عالم الحياة الزوجية - منتدى

العروسة 2009 · 30-12-2008, 12:54

السلام عليكم خواني خواااتي

اخبااااركم ان شالله تمااااام

طبعا انا جديدة في هالمنتدى والصراحة حلو الوااحد يستفيد من اشخااص لهم خبرة

الله يسلمكم باقي عن عرسي 24 يوم والله اني خاايفة لاني اول بنت اتزوج في البيت اكبر وحدة

واحس اني خااايفة

شو تنصحوني في هالايااااام اكون مستعدة نفسياااا

وعندي سؤال بعد في رجولي تحت شوي جاافااات شو الكريم الي استعملة لي عندة خبرة يخبرني

وجزااااااااااااكم الله خييييييير

دلع غالي · 30-12-2008, 13:10

بالتوفيق وربي يكتب لج الخير
بصراحة ما اقدر افيدج في الموضوع ان شاءالله تلقي ردود من الاعضاء

المعدن ذهب · 30-12-2008, 13:26

زواج زواج زواج
يابنات الزواج مو شي عادي يعني ما راح تروحي للمسلخ ويذبحك زوجك ويوزعك في اكياس للجماعه

الله يوفقك شي عادي لا تخافين وحاولي قدر الامكان تسعدينه عشان يقدر يسعدك

وبالنسبه للكريم ( ادهني رجلك بالفازلين وحطيها بكيس قبل النوم وراح تلاحظين الفرق )

@جوري الحب@ · 30-12-2008, 13:33

هلا اختي

مبروك الف مبروك والله يتمم لك على خير

انا بصرحه مادري تبين نصايح من اي ناحيه؟؟؟؟؟؟؟؟

وبعدين المنتدى مليان نصائح نفسية وغيرها

لاكن الجفاف الي برجولك انقعي رجلك في ماء دافي وملح لمدة 5 او 10 دقايق

وبعدين نشفيها واستعمل المبرد الخشن لازالة الجلد الميت وادهنيها بالفازلين مرتين باليوم

واللبسي شراب ثقيل شوي وانشالله تشوفين احلى النتايج

بس داومي عليها كل يوم ادهني بفازلين واللبسي شراب

انشالله اكون قد افدتك

تقبلي مروري

heboss · 30-12-2008, 13:34

اول شي مبروك والتمام على خير. انا متلك البكر في البيت وصارلي متزوجة قريب ال 7 شهور. ما في داعي للخوف. شي طبيعي تشعري بالغربة لانك رايحة تبعدي عن اهلك بس صدقيني ما في احلى من الزواج والاستقرار ويكون الك مملكتك الخاصة. رايحة تتعودي شوي شوي وطالما زوج المستقبل فهمان ومتزن العيشة رايحة تكون احلى. صدقيني و والله الحين ما اقدر اقعد اكتر من ساعة في بيت اهلي لاني تعودت على بيتي وعلى زوجي وصار عندي مسؤلية اكتلر.
فما في داعي للقلق وهادي سنة الحياة وبعدين انت رايحة تشوفي اهلك وتزوريهن ويزوروكي. خلي الاشي يمشي طبيعي وما تفكري كتير وفكري بس في عرسك وفي المعازيم وفي بدلة العرس وخططي انت وخطيبك للمستقبل ولحياتكم الجاية. وبالتوفيق انشاء الله.

لعيونك ترخص ارقاب · 30-12-2008, 13:59

الف الف مبرررررررررررررررررررررررررررررروك اهم شي الرااحه النفسيه وانا اختج
ورجووولج انصحج بفاازلين حلوووووووووووووو للرجووووول واهم شي يووم العرررس تكووونين مستاانسه ولا تفكررين بالخوووف لانج اذا فكرررتي فيه بيجييج الخووف

والله بالصلااه وقرررات البقرره يووم العررس الصبح ولا تخاافين هذي فرررحة العمررر

حياتي للة · 30-12-2008, 14:46

ربنا يوفقك حبيبتي كل وحدة منا تخاف بس واللة مافي احلى من دا اليوم وبالنسبة لرجولك استخدمي نيفيا والبسي شرابات على طول

روآآبي · 30-12-2008, 14:56

حبيبتي حددي سؤالك ...ونحن باذن الله نقدم لك الاجابة
بالنسبة للاستعداد النفسي ... نصيحتي لك ..انك ماتكثري من التفكير ..لان كثرة التفكير تولد القلق
بالنسبة للأقدام ..استخدمي فازلين كعب القدم ...ممتاز ...قبل لاتنامين ادهني رجلك والبسي شراب ولما تصحين ادعكيهم بليفة وصابون مرطب
طريقة مجربة بكثرة وناجحة

أبو لجين · 30-12-2008, 15:32

بالنسبة لرجولك .. الكل أفادك ..
رغم إني رجال لكن بنصحك بالشي اللي أسويه أنا ^_^

أتدهن بفازلين وألبس شرابات قبل النوم .. ولما تصحين أغسليهم بمويه دافيه ..
بالعادة لما نطلع مقانيص أو نطول في البر .. الطريقة هذه تزيل التشققات والجفاف عنها ..

بالنسبة لزواجك .. وقرب موعده ..
أول شي .. ألف مبروك .. وعقبال خواتك وحبايبك ..
الزواج شي حلو .. ونص الدين .. وأحلامنا ترتبط فيه دائماً ..

لا تكثرين التفكير .. المسألة بسيطة جداً .. وليلة دخلة من أجمل ليالي العمر ..
ولا تفكرين وش تسوين .. أو وش تقولين .. خلي كل شي عفوي وتلقائي منك ..

بيكون أحلى ..

حتى خبصته وربكته .. كلها لها طعم مختلف ..
راح تذكرينها وتضحكين من داخل قلبك .. فلا تشيلي هم .. وأذكري ربك دائماً وتعوذي من ابليس ..

وموفقه يا خيتي ..

мόόη Ļίģħт · 30-12-2008, 15:48

الردود كافيه لكن راح ادعيلك واضيفلك من عندي كذا طريقه مضمونه ومجربه ^.^

بالنسبة للنفسيه طبيعي شعور التوتر .. طالما مازاد عن حده

وانتي باستطاعتك التخفيف عن نفسكـ وزيادة التفكير بأمور تزيد من ثقتكـ

بالنسبة للسؤال الثاني

**الاهم النظافه دائما .. يعني مع كل وضوء اغسليهم بالماء والصابون ونشفيهم ورطبيهم بكريم فازلين عقب القدمين ..

**اذا تبغين نتيجة أسرع واقوى وتشيل لك الجلد الميت
فيه الموس الخاص بالاقدام .. لكن الاهم باستخدامه
ان القدم تكون رطبة يعني منقوعه فتره بماء دافي
واستخدامك للموس يكون بـ لطف وللمناطق الجافه فقط
بعدها ادهنيها بزيت جونسون او كريم

والموس استخدامه كل اسبوعين مره ..لان نتيجته راح تظل فتره

**وفيه طريقه سريعه بعد كل استحمام ..
استخدمي النير الخاص لازاله الشعر كـ كريم لترطيب الاقدام من تحت وادعكيها شوي ثم اشطفيها

بتلاحظين نعومه وطراوه برجولك

هذا كل اللي عندي وان شاء الله تستفيدين منه ^.^

/أمل عمري/ · 30-12-2008, 16:45

ربي يوفقك ....

ولاتخافي اختي..ريحي نفسك ولاتفكري بأي شئ...والزواج حياة جديدة مستقرة جميلة....

وبالنسبة لرجولك.......بعد تنظيفها دهنيها (كريم جلسرين+فازلين+شوي فكس+شوي ليمون)والبسي كيس نايلون وشراب

ونامي فيه......تصير رجولك مثل البيبي..بس استمري لين لزواج......

وربي يتمم لك ع خير......

العروسة 2009 · 30-12-2008, 17:03

الله يجزااااااكم الخييير

الله يبارك فيييكم ان شالله

والله ما قصرتو في ذمتية

الله لا يهينكم ان شالله

غرامي الإمارات · 30-12-2008, 17:13

ألف مبرووك أختي عرووووسه 2009 ....
بالنسبه للجفاف اللي في ريولج ..
روحي الصيدليه وقوليلهم أبغي كريم الأسد .. وااااااااااااايد زين ..
بالنسبه للنصايح .. كوني وثقه من عمرج وانسي اقلق واللهم ..

بْقَاٌيَاٌ҉ذِكْرَيَاٌتِ · 30-12-2008, 17:45

ولــــــيه الخوف يا خوافه ترا الزواج مو حلبة مصــارعه ولا حبــل مشنئه خخخخخ

الزواج حيـــاة جديده .. وصفحــات بيضـــاء... بإذن الله ربي يكتب لك الاستقرار فيــها ..

أهــــم شئ التفاهم والمصارحه .. أما مشكله رجولك .. ماشاءالله ماقصروا الأعضــــــاء ..

الله يسعدك ويوفقك ويتمم الزواج على خـــير يا عروستنا

العروسة 2009 · 30-12-2008, 19:25

غرامي الاماران

نوسة

انا اكبر خواااااااااااااااااااافة هههههههههههه ما ادري ليش

غرامي الامارات لاهنتي فديتج والكل ما قصر وعطاااني طرق حلوة وان شالله من اليوم بجربهاا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عرسي بعد 24 يوووم