عالم الحياة الزوجية - منتدى

falcon_123 · 24-12-2008, 11:52

السلام عليكم ورحمة الله وبركاتة

هذا طبعا اول موضوعي لي

انا ملكت على بنت من شهرين تقريبا ...........وانا انسان من النوع الطيب والحساس والسخي وشكلي وسيم ومقبول للعامه. انا ما احب ازعل البنت في اي شي واحبها كتير وارتاح لها نفسيا وشكلا. بس المشكلة في شخصية البنت يعني اشعر ان شخصيتها من النوع الجامد الثقيل الي تحب تسطير على كل الامور مثلا خلال المكالمات الهاتفية هي تحدد متى ننهيها ولا تحب نطول في الكلام ولا تحب نتكلم كلام شوق و حب وغزل وفي الزيارات لها في بيتها ما تحب نطول بعد ودايما تحدد وقت للجلسة ولا احس انها تشتاق لي اذا غبت عنها فترة واذا سالتها هل اشتقتي لي تقول عاااادي و في طلعات السوق و التسوق تحب بس محلات الملابس و المجمعات وتصرف كتير على الملابس, لا بعد تشتري حق اخوتها وخواتها على حسابي ولا تبخل عليهم في شي وانا اعطيها مصروف كل شهر بس انا احس اني صرفت كتير كتير في ذي الفترة و هذي المبالغ كان فينا نوفرها الى اثاث الشقة وكل ما قلت لها ما تتفهم و تقول نبي نروح نتسوق ولا تحب نطلع حق محلات الاثاث حتى نأثث الشقة لان الزواج بعد شهرين تقول انت اختاره بنفسك ولا تاخذني معاك واذا اخذتها الى السوق تمل بسرعة و تقول رجعني البيت.في زياراتها الى بيت اهلي ما تحب تروح او تقابلهم ولا تعطيهم وجه .والمتعبني اكثر الكلام الحلو ولا كلمة حلوة(رومانسية) سمعتها منها كل الكلام مني ولو الجدار نطق كان نطقت وفي السيارة احاول افتح معها مواضيع عامة او اي شي يخص الزواج ما احس انها تاخذ وتعطي دايما ساكته او تقول كلمة عاادي كلي شي عندها عااااااااادي.

والله مشكلة ......بذمتكم ايش اسوي معاها

ابي رايكم وبصراحة شباب و صبايا

همس طفله · 24-12-2008, 12:15

والله مدري شنو اقولك

بس يمكن مستحيه او ماتعرف تعرب انت حط لها اعذار علشان ماتكون ظلمتها وهي مو قصدها شي

وربي ماادري كيف احلى لك المشكله بس ان شاء الله الباقي فيهم خير وبيساعدونك

ربي يسعدك ويهدي زوجتك لك

فلفل حار · 24-12-2008, 12:15

شهرين وهذا هو اسلوبها معاك بصراحه الله ايعينك هذي بتتعب معاها اشويه في البدايه لكن انت بعد سو نفس الشي وخل عندك شخصيه وصير رجل
1- عطها مصروف محدد الى شهر
2- لاتروح لها ولاتسال عنها خلها الى ان تسال هي
3- اذا اتصلت تكلم ببرود وكانك مومهتم لها وانهي المكالمه بسرعه واذا قالت مابك قول لها ليس لدي اي شيئ خلها تكون في دوامه وتفكر لماذا تغير علي ...الخ
4- اذا اتصلت وقالت لابد ان تاتي لي اليوم اريد ان اراك تحجج باي شيئ قول لها انك بتطلع مع اصدقائك وفي اليوم التالي اذا اتصلت هي وقالت امس لم تاتي تعال اليوم روح لها وسلم عليها ببروده شديده وختلي بها ومارس الجنس معاها ضروري هذه النقطه لابد من عمل اي شيئ حتى تحصل على الجنس في هذه الفتره حتى تلين وتصير نفس النسوان
5- اذا استمرت على هذا الاسلوب صارحها وقول لها هل تحبين شخص اخر ؟ لماذا اسلوبك معاي بهذه الطريقه يبدو انك تريدين الطلاق وانا حاضر ليس لدي مشكله مادام انك لاتريديني انا بعد لااريدك ؟

مجنووون ريومه وبس !! · 24-12-2008, 12:18

هلابك ياخوووي بهالمنتدى الرائع وعسانا نقدر نفيدك ونستفيد منك
بالنسبة لموضوعك .... من وجهة نظري المتواضعه ....إنه يبغالك جلسة مصارحة إنت وياها عشان تتفقوا ع الأشياء إلي يحبها كل شخص فيكم والأشياء إلي يكرهها كل شخص فيكم !!! عشان تكونوا ع بينه بطباع بعض من بدري
يعني والله شوف لو الوضع هذا ساير معي ( خاصه من جهة الاسواق وإنها تشتري لأهلها بعد ع حسابي !!! ((( تحسها قويه شوي ))) وبعد أنا أعرف إن البنت تستنى اللحضة إلي تبرز فيها ذوقها في فن تأثيث بيت الزوجيه وتبغى تكون لها بصمه واضحه في هالشي !!! (((غرررررريبه من جد ))) .... عاد الله يعينك وضح لها وجهة نظرك وحدد لك إنت وياها جلسه مصارحة من الحين ( كذا بمكان حلو ع ذوقك ) ومايسير إلا كل خير ان شاء الله ( وأعطينا بعدين آخر تطوراتك الميدانيه هههههه )
وبالتوفيق بحياتك ياحلو ( وكل شي يجي بالطيب والرواقه )
دمتم بووود

همس طفله · 24-12-2008, 12:21

اقتباس:

4- اذا اتصلت وقالت لابد ان تاتي لي اليوم اريد ان اراك تحجج باي شيئ قول لها انك بتطلع مع اصدقائك وفي اليوم التالي اذا اتصلت هي وقالت امس لم تاتي تعال اليوم روح لها وسلم عليها ببروده شديده وختلي بها ومارس الجنس معاها ضروري هذه النقطه لابد من عمل اي شيئ حتى تحصل على الجنس في هذه الفتره حتى تلين وتصير نفس النسوان

وشو هالنصيحه الولد ملك عليه مو متزوجه يوم انك تقول له الكلام

مجنووون ريومه وبس !! · 24-12-2008, 12:24

اقتباس:

المشاركة الأصلية كتبت بواسطة فلفل حار

تعال اليوم روح لها وسلم عليها ببروده شديده وختلي بها ومارس الجنس معاها ضروري هذه النقطه لابد من عمل اي شيئ حتى تحصل على الجنس في هذه الفتره حتى تلين وتصير نفس النسوان
5

ياخي قسم بالله شي غريب !!! يقولك باقي مملك وناوين يأثثوا البيت !!!! وش الي يختليبها ويمارس الجنس ؟؟؟ يعني الحين إن مارس الجنس معاها بتعقل ؟؟؟ ( يرحم أهلك أطلع من مخي دقيقه بس ( ليتهم رقدوا ذاك اليوم يافلفولتي الصغينونه ) هههههههههههههههههههههه

* الـنـجـلاء * · 24-12-2008, 13:06

أخي 00 اولا الله يبارك لك في زواجك ويوفقك
ثانيا 00 خلينا نناقش نقطه نقطه

اقتباس:

اشعر ان شخصيتها من النوع الجامد الثقيل الي تحب تسطير على كل الامور مثلا خلال المكالمات الهاتفية هي تحدد متى ننهيها ولا تحب نطول في الكلام ولا تحب نتكلم كلام شوق و حب وغزل وفي الزيارات لها في بيتها ما تحب نطول بعد ودايما تحدد وقت للجلسة ولا احس انها تشتاق لي اذا غبت عنها فترة واذا سالتها هل اشتقتي لي تقول عاااادي

توكم مملكين 00 واتوقع الي انت تشوفه قوة شخصية وقساوة قلب
ماهو الا خجل 00 ممكن لانها تخجل تسمع منك الغزل او تسمعك اياه تتعامل معك بجدية
غير كذا عدم اعترافها بشوقها او غيره يمكن لانها لاتزال تتعرف على الحب وتخجل تعبر000 احسن الظن واعطها فرصه تحبك

اقتباس:

في طلعات السوق و التسوق تحب بس محلات الملابس و المجمعات وتصرف كتير على الملابس, لا بعد تشتري حق اخوتها وخواتها على حسابي ولا تبخل عليهم في شي وانا اعطيها مصروف كل شهر بس انا احس اني صرفت كتير كتير في ذي الفترة و هذي المبالغ كان فينا نوفرها الى اثاث الشقة وكل ما قلت لها ما تتفهم و تقول نبي نروح نتسوق ولا تحب نطلع حق محلات الاثاث حتى نأثث الشقة لان الزواج بعد شهرين تقول انت اختاره بنفسك ولا تاخذني معاك واذا اخذتها الى السوق تمل بسرعة و تقول رجعني البيت

الى الان البنت ما حست بالمسؤليه
انصحك من هالناحيه انك ماتطلعها للسوق 00 ولو حبيتوا تطلعوا روحوا مطاعم
او كوفي شوب 00 وتجنب كوفيات المجمعات لا تطاوعها في كل شيء الان بحكم انك مابتكسر خاطرها
وتذكر انه قدامكم عمر والمفروض كل واحد يراعي ظروف الثاني غير كذا بعد الزواج
بيتغير الوضع ولما ترفض لاي سبب 00بتقول انغشيت فيه وقت الملكه وكان يمثل علي
خليها تشوفك بكل حالاتك (( الزوج الحنون الكريم العاطفي 00و00 الزوج المدبر العقلاني الصارم ))
لاتصير لين فتعصر ولا قاسي فتكسر <<<<<خليك وسط

اقتباس:

في زياراتها الى بيت اهلي ما تحب تروح او تقابلهم ولا تعطيهم وجه .والمتعبني اكثر الكلام الحلو ولا كلمة حلوة(رومانسية) سمعتها منها كل الكلام مني ولو الجدار نطق كان نطقت وفي السيارة احاول افتح معها مواضيع عامة او اي شي يخص الزواج ما احس انها تاخذ وتعطي دايما ساكته او تقول كلمة عاادي كلي شي عندها عااااااااادي.

من ناحية اهلك ممكن الى الان ماتعودت 000 وممكن ماتبي تعطيهم وجه حتى لايمونوا عليها
فيه بنات يعتبرون اهل الزوج نـــد لهم ويعاملوهم بهالاساس
مستقبلا 00 خليك دبلوماسي وحاول تحبب الطرفين ببعض وتقربهم من بعض
ولاااازم توصل معلومة لزوجتك وبشكل لطيف ان اهلك مهمين لك
لما تزوجت 00 قالي زوجي تشوفي اهلي بعين اشوفك باثنين <<<<<كبر بعيني

الرومانسيه لاااااااحق عليهاااا 00 لاتستعجل وخليها بعد الزواج

بعدين قلل من مقابلاتك لها وكثر من المكالمات تغلى عليها 00 حسسها بالذنب لانها زعلتك مثلا 000 خليهااا تشتاق
علقهاااااااا فيك 0000 وانت وشطارتك بهذي

والله يوفقك ويسعدك
----------------------

اقتباس:

المشاركة الأصلية كتبت بواسطة فلفل حار

شديده وختلي بها ومارس الجنس معاها ضروري هذه النقطه لابد من عمل اي شيئ حتى تحصل على الجنس في هذه الفتره حتى تلين وتصير نفس النسوان
5- اذا استمرت على هذا الاسلوب صارحها وقول لها هل تحبين شخص اخر ؟ لماذا اسلوبك معاي بهذه الطريقه يبدو انك تريدين الطلاق وانا حاضر ليس لدي مشكله مادام انك لاتريديني انا بعد لااريدك ؟

اي نصيحه هذي اللي تحث على بداية زواج وشراكة عمر بلوي الذراع واستغلال الطرف الاخر

لو كانت غلطانه فـ الغلط لا يعالج بغلط اكبر منه

اتقوا الله في النصح 00 ممكن بلحظة يوسوس له الشيطان ويزين عمله ويغلط امام الله

قحطاااني ماااركه · 24-12-2008, 20:55

أخوي أنا ابي أعرف هو موافقه عليك ولا لا يمكن مغصوبه ؟؟؟

ANGEL EYESs · 24-12-2008, 22:09

الله يوفقك شي طبيعي في هالفترة تكون تتسوق كثير علشلن تجهيزها وعن الكلام الحلو والزيارات يمكن البنت تستحي واتوقع هالشي طبيعي انت حاول تقولها كلام حلو والله يسهل امورك وويوفقك يارب..

روآآبي · 25-12-2008, 03:40

اقتباس:

4- اذا اتصلت وقالت لابد ان تاتي لي اليوم اريد ان اراك تحجج باي شيئ قول لها انك بتطلع مع اصدقائك وفي اليوم التالي اذا اتصلت هي وقالت امس لم تاتي تعال اليوم روح لها وسلم عليها ببروده شديده وختلي بها ومارس الجنس معاها ضروري هذه النقطه لابد من عمل اي شيئ حتى تحصل على الجنس في هذه الفتره حتى تلين وتصير نفس النسوان
5- اذا استمرت على هذا الاسلوب صارحها وقول لها هل تحبين شخص اخر ؟ لماذا اسلوبك معاي بهذه الطريقه يبدو انك تريدين الطلاق وانا حاضر ليس لدي مشكله مادام انك لاتريديني انا بعد لااريدك ؟

اخوي لاتفكر ابداً تطبق هالنصيحتين ..

بالنسبه لمشكلتك ..
نقطة عدم رومانسيتها غالبا هو خجل على تجاوز الخطوط الحمراء في الكلام ..
وماعندها الجرأه انها تقولك ابسط كلمة رومانسيه
وهذا حال كثير من البنات اليوم

بالنسبه لاختيارها للاسواق وكثرة مشترياتها وصرفها على اخواتها ... هذا يرجع لك واشوف انك انت المخطئ في هذه النقطة
وين حزمك .. ووين رأيك
اذا هي يوم اختارت تتمشى بالسوق ... اليوم الثاني انت اختار كوفي شوب
خلي لنفسك وجود بحياتها ... ومو كل قرارتها هي اللي تمشي
طبعا بدون مرجلة مالها مبرر ... كون قوي ومسيطر لكن بتفهم ومرونة وحنان واخذ وعطاء
خليك وسط ... لاضرر ولا ضرار
لاتكون لين فتعصر ولا تكن قاسي فتكسر

بالنسبه .. لعدم اهتمامها بتاثيت منزلكم
قولها .. واسألها .. بجرأه وبحزم ..عن السبب

وبشكل عام انصحك اخوي انك تتجاهلها مابين فترة وفترة
حتى تقيس درجة اشتياقها وعاطفتها اتجاهك

الله يوفقك ..وتذكر ان المرأه تحب الرجل اللي يتجاوب معها ويحن عليها ويلبي رغباتها بحدود.. ولكنها تكره الرجل الذي لايستطيع ان يقول بوجهها (لا)

زينه 22 · 25-12-2008, 03:54

انا مع سحايب في الراي

خايفه مره · 25-12-2008, 04:33

كثير كنو يقولولي خليك قووية شخصيه عشان زوجك يسمع كلامك بس ماسمعت كلامهم..

وشكل خطيبتك تطبق المقوووله..

زوجي حياتي-احبك · 25-12-2008, 04:40

السلام عليكم ورحمه الله وبركاته

يمكن البنت تكون خجلوه خاصه انكم توكم مملكين مادري اذا كان في اتصالات بينكم ايام الخطوبه حتى الاتصالات مو زي يوم تكون معاها وجه لوجه وهذا صار لي انا اوكي عادي اتكلم معاه في التلفون جريئه ازعق اسوي الي ابغاه يوم يجي عندي مانطق كلمه غير لما هو ينطقني او بااصح يجبرني وقولي بنت انا زوجك مو خطيبك مابكلك ههههههههههههه
بس ياحظها انت تحب السوق انا زوجي مايحب يطلع السوق مره

بس هي مره مزودتها انها تشتري حق اخواتها مايصير ايش شايفتك بنك عندها في هاذي قولها مايصير اذا لها عادي لاتعودها هي على كذا عشان لاتعود اخواتها او اهلها اذا بغو شيء طلبوه منك يلا الواحد يوفر حق نفسه وبيته شد عليها شوي

وعقبالي يارب اخلص من الملكه واعمل الفرح وبالتوفيق وربي يخليكم لبعض وتقبل مروري

المتيّم · 25-12-2008, 04:41

صارحها

مستحيل يكون ما عندها مشاعر

يمكن متعودة على هالطبع في بيت اهلها

لكن انت كلمها واعرف منها الاسباب وايش تبي

falcon_123 · 26-12-2008, 21:15

السلام عليكم و رحمة الله و بركاته

أنا قراءة ردود كل من شارك معاي في مشكلتي والصراحة في غاية الروعة و الحكمة الا مشاركة الاخ فلفل حار يعني ما ادري ويش اقول يمكن زي اسمه حاررة.

على العموم شكراا على ردودكم الحلوة بس عندي شغلة ثانية محيرتني؟ انها ما تبي تجيب عيال الا بعد سنة و انا اشوفها فترة طويلة ؟ كيف اقنعها في ذا الموضوع؟ ارجو تفاعلكم معاي وعارف انكم ما راح تقصروا في الردود.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابي رااايكم في مشكلتي