عالم الحياة الزوجية - منتدى

الهـوى شـرقي · 29-12-2008, 22:15

السلام عليكم ورحمة الله وبركاته
تحياتي و أشواقي لكم
وألف مبروك للمملكين

وإلي قربت ملكتهم مثلي

انا ملكتي راح تكون بعد اربع ايام وبصراحة متخوف وفرحان بنفس الوقت
لاني ماني عارف اشلون اتصرف بيوم الملكه

سمعت كلااااام كثثثثيييييييييير
سمعت ان الواحد لزم يلبس زوجته الشبكه ويشربها عصير وياكلها كيك
ويقعد مع زوجته تقريبا ساعة لحاله يسولف وياها

وانا بصراحة طبعي خجول ومالي خبرة ابدا بالبنات

ابغى بصراحه كل واحد يذكر تجربته بالتفصيل الممل خاصة

* ماهي الافكار الرومانسية الي تنصحونا نسويها

* كيف كان شعورك وقتها

* شنو الحديث الي دار بينكم

* بالنسبة للبنات شنو تتمنون من ازواجكم يسونه يوم الملكه ؟؟

ماني فاهم وبصراحه انا داااااااايخ

ارجوكم ساعدوني

اتمنى مساعدتي لاني بجد قاعد اعاني ولا يجيني نوم ابدا
و كل اخواني اولاد والعجوز الله يحفظها لي كبيره بالسن مالها بالشغلات هذي
تحياتي

ع ـآفـك ـآلـ خ ـآطر · 29-12-2008, 23:32

اخوي الهوى شرقي

اول شي

الف مبروك والله يتمم على خير ويعقد القرآن بينكم يآرب

اكيد طبعآ اول شي رآح تلبسها الشبكه واكيد راح تكون مرتبك

<< مثلي

لكن قو قلبك ولبسها الشبكه وبعدها راح تشربك شوية عصير وانت كذلك وتآكلها شوية قطعه من الكيكه

لكن انتبه ترجف إيدك بكذا راح تعفس ملكتك

والحديث اللي يدور بينكم مايحتاج احد يقوله لك

هو فقط الهام (( احساس ))

انت من تجلس معاها

ابدآ بالحديث واول كلمه تقولها

الف مبروك يا.. ومن الكلام الحلو .. (( قلبي ... ياعمري .. حياتي ... الخ ))

وآتمنى من كل قلبي أني اسعدك ووفر لك الراحه قبل كل شي

يعني كل حلوو

وخذ بنصيحتي وانا اخوك

لاتحاول تخجل البنت اكثر مما هي عليه

عطها شوية مجال تتكلم معك فيه

امسك إيدها بـ يدينك الثنتين طبعآ

وبعد هالساعه ماتخلص راح تكون اسعد انسان معاها

واول ماتطلع لاتتصل فيها خلها ثاني يوم

لانها راح تطلع اكيد بتكون تعبانه خل الاتصال ثاني يوم

اللي عليك بعد ماتطلع ترسل لها رساله

تكون من كلامك مو مسج غرآم او أشتيآق

يعني

عآرف قصدي اكيد

مايحتاج اقولك كلام حلو تقوله لها

مثل ماقلت لك

الهآم

تحيتي لك

اتمنى افدتك بشي

حتى عيوبي مزايا · 30-12-2008, 00:16

الله يوفقك ويتمم لك على خيرررررررررر والف مبروووووووووك مقدمااااااااااااااااااا
الارتباك لازم منووووووو بس اهم شي حاول ما تضغط عليها . انا خطيبي كل شويه يقول لي اشربي عصير وانا احطو عند فمي وارجعه مقدرررر احرجني اصراره كل شي راح يصير طبيعييييييي من الله شي ينزل عليييييييييييييك شوف خوف مراح تخاف الله ينزل عليكم بركه ورحمه وآمان ما تدري من فين جا .
اول شي لما تدخل العروسه او انتا تدخل ما تفرق اول شي تسويه انك تقول ( ما شاء ااااااااااااالله ) هاذي الكلمه مستحيل انساها لو صار عمري ميه عدلتلي مزاجي ههههههههههه
ثاني شي راح تلبسها طقم الشبكه ولو انك حست اهمس لها ساعديني ( انا ساعدته ^_^ ) بس يدي كانت ترجف اكثر منووووو .
ثالث شي حاول تكون جنبها فكنبه وحده لا تجلسو كل واحد في كنبه حتى لو تورطت قوم وغير مكانك عادي عشان تكون قريب منها .
لا تتوقع منها تتكلم ( انا ما قدرت اتكلم ولا كلمه بس كنت ارد عليه يعني كيفك اقول طيبة الحمدلله ^_^ ) اسألها تعشيتي ؟ ولما تجاوبك حاول تطل فعيونها وانتا تكلمها صح راح تنزل عيونها بس انتا راح تكون مبسوط من خجلها ^_^ امسك يدك وقول لها انك راح تسعدها واهم كلمه تقول لها الف مبروووووووووك
آخر شييييي لازم قبل تروح تمسك يدها وانتا مقرب تسلم عليها حربيه اهمس لها الف مبروك يا عروووووووسه ^_^ ااااااااااااالله يوفقك يااااارب ويتمم لك على خير ويسعدك يااااااااارب ^_^

lamo0o · 30-12-2008, 01:10

ياحليلكم ... <<< مبسوطه نفسي خطيبي يسوي كل اللي قلتوا عليه يوم الملكه..

احم احم .. انا ملكتي بعد كم يوم يعني الخميس .. ومدري كيف حيكون الوضع لاني احسه جامد وماله داعي بالرومنسيه ومايهتم بهالشغلات..

المهم .. ماعليك مني

انا بقولك الشغلات اللي ترتاح لها البنت او تتمناها من خطيبها ..
اولا مثل ماقالوا الاخوان اللي قبلي لازم تمسك يدها لان هالحركه تحسسها بالأماااااااااااااان مرررررره وتخليها ترتاح لك اكثر
غير كذا لاتسترجي منها انها تتكلم معاك لان وقتها حتكون مره مكسوفه ... ابدأ انت في الكلام وخلك اجرأ منها شوي
قولها مبروك و الله يجمعنا على خير ومايفرقنا .. وحاول تتغزل في شكلها شويه .. مثلا ماتوقعتك كذا حلوه .. او غطيتي عليا اليوم بحلاوتك .. يعني من هالكلام..
حاول تسألها عن اشياء بسيطه لان هالشي بيفتح مجال شوي انها تتكلم معك وتاخذ وتعطي ..
فيه شي مهم .. الابتسامه لاتفارق وجهك ابدا .. خلك بشوش ..
ومثل ماقالوا اللي قبلي اذا خرجت من عندها ارسلها مسج اكتب فيه عن شعورك في هاليوم حسسها انها بالفعل صارت زوجتك .. ترى هالشعور مره حلو بالنسبه للبنت ..

انا ادري تفلسفت كثير واللي يشوف كلامي يقول جربت الزواج مليون مررره خخخخخخخ
الله يستر بس وش بسوي في ملكتي الظاهر بدخل تحت الكنب من الخوف ..

الله يوفقك يااااارب ..

أفكار · 30-12-2008, 01:15

أحلى شيء تبين انك سعيد
زوجي خجول لكن في الملكة حبيته من قلبي
خاصة لما كان يقبل يدي

ومسك يدي ووعدني انه يعاملني بما احب
واخذ رقم جوالي

ولما خلاص انتهى كل شي
في طريق رجعته رسل رسالة ( I love u )
واتصل علي قبل ما ينام وقال انه مرهق بس حابب يسمع صوتي

واحلى شي
لما كانوا الاهل يصروا علي اعمل اشياء زي الاكل اني اخليه ياكلني وووو
وكنت في حال من الخجل وو
كان يقول خلوها على راحتها لا تطفشوها
مرررة حبيته

كحلها سايل · 30-12-2008, 05:03

والله انكم دوختوني ورحت بعيييييييييييييييييد ماره هههههه ..{ تحلم بسارق الاحلام خخخخخخخخخخ
مبروك الف الف الف مبروك .. انا مااعندي خبره في هالامور بس حبيت ابارك لك و ربي يتمم عليك ..
ولا تنسى تجيب لنا حلاوة الملكة { قولي قسم هههههه

روانـ · 30-12-2008, 05:08

بصراحه نصيحه من قلب

لا ترتبك وابتسم وتكلم وخل دمك خفيف وحسسها انك رجل

زوجي حياتي-احبك · 30-12-2008, 05:43

الف مبروووووووووووووووووك على الملكه عقبال الفرحه الكبيره انشالله
اول شيء خلك طبيعي وهادي لاترجف ويوم تدخل عليها عشان تتصور معاها اذا في صور طبعا ادخل وبوس راسها وقلها الف مبروك هذا اقرب لها وراح تكون كبيره في نظرها زوجها جا وباس راسها انا طبعا دايما زوجي من وقت الملكه الي الان مشالله عليه يجيني يبوس راسي استحي بس احس بفرحه كبيره غير كذا ياريت ياريت تخفف مشيتك وهذا الاهم يوم تمشي معاك في وقت الزفه هذا اهم شيء لاتحرجها قدام العالم لان الفستان يكون كبير وثقيل وماتقدر تمشي راح ماتقدر تاخذ راحتها في المشيه بعد كذا راح يجيك الكيك تاكلها وتاكلك وفي الاصعب واحرج يوم تاكلو من كيكه وحده انتبهواااااااا تخبطوا في بعض عشان لايتونسوا الناس عليكم اممممممممممم والافضل ماتعملوها وتبلغهم بذا الشيء وبعدين يجيك العصير بعده الشبكه اول شيء انت تلبسها لاتعمل زي احنا كنا مانعرف مين يلبس الثاني قمت لبستوا طبعا كاي بس يلا اول مره

وحاول تتعلم كيف تلبس الحلق والطقم لان بعض الرجال يكون صعب ومايعرفوا بس شطور زوجي فاجني انه يعرف مافشالني واضطر ينادي اهلوا

بس بعدها ممكن ترقصوا مع بعض سلو بس يفضل لا لانكم لسى دوبكم ملكتو
والكلام الي راح تقولو لها يكون طالع من قلبك عشان تحس فيه مو شيء تحفطه قبل ماتجي ومعليش اذا جلست ساكته وماردت عليك عادي لانهم ممكن تكون هلاكانه من التعب زي ماصار فيا لاني عملت كوشتي وكل مستلزمات الملكه بنفسي فاجلست سهرانه لكن اغلب الناس يخلوا رجال يعمل لهم بس برضوا راح تكون تعبانه واكيد راح تتوتر لان اول مره تجلس معاك حاول تهدي اعصابها بكلامك الحلووووو وفهمها انها زوجتك وراح تظل معاها لي اخر العمر
ونصيحه لك الزواج يحتاج تفاهم وتنازلات وهذا اهم شيء عشان تمشي حياتكم لان اكيد راح تتمشكلوا بعد الملكه كثير بس اصبر وتحمل وهذي كلها اشياءطبيعه اذا حبيتوا بعض راح تلقوا الطريق الي تمشوا فيه حياتكم
والله يوفقك اخوي ويسعدك وعقبال الفرح ليا ولك اميييييييييييييين

الهـوى شـرقي · 30-12-2008, 14:57

اسعدني جميعا مروركم

أخـ ع ـآفـك ـآلـ خ ـآطر

أشكرك اخي على النصائح الذهبيه

اقتباس:

يعني

عآرف قصدي اكيد

مايحتاج اقولك كلام حلو تقوله لها

مثل ماقلت لك

الهآم

لا توصي حريص بالنسبة للكلام فأنا اعجبك

عموما أشكرك اخي على النصائح الذهبيه

الله يسعدك اختي \ حتى عيوبي مزايا

اقتباس:

اول شي لما تدخل العروسه او انتا تدخل ما تفرق اول شي تسويه انك تقول ( ما شاء ااااااااااااالله ) هاذي الكلمه مستحيل انساها لو صار عمري ميه عدلتلي مزاجي ههههههههههه

راح اقوي قلبي واقولها هل الكلمه

ومشكووورة على النصائح والمرور الجميل

اهلين lamo0o

اجل الوضع من بعضه

الله يوفقك و يوفقني

ويعدي هل الليله على خير

تحياتي لكـ

مشكوره اخت أفكار على افكارك الجهنميه

تحياتي لكـ

كحلها سايل >>> قسم و تم

والله يبارك فيك وعقبال ما يجي فارس احلامك يجفف كحلك

قولي امين

احبك بس وينكـ اهلين اختي

مشكورة على المرور بس ممكن توضحين لي اكثر وشلون احسسها اني رجال ؟؟

يمكن انا فهمت غلط

تحياتي لكـ

زوجي حياتي-احبك

هههههههههههههههههههههه حلوه لبستيه انتي ؟؟

لا ما عتقد توصل للدرجة هذي

وبالنسبة للحلق مستحيل البسها حلق ماعرف صعبه

انا يالله بعطيها سلسال وخاتم والباقي هي تسويه

عموما مشكوووووووووووووووووووووووووورة جدا على النصائح

الهـوى شـرقي · 30-12-2008, 14:58

ننتظر الشباب الباقين نشووووووووووووف ردودهم

روآآبي · 30-12-2008, 15:20

اخوي اهم شي تكون هادي وتتصرف بتلقائية
ويوم الملكة غالبا العريس مايدري ايش المفروض يسوي ... بس هي تتسهل
اعتقد بيقدمون كيكة ويطلبون منك تقطيعها ..ومو شرط
بيقدمون عصير وكل واحد يشرب الثاني ..
بتلبسها الشبكة ...واتوقع والدتك بتساعدك
وبس غالبا هذا اللي يصير
الف مبروكـ

أبو لجين · 30-12-2008, 15:43

هلا ياخوي .. اول شي الف مبروك
وعسى ربي يتمم لك على خير .. ويسعدكم يارب ..

يا رجل .. لا تشيل هم ولا تخاف ..
وعيش حياتك .. هذه من ليالي العمر اللي ما تنسى ..
وبكره بتجمع عيالك حولك وتقص عليهم اللي صار عليك ^_^

حتى لو صار وخبصت وحست الدنيا .. صدقني بيبقى شي حلو بحياتك ..
فعشان كذا لا تشيل هم أبداً ..

أنا بقولك عن تجربة .. رغم طلاقي لكن ما زلت أقول إنها من اللحظات اللي عمري ما راح أنساها ..
وهي اللي تخليني أتحسر على طلاقي منها .. ( بقلبها نكد عليك هههه ) ..

أول شي لازم تكون مرتاح بجلستك .. فلا تخجل أبداً من تغيير مكانك ..
أو تتشرط المكان .. أو الوضعية اللي أنت جالسها ..

لا تخجل أبداً إنك تقول أبعدوا هذه شوي .. أو قربوا هذه شوي ..
لا تخجل أبداً من إنك تناظر بعيون اللي حولك كلهم .. وهذا أمر راح يريحك كثير بعد ما تسويه ..

خلي أقرب خواتك لك تكون قريبة منك .. ولا تنسى تثبت عقالك فوق راسك تمام ( ^_^ )
أسألني .. عقال أمتحني هذيك الليلة .. وكأني أول مرة ألبس عقال ههههه

كون عفوي .. ولا تحاسب نفسك على الكلام اللي تقوله .. ولا تفكر أيش اللي راح تسويه بعد شوي ..
ولا تتحرك بسرعة .. بأي شي تبغى تسويه .. لا تحاول تسويه بسرعة وعجلة ..

ما أبغى أكثر عليك أكثر .. أخاف أربكك زيادة .. لكن عيش حياتك يا عمي .. عسى ربي يوفقك ويسعدك : )

мόόη Ļίģħт · 30-12-2008, 18:59

ماقصروا الاخوان

الامور راح تتيسر ان شاء الله

ولا تحسب كل شي بالملي ..لان فيه امور ممكن تصير وامور لا

اهم شي ثقتك بنفسك .. لانها راح تنعكس ع العروس

حسسها انك مبسوط فيها وشكلها عاجبك .. لأن هذا اكثر شي تكون العروس خايفه منه

وبس

^.^

وبـ المباركـ

الهـوى شـرقي · 02-01-2009, 15:06

الله يبارك للجميع

ومشكورين على المرور الطييب

كحلها سايل · 02-01-2009, 15:45

يالله اخوي الصبر بااقي يووم ع الملكه مو ؟
{ صار لها ساعه واهي تعد وتفك في الحسابات ههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لكل المملكين و المملكات (( الرجاء الدخول ))