عالم الحياة الزوجية - منتدى

أمـوت فيـك · 24-01-2009, 02:26

السلام عليكم ورحمه الله وبركاته

مساء الخير

باركوا لي وأدعوا لي إن شاء الله كم يوم وأتملك

أخواتي ابي كل وحده منكم تشور علي

وش رايكم أهدي زوجتي بعد الملكة هدية بقيمة 8000
والا كل مارحت لها أهديها؟؟

و وش رايكم وش اهديها في كل الحالتين

وشكراً لكم

دندوشــــــــه · 24-01-2009, 02:39

وعليكم السلام

بما اني بعد فتره بملك عاد قلت ادخل واعطيك راي

من وجهة نظري انا اشوف اهم شي تسال انت هي شنو تحب حتى لو كان بسيط موشرط يكون 8000 المهم هي تحبه والاهم يكون من قلبك

وحلو الهدايه تكون بين فتره وفتره

اعذرني بس انا كذا اشوف

ويمكن رايي غلط

بس ربي يوفقك ويسعدكم

ساحر القلوـوـوب · 24-01-2009, 02:46

الف مبروك الخطبة والله يتمم على خير

بالنسبة للهدية هات الـ8000 وانا اعمل لك برنامج هدايا ما حصل

<<<< دورني بعدها : )

أكيد مداعبة الله يرزقك ويزيدك من فضلة

لو أن طلبك للفتيات إلا أني سأجيبك بما أراه مناسب لي : )

الهدية بمعناها وليست بقيمتها , وكثرتها لا تجدي بالنفع

إيصال سعادتي يجب أن يكون بكل الطرق وليس عن طريق الهديه فقط .

دمت في حفظ الله .

أم عبدالله-المدينه · 24-01-2009, 02:57

حسب ميزانيتك

اذا 8000 اول هديه لابد تكون باقي الهدايا بمستواها او اغلى منها

وحسب اللي بتهديه يعني لو ذهب ب 8000؟؟؟؟؟؟؟؟؟اتوقع ما يعجبها

بس لو كان لاب توب ب 8000 ؟؟؟؟؟؟؟؟؟؟؟اكيد بتحبك موووووووووت

اهم شي قدر ميزانيتك لو تكون بارخص سعر وكل فتره هديه احلى من هديه غاليه ومره وحده بس

المعدن ذهب · 24-01-2009, 03:23

الف مبروك

الـ 8000 ريال بأمكانك تزين لها احلى عربيه من السوق وفيها كل شي
مثل ((( العطور , طقم ذهب , ادوات استحمام يعني طقم من بدي شوب , وشنطة مكياج وادوات تجميل , جوال )))

كل هذا واحسن لا وبعد اقل من 8000 / اذا كان فيه حفلة ملكه تسوي هذا الكلام اللي فوق
واذا كان ملكه عاديه خلها وانا خوك على طقم ذهب بحدود 2000 ريال

نصيحة متملك وانت لك حرية الاختيار وطبعا يرجع الامر لك

الله يوفقك ويجمع بينكم في خير

كيان ساكن · 24-01-2009, 03:53

انا اشوف بين كل فترة وفترة تهديها ولوهدية بسيطة وردة مثلا افضل من
انهاتكون مررة واحدة...حتى لوكانت غالية ..

كحلها سايل · 24-01-2009, 05:06

اوه اوه مبروك يااعريس من قد ..{ وانتي وش حارك هههه ..
اول شيء .. حياك بينآ والف مبروك ع الملكه وئوبال الفرحه الكبرى يارب ..
برايي ..
انك تهديها بكل مره تزورهآ .. وكثر الله هدآيا البنآت لو اعدد من هنا لبوكرة ما راح نخلص
انت شووف البنت وش نآقصهاا مثلا اذا ماعندها لاب توب اشتري لهاا او .. او .... واذا شيء في بالهاا وتتمنآه يتوفر لهاا .. فجئهاا فيه كـ هديه .. بيكون فعلك له وقعه ع نفسسسهاا وبتطير من الفرحه ..
اماا الهديه اللي بـ 8000 آلاف اعتقد راح يجي وقتهاا ان شاء الله بعد مايتمم عليكم ربي وتزوجون اهديهاا طقم الألماص او طقم الذهب اللي نآوي تهديهآ ايآه ذا الحين .. وبعدين هونك ع البنت شكلك ناوي تجننها من البدايه ههههههههه { تقول الله لا يضركم ..
موووووووفق ياا بطل ..

بنت الحرس · 24-01-2009, 11:47

طبعا اخر موديل نازل من الجوالات..

مع عطر مميز..

بالتوفيق

мόόη Ļίģħт · 24-01-2009, 12:29

على حسب كم باقي على زواجكمـ

اذا قريب راح تهديها مره وحده بيوم الملكة .. واذا مطولين كل فترة تذكرها بهدية وقت زيارتك لها وتكون على قد ميزانيتكـ مره غاليه مره بسيطه اهم شي تكون مميزة

فيه اشياء كثيرة حلوة

الافضل اول هديه تكون تذكاريه يعني تدوم لها كل العمر

مجوهرات( ساعة فخمه .. خاتم غالي .. عقد محفور عليه حروف اساميكم ....)

وممكن جوال اخر موديل ثاني زيارة .. راح يعجبها اكيد < لكن تأكد من نوع جوالها ممكن يكون جديد فماكون لهديتك قيمة

لاتنسى انها بتكون عند اهلها .. وكلهم راح يشوفون نوع هديتكـ ويعرفون ذوقكـ

بالتوفيق

moony · 24-01-2009, 12:49

والله بالنسبة لي تمنيت زوجي اهداني شريحة جوال بجهازها بالملكه بالرغم انه عندي جوال وشريحه من قبل بس منه بتكون افضل وغييييييييييير
وممكن عطر او تعليقه محفورة عليها حروف اساميكم انت وهي (مثل ماقالوا فوق) ومع كل زياره لازم تدخل لها بهديه مهما كانت بسيطه المهم تحسسها انك تتذكرها دائما وترى تعاملك وتصرفاتك وحنانك عليها بالملكه راح تأثر عليها اكثر من اية هديه والله يوفقكم

$الوجد$ · 24-01-2009, 12:54

ساعه الماس

راح يكون لها ذكرى خاصه

saad@ · 24-01-2009, 15:25

ذهب من داماس وبسسسسسس

شي بسيط والباقي كل فترة او مناسبة هدية

الفضولي · 24-01-2009, 17:15

اخوي الفلوس مو كل شي الاهم ان الهدية تكون مميزة ولها في النفس مكانة وتعبر عن حبك لعروسك اسالها ايش الاشياء الي تتمناها وانت تعرف ايش تهديها

فرفوووشه · 24-01-2009, 18:36

اخوووي مو على القيمه الماديه اهم شي القيمه المعنويه
بالتووووفيق

أمـوت فيـك · 25-01-2009, 15:04

أشكركم على هالمشاركات الطيبة

وخلاص بتكون عدّة هدايا إن شاء الله أفضل من ردودكم

وأرحب بأي مشاركه

وشكراً لكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

هدية الملكه...شوروا علي يا أهل الذوق...كل البنات الدخول إلزامي