عالم الحياة الزوجية - منتدى

نبع الشــوق · 08-01-2009, 15:53

انا وزوجتي بيننا خلاف وتصلت على ابوها واخبرته لاني ابسافر وزوجتي لاتكلمني المهم هي طلبت من ابوها ان يحظر ونتكلم معه جاء خالي سئلنا ايش المشكله قالت زوجتي انا زوجي ينقل اي شي يصير في البيت لاهله وهذا كلام غير صحيح انا مره نقلت مشكله صارت بيني وبين زوجتي لاهلي وبعدها تعاهدنا انا المشاكل تكون بيننا فقط المهم وثانيا ان زوجي اهله يتدخلون في قرارته وعندي دليل ايش الدليل قالت مره وافق اصبغ شعر وهو مامعه فلوس ورح تسلف وبعد ماتسلف جاء يقول مو لازم تروحين جاء على بالها ان اهلي هم السبب واثبت لها ان الي نصحني انها ماتروح هو اخوها وليس اهلي يعني سواء ظن المهم قال خالي ابطلب منكم طلب وتنفذونه اول ماطلع من عندكم قلت سم ابشر هو اذا طلعت انا ابي كل واحد يحب راس الثاني وتعذر منه وتنسون الماضي وتفتوحون صفحه جديده قالت زوجتي بشرط انه يتعهدلك انه ماينقل الكلام لاهله وتعهدة انا امام خالي معني لم انقله الا مره واحده فقط وهي تقول لاختها اي شي يصير بننا بعد ماطلع خالي جيت حبيته مع راسها وقلت انا اسف المفروض هي تعمل نفس الطريقه وكانت جالسه انتظرة منها انها تسوي الي اتفقنا عليه ولم تفعل مع العلم اني بكرى مسافر هذا الكلام بعد صلاة العشاء رغم هذا طلبت منها اننا نتعشاء برا يعني عازمه ورفضت وماتكلمني جلست عندها اريده تتكلم ولكن لاحياة لمن تنادي المهم الصبح ابسافر ماهو مفروض من الزوجه حتى لو هي زعلانه تقول تروح وتجي بسلامه هي تدري اني ممكن مارجع لو سمح الله ماتكلمت معي ابد ابد الشي الثالث مضيعه الرقم السري حق جوالها قلت لن اذهب حتى افتح جواله وفي مطار الملك خالد باقي على الطياره نصف ساعه وروح للاتصالات وتبهذل وطلع الرقم وتصل عليه قلت خوذي الرقم السري بكل بساطه تقول مابيه بصراحه ايش رائيكم الان مسافر وهي ترسلي رسائل على الاميل تطلب الرقم السري مني ولا ارد عليها واذا كلمت خالي اسئله عن البنات تقول لاتكلمه كلمني انا وانا زعلان عليها ابي ردودكم تكون من العقل وليس من العاطفه ولكم جزيل الشكر

سعودية كووول · 08-01-2009, 16:12

مدري بس هي شرهانه وشرهتها كبيرة ودي تكلمها الحين وتمسكها باللين تقولها أنك تحبها وتموت عليها ..
روحك معلقه فيها ... بس ليه أنتي زعلانه ؟؟؟ وش السبب بكل صراحة ؟؟؟ وبدون خوف أحكيلي وش صاير ؟؟؟
وهي بتحكي وتقاهموا وراضيها ولو راضيتها كويس
حتى لو تغليت عليها عشان أنت ترتاح أنك مانزلت نفسك حيل صدقني بتجيك ..
بس عزم وراضيها ... وربي يوفقك.

جداوي11 · 08-01-2009, 16:37

اخي لابد من التفاهم انت وزوجتك
ولا بد انكم تتفقو ان مايصير داخل غرفتكم لايتعدى غرفه النوم وهذا خطا فادح

ربنا يكون بعونك اخي

تقبل تحياتي وخالص ودي

محروم الدنيا · 08-01-2009, 16:48

لا تتتتتتتتتتتتتتتتتتتتتتتتعليق
الله يكون بعونك
تقبل مروري
اخو محروم الدنيا

مجروح بلا جرح · 08-01-2009, 17:11

واضح ياخوي انه زوجتك دلوعه شوي ومحتاجه قرصة اذن منك شوي ............

اسمح لي ياخوي شكلك عودتها كل مره هي تغلط تجي انت وتعتذر منها ......... وواضح من كلامك ياخوي انك تحبها وما تبي تزعلها ...............ز بس طبعا مو بهالطريقه تنحل المشكله ............. انت بطريقتك هذه عودتها على انها تدلع عليك ....... واي شي تطلبه منك تنفذه لها وبدون تردد ...............

ماراح اعلق على سالفه ابوها وانه تدخل بينكم وحاول يصلح لا ................

طالما هي تبغى الرقم السري للجوال عطها ياخوي ارسله لها .................. ... وطالما انك سافرت وان شاء الله ترجع بالسلامه .....

لا ترد على اتصالاتها لفترة معينه وحتى اذا رسلت لك مسج لا ترد ولا تحاول تدق عليها ........... واذا قريب تجي من السفر جيب معاك هدية لها قبل ما توصل واذا وصلت قدمها لها وقول لها انك كنت مشغول وما قدرت ترد على اتصالاتها .......

THE SKY COLORS · 08-01-2009, 17:16

اووووووووووووووف مره زعلانه
ياخي ارسل لها كل اللي بخاطرك بمسج على جوال اختها
قول لها يرضيك اني اروح وانا زعلان فرضا مارجعت حسسها بهالشيء
الله يصلح اللي بينكم يارب

نبع الشــوق · 09-01-2009, 01:52

وينكم اين الردود؟؟؟؟؟؟؟؟؟؟؟؟؟؟؟ ابي رائيكم بكل صراحه

جبال نجد · 09-01-2009, 02:21

ماإعتقد فيه أحسن من المصارحة بين الزوجين ‏‏)‏‏)‏‏)‏‏(‏‏(‏‏(إجلس معها وتفاهموا مع كل الناس لاتفتح قلبك وتصارحهم إلا زوجتك ومشكلتك لا أحد يستطيع حلها إلا أنت تشجع وإحزم أمرك صارح زوجتك بكل مايجول بخاطرك واستمع لوجهت نظرها ووضح لها أن بعض التصرفات لاتعجبك وتريد منها مراقبة نفسها وهكذا . ‏

Rawwaf · 09-01-2009, 02:42

نبع بشكل مختصر
أقدر وضعك وموقفك

أنت مسافر الآن وربما تحتاج هي احد معها وقريب منها .. تعوذ من الشيطان الملعون .. وأرسل لها الرقم .. وكلمها وأقرب منها أكثر.

مع العلم أنها لم تودعك بشكل مطلوب ولم تحسسك بإلإهتمام .. بس مو مشكله .. إذا رجعت تفاهم على الموضوع أو زحلق النقطه هذي ولا تدقق.

لكن الآن بما أنكم بعيدين فما أشوف أنه مناسب يكون هناك بعد عاطفي ونفسي ومشاده على شيء ما يستحق.

بالتوفيق

(السفيرة) · 09-01-2009, 03:27

.. بصراحة... رغم أن فيه تجاوز... الا ان نوع المشكلات الاصلية بسيط جدا ومو مستاهل تضخيم وكل هذا... يمكن هي كانت متوترة وما احسنت التصرف خل انت قلبك كبير الان دامك بغربة بعيد عنها لا تخذلها ولما ترجع تفاهم معها وحط النقاط على الحروف معها بوضوح وحزم بس بدون قسوة! ولا عاد تدخلوا اي مخلوق بينكم...

همسة_حنان · 09-01-2009, 03:36

اقتباس:

المشاركة الأصلية كتبت بواسطة Rawwaf

نبع بشكل مختصر
أقدر وضعك وموقفك

أنت مسافر الآن وربما تحتاج هي احد معها وقريب منها .. تعوذ من الشيطان الملعون .. وأرسل لها الرقم .. وكلمها وأقرب منها أكثر.

مع العلم أنها لم تودعك بشكل مطلوب ولم تحسسك بإلإهتمام .. بس مو مشكله .. إذا رجعت تفاهم على الموضوع أو زحلق النقطه هذي ولا تدقق.

لكن الآن بما أنكم بعيدين فما أشوف أنه مناسب يكون هناك بعد عاطفي ونفسي ومشاده على شيء ما يستحق.

بالتوفيق

الاخ رواف ما قصر

افهميني · 09-01-2009, 06:45

انت بعد لك دور ..شوي مطيح الميانه

الان تجي تحب راسها وتطنشك ؟؟..ماتبي تصالح تقول لا تقرب ولاتحب راسي ..

المهم انك احسب حساب كرامتك شوي بعدين تتعود على هذا الكلام ولما انت تطفش وتغير تقول شوشوك اهلك عليها ..!

هذا الكلام مافيه شي تصالحها تراضيها تطيب خاطرها تحب راسها بس لو كان كل هذا مقدره الطرف الثاني ..

اما يصير مذلة واهانة انسى تسويه ولو وصل الوضع مواصيلة ..

بس انت بعد المفترض لك كلمة وما تدخل لا خالك ولا خالتها ماتعرف تحل شيء بينك وبينها ..!

تدخل احد لو مثلا راحت بيت اهلها والكل عرف ممكن تدخل احد ..اما تدخل خالك والي يقوله تقول تم وعمك يقول وانت تم .. ..حشى وانت ماتقول شيء وهي تقول تم ..!

المشاكل تصير في كل بيت بس المفترض انت الي تحلها وانت الي تجيب حل وانت الي تخلص الموضوع ولو اضطر الوضع انك تسايرها كم يوم سايرها ..اما يصير الوضع بهذا الشكل تكسير خشوم لا حد يلوم احد ..

انشاء الله بعد يصير فيك شئ او تصير في خطر في البيت ..وتطنشك وتقول لا تطلب شيء احنا متزاعلين ..!

شوف اذا مايناسبك رايي ..طنشه

انا اتحمل اي شيء او ردة فعل من زوجتي مدام انها تهمها كرامتي وماتقربها ..

اما تفكر تهيني تقعد بيت ابوها احسن ..لاتهيني ولا اهينها ..

تحيتي

em tala · 09-01-2009, 06:52

الله يصلح بينكم

ابو الغايب · 09-01-2009, 07:02

طنشها واللة هية راح تجى تتاسف منك وخد منها موقف انك سافرت وهية مافكرت انها تراضيك او تودعك وشوف النتيجة

كحلها سايل · 09-01-2009, 07:05

ياا خوي لا تزيد النآر حطب ..!!
استعوذ من الشيطآن و ارسل لها الرقم ..
وبعدهآ لما ترجع من السفر بالسلامه .. اقعد معآها وتناقشــوآ ع الخلاف اللي صار بينكم .. لين مايطيح اللي براسكم ..
الله يصلح حالكم ويهدي سركم ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انا وزوجتي على خلاف