عالم الحياة الزوجية - منتدى

كحلها سايل · 23-01-2009, 04:30

الله يسعد صبآحكم // مسآئكم بالورد والريآيحين ..!!
بدخل بالموضوع دوغري .. عشآن لا اطول عليكم ..
صديقتي الصدوقه متقدم لهاا شآب .. ملتزم -مثقف- وظيفتة مرموقه -هادئ الطبآع ..
بصريح العبآرة .. كآمل والكآمل الله سبحانه ..

طيب وين المشكله ..

.. الولد لماا أهل البنت سألوا عنه .. مالقوا من النآس الا الثنااء عليه وع أخلاقه ..
بس أغلب اللي تم سؤالهم ؟ لماا ينتهوا من ثنائهم عليه ينصحونهم انهم يبتعدون ع منآسبت هالعآئله ..

للأسف العيب ماهو فيه كآن عذرناهم ع هالنصيحه ؟
العيب في أهل أمه .. خوآاله الله يصلحهم ّ( يتآجرون بالممنوعآت ..) و سمعتهم عند الخلايق في الحضيض .. والولد ابتلى في دنيآه انه نسب امه يرتبط في كذآ ناس مااتخاف ربهآ ..
وام الولد تشتكي تقول صار لهم سسنه واهم يتقدمون الى بنآت اكثير و يرفضووه بحجة اهل أمه ..ع قولتهم ان العرق دسآس ..!!!!!!!!!!!
طيب وش ذنبه هو و للعلم علاقتة بخواله مقطوعه نهائيا
ولما احد يسأله خالك فلان يقول لا اناا ماعندي خوآال يعني متبري منهم ..؟؟؟؟؟؟؟؟؟؟؟؟

.. المهم .
والد صديقتي .. طلب من الولد انه يقابله في بيته .. عشآن يتعرف عليه اكثر .. والحمد لله طلع رجآال ناضج و محترم ..
مع هذاا قال له اذا رفضنآك .. لا تفكر انه الرفض في عيب في شخصك بالعكس .
لكن هذه الدنياا قسمة ونصيب ..؟؟

.. اظن الولد بعد هالرد ضآقت فيه الوسيعه وصآبته صدمه ماايعلم بهاا الا سبحآنه

.... وانا مالومه صراحه..
ألوم المجتمع اللي طعنه في رجولته وفي شرفه .. اردهم عونآ .. فصاروا عليه فرعونآ
للأسف فيه بعض ناس عقولهم فارغه
و نظرتهم للأمور سطحيه .. ولا يحسنون النصيحه ولا حتى المشورة ..
مدري ايش أكتب بعد .. لكن الله حسبيهم ..

سسؤالي ..
هل نسب و حسب الرجل الرآغب بالزواج ضروري ليتم أنكاحه ...؟
هل يهمك هالأمر كـ بنت مقبله ع الزوآج .؟؟
هل يهمك كـ أب او كـ أخ أو ... أو .. .
أم يكفي ان الرجل ذو خلق ودين بغض النظر عن نسبه وحسبه ؟؟

بأنتظاركم ..

@جوري الحب@ · 23-01-2009, 04:47

بصراحه من ناحيتي ما يهمني الا الشخص نفسه مايهمني احد ثاني

اذا هو كامل من جميع النواحي مافي مانع تتوكل على الله في هالزمن

ومع كثره البلاوي الي نسمع عنها نادرآ تلاقين رجال مافيه عيوب

واذا كان ابوه وعمانه سمعتهم زينه اكيد راح تغطي على سمعة خواله

خليها تتوكل على الله وتستخير والي كاتبه الله بيصير

تقبلي تحياتي

جوكر خايب · 23-01-2009, 04:53

امممم الرجل مو ذنبة لكن النسب مطلوب و السمعة ايظا

ع ـآفـك ـآلـ خ ـآطر · 23-01-2009, 06:59

هل نسب و حسب الرجل الرآغب بالزواج ضروري ليتم أنكاحه ...؟

اختي حكلها سايل

في مثل يقول لنا حنا يالرجال دايم لما جيت اتقدم

تقدمت لوحدهـ اللهم صلي على محمد

جمال

كامله والكامل وجهه سبحانه

بس امها الله يستر عليها ماكانت سمعتها حلوهـ بـ امكاني اخذها انا وماعلي من امها وابوها

لكن المثل يقول

تبي تضمها اسآل عن امها

لكن مالنا دخل بالعائلات الاخرى عليك من البنت واامها ابوها

يعني ابو البنت المفروض يكون كل اهتمامه على الرجال وامه وابوه

لكن عندنا تعقدات بصراحه لما شخص يكون فيه عيب

العائله كلها تكون فيها عيب

بكذا ماراح احد يتزوج اجل

هل يهمك هالأمر كـ بنت مقبله ع الزوآج .؟؟

مثل ماشرحت لك فوق ^_^

هل يهمك كـ أب او كـ أخ أو ... أو .. .

أم يكفي ان الرجل ذو خلق ودين بغض النظر عن نسبه وحسبه ؟؟

اكيد بيهمني الاخ والاخت والاب والام والرجل

لكن ماعلي من اهله الباقيين

خواله عمامه ... الخ

وبصراحه الله يعين هالرجل بصراحه

مادري وش اقول

كل اللي اقوله

الله يصبره ويوفقه يآرب ويرزقه بالذريه الصالحه

لكي تحيتي

جوكر خايب · 23-01-2009, 07:05

متابع

كحلها سايل · 23-01-2009, 07:29

اقتباس:

المشاركة الأصلية كتبت بواسطة @جوري الحب@

بصراحه من ناحيتي ما يهمني الا الشخص نفسه مايهمني احد ثاني

اذا هو كامل من جميع النواحي مافي مانع تتوكل على الله في هالزمن

ومع كثره البلاوي الي نسمع عنها نادرآ تلاقين رجال مافيه عيوب

واذا كان ابوه وعمانه سمعتهم زينه اكيد راح تغطي على سمعة خواله

خليها تتوكل على الله وتستخير والي كاتبه الله بيصير

تقبلي تحياتي

تفكيرك وآقعي ..
وانا خبرت صديقتي ان هالشيء ماايعيب الرجآال بس بآين ان اهلهاا مو مقتنعين فيه عشان نسبه
وماالهاا حيله اللي يبوبه رح يصير .. الله يعوضهااا باللي احسن منه

جوري الحب يالبى عرووقي .. شآكرة مرورك الحلوووو ..

روانـ · 23-01-2009, 07:29

مررررررررره حرام وظلم للولد اهم شي اهل الولد كيف سمعتهم ودام الولد ماله علاقه بخواله وطيب وملتزم يعني ((رب ضارة نافعه )) يمكن الولد علمته الدنيا وسمع منها وهذا الشي بيكون حافز له انه يعطي صورة احسن عن عائلته هذي وجهة نظري ونسال الله الهدايه

كحلها سايل · 23-01-2009, 07:31

اقتباس:

المشاركة الأصلية كتبت بواسطة جوكر خايب

امممم الرجل مو ذنبة لكن النسب مطلوب و السمعة ايظا

وجهة نظر واحترمهـآ ..
بس لو وآجهك نفس موقف الرجآال اللي ذكرته ؟
كيف راح تواجه مجتمعك ؟
..
يسعدني مرورك .
لا هنت والله.

كحلها سايل · 23-01-2009, 07:48

اقتباس:

المشاركة الأصلية كتبت بواسطة ع ـآفـك ـآلـ خ ـآطر

هل نسب و حسب الرجل الرآغب بالزواج ضروري ليتم أنكاحه ...؟
اختي حكلها سايل
في مثل يقول لنا حنا يالرجال دايم لما جيت اتقدم
تقدمت لوحدهـ اللهم صلي على محمد
جمال
كامله والكامل وجهه سبحانه
بس امها الله يستر عليها ماكانت سمعتها حلوهـ بـ امكاني اخذها انا وماعلي من امها وابوها
لكن المثل يقول
تبي تضمها اسآل عن امها
لكن مالنا دخل بالعائلات الاخرى عليك من البنت واامها ابوها
يعني ابو البنت المفروض يكون كل اهتمامه على الرجال وامه وابوه
لكن عندنا تعقدات بصراحه لما شخص يكون فيه عيب
العائله كلها تكون فيها عيب
بكذا ماراح احد يتزوج اجل
هل يهمك هالأمر كـ بنت مقبله ع الزوآج .؟؟
مثل ماشرحت لك فوق ^_^
هل يهمك كـ أب او كـ أخ أو ... أو .. .
أم يكفي ان الرجل ذو خلق ودين بغض النظر عن نسبه وحسبه ؟؟
اكيد بيهمني الاخ والاخت والاب والام والرجل
لكن ماعلي من اهله الباقيين
خواله عمامه ... الخ
وبصراحه الله يعين هالرجل بصراحه
مادري وش اقول
كل اللي اقوله
الله يصبره ويوفقه يآرب ويرزقه بالذريه الصالحه
لكي تحيتي

بالنسبه للموقف اللي واجهك مع البنت وأمهاا ..
اظنه راي انها ماتناسبك سليم .. مع ان البنت مالهاا ذنب والذنب يرجع الى أمهاا .. الله يهديهاا بس

وانا اشيد ع رايك بانه الأهم اهو نظرتك الى عائلة البنت بغض النظر عن خوالها او اعمامهاا..وهذا التفكير الغالب في مجتمعاتناا ..
لكن لو حسبنآهاا للرجال وعائلته هنااا الموضوع يختلف ؟؟؟
الله يعطيك العافيه ع تفاعلك الطيب .. و ربي يجزاك الف خير ع هالدعوه ..
الله يكون يكون بعونه ..

كحلها سايل · 23-01-2009, 07:56

اقتباس:

المشاركة الأصلية كتبت بواسطة احبك بس وينكـ

مررررررررره حرام وظلم للولد اهم شي اهل الولد كيف سمعتهم ودام الولد ماله علاقه بخواله وطيب وملتزم يعني ((رب ضارة نافعه )) يمكن الولد علمته الدنيا وسمع منها وهذا الشي بيكون حافز له انه يعطي صورة احسن عن عائلته هذي وجهة نظري ونسال الله الهدايه

سمعة اهل الولد مثل حبة المسك .. ولا عليها غبار ..
لكن برضوو نسب امه ورآه ورآه .. وهالشي خلى المحيط اللي عايش فيه ياخذون عنه فكرة مغلوطه ولا هي طيبه ..
والناس مثل ماانعرف مااتبي الا الظآهر ..
الله يصلح حاله و يعطيه ع قد نيته ..
احبك بس وينك ..
يسلملي هالحضور الحلو ..
لا عدمتك يااقلبي..

to0ota · 23-01-2009, 08:18

الله يعينه هو ماله ذنب .. انا عن نفسي لو تقدملي نفس مواصفاااته بوافق لانه رجال وماينعاب بس لورجع الموضوع لاهلي اكيد بيرفضوووو لانه يهمهم النسب والسمعه الطيبه

الله يرزقه عاجلا وليس اجلاا

мόόη Ļίģħт · 23-01-2009, 12:35

للحين ماجا نصيبه

ومااشوف في الزواج عيب كبير

طالما انهم خواله وعلاقته معهم منقطعه ... يعني مو اهله امه او ابوه او اخوانه << لأنه ذولي صعبه يقطعهمـ

كثير امور بالمجتمع تصير احنا مو مقتنعين فيها .. البنت مالها ذنب وصعبه تفرض رايها على اهلها ..

والله يعوضهم خير

أحبكـ مـggت · 23-01-2009, 13:10

مشكلتنآ بالمستقبل ماندري وش ينتظرنآ فيـه

ومعلوم إن الشر يوصلكـ لو إنكـ في أقصى الدنيآ ..

عموما العائلـه وخوالـه بعيدين عنه بسبب إنهم بعيدين عنهم ومقطوعه العلآقه

وبعدين البنت بتعيش معآه مو مع خواله ..!!

لكن الناس تفكر بأنهآ شي يجيب الخزي والعآر للبنت وكمآ يقال

الخآل خلي والعم ولي ..؟؟

ودآم ماصآر نصيب مو شرط إن بنت غيرهآ رآح ترده نصيبه موجود لكن الصبر مفتآح الفرج ..

لكن أشوف إنها مشكله بآرزه ولهآ صيت وأهنيكـ على الموضوع لأنه قووووي ومؤثر ..

شكرآ

قحطاااني ماااركه · 23-01-2009, 18:35

طيب وش دخل خواله بالسالفه هي متزوجته ولا متزوجه خاله !!!!!!!!!!!!!!!

المعدن ذهب · 24-01-2009, 02:18

اهم شي الدين والاخلاق

وبعدين البنت بتتزوج اهل امه والا الولد

اذا ما تبيه انا جاهز ولا تخافين ارسل لك دعوه خاصه

اكيد بتقلولي والله البلشه من طلع لنا هذا

امزح لا تصدقين

هههههههههههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هالمره اناا جايتكم .. بموضوع .. تعالوآ فيذآ وشاركوني ..