عالم الحياة الزوجية - منتدى

شمعة جده · 22-01-2009, 00:46

السلام عليكم أنا عضوة جديدة بالمنتدى الأكثر من رائع وأتمنى أن نفيد ونستفيد من بعض .....
فأنا أود أن تساعدوني في مشكلتي التي محطمتني لقد سويت رجيم لمدة شهر ومانعه نفسي من الأكل وكنت حريصة جدا على أكلي ولكن للأسف وزني نزل فقط ثلاثة كيلوتقريبا مع إنه وزني كان 58 وأصبح 56 حتقولوا وزنك حلو وحقلكم لااااااااااااااا أريد وزني يكون 50 أو 48 مع اني أم لثلاثة أطفال لكن جسمي قاهرني انعدم مع خلفتي الثالثة صارت لي كرشة شازة ملابسي ضاقت علي وكل من شافني قلي اشبك تخنتي الناس محطميني ودي كرشتي تنزل بأي طريقة مع إنه عندي سير وأقدر أمشي يوميا لكن للأسف أتكسل وأتعب من أول خمسة دقايق أمشيها أرجوكم ساعدوني لو تعرفوا خلطة أو كريم ينزل البطن دلوني عليه ... ومن سمعت بكريم الجنزبيل أنا قريت عنه بقناة بداية بس ودي بوحدة جربته وناسبها ولا تقولولي خل التفاح لأني تعبت وأنا أشرب منه ومافي فايدة شكلها بطني أصيله معايا ماتبي تنزل

أرجوكم ساعدوني لا تبخلوا علي بنصايحكم ودي أفاجأ زوجي وأهلي وأهل زوجي إني قدرت أنحف وأرجع زي زمان لا تطنشوني

رهآم · 22-01-2009, 10:24

السلآم عليكم ورحمة الله وبركآته ..

هلآ حبيبتي شمعة جدهـ ..

سبحآن الله إحنآ نبغى كل شي بسرعه وبدون تعب .. وبشهر ثلآثه كيلو .. قولي الحمدلله ..

ترآ اذا نزلتيهم هيك .. مآرآح يرجعون بسرعه .. لآنك نزلتيهم بفترهـ مو قيآسيه ..

ومآفيه حل للكرش إلآ المشـــــي ثم المشـــي ثم المشـــي ...

حتى لو مآتسوين رجيم .. وتكون وجبآتك معقوله وخفيفه ..

أنآ سمينه لكن مآلي كرش .. تتوزع السمنه في منآطق ثآنيه ..

لكن إذآ سويت رجيم وبديت أمشي .. الآحظ أول مآينزل بطني .. يعني يختفي ..

والله يالغآليه مآفيه شي يجي بالسآآآهل ... كل حآجه يبغى لهآ وقت وصبر ..

وأحس انك ممكن تنزلين وبسهوله .. خلي الكسل والعجز على جنب .. مآرآح ينفعون ..

ولآ رآ يخف كرشك وإنتي جآلسه .. إذآ ودك .. إدهني بطنك خل وزيت زيتون .. ولفيه ببلآستك ..

وإمشي نص سآعه .. ومع الأصرآر بأذن الله شوفي وشلون رآح يصير ...

لكن أهم شي العزيييييييمه يآلغلآ ..

وربي يسعدك ويوفقك ... وينحفك ..

دعوآتي لك ..

إختك..

نـــغـــــ حياتي ــــم · 22-01-2009, 22:49

انت فعلا وزنك حلو
بس للتخلص من الكرش عليك بالرياضة
وان شاء الله خصرك ينحف
لى عودة بالتمارين
اتمنى الرابط يفيدك
تخلصي من الكرش بدون رجيم أو تمارين

ஓ♥♡ღ تمارين للخصرஓ♥♡ღ

شمعة جده · 24-01-2009, 01:59

شكرا لكم على ردودكم الحلوة وانشاءالله حمشي وحعزم نفسي كل شي يجي بالإرادة والعزيمة بس ادعولي

يوم آخر · 24-01-2009, 02:42

.

أنتِ مشكلتك مو وزن أنتِ مشكلتك كرش يعني لو وصلتي 30 مو 48 ما راح ترتاحي

كثير ناس نحاف جداً وعندهم كرش ناطه وخاربة الجو كله والحل مو رجيم ولا بس مشي

برغم أهمية المشي لكن لابد تنتبهي لطريقة ونوعية أكلك وشربك وجلستك

المياه الغازية تخرب الكرش .. الموية الباردة وخاصة المثلجة والآيس كريمات تخرب

الجوع لفترات طويلة وتجميع كل الوجبات في وجبة وحده يخرب الكرش

البقوليات والمكسرات تنفخ وبعد فترة مكان النفخ يمتلي شحوم ويبقى مشكلة

الجلسة كمان لها دور كبير سواء وقت أكل أو غيره لابد طول ما أنتِ جالسة أو مسدوحة

تشفطي معدتك للداخل حتلاحظي نتيجة حلو بس مو مباشرة يبغالك فترة

صحيح ما عرفنا قد ايش لك والدة لا تنسي خاصة إنها الولادة الثالثة يعني لازم تطول شوي

وقفي الرجيم القاسي وخليك معتدلة بأكلك أشربي دايم شاهي أخضر بدون سكر

أمشي المشي كويس بس خليك شافطة المعدة دايما ولا تستعجلي العجلة من الشيطان

نصيحة أخيرة .. لا تدققي كثير ولا تتكلمي مع الناس عن أي عيب شايفته فيك

لأن بعض العيوب ما حد ينتبه لها ونحن نلفت نظرهم لها

وموفقة إن شاء الله

.

شمعة جده · 26-01-2009, 06:04

تسلمي حبيبتي يوم أخر بس أنا ماأشرب غازات ولا أخذ مكسرات وابتعد قدر المستطاع عن الحاجات اللي تتخن وعمري ماتكلمت عن عيوبي قدام أحد بالعكس أمدح نفسي وجسمي حتى قدام زوجي ما ألفت نظرهم إنه عندي كرش بس بعضهم استغرب مني يقولولي تخنتي والفيني نحيفة وانا والله ماني مستعجلة ودي انزل كرشتي شوية شوية وسمعت انه كثر شرب الشاي الأخضر مو كويس صح ولا غلط ؟
وولدي عمره 3 ثلاث سنوات يعني المفروض كانت تنزل الكرشه صح .. بس انا ماراح أيأس ومشكورة حبيبتي على النصيحة

~ رومانسيه جداً ~ · 16-06-2009, 23:08

انشالله تستفيدى من باقى الأعضاء

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أرجوا المساعدة