عالم الحياة الزوجية - منتدى

دنياغريبه · 24-01-2009, 23:36

السلام عليـــــــــــــــــكم ورحمه الله وبركاته............

كثيرمن الازواج والحمدلله مرتاحين بحياتهم...ويحبون بعض..

بس....فيه ازواج يكونون ميتين بحريمهم ويعشقونهم عشق جنوني لدرجه انه مايقدر يغيب عنها او تغيب عنه ولا يزعلها....

صح نحب بعض...بس ياكثر الاشكاليات..

انا اليوم بنقلكم تجربتي اللي ودي اصير من المعشوقات لأزواجهم ....
زوجي يحبني يموت بي...مايخليني اروح لهلي الا بين وبين كله يقول استانس بوجودك.......
بس فيه لحظات ماحس فيها انه يقصداللي هو يقوله..........
وانقهر اذا شفت وحده زوجها يموت فيه اقول هي وش سوت عشان يصيركذا:::ليش انا مأكون زيها...صح يحبني بس ..مأدري مأثق بحبه...
مثلاا اخوي صارله متزوج 6 اشهرررر......غارق لدباديبه بحب زوجته على انه اول 3 اشهر الله لايوريكم ماغيركل شوي اصلاحات بينهم......ولايداني يقعدبالبيت........
بس الحين تدرون تشتكي منه واهلها يشتكون مايخليها تقعدعندهم يقول ((مأستغنـــــــــــــــي))
طيب..ابي زوجي مايستغني عني انا بعد.......
انا كل شيء سويته بس ابي اوووصل لمرحله انه لو افكرابعد عنه يموووت.......
تكـــــــــــــــفون يأهل الخبرررررررررررررررره افيدونا انا وغيري من اللي بتقراء الموضوع.......

ملخص عن حياتي....
:اموت فيه
:يحبني
:يسمع بعض كلامي ويأخذبرائيي..
:اذا صار بينا مشكله الله لايوريكم>>>>>عصبي لو مانهي الموضوع طلقني عشان اتفه شي.....
:اسلوبي معه اسكت وقت الغضب واتفاهم معه اذا هداء..
:يكون دايم ندمان.
::::::::::::::::::
بس انا بالمختصرررر ابيه ينجن فيني...
وشكرررررررررررررراا

/أمل عمري/ · 24-01-2009, 23:45

اكيد كل زوجة تتمنى هالشئ....

بس والله احيانا ياختي احسه حظ......

احنا ماننكر ان المعاملة والاهتمام تحبب الزوج بزوجته......

لكن والله اني اعرف بعضهن ماهمن ودايم على اي مشكلة تاخذ عفشها ولبيت اهلها......

وشووووفي لمن ترجع.يطيير فيها..ولا طبخ ولا شئ مع ان زوجها يحب الاكل المرتب......

والله منهبل عليها وياويل احد يتكلم فيها وبين عيوووووبها......

وترى طبع الزوج له دور....فيه البعض قاسي بطبعه...مايحب يوضح مشاعره.....

بالنسبة له يوفر لبيته الامن والراحة المادية هذا كل شئ......

والبعض هو حنووون ورومنسي واي شئ بسيط سويه ينهبل فيه....

لكن اختي صدقيني بالدعاااااء ربي يسخرة لك ويحنن قلبه......وابتعدي عن مايغضب الله حتى يوفقك بحياتك.....

واكثري من الدعاء(ربنا هب لنا من ازواجنا وذرياتنا قرة اعين واجعلنا للمتقين اماما)

وادعي ربي اجعلني قرة عبينه ودم قلبه واجعلني عظيمة عنده.....وسخرة لي كما سخرت البحر لموسى والنار لابراهيم

وربي يهدي لنا ازاجنا ويسخرهم لنا.....

شوكولااته · 24-01-2009, 23:49

خليك زي ماانتي والله يسعدكم ..
ولاتكونين طماعه ..

إحساس شـــاعر · 24-01-2009, 23:50

اولاً : الله يهنيكم
ثانياً: انتي تطلبين المستحيل ومافيه زوج كامل ولازوجه كامله
صح فيه أزواج بيتوتيين مثلي(بدينا بالنصب) بس يعتمد تواجد الزوج بالبيت بالراحه يعني إزعاج أطفال وهوشة بزران وبزر يطفي التلفزيون وانت متحمس مع مباراه أو مع أخبار وإلا يضرب أخوه الصغير وتبيه الزوجه يجلس بالبيت هذا بوجود الأطفال
في هالحاله لابد أن الزوجه تهتم أكثر بزوجها وبراحته وتكون دلوعته اللي قبل الأطفال سواء بشكلها أو بتعاملها
وأكيد بعض الزوجات بيقولون ليه مو أبوهم طبعاً أبوهم بس من طبيعة الرجل خصوصاً الشرقي أنه يميل للهدوء والرومانسيه(اقول تراك زودتها) يعني أي زوج بالعامل يحتاج لزوجته اللي تفهمه وتعرف مفاتيح قلبه
أما قبل يجون الله يجيبهم ويرزقكم الذريه الصالحه انتي والقراء لابد ان الزوجه تكون دبلوماسيه بتعاملها
يعني ماتكون لازقه بوجهه طول اليوم تخليه يسأل عنها يدورها بالغرف ..يحصلها شغاله بالمطبخ أو تنظف حتى بوجوده وتقول آسفه حبيبي بس ماحبيتك تشوف البيت مو مرتب وقتها راح يعرف وش كثر تتعبين علشانه لاتطمرين بوجهه وتقولين ماأشتقت لي ترى الأزواج يتخرعون من أي شيء دائما الزوجه بتمنعها وغنجها تسلب عقل الزوج
<=== زعلوا مني الشباب
تحيتي

فرهود10 · 24-01-2009, 23:53

دنيا غريبة دنياي انا ودنياك
شوفتي اختي هالموضوع علي حسب فيه اشكاليات كثيرة يمكن تكوني انتي السبب يمكن تقيله دم يمكن تكوني من النوع المولح بالطلب يمكن تكوني غيورة وشكاكه ................. الخ
بعض الحريم وش زينهم تنحط ع الجرح يبرا خفيفة دم ذكيه ما تضغظ ع الزوج وين راح وين جاء يعني امراءة فله
وان راح ونسته ع الاخر
اماااااااااااااااااا الازواج فالبعض مايهتم كثير وع تقيل طينه ارحم بعض الحريم من هيك ازواج لارومنسيه ولاحنان ولامشاعر اذا دخل خذي الاغراض وان خرج وشتبون اجيب ...............زالخ
امااااااااااااااااااا انتي من خلال كلامك احسك غيورة وتحبي المثاليه كثيرة بس لاتكثري ع زوجك وحاولي الاسلوب يكون بطريقة مشوقه ولا يكثر
اختي تقبلي مروري

صياد جذاب · 24-01-2009, 23:57

تم المرور..

وترى البعد يولد الاشتياق ..

الماليزي · 24-01-2009, 23:58

انتبهي من الطمع

بطريقتك هذي تفتحين باب المشاكل عليكي

يعني احمدي ربك على الي انتي فيه

ماشاء الله تبارك الله عشان لا نحسد بس

تحياتي،،

السمو 555 · 25-01-2009, 00:01

الطمع ضيع ما جمع

سانتالوشيانو · 25-01-2009, 00:02

إرحموا من في الأرض يرحمكم من في السماء
دعيه يشعر أحيانا بحريته المفقوده من يوم.........
ولكما كل التقديرررر

%انسه زحلطه% · 25-01-2009, 00:23

صعبه مايتنفس غيرك

وش ا ... طالبه مستحيل

دنياغريبه · 25-01-2009, 00:52

انا مأطلب المستحيل ؟ليش؟ لاني شايفه ناس كذااا...
وانا الحمدلله هذا من فضله احس اني قايمه بكل واجباتي ولا احبه يشوف علي الزله واريحيه ببيته....
والاكل بس يأشر وش مشتهي واسويه....>>وفعلا ياكثراللي مايعرفون وش في المطبخ من الحريم.وازواجهم يموتون فيهم..
((وزوجي بطبعه بيتوتي))مايطلع الا ماندر يعني مالي مجال اشك فيه ابداا...ولا اغير..
الحمدلله.
ولاني طماعه بس مدام غيري كذا ليش مأكون زيهم.....هذا وانا اشوفهم منقصين كثير من اللي يبونه ازواجهم....وانا والله احاول مأضايقه ولا احسسه بشيء حتى طلباتي محددتها لنفسي >>((يعني يحمدربه ويحب يده وجه وقفا))...
بس هل اني اذا صرت معه قاسيه ولا اسولف وشريره بيصير كذا لان اغلب الشاقحات لسان الوحده متر......وأنا ماني سلبيه بس كل شيء بحدود.

دنياغريبه · 25-01-2009, 23:11

وين الردووود.........

zema8 · 25-01-2009, 23:16

لا تجعلي القفص الذهبي

التى انت تنعمين فيه

يصبح قفص حديدي

فيصبح مسجون داخله

وانت سجانه

فاحيانا العواقب نتيجة هذا التصرف لا تحمد عقباها

أسأل الله لك دائما الهناء والسعادة وللاعضاء ايضا

غروب · 25-01-2009, 23:16

اخنقيه مايتنفس مره

دنياغريبه · 25-01-2009, 23:32

مشكورين............
غروب>>>لالا راضيه ظل راجل ولا ظل حيطه...خلاص هونااا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ابي زوجي...مايتنفس دوني......