عالم الحياة الزوجية - منتدى

شوقي يامحمد عذاب · 22-01-2009, 04:33

السلام عليكم ورحمة الله وبركاته

انا واعوذ بالله من كلمة انا اابي اطرح مشكلتي عليكم وابي ارائكم تكفون لاتبخلون علي ولا احلل ولا ابيح كل من يدخل ولا يرد باأي كلمه انخطبت من شخص ملتزم ويخاف الله وفرحت بخطبتي فرحه لاتوصف ووهو بعد كان مستانس ومبسوط وشافني ويقولي الحمدلله ان ربي عطاني على قد نيتي واللي صار وقلب الحال مدري وش السبب؟؟؟؟؟ ولاني مصدقه اللي قاعد يسويه احس ان في شيء مو طبيعي هو اللي غير الحال بعد شهر وشوي تغير ماعد يتصل فيني ولا يسأل علي وكل مايطرون اخواته سيرتي قدامه يصيح ويبكي ولول سألوه عن وش مصيري معه يقول مدري مدري ويطلع من البيت ويقولون انه راح للشيخ وقال انه مسحور والحين لي سنه ولا جديد في السالفه ودي اعرف وش اسوي ؟؟ هل انا لي مكانه بقلبه ولا بس نزوه؟؟ او انه صدق يحبني وشاريني ويبيني اصبر الين يتعالج ويأخذني ؟؟

وش مصيرنا ومصير حياتنا الان كل السالفه معلقه وانا بديت احس اني طفشت ومتضايقه
احيانا تجيني وساوس واوهام انه ماعاد يبيني ويبي يطلقني ؟؟

هل اصبر واتحمل واشوف وش اخر الموضوع هذا ؟؟ والا اتخذ قرار في هذا الموضوع ؟؟؟

تكفون افيدوني وساعدوني ؟؟؟

وجزاكم الله خير

غلا الرياض · 22-01-2009, 04:43

عزيزتي هذي عين او سحر شكلك ما عتقتي وحده الا ومدحتيه عندها انا رأيي الانفصال روحي بنصيبك واهو يروح بنصيبه

كل الغنج · 22-01-2009, 04:44

لااااااااااتستعجلي بالطلاق انتي عرفتي السبب السحر........اصبري وبيتعالج انشاء الله وبيرجع لك.....تصرفه واضح ياسحر يا عين...الله يحفظكم

شوقي يامحمد عذاب · 22-01-2009, 04:59

شكرا على ردودكم

يااختي غلا نجد انا ماتكلمت عند احد بس لاتتريقين ربي يبلاك اتمنى الجديه في الاراء

بْقَاٌيَاٌ҉ذِكْرَيَاٌتِ · 22-01-2009, 05:04

حبيبتي لاتستعجــلي بقرارك ... وخليه يششششد حيله ويتابع حالته عند شيخ بإستمرار .. لين ماربي يفرجها ان شاءالله ... ولك مني دعوه صــادقه .. ان الله يتمم فرحتك على خير .. لاتستعجلي ربك بيحلها قريب ان شاءالله .. بالتوفيق ...............

moony · 22-01-2009, 05:48

الله يفرج همك والله ماادري شاقولك غير الزمي الدعاء بثلث الليل الاخير واكثري من الصدقه والله فضيعه في حل المشاكل بإذن الله

مفارق وطن · 22-01-2009, 07:13

مدام مسحور اصبري عليه نصيحه حطي نفسك مكانه وشوفي وش تتمنين يسوي شي مو بيده بس لو انه ماعاد يحبك اكيد كان طلقك من زمان وزي ماقالو باب يجيك منه الريح سده واستريح اظن فهمتي قصدي يعني لو طلقك ماتوقع يكون للسحر مشكله عليه بس اللي مخليه يتعالج ولاطلق الى الحين معناته انه ميت عليك ومايبي يفرط فيك الى اخر لحظه ومو بيده انه ماعاد يكلمك اكيد انه يتعب من لما يسمع صوتك او يشوفك او يسمع طاري اسمك طبعا هذا على اللي فهمت من كلامك

اللي اقول لك نصيحه اختي اصبري وخلي املك في الله كبير وادعي الله انه يفرج همك وخليها تجي منه ولاتجي منك لانه هو اكثر واحد عارف وضعه اكيد لو مافيه امل رح يطلق ولو تعالج انشالله صدقيني رح يحبك اكثر من الاول بمليووووووووون مره ومارح ينسى تضحيتك

الله يوفقك وينفس كربتك يااااااااااارب

سلام

فلسفة مشاعر · 22-01-2009, 07:42

مام عرفتي السبب اصبري ولا تتركينه هذا زوجك والمفروض توقفين معه في الشده مو تتركينه وتزيدين الطين بله واللي يسهل امرك

زوجي حياتي-احبك · 22-01-2009, 08:12

اختي العزيزة
عليكي بالاستخارة اول قبل كل شيء ولا خاب من استخار خذوا النصايح بس قبل اتخاذ اي قرار استخيري ولا تتسرعي في اتخاذ القرارت عشان لاتندمي انت اعلم بهذا الانسان فكري واستخيري فيه يمكن يكون خير لكي او مايكون
وعندي لكي قصة اخوا زوجي اتوفى بعد ملكتي باسبوع الله يرحمه خطب وحده كان يحبها او يعرفها من زمان المهم من اليوم الي خطب فيها هذي البنت ماشاف خير بس كان يمرض وتعبان دايما راح للشيوخ بس لاسف ماقدر يتعالج وقبلها راح لي دكاتره بس يقولوا مافي شيء المهم مر سنه وعرف انه عنده سرطان والكل يقول بعد وفاته انه عين صابته لن مشالله الولد كان جيدا خلوق وطيب ومحبوب من كل الناس بس انه من عائلة بسيطه والبنت من عائلة غنيه بس خبرها بمرضه وماخبر اي مخلوق لا امه ولا اخوه ولا حتى اخواته محد وماحب يتعالج عشان لايغلب اهلة المهم البنت طلبت منه انها تتزوج بسرعه وملكوا وماعدى شهر الا سوا الفرح طبعا البنت ساعدته عشان يتزوجوا بسرعه بس بعد ماتزوجها ماشاف يوم راحه هي مافهمته ماقدرت مرضه كانت تبغى تخرج تنبسط لانها عروسه وهو مايقدر وممنوع عليه يسوق لانه قبل سنه عمل عمليتن وللاسف ماريحتو ماككمل شهر على زوجه الا توفى من التعب والاهاق انتشر المرض فيه بسرعه وبعد مامات وطلعت البنت على حيقتها عرفوا اهلوا ان البنت هذي ماكانت خير له لانه بعد ماتوفى تكلمت عليه الله يسامحها بس ماكنا نتصور انهاحقيرة لهذي الدرجه تتكلم عليه وماهما بعد موته الا تاخذ حقوقه وتاخذ اغراض الشقة وهذي الي في يوم اهلو اتوقعوا انها تحبوا ومستعده تضحي عشانه بس بانت على حقيتها بعد موته اكثر ولاسف هو حبها وضحى بصحتوا عشانها بس ماعرفت تقدره او تسعده ومابغاكي في يوم تندمي او تتحسري و الي حبيت اوضوحوا ساعات يكون العين او السحر مربوط بشخص اذا تركه ممكن يتعافى هذا كله مقدر ومكتوب والعلم عند الله فاعشان كذا انصحك بالاستخارة وكثرت الاستغفار وانشالله ربي يفرج همك ويشرح لك صدرك للصواب
وارجوا انك تتقبلي مروري

خيركم لأهله · 22-01-2009, 08:37

اتصلي على خواته وخذي العلم والرأي من اشخاص من بيتهم تثقين فيهم يمكن يفيدونك اكثر

بالتوفيق =)

beeeeeent · 22-01-2009, 09:18

أنا من راي تصبري عليه وتكثرى من الاستغفار وقرات القران والدعاء
وانشاءالله ربي يفرجها عليكم ...

نــــبــــض · 22-01-2009, 09:26

شوفي حبيبتي الحالة اللي كذا يبغالها صبر و قوة احتمال ومتابعة وعلى حسب اجتهاده بالعلاج والرقية يطول او لا..

ولابد من احد يكون مسؤول عنه يتابعه ويحرص على علاجه... لان المعيون او المسحور غالبا يكره الرقية واستخدام الدواء ولازم أحد يضغط عليه..

والشيخ مجرد وسيلة لاتتعلقون به .. لاتذهبون أليه الا لوقت حاجة يعني لما يجي تعب زيادة ..ومدة سنه كثيرة يمكن غير مواضب على الرقية والعلاج..؟؟
والافضل انك ترقين نفسك وتقرأين البقرة او تسمعينها بالبيت او تذهبين مرة للشيخ مع زوجك....وفي اشرطة رقية اسمعيها باستمرار...لكي تتاكدي ان مافيك شي..لان المسحور زوجك وممكن فيه تاثير عليك...قلت يمكن مو أكيد ..!لاتوسوسين لان الوساوس من الشيطان الذي يرغب بأضعاف المسلم ليسيطر عليه...

وموقفك تجاه زوجك أنت من يحدده لانحن...يحق لك الانفصال ان أردت....او البقاء بجانبه والوقوف معه وستأخذين اجر ذلك ان شاء الله..هذه حياتك وحدك وانت تعرفين نفسك جيدا ومدى احتمالك وصبرك..وانت تقررين ذلك البقاء ام الانفصال؟!

وبالنسبة له لاتستطيعين الحكم عليه فهو يعاني وتحت تأثير هذا المرض...فلاتؤخذ أفكاره بجدية ..ومادام لم يطلقك الى الان فأعتقد انه متمسك بك ..مع مايشعربه تجاهك..بتأثير هذا المرض..شفاه الله

وعليك بتسليم أمرك لله والدعاء والاخذ بالاسباب من رقية وأذكار..والصدقة فبها يدفع الله الاذى..

أقول لك هذا الكلام عن تجربة مريرة لاأحب تذكرها لكن رأيت ان من واجبي نصيحتك..وأقر الله عينيك به وقد شفي وجمع الله بينكم انه لايعجزه شيء ..

الــمــســافــر · 22-01-2009, 10:10

لو تقولون للاهل والاقارب ان ما فيه نصيب بينكم لو كلام

يمكن فيه احد صايبه بالعين وان شاء الله تروح

You my love · 22-01-2009, 11:22

اللهم ابعدنا عن السحور , ويمكن تكون عين , هو يروح للشيخ بأذن الله بيشفى , بس هم ففي احتمال كبير انو مايتغير . والله االعالم ,
بس انا اعرف نفس الموضوع بس اللي تغيرت البنت وراحت قرت على نفسها والحمد لله , انتي يعني تكلمينه ؟؟ قولي له يكثر من القرايا ويعرف وش فيه , واذا طول اكثر انفصلو والله يعينك

دلــ دبي ــوعة · 22-01-2009, 11:39

جانج يا بنت الحلال حابة الولد و تبينة و انتي حاسة انة كان شارنج و ناس خبروج انة مسحور اكيد اكيد صبري و خلج معاة لين ما يتعالج من السحر مو تهدينة .

ها جانج تحبينة يا عمري و جانج مشاعرج اتجاة عادية كيفج بس انا لو مكانج راح اصبر علية و بتم معاة لين ما يتعالج و الله يشفية و حسبي الله و نعمة الوكيل فلي سوالة السحر اذا كان مسحور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

عـــــاجــــل/عندي مشكله وابي مساعدتكم وارائكم ياأخواني واخواتي