عالم الحياة الزوجية - منتدى

مودعة الحب · 28-12-2008, 06:13

أولا السلا م عليكم ورحمة الله وبركاته
ثانياُ : بجد ماني عارفة كيف اتعامل مع زوجي
انا اللحين في فترة الملكة ولي مملكة تقريبا شهرين ونصف ثلاث شهور في ذا الحول
ظروفي مع أهلي الي أنا أعيشها خلتني اقبل اتزوج إنسان معدد وضع أبوي الصحي وأخواني صغار وأمي مافي
(فلم هندي ح
مع العلم أنه عمري _26 سنة) وهو عمره (39سنة)وهو سبب تعدده أنه يبي يطبق السنة لانه ملتزم والحمد لله ومنهجه وسطي يعني مو متفلت ومو شادد
بس أـشتكي انه مايدق علي كثير يعني مره في الاسبوع أ ومرتين ومايرسل لي إلا وين وين تصدقون ععد رسايله يمكن(4) أحس اني أحبه وهو لمن يجي يتعذر لي ويبوووس يدي ويقول ظروفي وأشغالي وتأكدي أني ابيك ( بيني وبينكم نفسي يقول لي أحبك)
بس هو يحسسني بيها لمن يجي أنا ادري بظروفة اللحين صعبة وقلت لنفسي يابنت انت تقربي منه وأكسبي قلبه وارسلي له دايم ( مع أني استحي أتصل يتوه مني الكلام)
وكل ما أجي أعاتبه ينسيني الزعل بأسلوبه وما أعتب
مع العلم إن علاقتي بشريكاتي مرررررررررررررررررره حلوه بجد أحس ان إحنا أخواات يارب يديم علينا
بليييز كيف اتعامل معاه وكيف أكسب قلب زوجي
رجل عملي مررررررررررررره وأنا رومنسية موووووووووووووووت
طولت صح؟
سامحوني بس بجد محتاجة لمشورتكم

قلب ألماس · 28-12-2008, 06:35

بسم الله الرحمن الرحيم
عزيزتي اولا الله يعينو اربعه والله مو امر هين عليه يعني زماننا هادا وحده ويادوب يلحق عليها بس مابعرف ههههههه
المهم انتي لازم تفهمي انه هو متجوز تلاته قبلك يعني بعد المشاعر بتتوزع وبتقل عند وحدة وتزيد عند وحده وترجع تزيد عند وحده وتقل عند وحده وهالشي امر طبيعي
يعني مقصد الكلام لازم تتحملي شوي اذا هو قصر معاكي لانه هو فوق التزاماته وعمله ثلاثه غيرك
وانتي لاتنسي انك تهتمين بنفسك واسوي اللي عليكي واهتمي بنفسك مشانه واسألي عليه حسسيه انك تحبيه كتير وعاتبيه مافي مشكله بالعكي الرجال يحب زوجته لما تهتم فيه وتعاتبه وتبين حبها له
وبالنهايه اتمنى لك التوفيق

أبو لجين · 28-12-2008, 12:49

مو إحنا اللي يعجبنا نسويه ونقول ( نطبق السنة ) ^_^

واللي ما يعجبنا نقول ( سنة عادي .. مو واجب ) !!

المهم ..

ألف مبروك .. وعسى يارب يهنيك ويسعدك ..

كوني أول شي صبورة .. وإذا تبين تكسبينه .. لا تنكدين عليه
ولا تهاوشين .. ولا تعاتبين .. ولا تزعلين ..

وراعي ظروفه لأنك وافقتي عليها من البداية .. وعارفه إن عنده ثلاث غيرك + عيالهم ..

أما حكاية إنه عملي وأنتي رومانسية ..

فصدقيني .. دامه باس إيدك .. فهذا رومانسي وأنا واثق من كلامي ..
لكن يحتاج لمحفزات .. مثل شمعة .. وردة .. إلخ

ياختي إنتي بنت .. و 26 من عمرك ..
يعني انوثتك أكتملت .. مارسي أنوثتك مع زوجك .. بتاخذين عقله قبل قلبه ..
ما أنتي محتاجه نصائح صدقيني ..

وعسى ربي يسعدك ويسترك ويوفقك ..
ولا تنسين أهلك .. لا تنسينهم يا بنت !!

Eagle Man · 28-12-2008, 13:11

والله صادق ابو لجين

ما دامه نزل راسه يبوس يديك فهذا رومنسي خطير وحنون لأبعد درجه

لأن في رجال ما يتجرأ ينزل راسه عشان زوجته

خذيه مني رومنسي بس انتي خليك صبوره ولا تكونين دفشه

دلوعو · 28-12-2008, 13:13

الله لا يعطيه العافيه,,

اي سنة هاذي الي بيطقبها بالتعدد؟؟ يعني استغفر الله العظيم ماعرف السنة إلا في هالنقطة؟؟

هاذي وين عنده وقت يجابل زوجاته وعياله.. اكيد عياله يمكن مايعرف اسمائهم ولا يعرف اشكالهم!! وما ردهم بيتربون في الشوارع عشان الأخ مو فاضي يربيهم يبي يطبق السنة.

لكن الشرهه مو عليه.. الشرهه عليج انتي الي توافقين عليه وانتي في عز شبابك ومو ناقصك شي.. لا تقولين ظروفي ومادري ايش.. هاذي مو عذر.. وخلي في بالك انك راح تزيدين الطين بلة لما ترجعين بيت ابوك مطلقة مع عيالك.. لأن زوجك حبيبك شاف له وحدة جديدة ولأنه ماشاء الله ملتزم لازم يطلق وحدة من الي عنده عشان يتزوج غيرها..

الله المستعان بس ..

غربه الرياض · 28-12-2008, 13:34

الله يستر منك يالرابعه مسكينه بتضيعيين
في وسط اعياله
تحياتي لك

/أمل عمري/ · 28-12-2008, 18:25

ربي يعينك

(من جديد ) · 28-12-2008, 18:32

لا تعليق

قدرات · 28-12-2008, 18:41

اعانك الله
==
زربي يوفقك
طيب مره بالاسبوع ممتازه بناء على مشاغله هههههه
يعني كاقصى حد مرتين

عموما ربي يوفقك
وحطي ببالك ان اربع زوجات مو زي زوجه وحده

~Pure Heart~ · 28-12-2008, 18:41

بالتوفيق حبيبتي

بس ترى انت مكبرتها بالعكس انا اشوف اتصالاته معقولة
اكثر من كذا ترى بتملي

ولاتستعجلين رزقك
اتمنى لكم جميعا السعادة

spirit-88 · 28-12-2008, 18:46

يطبق السنه !!!! هههههه و ما حب يطبقها الا في هالنقطه اللي على مزاجه, كل واحد يجري ورا شهوته و الحريم يقوللي يطبق السنه, اذا كان حاب يطبقها فعلا كان ممكن يساعد الشباب اللي مو قادرين على الزواج ماديا....
شكلك ساذجه يا أما متساهله و تحاولي تقنعي نفسك و نبررين لنفسك أفعاله

روآآبي · 28-12-2008, 19:10

الف مبروكــ
ولو اني اشوفك صغيرة على انك تقبلي بواحد معدد..

الله يكتب لك الخير

بالنسبة لانشغاله عنك ... طبيعي يااختي
يعني انتي الرابعه وقبلك ثلاثه بأولادهم

يادوب يعطي كل وحدة حقها ... بدون مايزيد من وقتك ويظلمهم
ولاتنسي مطالب واحتياجات أولاده
الله يعينك ... قبل لاتدخلين بيت الزوجية معه ... حطي ببالك هالنقطة

(ان الرومانسية والوقت اللي يعطيه اي زوج غير معدد ..لزوجته ...
بالنسبة لك بيكون الربع فقط مقارنة بغيرك ..)

لان الرجال بطبيعتهم عندهم نقص في التعبير العاطفي ...فكيف لو كان مطلوب منه يعبر عن عواطفه لأربعه !

الف مبروك ... وربي يعينك

>عبودي المتوحش< · 28-12-2008, 19:12

لا تحتاتي روحك

الامر عاااادي

وشكري الله الي يقدر يدق مره بالاسبوع

عنده 3 غيرك يعني يااااادوبه يلحق

لازم تتعودين على هذا الوضع واكثر منه بعد

بما انك وافقتي من البدايه

وبالتوفيق

صعب المنالـ · 28-12-2008, 19:18

الله يعينه لازم تعذرينه ...

وهو أن شاء الله ما يقصر ..

قحطاااني ماااركه · 28-12-2008, 19:23

الأخت سحايب كفن ووفت ربي يعطيها العافيه واللي حاصل لك طبيعي جداً من واحد متشبع عاطفيا وجنسياً لازم تعودي نفسك على كذا من البدايه ولا تقارنين نفسك بالبنت اللي تتزوج أعزب يكونوا طايرين في بعضهم
ربي يوفقك ويرزقك الذرية الصالحه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أنا الرابعة في حياة زوجي(ساعدوني بليييز)