عالم الحياة الزوجية - منتدى

زوجه مشاغبه · 29-05-2005, 00:01

انا اعاني من حبوب وبقع لبقايه الحبوب
ومشكلتي بدت بالحبوب على وجهي
عندما فكرت بازاله الشعر من على وجهي بالخيط وكل ما اسوي هذه الطريقه
فالحبوب يملا وجهي . وحاولت بعكثير من العلاجات فلم اتغلب عليه
فارجوو ان اجد عندكم الحل الذي يحل مشكلتي
واشكر لكم تعاونكم

°°»Najla«°° · 29-05-2005, 04:56

كريم لازالة البقع والبثور---

جلسرين سائل من الصيدلية ويضاف له الليمون تخلطينهم نفس المقدار وتحطينه حتى لو على كل الجسم ترى رهيب
وللوجه المشرق : تقشير طبيعي ماسك روب تخلينه ربع ساعه وبعدين تفركينه وتغلسلينه ماء بارد ورطبي باي كريم مرطب

واذا مانفع روحي لااستشارة جلديه اكيد راح تحل مشكلتك

زوجه مشاغبه · 29-05-2005, 17:51

مشكووره اختي ليدي على الوصفات بس يا الغاليه
ما دامت بشرتي حساسه ما تتحمل الخيط ماهي الطريقه التي اعمل بها بعد الانتهاء من الخيط حتى لا تظهر لي حبووب
واما عن الاستشاري فانا ذهبت لكل عياده او مستشفى جلديه عندنا مب نافع العلاج
بس اتمنا ان احصل الحل عندكم مشكووره

ابتسامة جرح · 30-05-2005, 06:25

بشرتك لا تلعبين فيها

روحي لطبيبه كويييييييييييييييييييييييسه وخليها تعطيكي علاج

كافي الي فيها لاتعدميها زياده

وكمان تقولي بشرتك حساسه

لا تجربين فيها

تحياتي 00

عروس الشرق · 30-05-2005, 09:04

عزيزتي تقدرين بعد الخيط على طول وانتي بالصالون تحطين ثلج علشان ماتطلع الحبوب

منايه · 30-05-2005, 09:20

صديقتي انا انصحج اول شئ تعالجين الحساسيه عقب كل ماتشيلي بالخيط حطي عسل طبيعي وليمون مثل الماسك بس إذا اليمون حار عليج حطي بس عسل وإنشاءالله خير.

حناين · 30-05-2005, 16:08

السلام عليكم

انا بعد اعاني من هالحبوب

بس يفضل انج ما تشلين الشعر لفترة عشان ترتاح بشرتج لانها ملتهبة
وانا سمعت من دكتورة .. لحالتج ..تحطين مضاد قبل الحف وبعده تحطين كريم والمشكلة مو عارفة شنو هالكريم ولا هالمضاد
جان ساعدج واساعدت عمري

ولو تجربين :

قبل الحف حطي ليمون .. وبعده الحف حطي ثلج وحليب سائل كل ربع ساعة لين ما تحسين ان ويهج رجع لونه وماعاد حساس
واليوم الثاني بعد حطي ثلج (جربتها وخف التهيج )

وحتى يقولون الخيار زين بعد الحف لانه يمتص الحرارة من الجلد ويخفف

..وتقدرين تسوين تشقير لويهج احسن

الله يوفقج

قمر السعودية · 31-05-2005, 11:27

دام بشرتك حساسه انتظري لما تروح الحبوب وبعدين شيلي الشعر وروحي عالجي وجهك وفي كريم للحبوب اسمه رتين اي مره حلو للوجه وهذا عطاني اياه الدكتور وانا بعد مثلك بشرتي حساسه بس والله صلح لوجهي

زوجه مشاغبه · 31-05-2005, 15:02

مشكوورين يا اخواتي على الردوود الطيبه
وعلى الجهد الي بذلتووه لي
انشاء الله بسوي بوصيتكم
وجزاكم الله الف خير
مشكوورين

عنوان · 31-05-2005, 15:24

اتركي الخيط لفتره طويله وعلى فكرة ترى تختلف كثرة الحبوب باختلاف من تشيل لكي بالخيط..بعض الكوافيرات تشيلك الخيط وانت ما تحسين لسرعتها وقوة يدها وبعضهن تشيل لكي وتحسين بالوجع في اصابع رجولك من قوته

طيف الحنين · 01-06-2005, 00:26

اختي بما انك بشرتك حساسة
ابتعدي عن الخيط واستبدلية بالشمع
ووجهك قشرية تقشير طبيعي
بالطماطم والله يااختي وحده مغربية اخذت منها المعلومة
جربي الطماطم كل يوم وادعكيها بوجهك اواطحنيها وحطيها كقناع
وحتشوفي انتي بنفسك النتيجة ,,حيفتح بشرتك وطبقة بقع الحبوب حتتقشر
وطبعا هتقشير مالة اي اضرار مو مثل التقشير الي يعدم الوجه (الكيمائي)

وان شاءالله تشوفي النتيجة بنفسك
اختك

زوجه مشاغبه · 01-06-2005, 23:22

هلا والله باختي الغاليه ومشكووره على المروور الطيب منج
وانشاء الله بجرب كل الوصفات مشكووره

زوجه مشاغبه · 01-06-2005, 23:25

مشكووره عنوان على النصيحه
ولج كل الاحترام والتقدير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مشكلتي عويصه؟؟