عالم الحياة الزوجية - منتدى

بنت الحرس · 20-01-2009, 23:52

السلام عليكم..

انا طالبة بسنة رابعة بكلية الحرس(تمريض) وعمري 25..

المهم متقدم لي شاب بسيط ويتيم.. ولسه ماخلص ثانوي عم يدرس منازل بثاني ثانوي..

انا بصراحة مو عاجبني مستواه التعليمي.. خصوصا وانا جامعية وقريب بصير ممرضة..

وغير كذا انا بيضاء مرة لكن هو اسمر غامق.. وخشمه كبير.. انا استغفر الله ماعيب..

بس مو قادرة اتقبله..

فمو عارفة وش الحل.. اخاف ارفض مايجيني غيره.. واخاف اقبل واظلمه لاني مو مقتنعه به..

وهو يعمل بشركة .. راتبه لايتجاوز 3000 الاف ريال..

لو كنتم مكاني هل تقبلون به..؟؟

zema8 · 20-01-2009, 23:56

استخيري الله

وعسى ربي ان يهديك للحل الصحيح

فالمواصفات لا تتفق مع شخصيتك

او طبيعتك

وربما يدخر لك القدر بما هو اصلح

تحياتي

ALmaw3o0od · 21-01-2009, 00:03

لو ما كنتي مقتنعه ... لا تقبلي
و الله يسهل أمرك و أمرة

أما مسألة إنك تخافين ترفضينه ثم ما يتقدم لك غيره
فهذه أمور بعلم الغيب و علمها عند الله
نحن نعمل الأسباب و الباقي على الله سبحانه و تعالي .

كحلها سايل · 21-01-2009, 00:12

اهم حاجة الاستخاره ...
ومدامك من الحين مو مقتنعه ولا بشيء من الموآصفات اللي ذكرتيهاا
افضل انك تغضين النظر .. لان بآين ماافيه توآفق بينكم ..
بس مدري ليه حآسه من كلآمك فيه نوع من ...... مدري ايش اسميهاا ..
اختي ..
اعتقد لك حق ان يكون عندك ثقه بنفسك و بشكلك و بمستوآك التعليمي ..
لكن .. لا تنظري للشآب المتقدم بشيء من الكبريآء ..لاني هذاا اللي حسيته بوصفك له ..
خلي نتظرك له كـ خلق وأدب و تدين .. اما النوآحي الثانويه كـ الشكل فهذاا ماايعيب الرجل ابدآ ..
ع العموم ..
الله يكتب لك اللي فيه الخير سوآء لك او للشآب اللي متقدم لك ..
موفقه يااحلوة ..

البرنس وصل · 21-01-2009, 00:37

سيدتي نسبه العنوسه هذه الأيام تخوف جدا ويش يعني لونه أسمر أو راتبه 3000 ريال كلنا عبيد الله ياما في شباب وسام لكنهم للأسف غير مستقيمين في حياتهم العملية ...
أهم شيء تكوني مقتنه وراضيه فيه لن هذا زواج وليس لعبة ...

تقبل مروري سيدتي

هدوء الكون · 21-01-2009, 00:44

اسخيررررري وربي يكتب لك الخير

مغترب بالشرقية · 21-01-2009, 01:06

لا لاتوافقين

واضح عدم قبولك له

شرقاوية دلع · 21-01-2009, 03:16

انتي رافضة ليش تستشيرينا ؟؟

انتي منتي متقبلته بتاتا يعني شايفته اقل مستوى منك شكلا وتعليما فشلون بتتقبلين يصير زوجك

لا خليه يروح في سبيله وانتي تروحين في سبيلك

ولا تحاتين رزقك ولا رزقه لان كل واحد ياخذ نصيبه

دلوعة نايف · 21-01-2009, 03:23

رفضك واضح ..
الله يرزقك انشالله بغيرة

وكيل المالية · 21-01-2009, 06:57

نصيحة اختي لا تقبلين
أحس من كلامك انه لا شكل ولا مضمون لايق عليك شوفي غيره احسن ولا تقبلين لأنه باين انه ما فيه توافق بينكم بالمره اما انه ما يجيك احد غيره فهذا الشي نصيب يعني ولا تحاتين .

استاذ الحب · 21-01-2009, 07:08

اقتباس:

المشاركة الأصلية كتبت بواسطة بنت الحرس

السلام عليكم..
انا بصراحة مو عاجبني مستواه التعليمي.. خصوصا وانا جامعية وقريب بصير ممرضة..

وهل الفرق في المستوي التعليمي عائق للزواج ؟ لو يدري تفكيرك بهذا الشكل ماكان خطبك من البدايه ,,,الله يعطيك خير تفكيرك ,,,

لسعة شقآوه بدلع · 21-01-2009, 07:17

أستخيري..وتذكري قوله تعالى (وعسى أن تكرهوا شيئاً وهو خير لكم)
بالتوووووفييييق يالغلا

أشجان الروح · 21-01-2009, 07:27

أنا من راي لا توافقين لأن اهم شي تكوني مرتاحة نفسيا من اللي بيصير بكرة زوجك وتحصل الألفة بينكم ولا كن باين ان هالشي بينكم مفقود من كلامك
واختي باجر اذا الله رزقك واتقدم لك واحد وارتحتي ليه ما اظن بهمك مستواه ولا راتبه أهم شي دوري على دين والأخلاق

همسة_حنان · 21-01-2009, 07:32

استخيري

زوج وسيم · 21-01-2009, 08:28

السؤال للفتيات فقط ؟؟؟

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هل تقبلين بمواصفات مثل هذا..