عالم الحياة الزوجية - منتدى

MSc PA · 24-12-2008, 05:58

السلام عليكم

عندي مشكلة و مسببة لي شوي قلق و حبيت آخذ آراءكم فيها..

انا تعرفت على بنت الجيران و كانت بيننا علاقة هاتفية استمرت قرابة السنة , و الشهادة لله انها جميلة و خلوقة و مؤدبة و دخلت قلبي من أول ما شفتها بالصدفة في بيتنا..

خواتي كانوا يمدحوني كثير عندها..فالبنت خذت رقم جوالي من خلال خواتي بالصدفة و اتصلت بي..خواتي كانت علاقتهم معها سمن على عسل و كانوا مع بعض مثل الخوات و اكثر..لكن بعد ما عرفوا انها تكلمني من وراهم اعتبروها خيانة لهم و أخذوا منها موقف تسبب في قطيعة بينهم من ستة أشهر إلى الآن..و نفس الشي بالنسبة للوالدة صارت ما تحبها..

خواتي يحاولون دائماً يشوهون سمعتها عندي و انها تكلم شباب..الخ.. و الوالدة تقول نفس الكلام و تستغرب و تقول لي كيف تثق في واحدة كانت تكلمك و يمكن بكرة تكلم غيرك..

طبعاً أنا و لله الحمد اعتبر نفسي انسان متفتح.. و فاهم جداً الحاجة العاطفية للبنت.. و عارف انها يوم كلمتني كانت بدافع عاطفي بحت و ليس للخراب و الفساد..و كانت نيتها واضحة من البداية و هي الزواج.. و مسألة ان البنت تكلم أنا اعتبرها شي سيء لكن ماهو مبرر لرفض الفتاة لأن أغلب البنات يكلمون إلا ما ندر..حتى خواتي سبق انهم مروا بتجارب معينة و تنبهنا لهم..فصرت اقول لهم كيف تعيبون عليها شي انتم سويتوه بنفسكم..

فوق كذا..و الله يا جماعة ما ابي امدح نفسي و يعلم الله اني متواضع..لكن انا سمعتي في العائلة أروع مما تتصورون.. معي شهادة في تخصص محترم و دخلي الشهري مرتفع بفضل الله و الآن أدرس الماجستير بالخارج و بعدها بيكون منصبي جيد و راتبي عالي.. و الوالدة تقول انا ما ارضى لك الا وحدة من مستواك.. و البنت هذي ما فيها شي لكن تقول انها عادية و تدرس في تخصص عادي و انها تبي لي وحدة مميزة و ترفع الراس على قولتها..و هذا نفس كلام خواتي.. و صاروا كل شوي يقترحون علي وحدة إما ملكة جمال أو دكتورة ..الخ

لكن بالنسبة لي انا ما تهمني الشهادة و لا يهمني غير اني احب البنت و أفهمها و هو الشي الحاصل مع بنت جارنا.. و مسألة انها كانت تكلمني فهذا صحيح انه غلط لكن كثير بنات مروا فيه و بعد ما تزوجوا عقلوا و تركوا الحركات هذي..

يا جماعة وش الحل..انا ما يهمني راي خواتي مع اني ما ابغى اكسر بخاطرهم..لكن اللي يهمني راي الوالدة..رايها و رضاها قبل كل شي بس انها تقول مستحييييييل ارضى لك هالبنت..

وش اسوي يا اخوان؟ اتركها و الا استمر في المحاولات مع امي و الا كيييييف؟

hanno80 · 24-12-2008, 07:37

بصراحة يا أخي أنا ضد التعارف و الزواج عن طريق وسائل الإتصال ايش ما كانت ( تليفون - نت ...) لأن من وجهة نظري

الثقة و الصدق بيكونوا معدومين و الشك هو الغالب و أصلاً حرام ، و صحيح احنا بنات و لنا حاجاتنا العاطفية و عندنا شحنة

عاطفية كبيرة زيكم أنتم الشباب و اللي نقدر نحصل عليها و نقدر نفرغها في أوجه مباحة و حلال يعني أتكلم معاك

بالتليفون بأي صفة ؟ حرام طبعاً حتى لو غرضي شريف ، و مو صحيح أنه كل البنات يتعرفوا و حرام يعني التعميم ،و الصراحة

يعني ماشالله عليها جريئة أخذت الرقم و هي كانت المبادرة !!!

على العموم إذا كنت أنت مقتنع بالفكرة و شاري البنت و مقتنع فيها خاصةً أنه لك سنة كاملة معاها و واعدها بالزواج يعني

ما أدري كيف تبغى تسيبها و كأن شيئاً لم يكن ؟!! صحيح رضا الأهل و موافقتهم مهمة بس برضو حااااااول و حاااااااول و

حااااااول مع الوالدة و وضح لها وجهة نظرك و مدى اقتناعك بالبنت و حبك لها و أن هذه حياتك و هذا اختيارك و راح تتحمل

نتائجه ... و أهم شيء أخي الإستخارة و الدعاء و ربنا يوفقك لما فيه الخير و يكتب البنت من نصيبك إذا كان فيها خير لك .

تمساح له ذيل · 24-12-2008, 08:07

اقتباس:

لكن بعد ما عرفوا انها تكلمني من وراهم اعتبروها خيانة لهم

هذا طبع البنات دايما ...... ينسوووون جميع محاسن الانسان ويركزووووووووووووون بشكل كبير جدا على عيب واحد فقط!!!!
وثانيا بتتوقع من البنت انها بتتجرأ وتقول علنا انها تكلمك بالتلفون؟؟ مستحيل لانه طبع البنات الخجل واكيد خواتك يعتبرونها خيانه لانها ماقالت لهم وهذا شيء مستحيل انه البنت تقول انها تكلم ولد؟

bdooor_qa · 24-12-2008, 13:18

عينها قويه بعد تاخذ رقمك و تتصل بك لا يبوي خلها تولي هذي ما تستحي بكره تتزوج و تمل منك تاخذ رقم واحد من ربعك و تتعرف عليه .................

وش فيك يا متفتح ترا هي اتصلت بدافع عاطفي !!!!!!!!!!!!!!

روآآبي · 24-12-2008, 16:28

اخوي
مكالمة الشاب لفتاة او العكس ..محرمة شرعاً
يعني ماتعتبر تصرف خاطئ وبس
بالنسبة لمسألة خطبتك للبنت .. انا برأيي دور على اللي يرضي والدتك وبس
ولاتغرك المظاهر ... ودائما تذكر|عسى ان تحبوا شيئا وهو شر لكم|

April · 24-12-2008, 16:37

اخي مو شرط انو ازا حكت معك يعني انها مو منيحه
وبغض النظر عن شو عملت او وسيله الاتصال بينك وبينها
معظم الامهات بيرفضو البنت يلي عامله علاقه مع ابنها من مبدأ الخوف بحب ابنها للشب اكتر من حبو لامو
او انو رح تسيطر عليه لانو بحبها
وبجوز لو تجوزت بنت ما بتعرفها تكون بنت مو منيحه وانت ما ادراك باسرار البنات
فدافع عن حبك الها ما دامك انت مقتنع فيها ولا بدم من رضوخ امك لرغبتك

قحطاااني ماااركه · 24-12-2008, 19:46

أنت صراحه بين نارين يعني يا تكيب البنت وتخسر أهلك أو تكسب أهلك وتخير البنت بس أنا أشوف من قصتك أن زواجك منها راح يدخلك بمشاكل وربما ينتهى بالطلاق لأن اهلك ما راح يخلوك وتعرف غيرة البنات مش غيره وبس هي وصلت للعداوه ... بس صدقني باليوم اللي تشبع منك راح أدور على غيرك

يعشقني · 25-12-2008, 03:09

محد له الحق يقولك او يتنبأ بتصرف البنت بعد الزواج اذا رب العالمين كتب بينكم نصيب,, صحيح ان الكل ضد المكالمات والعلاقات قبل الزواج لانها محرمه شرعا بس مانقدر ننكر ان كثير من الزواجات انجحت والحمدلله مستمرة وكانت بدايتها تعارف بس الحمدلله خاتمتها كانت الحلال واهو الزواج اهم شي النية فالموضوع,

دام الموضوع في محمل الجد اتفق مع البنت توقفون اتصالات وانت تصرف مع الوالده بس قبلها صل استخارة اذا ارتحت حاول مع امك واصر عليها وان شاء الله بترضى واذا مارتحت فبلاها واقطع كل شي,,

الله يوفقك ان شاء الله وايسر امورك ويكتب لك الي فيه الخير,,

نور شوق · 25-12-2008, 12:02

الله يساعدك

goodsmile · 25-12-2008, 16:15

حاول اقناع اسرتك بخطبتها اذا كانت البنت فعلا جديره بالارتباط بيك
و اذا كان الرفض لسبب لا يرجع الي دينها فتزوجها

الضحى والليل · 25-12-2008, 16:31

البنت ما أنصحك فيها وكبر عقلك!!!!!
وحده تاخذ رقمي وتدق علي وتحبني وأتزوجها!!! خبل أنت!!
يقول لك لاترضى أن يختارك الغير كصديق بل أنت اختر مايعجبك كصديق!!! وأنت البنت اختارتك كزوج!! هههههه علاقة عمر هذي!!!
كلمتك إذا بالماضي ماكلمت غيرك بكره تكلم غيرك إلا من رحم الله

мόόη Ļίģħт · 25-12-2008, 21:59

ممكن تتحدى اهلك وتاخذها ..

لكن حط ببالك ان المشاكل راح تكون بحياتكـ

فبعد الزواج ماراح تستغني عنها ولا راح تستغني عن اهلكـ ... وراح تكون ضايع بينهم ( مين ترضي)

وممكن بيوم من الايام تتأثر بكلام اهلك والمجتمع .. بأنها بنت جريئة خذت رقمك وكلمتك من ورى اهلها

الانسان يتأثر ويأثر باللي حواليه

فـ انصحك تستخير وتبني حياتك ومستقبلكـ على اساس متين ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أحبها.. لكن أهلي !!