عالم الحياة الزوجية - منتدى

مجنونه حبي · 25-12-2008, 18:05

السلام عليكم ورحمة الله وبركاته ،،

قررت من الأسبوع اللي طاف إنه أعتني بجسمي عددددل مددددل وفعلاً طبقت قراري على أن يكون يوم وترك وكل يوم أكتشف خلطة من عندي واللي مستوحااااه من تجارب البنات ..

أمس كان اليوم الموعود ::

طلعت من الحمااااااام ألللق ونعووومة وبياااض وحبيت أحط تجربتي ..

مثل ماستفدت بفيدكم ^_^

وإن شاءالله أي شي أسويه يعجبني بقولكم عنه ..

..

أول شي سويتلي خلطة عبارة عن (( هردة > طحينة + ملعقة روب + ليمونة وحدة ))
خلطتهم كلهم مع بعض عدل عدل

ثانياً سخنت زيت زيتون ويبت سكر + ليمونة + خلطة نشا مع ماي ورد << وهذي للمنطقة الحساسة واليدين

ثالثا زهبت السدر + سنفرة المشمش + الخلطة الصابونية لمزيونة وشقرة جزاها الله خير من منتدى ثاني انا مشتركة فيه .. طبعا هذي الخلطة..

الخلطه طبيعيه ومافيها كورتيزون ولاغيره واهيا تناسب الكل لانها تعتبر صابون للجسم فيه ميزات انه يبيض وينعم ويوحد اللون باذن الله

وهذي اهي مكوناتها والطريقة ::

1-صابونه الكركم ------------------------- ( تبييض+ نظافة+ تشيل الحبوب الدهنيه بالجسم )
2-صابونه الغار--------------------------- ( تبييض + نظافة وتشيل الحبوب وتصفي)
3-صابونه السحرية------------------------ ( تبييض)
4-صابونه البابايا --------------------------( تبييض + تشيل الحبوب وتوحد اللون)
5-ماي ورد قلاص وربع------------------- ( ترطيب نعومه تبييض)
6-اشوية كركم جسم ------------------------( تبييض)
7-ملعقة كبيره ملح خشن -------------------( تطهر الخلطة + نظافة)
8-ملعقتين كبار سفيد اب مطحون- ---------- ( تبييض)
9-ملعقة وسط نشا-------------------------- ( تبييض + لتماسك الخلطة)

والحين نبشر صابونه الكركم وصابون الغار و الصابونه السحرية وصابونه البابايا

نبشرهم في المبشاره مالت السلطة عرفتوها انا من حلااات هالخلطة شريتلي مبشاره خاصه للصابون

نبشرهم ونحطهم في صحن بروحهم راح تصير عندج كميه من الصابون المبشور

نخليهم ونروح نأخذ جدر ضيج اشوي ما يكون كبير ونحط فيه قلاص وربع ماي ورد ونحط السفيد اب ملعقتين كبار وبعدين الكركم اشويه وبعدين ملح خشن ونحركم ونحطهم على النار وإذا سخن اشوي بس الماي نحط الصابون كله مع بعض ونحرك راااح تلاااحظين انه على طول بيسيح ويذوب مع ماي الورد الحار ونحرك لحد ما يندمج ويصير مثل الخلطه جنها عصيدة <<< طاااع التشبيه المهم

أي والله صج بيذوب وتتكون عندج الخلطة والحين إذا سخنت الخلطة وبدت تبقبق اشوي حركيها بعد اشوي وإذا حسيتها اندمج مع بعضها المكونات وصارت على شكل خلطه وشيليها من النار وحطي قفشه النشا على طول واهيا حارة على الخلطة وحركيها عدل

وبعدين تكون الخلطة جاااهزه فرغيها بس في علبه أو مطبق نايلون اللي يكون له غطا وراح اوضحلكم بالصور فرغيه في هالعلبه وغطيها ونطريها على ما تبرد ونبدي نستخدمها عااادي وراح تكون مثل أي صابون عاادي ماراح تخترب ولا راح يضرها شي إن شاء الله

نرجع لموضوعنا

أول شي بديت بالمنطقة الحساسة غسلتها باالغسووول الخاص فيني fem << أنصح فيه خوووش غسول ^_^
بعدها يبت زيت الزيتون الدافي ودهنته عليها خليته شوي ويبت الليمونه غمستها بالسكر وبديت أفرك المنطقة بطريقة دائرية وشوي شوي .. خلصت غسلت المنطقة وحطيت طبقة من النشا المخلوط بماي الورد وخليته فتره وغسلته << عشان يشدها ويبيضها ..

وانا قاعده أنطر النشا وماي الورد على ما يجف قلت استغل الوقت خذيت شوي من زيت الزيتون حطيته على ايدي وشوية سكر وبديت افرك فيه ايدي عجييييبه هالطريقة والكل يمدح فيها ^^

المهم ،،

بعدها فتحت الماي الحاااار << بس مو تحرقون نفسكم عشان المسامات

وعلطوووول حطيت خلطتي الأولى (( الهردة ))

خليتها على جسمي كلللللللله ربع ساعة وإذا تقدرون تخلونها أكثر يكووون أحسن ^^

بعدها فركت جسمي وغسلت ..

عقب يبت السدر وفركت فيه جسمي << مثل الصابوووون لأنه السدر معروووف انه يرغي يننننننننظف ويبيييييض

وبعد ما غسلته آخر شي حطيت الخلطة الصابونية لمزيونة وشقرة وخليتها على جسمي كلللللله 10 دقايق طبعاااا نظااافة ( تحسين جسمج يطلع صوت وانت تغسلينه من النظافة والنعومة )) وقعدت افررك وافررررررك لين اطلعت روحي

ملاحظه ::
>> اللي حابة تسوي سنفرة آخر شي يكون أحسن بس انا ماسويت لاني تعبت خلاص :n2006107:

وقبل لا أطلع استعملت الشور جل (( على فراولة )) عشان ريحة جسمي بس تكون حلووووووووة ومنعشة ..

..

طبعاً طلعت في غاية النظافة والنعومة حتى اللون احسه فتح ^_^

..دخلت غرفتي (( يبت زيت اللوز المر ودهنت جسمي كللللله بما فيها المنطقة الحساسة ))

واللي تستعمل أي شي حق ويهها خل تحطه بعد ^^

تعطرت ولبست وانتهينااااااا يا حلوووووات والنتيجة ولا أروووووع ^_^

دلوعة*جدا*خايفة · 25-12-2008, 18:57

واو مرة حلوة يا عسل إن شاء الله أجربها

همسة ناعمة · 25-12-2008, 20:45

شكرا لموضوع

25-12-2008, 21:07

مشكورة حبيبتي
وجزاك الله خير

feeling.of.hope · 25-12-2008, 21:38

مشكورة اختي بس احسه مرة صعبة وطويلة
لله يوفقك ويسهل امرك ويحقق مرادك في القريب اعاجل

مجنونه حبي · 26-12-2008, 05:24

امين يارب دعواتكم ليا يااخوات مشكورين على المرور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تبين جسم لونه فاتح وناعم ادخلي وماتندمي