عالم الحياة الزوجية - منتدى

جمالي معذبني · 23-01-2009, 17:18

مساء الخيرات

عندي سؤال مهم جدا جدا جدا بالنسبه لي طبعا
بما ان زواجي قرب امي تقول لي اهل زوجك حطيهم بعيونك ولاتزعلينهم يتضايق زوجك
واختي تقول لاتعطينهم وجه وسبي فيهم عنده علشان الرجال يحبك واذا تكلموا فيك من ووراك مايصدقهم

وانا محتااااااااااره اصدق مين خاصة ان اختي متحكمه بزوجها وهي ماتحب اهله
ودايم تسب فيهم عنده واشوف قبل لما كانت تحبهم كان زوجها عادي معها ولما صارت تسب فيهم
صار دايم يوقف معها واي كلام تقوله يصدقها زاد حبها...
وكثير غير اختي ...

جاوبوني يا رجال وش تحبون؟؟؟؟؟؟؟؟؟؟

استاذ الحب · 23-01-2009, 17:29

رضي الله تعالي من رضي الوالدين مو من رضي الزوجه من غير المنطق الزوجه لا تحترم الوالدين وأحترمها واقدرها ,,اللي ماله خير
لاهله ماله خير في أهل بيته ,,,وأمك تنصحك بنصيحه وأختك بنصيحه يعني بالمنطق هل أمك لا تريد لك الخير فالوالدان دائماً يريدون الخير لابنائهم ,,,وإنتي هل ترضين بأن معاملةزوجك لاهلك سيئه أم تتمني أن يعاملهم بإحترام ,,,معاملتك لأهله بإحترام وتقدير وإعتبارهم جزء منك سيزيد إحترام زوجك وحبه لكي ,,,
اما نصيحة أختك فالله تعالي يعينها علي طريقة تعاملها مع أهل زوجها,,

мόόη Ļίģħт · 23-01-2009, 17:33

مايبيلها كلامـ

لو جينا للعقل اكيد كلام امك هو الصحيح

بالعموم الرجال وحتى النساء ماحد يرضى ان اهله ينسبون قدامه .. حتى لو من زوجته ....

عامليهم باحترامـ .. لاتشوهين صورتهم قدام ولدهم ...

اذا مارضيتي عن تصرف من احدهمـ تجنبيه ..

اما عن اختكـ !! فحالتها خاصه وزوجها غريب !!

ومو شرط اللي ناسب معه يناسب معك ومع طبع زوجكـ

ياما رجال طلقوا حريمهم والسبب قلة احترامها لأمه او اخواته

واذا تبغين تعرفين هالشي تخيلي زوجة اخوك تعاملكم كذا ..........

فكري بعقلكـ وشوفي اللي يناسبك .. ولاتاخذين بشور اي احد الا بعد ماتقتنعين فيها

وحطي ببالك ان الزواج مو معركة او منافسه للأقوى واللي تمشي كلمته ... الزواج شراكة وصداقة وعشرة عمر

الله يوفقكم ويبعد الشيطان ن حياتكم

لسعة شقآوه بدلع · 23-01-2009, 17:54

رأيي من رأي أستاذ الحب..وعروس جديده
بالتووووفيييييييييق يالغلا..

حبيبة حمووودي · 23-01-2009, 18:16

حترام الزوج من احترام اهله

انتي اكيد ماراح تعرفينهم الا بعد الزواج بعد زيارات وراح يبين لك اذا يحبونك او لا

اذا يحبونك بأدليهم الشعور ليش لا ... وحبيهم واعتبريهم اخواتك واهلك

يعني اختك مو كويسه مع اهل زوجتها انتي تسوين مثلها والناس مو كلهم مثل بعض

لاتحكمين على اهل الزوج قبل الجلوس معهم ومعرفتهم

انا اعرف وحدة زوجها مو ذاك الزود معها واهل زوجها مرررة طيبين معها عكس زوجها ومرتاحه عشان اهل زوجها وصاروا اهل زوجها يوقفون معها ضد زوجها (اللي هو ولدهم ) اذا اخطاء عليها او زعلها

قحطاااني ماااركه · 23-01-2009, 18:41

اقتباس:

المشاركة الأصلية كتبت بواسطة جمالي معذبني

مساء الخيرات
عندي سؤال مهم جدا جدا جدا بالنسبه لي طبعا
بما ان زواجي قرب امي تقول لي اهل زوجك حطيهم بعيونك ولاتزعلينهم يتضايق زوجك

كلام أمك هو الكلام الصح
واختي تقول لاتعطينهم وجه وسبي فيهم عنده علشان الرجال يحبك واذا تكلموا فيك من ووراك مايصدقهم
وانا محتااااااااااره اصدق مين خاصة ان اختي متحكمه بزوجها وهي ماتحب اهله
ودايم تسب فيهم عنده واشوف قبل لما كانت تحبهم كان زوجها عادي معها ولما صارت تسب فيهم
صار دايم يوقف معها واي كلام تقوله يصدقها زاد حبها...
وكثير غير اختي ...

أختك تبي تخرب حياتك بالله هذي أخت يمن اسلوبها نجح مع زوجها بس هذا لا يعني انك تطبقين نفس أسلوبها
جاوبوني يا رجال وش تحبون؟؟؟؟؟؟؟؟؟؟

طبعا مستحيل أسمح لزوجتي تهين اهلي طبعا هي لها حق واهلي لهم علي حق وغير كذا تروح بحالهل وانا بحالي ألقى غيرها ألف لكن أهلي عزوتي ما عندي إستعداد أخسرهم عشان خاطرها وبالأخير هي الخسرانه ولا أنا رجال ما يعيبنب شيء بتزوج غيرها أربعه

honey* · 23-01-2009, 18:46

والله انك جبتيها الجرح!
المنطق والعقل يقول انو لازم نحترمهم ونحطهم بعيوننا !!

بس عندك مثلا انا توني مملكه مالي شهر وعلاقتي مع خطيبي عال العال بس اهله من ايام الخطوبة كان يجينا كلام انهم ما يبوني انا بالذات

وكانوا رافضين انو ولدهم ياخذني بس هو يبغاني وابوه سحب عليهم وخطبوا ووافقنا وما طلعت هالسوالف الا بعد الملكه !!

ما كلمني منهم الا امه وخواته انا اعرفهم من قبل بيننا اتصالات وزيارات انقطعوا نهائيا !

وقابلنا اخته لكبيره كانت فرحانه له ومستانسه والوضع عادي بس الناس توصل لنا كلام وهو خطيبي ما فتح الموضوع معي ولا انا

من مبدأ ابعد عن الشر وغنيلوه !!

بس مو لازم قبل لا ادخل حياه مع اهالشخص اعرف من عدوي ومن صديقي ؟؟

والواضح الان من تصرفاتهم ومن كلام الناس انهم ما يبغوني ولو انهم ما تكلموا بالصريح !!

فانا الان والله محتارة كيف اتعامل معهم مثلك كذا !!!

وغير كذا خطيبي مثلا يقولي دقي عليهم أسألي عنهم بس انا استحي اولا وغير كذا انا من اول اعرفهم يقربو لنا

وبحياتي مارفعت السماعه اسأل عنهم فجأه يوم اخذت ولدهم اسويها ؟؟؟ احسها مو حلوة ولا شرايكم ؟؟

اهل الزوج هم ولله !!!!!!!

المعدن ذهب · 23-01-2009, 19:00

مساء الخيرات

انا ماراح ارضى في اهلي ولا ارضى في اهل زوجتي

واللى ماتحترم اهلى وتقدرهم اكيد انا نفس الموضوع ما تحترمني ولا تقدرني
ولا يربطني بها اي شي ورقتها توصلها في اقرب وقت

مشتاقه لضناها · 23-01-2009, 19:12

السالم عليكم ورحمت الله
يأخوات نصيحة(مهما حصل بنك وبين أهل زوجك لا دخل الزوج فيها)
أحترمي الناس يحترمونك وأهم شي والدينه
لاتحاولي إدخل أهله بخصوصياتك
وماعليك منهم يحبونك وإلا لا أهم شي زوجك راح يحترمك ويحبك أذا شافك مسالمة وماتحبي المشاكل ومتسامحة
وغالبا الي يحبها زوجها مايحبونها أهل زوجها يحسون أنها مسيره ولدهم يعني لازم الوحدة تكبر عقلها شوي!!!
واخير تعاملي معاهم من البداية بطبيعتك وأخلاقك الي تربيتي عليها لان الأنسان مايستطيع المجاملة طول عمره.
وفق الله الجميع لما يحب ويرضى

سارق الوقت · 23-01-2009, 21:18

اختك سيئه و زوجها رخمه لا تزعلين مني و اكيد في يوم من الايام راح تندم على تصرفاتها و زرع الفرقه و الفتنه بين الزوج و اهله اتمنى ان تسمعي كلام والدتك لانها تريد مصلحتك و اخت تريد خراب بيتك

انا مقبل على الزواج ان شاء الله و لن ارضى ان تتكلم زوجتي في والدتي و اخوتي هنا خط احمر و في المقابل يجب علي احترام اهلها و عدم ذكر عيوبهم او انتقاصهم و المحترم يحترم

و نسأل الله لنا ولك التوفيق و السداد

ملاك مقرب · 23-01-2009, 21:27

ارضي امك وارضي اهل زوجك

مشكوره

سجى11 · 23-01-2009, 21:32

انا رايي لما تصيرين عندهم وتشوفي شلون يعاملوكي

وانت احترميهم وعاملينهم معامله حسنه وما دام زوجك معك وبحبك مش مهم الاخرين

جوكر خايب · 23-01-2009, 21:35

و الله و الله و الله ان لم تحترم زوجتي المستقبلية اهلي لاني مطلقها بالثلاث لو اتصير مريم العذراء اختج ما تستحي مع احترامي لها و زوجها ما بيه خير

رورو *** أبو أيه · 23-01-2009, 21:50

اتقى الله يابنت الناااس
شو هالزمن .!
هما اهل زوجك دول مش سبب مجيىء زوجك للدنيا
وهما اللى تحملوة وساعدوة اتقىىىىىىىىىىى الله

ما مش اهلة دول هما نفسهم اهلك ترضى مرت اخوكى تفعل وتسب وهالمسخرة بامك وابوكى ( على اساس يعنى اهل زوجك لو سبيتى انتى فيهم بيستكو ويرضو بالامر الواقع

بدل هالخراااب بدل مايطردوكو من حياتهم وبركتهم اتقى الله
ودايما الكلمة الطيبة حلوة وتريح ( لسانك حصانك ان صونتة صانك

اتقى الله ( لو انتى قوية ومستعدة للشجار وهالنصايح اللى ترخب البيت توقعى اهل زوجك بالمثل راح يوجد يوم يفهم زوجك هالحركات ومش بعيد يرميكى ويشوف غيررررك وعلى يد اهلة

بالتوفيق وابعدى عن اختك

الجليد الساخن · 23-01-2009, 21:59

حبيبتي فكري فيها

انتي تقبلين ان زوجك يهين اهلك
كيف هو بيرضى انك تهينين اهله
ولاتنسين ان الدنيا دوراه اذا ظلمتي احد يجيك يوم وتنظلمين
وقتها بتندمين
شوفي ياقلبي
المحترمه تفرض احترامها
وحاولي ان ابوه وامه تحطينهم فوووق راسك
خلي غلاهم من غلا ولدهم
والاخوان ماقروا افادوك
وعرفتي مو قف الاعضاء الذكور

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ياشباب جاوبوا ويابنات استفيدوا..