عالم الحياة الزوجية - منتدى

فرفوووشه · 26-12-2008, 04:27

السلام عليكم انا جديده معاكم واتمنى تفيدوني بتجاربكم انا مخطوبه الحمدلله ولساتني محلله وكثير خايفه بصراحه من النتيجه احس راسي بينفجر من كثر التفكير اتمنى تفيدوني بتجاربكم استناكم مع الردود

u.a.a · 26-12-2008, 04:40

لا تشيلن هم إن شاء الله مافيه الا الخير

وهذا منتدى خاص ب التحليل قبل الزواج

وضعته وليس لي فيه اي صله ولكن من باب الفائدة

الفحص الطبي قبل الزواج [الأرشيف] - منتدى الوراثة الطبية

أسأل الله القدير أن يوفقكم لما فيه خيرا لكم في دينكم ودنياكم
وأن يرزقكم الذرية الصالحة إنه جواد كريم

تحياتي

lamo0o · 26-12-2008, 14:54

يوووووووووووووووووووه الحاله وحده
انا نتيجتي بتطلع بكره انشاءالله..
بس موكله امري لربي اذا كان فيه خير لي يوفقنا.. وتطلع النتايج متوافقه..
lamo0o

قصةمات كاتبها · 26-12-2008, 15:18

ياقلبي الله يوفقكم ويتمملكم ع خير يارب بحق يوم الجمعه يارب اختي وكليها ع ربك وصلي وادعي لين تطلع النتيجه واذا طلع شي فهذا امرالله ولااعتراض ويمكن يكون فيه خير لك ومااصابكم ليكن ليخطئكم ومااخئكم كان ليصيبكم فخليك انسانه مؤمنه وكل الحالتين خليك راضيه ويمكن تكون خيره لك والله ماراح يختار الا فيه خير لك وعساك سالمه وبالله عليك طمنيني عليك بعد النتيجه لو برساله خاصه انتي وlamoooوعساكم سالمين

فرفوووشه · 26-12-2008, 17:41

يعطيكم العافيه على الردود الي تطمن شوي

اقول لمو شكلك ماتنومين الليل من كثر التفكير والله انا اشوف حالتي شي مو طبيعي بس لنشالله وطمنيني على النتيجه

lamo0o · 26-12-2008, 19:40

قصه مات كاتبها

وربي مره فرحت يوم شفت دعائك لنا .. دعاء المسلم لأخوه بظهر الغيب مستجاب ..

ايه والله ماانام بالذات لما قرب الموعد واشوف اهل العريس متحمسين للنتتيجه واهلي معاهم والكل منتظرها بفارغ الصبر لان الملكه بتكون بعد النتيجه بيومين او ثلاث

اليوم انا اخلاقي مرره قلبت ومتوتره وكانوا عندنا ضيوف ماقدرت اجلس معاهم طالعه وداخله شايله هم بكره
يمكن شي مبالغ فيه بس والله شعور مايحس فيه الا اللي يجربه..

الله يستر ..

وبالله اي احد يمر على موضوعنا يدعيلنا عاد اليوم جمعه والدعوه بإذن الله مستجابه..

وانا انشاءالله بكره اطمنكم اذا وصلت النتايج..

فرفوووشه · 26-12-2008, 20:43

ايه والله انك صادقه ما احد يحس فينا الا لمى يجربون الحاله الي احنا فيها المشكله النتيجه ماراح تطلع الابعد يومين ولا ثلاثه ومثل ماقلتي اهلي واهله متحمسين ما اقول الا الله لايشفنا ياربي ويتمم لنا بخير يارب

جاسم الحسين · 26-12-2008, 20:49

تطمني اختي العزيزة انشاء الله يبعث الخير أخوكي محمود وألف مبروك سلفا

فرفوووشه · 26-12-2008, 21:24

يعطيك العافيه اخوي جاسم وعقبالك ويبارك فيك

lamo0o · 30-12-2008, 00:16

مســـــــــــــــــــــــــــــــــــــــا الخيـــــــــــــــــــــــــــــــر...

كيفكم .. اخباركم ..

حبيت ابشركم .. اليوم طلعت النتايج سليمه الحمدلله وفيه توافق ..

امممممم واحتمال الملكه تكون هالخميس او اللي بعدهـ..

عقبالك فرفوشه يارب يطمن بالك ويريحك..

أبو لجين · 30-12-2008, 15:57

ما اخفيك

ضحكت حيل من توترك الزائد انتي ولمو ..

ضحكت منكم .. مو عليكم !! فيه فرق ترى ^_^

عسى ربي يوفقكم ويسعدكم ..

فرفوووشه · 03-01-2009, 17:20

ويوفقك والله انك صادق توتو زايد واشكرك على التفاعل

ابنة ادم · 03-01-2009, 18:58

السلام على من اتبع الهدى
الله يوفقك للي فيه الخير

فرفوووشه · 03-01-2009, 21:00

الف الف الف مبرووووووووووك يالمو الله يوفقك ويتمم عليك ياربي
وانا بطمنك طلعت النتيجه وكل شي تمام

~ بنوته ~ · 10-01-2009, 14:20

الف مبروك فرفوشه و lamo0o
الله يوفقكم يا رب ويسعدكم ويتمملكم على خير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

مخطوبه ممكن مساعده---