عالم الحياة الزوجية - منتدى

ع ـآفـك ـآلـ خ ـآطر · 22-01-2009, 21:24

السلام عليكم ورحمة الله وبركاته
اخواني وآخواتي

وانا اكتب هالموضوع ضايقآ صدري وبالحيل متضايق

صارت لي مشكله آمس مع خطيبتي وأنقلبت الدنيا رآس على عقب

راح اقول مشكلتي بس بليز اللي يلقى لي حل يرد والا بيقول كلام مايودي ولا يجيب لايرد
ابي العون مابي فرعون
"""""""""""""""""""""""""""""""""""""""""""""" ""
مشكلتي

امس بالليل الساعه 8:30 تقريبآ

اتصلت في خطيبتي وقلت لها شفت غرفة نوم بصراحه من حلاتها ماودك تجلسين بالصاله ودك دايم بالغرفه

قالت اوكي ابي اشوفها ..

قلت اوكي اجهزي انا مسافة الطريق كلها 5 دفايق بس ..

ومدحت بهذي الغرفه من شدة اعجابي فيها ..

اخذتها معي ورحنا نشوف الغرفه كان سعرها 9500 ريال وهي عجبتها بعد

القينا نظره على غرفة النوم وطلعنا من المحل

بيتنا قريب من جهة بيتهم قلت لها وشرايك اروح للبيت ابدل بس ملابسي وبعدها نطلع

كنت لابس بدلة العمل قلت اروح اغير ملابسي كلها 10 دقايق انزلي اجلسي مع احد خواتي على مااخلص

(( قالت لي لا مابي اروح وكان رفضها روحتها للبيت رفض شديد ماعمري شفت رفض بهذي الطريقة ))

قالت لا قلت ليش الروحه والجيه انزلك واروح البيت وارجع لك وحنا راح نطلع قالت لا رفضها غريب كانت

مصرهـ .. وكآنها تقول بدخل هالبيت الحين وماني طالعه منه << احس برفضها كذا ..

قلت وش قصتك انتي قالت ولا شي نزلني بس للبيت

قالت اوكيه ..

نزلتها للبيت ورحت وكلي قهر وماسك اعصابي

(( انا من نوع امسك نفسي وأكتم الشي بقلبي ولما اتعب انفجر واقول كل شي صار وحتى لو كان قديم اذكره ))

المهم

رحت للبيت ولبست ملابسي وصليت لي ركعتين وطلعت اخذتها

وكـ العادهـ احب اللطف الجو

مزحت ومعها وهي تضحك واعرف هالضحكه (( مجامله ))

رحنا محل مره ثانيه لغرف نوم بس غير عن الاولي

لكن كانت الغرف مو ذاك الزود ماتناسب

قبل لاننزل من السياره كنت قايل لها موضوع ذكريني لما اشوفك قالت اوكيه

وهي نست الموضوع او تجاهلته مع انه موضوع مهم هي طوفته

جيت اخذت إيدها (( قرصتها قرصه خفيفه والله ))

زعلت وجلست تحوس بآيدها ومع انها ماتآلم ..

قلت يافلانه قرصتك علشان ماتنسين واظن وااضح اني امزح معك ..

ومن دون سابق إي كلام عطتني ظهرها وافتحت باب السياره وتوها بتنزل قلت يافلانه

اظن ماخلصت كلامي علشان تعطيني ظهرك

<<< ماحب احد يعطيني ظهرهـ لما اكون على حديث بموضوع ..

تعوذت من آبليس وقلت انزلي ازين لي ولك ..

اخذنا نظره على المحل ماعجبنا شي وطلعنا وهي مكتمه

(( وكـ العادهـ تلطيف للجو بعيد عن المشاكل ))

وقلت لها

مع ذلك زواجي باقي عليه شهر

قلت لها يافلانه وشرايك نغير فندق الإنتركونتننتال

سمعت ان فيه كاميرات تصوير ومالنا بـ الشي هذا

قالت اوكيه مع اني فاتح موضوع للنقاش فيه لجل اعرف وين أحجز قلت وشرايك نحجز في فندق ثاني يكون

راقي

وثاني يوم من الصباحيه نروح لفندق الإنتركونتننتال

ونتعشى بوفيه مفتوح قالت اوكيه

وتستمر بالمختصر (( اوكيه ))

فقدت الامل في تلطيف الجو قالت في خاطري

فـ تقل خير او لاتصمت

(( وجلست ساكت وطلعتي معاها كانت بالسكوت ))

مليت وقلت نرجع للبيت وصارت سالفه طويله

ونزلنا البيت وظليت ساكت ولا كلمه بعدين قلت اكلمها جابت شاهي وقهوه

وصبت لي قهوه تقهويت وانا ساكت

بعدها قلت لها الى متى نجلس ساكتين

طبعآ ماعدها رد حاطه الغلط علي انا مع اني متآكد ماني غلطان

جالسه تحوس بالجوال وانا اكلمها وسحبت الجوال ومن سحبتي القويه طاح بالارض وتفكك الجوال

ومسكتها من إيديها وقلت لما اكلمك بالك معي

بس برضو شوي ورجعنا للسكوت

مليت قلت لها انا ماشي تبين شي

ردها لي كان جرح بالنسبه لي

تقول لا سلامتك

(( مافكرت حتى تمسكني وتراضيني قلت يالله زعلي عادي عندها اطلع مع الباب وانا زعلان ))

ماقدر امسك حالي قلت تعالي تعالي ..

عادي عندك اطلع زعلان عايشه الصمت والسكوت

اكره ماعندي احد يسكت انا تلكمي لكن كلام بالمعقول كلام تلطيف للجو مو كلام يغيض

تقول كلامي مايعجبك مهما اقول

(( عصبت بالحيل ))

وقلت ماينفع معك كذا البسي عباتك ونطلع برا نتفاهم احسن من هنا مااخذ راحتي

عصبت وعرفت نفسي خلاص ولعت عليها وبرود اعصابها

وطلعت معاها وقلت كلام كثير وجلست اسب والعن من حرهـ مافيني عليها

وجلست تبكي قلت لاتصيرين بزره انا ماامديت إيدي عليك وصار كلام كثير

قلت لها يرضيك اطلع وانا زعلان وشايل عليك

لاسمح الله صار لي شي بالطريق وانا زعلان وماني راضي عليك ولا على اللي صار

عادي

قالت مو عادي

قلت ليش تخليني اطلع زعلان ساكته

قالت كلمه وعصبت والله من كثر العصبيه

وانا بالسياره اقسم بالله امشي 160 يمكن مادري كم حاط في بالي بسرعه انزلها البيت

قالت انت تحب

(( المشاكل ))

اخذت جوالي وقدامها قفلته وقلت لاتتصلين او تحاولين تسآلين عني عند أهلي انا بخير وانتهى الموضوع

ومن حرتي عليها

قلت تدرين علشان ماتتجرآين وتمسكين الجوال وتتصلين هذي الشريحه

(( وكسرتها قدامها ))

نزلتها للبيت

والله مارضيت على نفسي تنزل وهي زعلانه رجعت للييت ودخلت عندها راضيتها وطلعت وهي شكلها راضيه

لما طلعت

مر هاليوم بسلام

كلمتها اليوم الظهر الساعه تقريبآ 2:15 الظهر

قلت وش الاخبار قالت تمام

نبرة صوتها تقول غير كذا

قلت ليش وش السالفه صاير لك شي

قالت لي بس ماخذه بخاطري من زعلة امس

قلت ابشري بالخير تجهزي اليوم بالليل بجيك ونظلع احلى طلعه قالت طيب برضوا بنبرة صوتها بتطلع بس علشاني مو علشانها هي

سكرت الخط من عندها وقلت اخليها ترتاح

اتصلت المغرب وكالعاده تلطيف للجو

هاه ام فلان وشلونك تمام

قلت هاه اجيك الحين قالت لا شوي نص ساعه

والكلام هذا صار قبل ساعه ونص يعني الساعه

08:06 بالضبط

قالت مالي خلق اطلع

مع ذلك جهزت نفسي على الاخر ومهيئ نفسي لها

قلت اليوم خميس ولازم نطلع نفلها مع ذلك ان اخر يوم اشوفك فيه بعد هاليوم ماراح اشوفك الا بالعرس

ردت وبكل برود وبكل هدوء تقول مادري

اختصرت الكلام انا وقلت لها تدرين

خلاص ياعيوني وسعي صدرك انتي مع اللي عندكم بالبيت وانا ماراح اطلع من البيت بجلس اشغل نفسي بآي شي

لين ماياخذني النوم

والله ردها سهل جدآ

قالت اوكيه

وتشتعل فيني ضيقه ماعمري تضايقتها

قلت مع السلامة وردت مع السلامة

وسكرت منها وانا بالحيل متضايق

وآتمنى منكم يآ اخوان \ ـي

تردو علي برد يحل لي هالمشكله واسف جدآ جدآ جدآ على الاطاله بجد عارف اني طولتها عليكم

لكم تحيتي

روزا كوين · 22-01-2009, 22:56

والله مو عارفه اش اقللك لكن الله يعينك اصعب شي في الدنيا لمن يكون فيه مشكله بين الزوجين واحد الطرفين ولا على بالو بس انت حاول تفهمها انو ما يصير كدا وصدقني مع الايام رح تفهمك اكتر والله يبعد عنكم المشااااااااااااكل وتعيشو حياة زوجيه سعيده

فـــارس الشرقية · 22-01-2009, 23:49

كل الموضوع انكم لسه ما تعودتوا على بعض يا عريس .. الموضوع سهل وبسيط ولا تعطي الامور اكبر من حجمها وهالاشياء تحصل .. رتب وجهز ليوم العرس وبتلاقي الامور عال العال

دمووعك تقتلني · 23-01-2009, 00:17

بقلك شي ياحلو البنت متأكده ميه بالميه انك تحبها وعرفت طبعك انك طيب وحنون عشان كذا تصلح حالها مو مهتمة

انت اجلس منها كم يوم ماتكلمها ترجع لك

هذا شي عاادي اخوي هونها وتهون

وانشا الله الامور تنحل يوم عرسكم

بس تعال ترى انت غلطان بعصبيتك الزايده خذ المور ببساطه

وهي غلطانه ببرودها المصطنع

الله يوفقكم ياااارب

خالد اليوم · 23-01-2009, 01:07

انت في الغربيه -المدينه اوجده اومكه صح

صراحه من اول ماقريت مشكلتك من البدايه اتضحلي انك حساس جدا جداااا
وباخر كلام اتضح هذا الشي

حاول ان تتجاهل وم دقق بكل شيء (يعني فووووووووت)علشان ماتتعب

وتكون هادي

وهذي الاشياء لوطبقتها اكيد ترتاح

ياقلبي على زوجي · 23-01-2009, 01:30

ايه صح مره حساااااااااس مثلي بالضبط تكون انت الزعلان وبنفس الوقت انت اللي تراضي شي يقهر والله

بس حرااام يمكن زوجتك بالها مشغول بقرب الزواج وشايله همممممممم...!

اما اذا كان من البدايه هي كذا............ فالله يعينك

اول شي يبغالك تقوي قلبك وتصبببرر حاااااااااااااااااااااول تصبر يعني لما تزعل خلاص ازعل واخرج مو ترجع تراضيها لانك انت(((((((((((((((( الزعلان)))))))))))))))

وشوف بعدين كيف تهتم وتتصل عليك وتسأل لان الحين في بالها انك خلاص ماتقدر تزعلها وراح ترجعلها حتى لو زعلان

عشان كذا زعلان مو زعلان .. نفس بعض .. ماتفرق. لانك انت اصلا في البدايه علمتها كذا وجاي تقولها في الاخير ماتحسي فيني !

مثل ماقلتلك اصبررررررررررررررررررررررررررررررررررررررررررررررر ررررررررر والله يسهلك امورك ويتمملك على خير

ياقلبي على زوجي · 23-01-2009, 01:35

خالد اليوم كلامه صح... فوووووووت بعض الامور ...لان اذا ماشيتها راح تتعب في حياتك ... واخر شي بتنفجرررررررررر

لاتشيل هم ...ابداااااااااااااا

وربي يحببكم في بعض يارب ...

nona al-moon · 23-01-2009, 01:41

الله يعينك علبها في برودها بس حاول تتفهمها وتحل المشاكل في عقلانيا
وتوكم لسة يعني راح تصيرو عرسان وربي يوفقكم وحياة زوجية سعيدة

MS.V.I.P · 23-01-2009, 02:17

اخوي العزبز ... عافك الخاطر

انا مره متزوجه من سنتين تقريبا
بداية زواجي كنت اكره زوجي
( اكرهه)
ما احبه ولا اواطنه بعيشة الله
كان يتمنى اني اطلع معاه بس ماكنت ارضا لاني بالمختصر ما احبه
ولمن كنا نتعشى ولا ياكل اهو جدامي كانت تلوع جبدي منه ما ادري ليش
البنت لمن توافق على الزواج تفكر بوااااااااااااااااااااااااااايد اشياء اتفكر شلون بتكون ليلة دخلتها
اشلون بتهد مها وابوها واخوانها
اشلون بيكون تنظيم عرسها
اثاث بيتها
فستاااان العرس
بدراستها مثل حالتها وامتحاناتها
ووايد اشياء
طبيعي مخها يكون مشغول بشي وانت يالحبيب اتفكر بشي ثاني
ما احط اللوم عليكم
احط اللوم على الظروف
ويمكن تكون تبي اتييها الدوره ومتلخبطه هرموناتها
ينتج عنه التوتر والشعور بالحزن والرغبه في البكاء
طبعا كلامي الاخير حقائق علميه واسال عنها
البنت مزيج من العواطف
لازم اتعرف شلون اتفصل المزيج
ثق بي انك اذا قتلها خلاص نزلي روحي البيت راح تنزل حفاظ على كرامتها ولا هي بقرارة نفسها ودها اتقولها لا قعدي ماقدر على زعلج
واحسن شي اتسويه الحين انك تدز لها هديه ولو كانت ورده ولادب ولاشي اهي اتموووت فيه راح اتلاقيها ولا اكو اروع منها
انا يوم كنت اكره زوجي واهو اتوقع كان حاس بهالشي
تحلطمت عنده يوم وقتله يا فلان انا كل ماا اشتري هالعطر يطيج وينكسر مني اشوفه يوم الثاني ياي ويايبلي العطر طبعا انا طرت من الفرحه مو لان ياب العطر العطر سعره 6 دنانير واسمه احبك من اجمل بس لانه حس فيني حس باحتياجاتي
من عقبها حبيته من كل قلبي وصار عندي يعادل روحي
اتمنى اني ماكون طولت عليك وسامحنا عالقصور
اتمنى لك حياة سعيدة وزواج مبارك منك المال ومنها الورعان
في امان الله

كحلها سايل · 23-01-2009, 02:28

بآين انك شايل بخاطرك ابقووة والدليل نكك عآفك الخآطر ..{ وانتي وش دخلك خخخخ
وبالنسبه الى مشكلتك ..
مثل ماقالوا لك الأخوان .. هذه الخلافآت تصير اكثير و خصوصآ وانتو ببدآية الطريق
.. لماا تتعودون ع بعض راح تخف تدريجيآ ..
انت اترك البنت كم يوم لين ماتهدىء انفوسكم .. وراح ترجع احوالكم مثل أول واحسسسسن ..
وبعديييييين يااخوي خآف ع نفسسسسسك وصحـــتك .. وحاول انك تمسك اعصآبك ماره ثاانيه ..
انت تسرد موضوعك واهو مجرد سرد
واناا حااسسسسسه بشرارة تتطلع من بين السسسسطور ..{ احلفي بس ههههه
هذه اول ماره اقرأ مشكلة لآحد مضآيق واحس بهالشعور ..

ع العموم ما الا اقوول الا ..
.. ربي يسسسعدكم .. و يتمم عليكم بالخيييييير والصلآح ..

ع ـآفـك ـآلـ خ ـآطر · 23-01-2009, 06:39

شاكر لكم اخواني وشاكر ردودكم

وانا ضايع بالطوشه صراحه

"""""""""""""""""""""""""""

روزا كوين ... فـــارس الشرقية .. دموعك تقتلني .. خالد اليوم .. ياقلبي على زوجي .. nona al-moon .. MS.V.I.P

ماقصرتو

(( كحلها سايل ))

تسلمين اختي وماقصرتي ياغلا

وشآكر آح ـسآسك بموضوعي

هذا دليل على اندماجك مع المشكله وأحسك عشتي هالحاله

شآكر لكم جميعآ

تحيتي لكم

نــــبــــض · 23-01-2009, 08:52

[
والله البنت حبوبة وهادية .........وحتى بزعلها ماسكه نفسها...

وانت مسويها باردة...هي أكيد بنفسها شي وشويات ..أو أي شي مكدر خاطرها مالو علاقة فيك..

شايلة بنفسها وساكته...ومحترمتك وحاشمتك حتى بزعلها..؟؟

وانت تبغاني أقولك الحقيقة أو اطبطب عليك وأؤيد كلامك زي بعض الردود..

أو اقول لك الحقيقة.........؟؟

الحقيقة ياأخي انت لاترى أحد في هذه العلاقة سواك وارجع وشوف ..وأقرأ كلامك جيداوتأمل فيه...

لديك نرجسية وتسلط..في أفعالك معها..صحيح انك تتحاول ان تتحلى باللباقة معها..لكن كلامك لها يدور حول ذاتك و ارضاءها..

اما هي فليس لمشاعرها وجود او اهتمام...او تقدير منك...

انا طريقتي كذا ..انا أسوي ..أنا ماحب احد يعطيني ظهره..وقرصتهابكل دفاشة وتعلمها كيف تعاملك وتتادب معاك ..ولازم ماتخليك تطلع وانت زعلان...وكسرت الشريحةورميتها بوجهها.وبعد انت الي زعلان ..تخيل ان هذه الافعال صدرت منها..كيف ستكون ردة فعلك؟؟؟

وكل هذا وسخرت من دموعها...؟؟بدل ماتضمها أو حتى تمسح دموعها...اتهمتها انها بزره ..؟؟؟وهذا الموقف بالذات المني كثيرا لأنه قد مررت به ..فأول مرة رااني زوجي ابكي بها أمامه .. بعد الضغط النفسي الذي شعرت به معه...قالي نفس هذه الكلمة ..ولي عشر سنين متزوجة والى الان أشعر بجرحه لي ..؟؟..اول مره يرى بها دموعي وهذه ردة فعله...شعرت اني لاشيء بالنسبه له..وأكيد هذا احساس خطيبتك..
.وبعدين هي وين من كل ذلك.. مشاعرها ..أحاسيسها..أنوثتها ..كرامتها..وهذا أيام الخطوبة والدلع ..كيف اذا جات بيتك وصارت أنت الولي عليها..أيش راح تسوي فيها؟؟

أفعالك واقوالك تضج بالانانية ...
وكل حوارك معاها جااااف ليس فيه ذرة عواطف ...وأسمعها مني أخوي..البنت كائن حي يمتليء احاسيس ومشاعر ..وهي فطرة فطرت عليها ولاتتحكم بها..وثابت في الاحاديث ذلك..

أشبع عواطفها خدر حواسها بمشاعر جياشة صادقة..وأنت ستحصل على ماتريد..الكلمة الطيبة تصنع المعجزات..والله أجاز الكذب بين الزوجين ..لماذا ؟؟لان الرجل لايستغني عن أعجاب زوجته به ومدحها له...والزوجة لاتستغني عن حبه لها وتعلقه بها وتغذية عواطفها...ونحن مجتمع خشن لاينمي العواطف ولايعترف بها..وكثير مايكون هذا الامر نقطة صداام بين الزوجين ..الزوجة تشعر بأهمال عاطفي فتمل زوجها والزوج يشعر أنها تنكد عليه بدون سبب ..؟؟والمسألة حلها بسيط جدا...

والزواج سكن ومودة وورحمة..وكلام أهالينا ان الزوجة خلقت لاسعاد زوجها وهذه مهمتها الاولى في الزواج ضعه خلف ظهرك ...الزوجة كائن مثلك له نفس احتياجاتك بالضبط... فاذا كنت ترغب باحترامها احترمها أولا واذاكنت ترغب بحبها أحبها واذا كنت تريد التقدير قدرها..عاملها كشريك وليس أقل من ذلك همها وناستك ورضاك ومتعتك..

متى مانظرت لهاتلك النظرة المتكاملة ستجد حبيبتك التي ترضيك ولاتعصيك أبدا..

وصدقني انت متضايق مرة لانك حاس انت اللي غلطت عليها.
والامر ياأخي كله بسيط تقريبا لايوجد مشكلة بينكما لكن أبليس دخل وعمل عمايله..أتدري انه ليس من شيء أحب الى الشيطان من ان يبيت الزوجين وهما مختصمان..

وياما راح يقابلكم .. الحياة الزوجيةكغيرها من العلاقات لابد ان يتخللها الملل والمنغصات والمكدرات.وفي البداية صعب التأقلم لكن ومع العشرة يزداد الحب وتتآلف النفوس ...وتشعر ان لااحد يفهمك اكثر منها..

وانت أكيد نجدي ومستحيل تكون من الغربية...صح؟؟
وفقكم الله ..وبارك لكما..

ع ـآفـك ـآلـ خ ـآطر · 23-01-2009, 13:20

آختي نــــبــــض شآكر كلامك ياغلا

بعد كلامك مادري وش آقول

لكن هذي هي الحياة

لازم فيها هواش

(( ملح الحياة ))

وشآكر لك ياغلا

لكن على كلامك

اقتباس:

فاذا كنت ترغب باحترامها احترمها أولا واذاكنت ترغب بحبها أحبها واذا كنت تريد التقدير قدرها..عاملها كشريك وليس أقل من ذلك همها وناستك ورضاك ومتعتك..

انا اعاملها كذا وبالعكس افكر فيها قبل مااافكر برضى وحب نفسي

سعادتها اهم ماعندي بس لازم واعتقد مثل ماقلتي

اقتباس:

أبليس دخل وعمل عمايله

ويعطيك العافيه على تواصلك بحل مشكلتي

^_^

المرهفة · 23-01-2009, 16:00

موضوع حسااس جداً وتقريباً صارت لي زي هالحاله مع خطيبي سؤال اخوي لاهنت كم صار لك من عقد القران (الملكه)؟؟
واهم شي حط ببالك زيييييييييييييييييين شيل هالعصبيه من راسك أكره مافي الزوج عصبيته وتصدق انا كرهت خطيبي
من عصبيته الزااايده كذا انت تحسسها انك مو ذاك الزود معاها كأنك ماتحبها شيل مفهوووم العصبيه من راسك ماعليه لو عصبت عليها كتمه بداخلك لا تظهره قدامها أو ابعد عنها بمسااافه بعيده عشان تريـــح وإذا حسيت بنفسك انك مرتاح رح لها وكمل حديثك معها بقولك شي
اهم شي لاتعصب عليييييييييها كرهت خطيبي من عصبيته في بداية الملكه كرهته كرهته كرهته بس بعدين فهمته و وضحت له ان هالشي ماينتج الا الخراب والدمار وشرحت له أشياء عده ضليت يومين على ما افهمه والحمد لله الحين صار مافي أحلى وأجمل وأهدأ زوج مثله .. وبالنهايه احب اقولك لازم بداية الخطوبه مشاكل وبعدها راح تتأقلمون مع بعض وراح تفهمها وتفهمك .. آسفه اخوي على الإطاله
ولا تنسى السؤال كم صار لك من الملكه عشان يكون الحل الصحيح عندي

مع السلاااااامه

≈دمعـة مـلاگεïз · 23-01-2009, 16:26

طبيعـي ياخوي المشاكل إللي تصير بينكـم
أنا من رآي إنكم تخففـون مكالمـات تخلونها مره بالإسبوع
عشان لاجاء يوم العرس تكونون مشتاقين لبعـض مــوووت
والنفـوس هـدت شوووي
الله يوفقكــم يارب ويتــمم لكم على خيـر

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ضآقت فيني الدنيآ ... ومآني عآرف من فينا الغلطآن