السلام عليكم

كيف حالكم يا اعضاء منتداي الغالي

ان شاءالله تكونوا بأتم الصحه والعافيه

اكتب لكم مشكلتي ..وانا في قمة الضيقه والحزن

انا متزوجه صارلي تقريبا 6 اشهر..مشكلتي مع زوجي انه احسه ما يغار علي ماادري هو ثقه زايده ولا مايحبني؟؟؟؟ ..الله اعلم

بالرغم من انه دايما يكررلي انه يحبني ومايقدر يعيش بدوني ومن هالكلام..لكن انا احس لما يقولي هالكلام انه مو من القلب مااااادري ليش؟؟!!

انا الحمدلله مو ناقصني شي يعني عشان لاتقولون اني مو مهتمه بنفسي ولا اناقتي ولا مو مهتمه فيه

بالعكس مررررره


..كم موقف مر حسسته بغيرتي عليه وحبي له..يعني مو مشكله كبيره بس عاتبته

وقلت له انا اتضايق لاني اغار عليك وابيك لي لحالي ولا احب احد يشاركني فيك..هو يستااانس من كلامي ووقتها يحلف لي مليوووووون يمين انه مايشوف غيري ولا يحب الا انا و و و و و

طيب ليش هو ما يسوووووي مثل ما انا اسوووي ؟؟ويحسسني بقيمتي عنده؟؟؟

لاتقولون لي جربي وسوي اشياء وخليه يغار لاني والله العظيم سويت اشياء كان ممكن اروح فيها وكلها من وحي الخيال

يعني مثلا مره طلعت السوق مع قريبتي ورجعت بقصه كلها اكششششن وكلها كذب..كان ردة فعله انه قال لي

الحمدلله عدت على خير وانتبهي وماادري وشو


قلت نجرب قصه ثانيه

واخترعت قصه اني دخلت النت وجاتني اضافه ع الايميل بالغلط واحسبه صديقتي طلع واحد.. قال لي امسحي الايميل ولا تقبلي ايميلات ماتعرفيها

ياربي لو انا كان ماارتحت الا لما امسح الايميل بيدي وانا انهي الموضوع..وهو بكل برود يقول لي امسحيه

طيب ايش اسووووي اكثر من كذا

لاتقولوا لي صارحيه ...لانه ما يحب النقااااش ابدا في اي موضوع من المواضيع

الحين ابغى اعرف كيف اتصرف معه؟؟؟؟ ليش يعاملني ببرووووود؟؟؟؟ هي ثقه زايده فيني ؟؟ولا ما يحبني؟
والله اني طفشااااانه منه