عالم الحياة الزوجية - منتدى

zooba12 · 21-01-2009, 09:45

السلام عليكم

انا مملك من 3 اشهر و ومرة من المرات طلبت من خطيبتي اني اشوف اميلها مع الماسنجر تبعها(مع العلم اني خليتها تشوف اميلي مع الماسنجر تبعي لانه ما عندي شي اخفيه عنها) بس جيتها بطريقة لبقة من غير ما اجرحها او احرجها بس الرد الي لقيته منها كان الرفض بشدة و قالت هذي خصوصية من خصوصياتي وما له داعي انك تشوفها (يعني لو الواحد ما عنده شي يخاف منها ما يخف يفرجيه لغيره). صراحة انا انسان شديد الغيرة حتى بعض الاحيان ترسلي اميلات تجيها من الاساس من اسماء ذكورية وترسلي لها على اميلي حتى لستت الاسماء الي تجي في اميلاتها فيها عدد كبير اسماء ذكورية مع اسماء انثويه (يعني يبان من عنوان الاميل) صراحة انا ودي افاتحها في موضوع الاميلات و الماسنجر مرة ثانيه بس مو عارف لأن اول مرة فاتحتها فيها حسيتها عارضة كتير وذي المرة يمكن اذا فاتحتها يمكن تزعل وما ادري ويش يصير بعدها.صراحة هذا الموضوع قالقني كتير ومتعبني نفسيا لانو الزوج لسه باقي عليه شهر ونص وما لقيت حل لذا الموضوع.

فأنا قلت ما آخذ النصيحة إلا منكم انتو لانكم ادرى واعلم فتكفون وش نصيحتكم لي.

مهجول · 21-01-2009, 09:56

خلك صريح واسئلها عن الاسماء هذى من ولمن باسلوب لبق

يمكن تكون لسته فى قروب والا ليش ترسلك كل الاسامي

يعني لو على نيتك بترسل لك لحالك

واما رقمها السري املك قلبها وعقلها وتملكك كل شي ولا يهمك

لا تخلي شكوكك تخرب عليك واحسن طريقه اسئله وش الاسماء هذى

وتزعل وتراضيها احسن انك ماتبدا حيااتك بشك وسوء ضن ...

وتقبل اي رد

وتقبل مروري

شادن مون · 21-01-2009, 10:05

شف اللي ما يغار ما يحب ابدا فما بالك بزوجتك
انا رأيي انك تصارحها باللي ودك تعرفه لابد انك تكون صريح وبطريقه تريحها وما تحس انك فعلا تبي تتجسس عليها
او انك تقولها عن رأيك الشخصي من محادثتها للرجال اذا وجد ذلك
وبعدين يمكن يكون عند زوجتك صديقات ولهن اسرارهن الخاصةومايصلح انت تكون مطلع عليها وهذا هو سبب رفضها
لا اكثر ولا اقل

كحلها سايل · 21-01-2009, 10:49

اناا مع رفض زوجتك ..
لان هالشيء خآص فيهاا .. ومو بسهووله راح تقبل انك تدخل في خصوصياتهاا ...
بس كل شيء بالسيآسه يجي ..
ورد الأخوان اللي قبلي اخذه بعين الأعتبار ..
مووفق ..

خيركم لأهله · 21-01-2009, 11:04

والله يالغالي

انا اشوف من حقك تشوف مسنجرها وايمييلها

انت زوجها ويحق لك ..

ولا تبدأ حياتك مبنية على تنازلات

انا عني شخصيا ما بطلب من خطيبتي مستقبلا مسنجرها ... لكن لو طلبت لازم تعطيني مو بكيفها

انا زوجها على سنة الله ورسوله ووولي امرها ومسؤول عنها

كلـــ أنوثه ــــي · 21-01-2009, 12:23

اممممممممم شوف كلنا نستعمل نت وكلنا لنا صداقات من الجنسين

ويمكن ماسنجرها فيه شباب وعلاقات صداقه عاديه بس خايفه انك تشوفه

انت تعالها باسلوب و اتركك من ماسنجرها وحاول تاخذ عقلها وقلبها وهي بتسلمك ماسنجرها بايدها

الموضوع عادي جدا لا تخلي الشكوك تدخل قلبك

zooba12 · 21-01-2009, 12:41

السلام عليكم

حاليا قاعد أفكر اني أطبع كم ايميل من الاميلات الي ارسلتها لي و خاصة الي فيها اسماء الذكور وأخذهم معي في زيارتي لها المرة القادمة, واسئلها عن الاسماء هذى من ولمن باسلوب لبق ؟

بس ممكن تساعدوني في طريقة او اسلوب لبق يعني ما اجرحها فيه ولا اتسبب في خلافات من خلاله.وهل الطريقة الي ذكرتها مناسبة ولا ؟

وشكرااا

عاشق عيناك · 21-01-2009, 12:53

الصراحه مهمه جدا بينكما.فلا تخف منها لانك لو خفت ان تصارحها من الان فسوف تتعب غدا

مهجول · 21-01-2009, 13:13

اقتباس:

المشاركة الأصلية كتبت بواسطة zooba12

السلام عليكم
حاليا قاعد أفكر اني أطبع كم ايميل من الاميلات الي ارسلتها لي و خاصة الي فيها اسماء الذكور وأخذهم معي في زيارتي لها المرة القادمة, واسئلها عن الاسماء هذى من ولمن باسلوب لبق ؟
بس ممكن تساعدوني في طريقة او اسلوب لبق يعني ما اجرحها فيه ولا اتسبب في خلافات من خلاله.وهل الطريقة الي ذكرتها مناسبة ولا ؟
وشكرااا

لا تطبعها وكنك داخل تحقيق ومبيت النيه

خذها سوالف عاديه فرندلي يعني

واسئلها من معك على المسنجر

قل مثلا انتي ترسلين لرجال معك فى الايميل ممكن اعرف منهم او هم معك على المسنجر وليش هم معك على المسنجر .....

طبعا حط فاصل من سؤال للسؤال لحد ماتعرف وش السالفه وليش هم معها اذا كانوا معها وبعدها القرار عندك ومعها ...
واذا عرف السبب بطل العجب ....

لا تبدا بالحديث على طول فى المسنجر سولف تشعب فى السوالف وحاول تدخل فى النت وسوالفها واكيد راح تمر على طاري المسنجر ...

لا تطلب الرقم السري وكنك مراقب عليها .... خلك عادي ..

اذا انت رجال تلخبط وتحوس نفسك

لا تتكلم فى الموضوع .....
حاول تجيب اي طاري عن زواجكم وتريباته وقل افتحي النت وخش على انك تشوف فنادق او كوش او شي للزواج او انواع الهدايا وانت تبحث افتح الايميل حقك

وانت مار على اسمها ادخل على رسايلها لك وقل فيه شي ابي اسئلك عنه وااذا فتحت الرساله قل من هذا ومن هذا وراح تجي السوالف ورى بعض ....

طبعا حلوول لك او اقتراحات لك

والله يوفقك

روآآبي · 21-01-2009, 13:38

رد الاخ مهجول قد يكون مناسب
... عموما رفضها الشديد ممكن تتخذ اتجاهه موقف صامت حتى تستشعر انها اخطأت بموقفها
وانا رايي ان من حقوقكم على بعض ان كل شي يكون واضح خاصة في الامور اللي خفاءها قد يسبب ريبة في النفس
واستخير وادعي ان ربي يلهمك التصرف السليم

كحلها سايل · 21-01-2009, 13:52

اقتباس:

المشاركة الأصلية كتبت بواسطة كلـــ أنوثه ــــي

اممممممممم شوف كلنا نستعمل نت و كلنا لنا صداقات من الجنسين

ويمكن ماسنجرها فيه شباب وعلاقات صداقه عاديه بس خايفه انك تشوفه

انت تعالها باسلوب و اتركك من ماسنجرها وحاول تاخذ عقلها وقلبها وهي بتسلمك ماسنجرها بايدها

الموضوع عادي جدا لا تخلي الشكوك تدخل قلبك

انتي تطبقين المثل جت تكحلها عمتهاا .. ردك يمكن يوضع صاحب المشكله في شك مفجع ..!!!
رجااءاا لا تعممين افكآرك ع الجميع .. واحتفظي بتجاربك لنفسسسك ..

saad@ · 21-01-2009, 14:18

الاحسن تقولها وتفهم منها واذا رفضت تزعل وتطنشهااااااا

мόόη Ļίģħт · 21-01-2009, 15:16

مافي احلا من المصارحه والاسلوب الهادي .. والاهمـ تبين ثقتك فيها لكن من باب حرصك عليها تسألها

اذا زرتها المره الجايه خلك طبيعي معها

بعد كم سالفه قول لها ان فـ خاطرك شي تبغى تقوله لكن ماتبغاها تفهمك غلط

انا واثق فيك والا ماكان اخترتك من بين الناس وبغيتك زوجه لي

عارف ا نها خصوصياتـك .. وانا احترم هالشي .... لكن يمكن انا اشوف شي انتي مو منتبهه له

الفضول راح يذبحها ........ وراح تسألك .......

قول لها عن الايميلات الموجوده معها .. استغربت يوم شفت ايميلات شبابيه وحاب انك تسمع منها اذا هالشي صحيح او لا

لاتفرض عليها رايك .... لانها بتعاند وتعتبرها قلة ثقه

خصوصا انك للآن مو متأكد .. ممكن من قروب او ايميلات خاصه بـ زميلاتها مو مضافه عندها

الله يعينك وييسر امرك

bigjosef · 21-01-2009, 15:18

يا اخي بسم الله
انت تعرف نو النات ما تجيب لا المشاكل
اذا كنت انت رايدها لكن امنع عنها النات
لانو انا اعرف شي انو انت اذا كنت غيور يا حبيبي هي تحس انو هي مزعوجة هي تروح و تتكلم مع شاب اخر لكن انت لزم تعرف كيف تشيل النات من حياته و الا اطفرت فيك
لازم انت تقوم بالحل السريع انت عندك بنات في الماسنجر؟؟؟
اذا لا هي شو بدها تساوي بالشباب
السلاممممممممممم

You my love · 21-01-2009, 16:48

يمكن قروب .
انا مره خطيبي عندي وفتحنا الايميل , وشفت انا عندي ايميلات غريبه او مره اشوفها مظافين عندي بس محططين زمن المحذوفين , وانا ياعالم ماعمري شفت هالايميلات ولاحذفتها , سالني خطيبي وش هذا وجلس يقرا الاسامي انا عن نفسي واثقه من نفسي , قلت مادري , بعديييييين تذكرت انو جايتني رساله من قروب وجاني كلام انو اظيف اعضاء القروب هذول عنديوانا حطيت مو افق من غير مادري , وانظافو عندي بس هم ماقبلو على ماعتقد . وبس

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لو تكرمتوا أبي رايكم ونصيحتكم