عالم الحياة الزوجية - منتدى

لمـ ع ـة الماسه · 28-12-2008, 07:08

الســـلام عليكم ورحمت اللـــــه وبركاته
انا ع21 من السعوديه مخطوبه(بلكلام بس شكله مؤكد لانها وصيه )
لولد بنت خالت امي من الامارات و ع23
موضوعي باختصار.....انـــي تجرءت واتصلت عليه وسئلته ان كان هو يبغاني لشخصي (لأننا شفنا بعض بعزا جدته لامه الي وصت انه يتزوجني)
او انه بغاني لانها وصيت جدته
وبررت له سبب سؤالي ان اهلي يبغون قراري ورده ع سؤالي هو الي بيحدد
رد علي وقال انه هو شافني وبغاني و والدته مالها اي دخل بلموضوع
حلو
الحين ابقولكم الاهم والي ابي رئيكم فيه
اني صرت انا الي ابادر بالاتصال عليه وهو مايتصل ولمى قلتله اذا اسلوبي مو عاجبك علمني او منت حاب اتصل فيك قولي
ووضحت له سبب اتصالاتي عليه اني ابي افهمه
رد علي بانه يتردد بلاتصال لان اهلنا مايدرون اننا نكلم بعض ومايبيلي المشاكل وقال لكي حريت الاتصال علي بئي وقت لاني رجل ومحد يتجرء يشوف جوالي
ملاحظه قد قال لي ان بطبعه يحب الفعل مايحب الكلام
انا فهمت انه مايبي يستمر بلمكالمات بس انا بحاجت اني اكلمه واحس انه لو استمر بهلاسلوب اني برفضه
هذا هو موضوعي
وقبل ماتحكمون علي اتمنى تفهمون وجهت نظري
وهي انه لابد ان يكون فيه خوف و رهبه بقلب وتفكير اي بنت بتتزوج لانها بتبعد عن بيتها مملكتها واهلها وبتكون بين يدين رجل غريب عنها
فما بالكم اني ابنتقل من بلد لبلد مجتمع غير واطباعه غير ومالي الا هالانسان الي بيكون زوجي بذمتكم مالي حق اتقرب منه على الاقل بأهتمامه فيني بيحسسني بلامان
فلاتلوموني اذا انا حبيت اتقرب منه وافهم تفكيره ونظرته للحياه
و لان مافي احد من اهلي بسعوديه يعرفه ويعرف اطباعه فهذا شي (اتصالي عليه) محتاجته حتى اخذ قراري
واذا تصرفي غلط وجهوني انا عن جد بحاجت وقفتكم فلا تبخلون علي الله يرضى عليكم
نسيت لا تقولون انتظري حتى يصير شي رسمي لاني بعدين ماراح اقدر ارفضه وكذا بتزوج زواج تقليدي مافيه اي مشاعر
وانا بطبعي انسانه حالمه رومنسيه اتمنى يكون زوجي هو صديقي وحبيبي و كل شي لي بدنيا.....
و لكم مني كل الاحتراام والتقدير

روح طفلهـ · 28-12-2008, 11:59

اول شئ يالغلا تصرفك بنظري كان غلط،، والمفروض ماتتصلي عليه الا بعد مايسير زوجك بالحلال

بتقولين انك رومنسيه وتبغى زوجك يكوون كل شئ بحياتك باقولك معاكي حق بس مو بالتصرف اللي سويتيه ...

انتي استخيري واتوكلي على الله ولوو فيه خير لكي بيكوون من نصيبك...

وحتى لو اتصل عليكي هوو لاتردي عليه الين مايسير كل شئ رسمي...

/

وبالتوووفيقـ،،،،

روآآبي · 28-12-2008, 12:40

اتصالك الأول كان مبرره واضح للجميع ... بما فيهم انتي ...وهو

لكن باقي اتصالاتك ...رأيي ان مبررها ضعيف....

كل وحدة يجيها عريس .... تكون جاهلة عنه كل شي

هل الحل اننا نتصل عليه ونتكلم معه لين نعرفه ونتطمن له ؟!

الشرع يقول ...ان اهلك يسألون عنه

واهلك وشطارتهم ...ممكن ترسلين واحد من اخوانك عندهم لفترة ...يشوف طبايعه واسلوبه وحياته واخلاقه ودينه قبل كل شي

وبتكرار الاستخاره ربي ماحيقدر لك الا اللي فيه الخير لك

بالتوفيق

marwanzfp · 28-12-2008, 12:45

السلام عليكم ورحمة الله وبركاته،،،

اول شي يالمعة الماسة اتصالك ما هو في محلو لان خطيبك حيقول هاذي البنت رامية نفسة ونا اسف على اللهجة هاذي بس هذا يمكن الي يدور في راسه.
وثاني شي باين من كلامك انو خطيبك مهو شاريكي لانو ما يدور علي ولا يسأل عنك.
الواحد فينا لو حب خطيبتو يموت عشان يسمع صوتها ولا يكلها.

ونصيحة اخيرة ارفعي نفسك ولا تتصلي عليه وخلي كل شي في وقتو حلو لو يحبك صدق كان سأل عنك كل دقيقة هاذي من وجهة نظري طبعاً

وشكراً

أبو لجين · 28-12-2008, 13:32

بغض النظر عن تصرفك سليم أو لا ..

خلي أهلك يسألون عنه .. لأن مسألة خروجك من مجتمع لمجتمع آخر
وفي بلد آخر .. مع شخص ما يربطك فيه إلا بس ( وصية ) .. فهذا كلام كبير وتحته ألف خط ..

وأستخيري .. ولا تستعجلين .. وأطلبي وقت أكبر للتفكير ..
وخلي إخوانك خصوصاً .. يسألون عن الولد أكثر .. حتى لو يسافر واحد منهم للإمارات ويسأل عنه ..
خصوصاً إنه صغير بالسن بعد .. فلازم تكونين هادية وتاخذين الامور على سعة ..

لمـ ع ـة الماسه · 28-12-2008, 18:19

تسلموووووووووووو على مروركم وربي تو مارتحت وتطمنت حتى لو عتبتم علي بلعكس بمصلحتي
وبأذن الله الله يقدرني ومااكلمه............بس ادعولي بتوفيق
و الله يعطيكم العافيه ويجزاكم خير
ولكم مني اصدق الدعوااااااااااااااات
وبمناسبة العام الجديد اتمنى لكل من شاركني
عاما" سعيدا" مليئا" بالمسرات

ولكم مني كل احترام وتقدير

غلاااا زااايد · 28-12-2008, 20:07

>>>>>>>> اخي بقلج شيىء مهم فينا نحن الإماراتيين إنا ما نحب البنت هي إللي تبدا وخاصتا لو ما كان هناك شيىء رسمي.........ز

عيون ملائكية · 28-12-2008, 20:24

حبيبتي الاعضاء ووفوا وكفوا ب
س نصيحتي لك استمري بصلاة الاستخارة واللي الله مقدرة راح يصير ..
واللي مكتوب عالجبين راح تشوفه العين
الله يريح بالك .. ويريح بالنا .. مالنا غير رب العالمين ...

very love · 28-12-2008, 23:06

انا ارى الله يسلمك أن الرجال هو من بيده القرار ولا ينبغي للبنت ان تبادر بالاتصال برجل (اجنبي) مهما كان المبرر حتى لو من القرابة , وبعض الرجال يفهم الاتصال غلط , الان انا انصحك يااختي الفاضلة ان تقطعي الاتصال تماما وان كان الموضوع جدي سيتقدم اليكم رسمي ويطلب يدك بالطرق المشروعة , وانا اشعر ان سبب اتصالك الرئيسي هو الرغبة في الزواج ولو كان اللي كان الطرف الثاني مو قريب ماكان اتصلتي ., ولكن اختي الفاضلة خلي املك في الله كبير وان كان لك في قريبك نصيب فلن يتعداك فالاتصال لايقدم ولا يؤخر بل قد يفهم بشكل خاطيء أسال الله ييسر امرك ويشرح صدرك آمين .

مــتــواصــل · 01-01-2009, 22:52

الله ييسر امرك ويكتبلك الخير ..

اختي استخيري الله اخر الليل في صلاتك والله يوفقك ..

لا تكلميه الا اذا صار كل شي رسمي يعني ( خطبك ) ..

بالتوفيق ...

كحلها سايل · 02-01-2009, 04:24

حبيبتي . انتي وصلتي اللي تبيه و عرفتي انه يبيك و شاريك خلااااااااااااص اقعطي الاتصال فيه نهاائياا لين مايجي شيء رسمي .. و بعدهااا لما يتقدم استخييييييييييييييييري .. وربي يقدم اللي فيه خييييييييييييييير لك وله

خيركم لأهله · 02-01-2009, 04:41

انا رايي صراحة انكم طالماا مخطوبين

واقارب

عادي كلميه بالعكس افضل

بس كلميه بوقت نهار , ولا تطولين المكالمة معه وما تكون مكالمة رومانسيات

وفي اقتراح المسنجر والمايك ممكن تفيد ترى

الله يوفقك اختي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بحاجت اتخاذ مصيري فاتمنى المشاركه الجاده