عالم الحياة الزوجية - منتدى

فيصل.. · 24-01-2009, 05:05

كيفكم جميعا
انا عندي مشكله وابيلها حل لاني تعبت انا صار لي اربع اشهر متملك وزجتي متعبتني باطباعها تقول تحبني وانا ما احس انها تحبني وانا حيل اموت فيها ادق عليها مره مرتين ثلاث ماترد تقول مشغوله طبعا انسى انها تدق على او تسأل عني او تراسل وبعدين ما تسولف ولا تشاركني واذا قلت ليش ما دقيتي على تقولى انت مشغول وماابي ازعجك والله حيرتني واخاف اجيب العيد .

خزامى الرياض · 24-01-2009, 06:23

يمكن تستحي مره .. انت خلك طبيعي معه .. وسو اللي تبغى من سواليف ومكالمات بس لا تكثر ..وقله و ش تحب ووش تكره .. وانشالله بتحاول تسعدك ..الله يوفقكم ..

رورو *** أبو أيه · 24-01-2009, 06:29

استخير ربك قبل فوات الاوان
واعقلها وتوكل
ولا تنسى انها بكر

بالتوفيق

@مجنونه فيه@ · 24-01-2009, 07:43

مافيه سبب إلا الخجل

أصبر عليها وحاول تحتويها أكثر

شاركها بهمومك ومشاكلك عشان تقرب منك أكثر

حسسها بالأمان وأنها اقرب الناس لك

وترى هذا الشيء طبيعي بالنسبه لمجتمعنا المحافظ وتربيتنا التقليديه

بس هي تحبك أنا متأكده لأني سويت أكثر منها وما أتصل على زوجي أبد لأني أخجل أقول أتصل وأسكت بس لأن لساني يربط وقتها مع أني أموووووووووووووووووووووووووووووووووووت فيه ومع مرور الشهووووور مو الأيام ههههههههههههه الحمد لله كل شيء تمام حتى صرت أعبر له عن مشاعري أكثر منه يعني مسألة وقت بس

وبعدين انت لاتركز على قلة كلامها لأنها كذا بتطفش منك لأن الموضوع أصلا مضايقها قبل مايضايقك اكيد هي نفسها تتكلم معك بكل راحه وتعطيك الحب بس خجلها يمنعها

ولازم أنت تكون روووووووووووووووومنسي معها عشان تشتاق لك ولكلامك وتتجاوب معك

≈دمعـة مـلاگεïз · 24-01-2009, 09:27

آصبر عليها ياخوي
البنت للحيـن تستحي منـك
وآعذرها آنت
أكيد مشغوله بتجهيزات الزواج إللي ماتخلـص
من جد الله يكون بعون كل متملـكه تجهز
الله يوفقكــم ويتمم لكم على خير

أبو لجين · 24-01-2009, 10:00

وش اللي أصبر عليها ؟

كأنها مريضة وإلا فيها شي !!

طيب البنت تدرس ؟ البنت موظفة ؟ البنت كم عدد افراد اسرتها ؟
كيف وضعها عموما في البيت ..

لاتجاوبني على هالاسئلة .. أنت جاوب نفسك ..
فيه مليون سبب وسبب ممكن يخليها تنشغل فعلاً .. وفيه مليون سبب وسبب يخليها ما تكثر اتصال عليك ..
يعني كثرة الاتصالات مو دليل حب واهتمام ..

فيه ألف بنت مستعدين يكلمونك ليل ونهار .. وانت ولا تسوى شي عندها !!

وبشكل عام .. أنت أدرى الناس بظروف البنية ووضعها .. ومافيه أحد بيحكم على الوضع بدقة .. مثلك أنت ..
وعسى ربي يوفقك ويسعدك ..

بنت الحرس · 24-01-2009, 11:44

يعجبني تفكير ابو لجين بتحليل الامور.. ووضع حل المشاكل..

هنيئا لعائلتك بك..

وبالنسبه للاخ مسالة وقت وتصير ببيتك.. وبتتمنى انها تسكت عنك ههه

وبتقول ليها ياليتك ترجعي مثل الخطوبة كل ساكتة..

moony · 24-01-2009, 12:53

طبيعييييييييييييي جدا مازالت تخجل منك اصبر عليها شوي وخفف اتصالات حتى لاتتضايق انت..وعشان تفقدك هي يعني اعطيها فرصه من فتره للثانيه انها تعبر لك عن شوقها وحبها والله يسخركم لبعض

عاشق اللمى · 24-01-2009, 13:21

تكون تستحي اكيد او بعدها ماحبتك فعلا يعني تحتاج وقت يالله تحبك وتصير تشعر هي برغبة دايم انها تتصل بك وتسمع صوتك وترسلك رسايل

وبعض البنات ترى كذا طريقتهم بالحب يعني ببرود صح اكثر البنات رومنسيات ومفعمات بالعواطف لكن مو كلهم
وبعدين مدري يمكن ماعندها رصيد وانت الله يهديك دامها زوجتك اشتر لها بطايق شحن او سدد فاتورة جوالها اتكلم من جد ممكن يكون هذا السبب الرصيد

bodybuilder99 · 24-01-2009, 14:20

هههههههههههههههههههههههههههههههههههههههههههههههههه ههههههههههههههههههههههههههه

سامحني يافيصل اخيرا لقيت واحد نفس حكايتي................ ههههههههههههههه والله انا زيك بالضبط لدرجة اني بديت اكره البنت

والله انا مدري انا صح ولا غلط لكني كبرت عليا نفسي وسرت اتعنا اهملها ولا اسال ولا ازورها الا في الناااااااااااااااااادر واحس انها بدئت تحس وتفهم وتحاول تصلح اللي فات

ossama2008 · 24-01-2009, 16:01

أخي العزيز

ضع نفسك مكانها فتاه من المفترض أنها من بيت طيب ومتربيه علي عدم المحادثه مع شباب

فليس من المتصور بعد خطوبتها أو عقد قرانها أن تنقلب 180 درجه وتحدث خطيبها ليل ونهار

شويه شويه حتي تغير ما تعودت عليه

وأعذرني فما تراه أنت عيب أراه أن ميزه

فهي كالقطه المغمضه كما يقال وعليك أنت أن تقوم بتفتيح عينيها علي ما تريده ...مع الصبر

مش أحسن ما تكون جريئه أكثر من اللازم مما يؤدي لشكك فيها

المرهفة · 24-01-2009, 16:21

أوووووه

الله يهداك يا فيصل انتوا توكم لســا على على ما تتألقلمون على بعض

يعني أربعة شهور شويــه اهي يمكن مابعد تاخذ عليك ومابعد يروح حياها عنها

بصراحه خطيبتك زي حالتي تماااااماً أنا كنت ببداية الخطبه ما أتصل عليه كلش كلش كلش إلا للضروره ^^

بس رسايل أرسله لأن الرسايل ماتبين الصوت ولا تبين الأرتباك ولا تبين الحياء

فــ عشان كذا أقولك لا تستعجل ترى العجله ماهيب زينــه اصبر تعلم الصبر وش بلاااك مستعجل على وشو!!!

ترى حياها لازمها عشان كذا ماتقدر تكلمك المفروض انك تفتخر افتخار عظيــــم ان حصلت لك زوجه بهالنوعيه

أقوووول احمد الله وشكره ابرك لكـ

تحياتـــي..

شعور ضايع بلياك · 23-02-2009, 13:36

شوي شوي على النت اخوي اكيد ماخذت عليك وانتو توكم في بدايتكم والله يوفقكم

مادموزيل · 23-02-2009, 16:07

عادي جدا انا كنت كذا تستحي وتصرف انك مشغول بس

بناتنا متربين على الحياء .. تبيها بيوم وليله تدق من نفسها وتقول لك كلام حب صعب مره مره

همس الحقيقه · 23-02-2009, 19:24

يوه حرام عليك خف عليهااا

الله يعينا عليكم يهالشبااب بالله كيف نتكلم ونحن نموت الف مره اذا شفنا اتصالكم >> نفس الشي تسوي تموت خجل من خطيبها

بس لاتخاااف ترى تحبك وحتى بع شهر من زوااج بتظل كذا بعدين تمر الايااام والشهور وتعودون

والله يوفقكم وبلاش عجل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ما فهمت زوجتي حيرتني