عالم الحياة الزوجية - منتدى

قحطاااني ماااركه · 20-01-2009, 21:34

سلاااااااااااام عليكم
أسعد الله أوقاتكم بكل خيررررر
تعرفون دايم مستعجل وما أحب المقدمات

بيوم من الأيام جاني أحد المراجعين بالعمل شاب ملتزم عمرة بالثلاثينات المهم قعد عندي بالمكتب تعرفنا على بعض المهم طلع لواحد من قبيلتهم قرابه بواحد من ربعنا يعني قرابه من بعيد أخذتنا السوالف يمين ويسار طلع يشتغل متعاون مع الهيئة بالدمام وإمام مسجد ومدرس بسم الله ما شاء الله ربي يهنيه ويزيده ....
سألني عن وضعي أعزب ولا متزوج قلت له لا والله أعزب ولو تخبر لي مسيار على أيدك هذي شغلاتكم يالمطاوعه قلتها من باب مزح المهم صار بينا معرفه وتواصل .......
قبل يومين دق علي قالي موضوعك ذاك ترى لقيت لك حل بصراحه صدمني ولا فكرته جاد لكن والله جازت لي الفكرة بس ضميري يأنبني أحس فيه ظلم لها تعرفون زواج بالسر ولا فيه نفقه يعني تجي ضيف معزز مكرم تاخذ ........ وتطلع محشوووم ... محتار ومتردد أخاف أهلي وقرايبي يعروفون وأصير حكايه ولا جيت بتزوج شرعي ما أحد يقبلني واللي مضايقني أكثر أحسه زواج أستغلال والله أحس بالذنب وبنفس الوقت نبي نعف انفسنا والحاله المادية في أسفل السافلين والأقساط مكسرة ظهرنا ..

هل تنصحوني بالزواج هذا ولا أخليه وأصبر وربي يعوضني أحسن منه
قولوا رايكم الله يدلكم على الخير

شكرا للجميــــــــــــــــــــــــع

خيركم لأهله · 20-01-2009, 21:47

انا صراحة شخصيا ما اؤيد المسيار

تزوج زواج عادي وربي بيسهل عليك

ثلاثة حق الله ان يعينهم

منهم : ناكح يريد العفاف

أبو لجين · 20-01-2009, 22:36

والله ما ادري عنك صادق والا تمزح مثل موضوعك اللي قبل ..
بس إذا تبي النصيحة .. يا تتزوج زواجنا اللي نعرفه .. والا وخر عن هالسوالف ..

الرجال ودك إذا سوا شي .. كلن يدريبه ..
والشي اللي ( ما تبي الناس تعرفه ) .. تراه عيب وطر جيب !! ..

وإذا أنت رجال تقول ما عندي الإمكانية إن أتزوج زواجنا اللي نعرفه ..
وما تقدر تمسك نفسك .. فهنا الموضوع يختلف .. ويرجع لك أولاً وأخيراً ..

سعدونة · 20-01-2009, 23:28

السلام عليكم
احسلك اخوي تبعد عن الزواج المسيار ولا تفكر فية
ودعي ربك انة يستر عليك وزوجك بالزوجة الصالحة
ياما شباب اتزوجو وهم طلاب في الجامعة يعني ما عندة دخل بس عشان الزواج ستر للفتاة والشاب سبحان الله تتيسر الامور ويكون زواج لاينظلم فية الشاب ولا الفتاة لذالك انت استخير اذا كان الموضوع جد وما خاب من استخار
يمكن تسبب بزعل اهلك وتسير قطيعة رحم وحالة ومشاكل انت بغنى عنها لاذالك لاتتهور
تقبل مروري

][*الحياة حلوة*][ · 20-01-2009, 23:51

هذا وهو مطووووع !!

ومشايخ كثير مااجازوا ذا الزواج شلون يسعى بشئ مايعرف عواقبـــه ؟؟ ؟ ؟؟
حتى المطوع عاد ينخاف منه وش بقي؟؟
انت قلت الاسباب وهذاك عارف ماشاء الله ...والاعضاااء ماقصروا ومن تركـ شيئا لله عوضه الله خيرا منه!! !!
والزواج الشرعي موجود الحين اكثر من الاول بس الاشاعات عن غلاء المهور ,, الانسان يتوكل على الله ويطلب الحلال!!

جمالي معذبني · 21-01-2009, 00:29

لا لا لا غير مؤيده
طيب ليه ماتتزوجها وتعلن زواجك؟
مدام انت تبي الزواج وهي ماراح تاخذ مهر يتعبك...
خلاص سووا زواج بسيط واعلنه ..
وصدقني لو خطبت بعدبن ودروا عنك مافيه امل وحده تاخذك.

روآآبي · 21-01-2009, 00:31

بما انك مو مقتنع اذن اترك هالطريق واستعن بالله انه ييسر لك زواج تام وبالعلن وبرضا الاهل

أفكار · 21-01-2009, 01:04

أخي الكريم ..
المفروض عرضت موضوعك من غير ذكر وصف الشخص ..
كونه ملتزم أو غيره

يعني الملتزمين يتعرضوا دائما زي ما تعرف للنقد
ومو ناقصين !!!

<< عادية بس أحب الملتزمين

مغترب بالشرقية · 21-01-2009, 01:12

اخوي قحطاني

ممكن تشوف لي اختها وربي لاتزوج مسياااااااااااااااااااار

انا ميت على زواج المسيار وانت جالس تفكر << مندفع للموضوع

ميمي مجروحه · 21-01-2009, 01:13

الله لا يحدك له
تعوذ من ابليس والله يرزقك من فصله وتتزوج الزوجه اللي تغنيك عن كل شي

كحلها سايل · 21-01-2009, 01:45

مدامك جيت وتبي النصيحه معناتها انت متردد ومنت مقتنع ..؟؟؟؟؟
اصرف نظر عن الموضوع واناا خيتك وشوف لك بنت الحلآل اللي تهينك طوول العمر ..!!
.. واذا ماره منحرج من الرجال هههه حول الموضوع الى اخونا في الله مغترب بالشرقيه .. خووفي يموت عليناا وماا نلقى احد يسعفه
هههههههههههه .. الله يلطف بحالكم يارب ..{ تراها من قلب هالدعوه ..

الحزينة$ · 21-01-2009, 03:44

اللي ناصحك تقول مطووع هذا مطووع الله يهديهـ
خذ نصيحه اختك يااخوي ..
مافي شاااب خالي من الاقساط بذات اذا كان بدآيه بناء مستقبلة
واذا تزوجت مسيار سيـآثر في حياتك المستقبليهـ
ونصيحتي لك تزوج شرعي ... وش فيها لوكان عندك اقسااط وغيرة وغيرة ... انت اول شاب او اخر شااب
ياما شباب تزوجو وعليهم اقساط مايعلم فيهاالاربك .. وعايشين ومبسوطين
واصرررف نظرررك عن هالموضووع

мόόη Ļίģħт · 21-01-2009, 04:17

وش هدفك من الزواج ...؟

مو استقرار وتكوين أسرة وعيال وتكون زوج واب قدامـ الناس كلها ولاتخجل من احد

طيب فرضا تزوجت مسيار ..

هل بتجيب منها عياال ... وبتكمل معها باقي عمركـ ؟؟

اذا بغيت تتزوج زواج علني .. قدام اهلكـ والناس .. وش مصيرها هي ؟؟

ياليت الواحد يفكر بعقله شوي قدام هالامور . . لأانها لو حلت لك مشكله وحده .. بتطلع لك من وراها ألف مشكلة

دلع غالي · 21-01-2009, 04:39

خلك بعيد من هالزواج وربي بيعوضك خير انشاءالله والحمدلله انك فكرت في البنت

بنت الحجاز@ · 21-01-2009, 05:37

برأي دور لك على بنت تقدر ضروفك وبتلاقي انشاء الله بس ابحث........
وترا بعض الأباء والله يدورون الرجال لبناتهم قبل الماده لأن هذا اللي أبقالهم........
وبالنسبه لزواج المسيار هل هذا اللي انت تحلم فيه.....حياه زوجيه سعيده واسره واستقرار وتطلع وتخرج من بيتك قدام الناس مو زي زواج المسيار انصاص الليالي.....
وبعدين بلفت انتباهك لشي اخر ذحين الزواجات الرسميه وبالدف تمشي الا من رحم ربي والناس الي فاهمه الحياه....
اما بالنسبه لزواجات المسيار كم مدتها شهور وماتزيد ينفصلوا معظم الأحيان بسرعه........
يعني زوجه المسيار من واحد لواحد من زواج وتطلق زواج ثاني احسه ظلم ومسخره للزوجه.....
اما الزوجه الرسميه لك وحدك ولك طول عمرك بعد التوفيق باذن الله,,,,,,,,,,,,,,
وكمان بنبهك لحاجه اليوم اخذت مسيارواذا اتزوجت رسمي بعدين راح يعجبك المسيار وتاخذ مسيار على زوجتك وشوف المشاكل بعدين ما يكون فيه استقرار نفسي واحتواء بالكامل لبيتك ولأسرتك..........وعفوا على الأطاله....
والله يوفقك..............

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

خاويت مطوع وقال عندي أزهلها