ووفوا
بــــــــــرب

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

الله يخليكم ابوس راسكم .. انقذوووني أنا محتاجكم الله يجزاكم خير