عالم الحياة الزوجية - منتدى

دنياغريبه · 25-01-2009, 01:17

السلام عليكم ورحمه الله وبركاته:
لو سمحتوا اللي عنده خلفيه يفيدني.......
سمعت عن البيوت اللي بدون دفعه وتكون تقسيط شهرياا مبلغ الين ينتهي..
اللي عنده خلفيه عن شيء زي كذا بالرياض....وش يحتاجون وها لازم دفعه 100 الف...
وووكيف تكون هل هي تكون بنايتها سيئه...وهل افضل هي او البنك يشتري البيت...

ومشكووووووووووووووووووووووووورين..

ام توتو الحلو · 25-01-2009, 02:23

والله ما ادري

دنياغريبه · 25-01-2009, 22:56

معقوله مافيه احد عنده خبررررررره................انتظرردودكم.

@..فراوله..@ · 26-01-2009, 04:17

هلا ياقلبي
طبعا تختلف من منطقه لمنطقه
ولها اساسيات وشروط برضو تختلف من شركه لشركه

فيه نوع..
دفعه بسيطه تقريبا 50 الف واقساط تقارب 4000-5000 شهريا
وممكن تتشاركينها مع شخص ...زوجك او احد من اهلك وتكون الاقساط مشتركه

وفيه شركات تطلب ضمان او كفيل وتاخذ اقساط

انشاءالله اكون افدتك شوي ياعسل

بس انتي وين مكانك؟

دنياغريبه · 27-01-2009, 01:56

تسلمي ياعومري اكيد استفدت..........انا في الرياض وهل يمكن تكون فيه اقصاداقل من كذا.......
ووووووووانا افضل بحي العقيق او الصحافه وحوليها..

استاااهلك · 27-01-2009, 02:49

ماعندي خلفيه بالموضوع..ان شاء الله الاعظاء يفيدونك..

دنياغريبه · 29-01-2009, 02:59

شكراا.........

@..فراوله..@ · 29-01-2009, 23:51

هلا ياقلبي
شوفي ياعسل .. الصحافه لو قبل سنتين كان معقول بس الحين الاسعار نار فيها
العقيق صار فيها عروووض كثيييييييييييير مرررره ومعقوله
بس دايم التعقيد بالدفعه الاولى

وطبعا كل حي دائما غلاء الاسعار فيه بمنطقه يسمونها المربع الذهبي
هذي تكون اغلا منطقه فيه البقيه ارخص منه

طبعا عندك حلين بعد
ممكن تتضامنين انتي وأحد وتقدمين ع البنك وتشترينها منه
بس اكيد الفايده كبيره

وممكن تدورين على نفس الحي او تسألين مكتب عقار
وهو يدلَك عليها وعلى حسب الشركه المسؤوله تكون قيمة الدفعه

وفيه شركات متخصصه كحل ثالث تعطيك سلفه بس برضو عيبها فايدتها كبيره

وأي سؤال فديتك تدللي فيه ومن عيوني بالي أعرفه ^_^

المشتااااق · 30-01-2009, 03:23

ا ختي

موضوع شراء منزل بالتقسيط مرهق ومتعب لك اذا كنتي وحدك

فان البنك ياخذ فوائد تراكميه عالية وايضا لو كنتي متظامنة مع شخص اخر يضيع شبابك وانتي تسددي

وافيدك بان البيوت اللتي تباع بالتقسيط فيكوون بناءاها تجاري لايهتم في اساساتها

كثيراااااااا لان الهدف منها المكسب

انصحك اختي بان تشتري ارض بالتقسيط وهذي لن تطول مدة تسديدهااا

ممكن لا تتعدي 4 او خمس سنوات وتنهينهااا

وبعدها تهئي نفسك لبنائها بمزاجك وبسلفة من البنك ومن مرتبك انتي ومن معك

فلست من مؤيدي شراء المباني الجاهزة بالقسط لان بناءها تجاري بحت ويكون الانسان طول عمرة مديووون

قدرات · 30-01-2009, 06:04

السلام عليكم
ممكن عن طريق البنوك
افظلها الراجحي.
بس الحقيقه وعن تجربه ونظرة
باي حال من الاحوال بناء منزل افضل بكثير
ممكن اعطيك تصور اولي لمقدار التكلفة ومدى قدرت عليها ام لا.
اهم شيئ كم المبلغ الموجود
وهل في استطاعه لشراء ارض ام لا.
وكم الراتب او المبلغ المدفوع شهريا.
ربي يوفقك ويعينك

دنياغريبه · 01-02-2009, 02:33

تسلمووووووووووون حبايبي....لكن اذا كان بنايتها سيئه فالله يغنيني عنها...
والشراء بيكون اهون حسب كثير ممن افادوني لكن انا مشكلتي من الدفع كاااش.
وبالنسبه لالاراضي والبناء.
فعندي ارض بس بعيده شوي عن الرياض.....واذا بعتها ماراح تجيب مبلغ يستحق بيعها حالياا...
ولا اقدر ابني عليها لانها بقريه وانا مابي اسكن هناك...
طيب عنديء بعد سؤال.....
اذا اشترينا بيت معقول مايكون كبير...
وكان عمره تقريباا حوالي 15 سنه....>>وقمنا بترميمه ترميم كامل يعني نغير ملامحه....وتعتيق وبوابات وهكذا...
هل يمكن يكون ازين من الشركات وخربطتها خصوصاا ان اختي شرت بيت جديد والحين ذابحتهم السباكه كل يوم شيء خربان...
وعلى انه مالهم فيه الاسنه الجدران الخارجيه صايرفيها تصدعات....
وانا ابي شيء يقعدلي وللزمن يعني بيت عمررر لي ولعيالي..
..
والمشكله يمكن مانقدر نوفر دفعه الا حوالي 150 الف وحوله....والتقصيد راتبنا 6000الاف....

وهل راتب الغير مرسمه يقبلون فيه وهو كامل 2000
ومشكووووووووووووووووووورين.

@..فراوله..@ · 01-02-2009, 04:22

هلا ياقلبي

والله شوفي الي متداول ومعروف .. ان العمر الافتراضي للبيت 10 سنوات

يعني اذا بتاخذينه وهو صار له 10 سنوات بتبدأ فيه العيوب والخراابات
لانك بتاخينه بعد عمره الافتراضي
يعني بيكون = للبيت الجديد الي سباكته مو زينه..

برأيي تاخذين بيت جديد من شركة معروفه وممكن تجيبين مهندس يفحص سباكته وبناءه..

وبالنسبه للبقيه والله مدري ياقلبي انشاءالله يفيدونك بقية الاعضاء ^_^
ربي يسعدك ويخليلك عيالك يارب..

قدرات · 01-02-2009, 06:04

السلام عليكم
الاخت الكريمة
بالنسبة للترميم فهو متعب جدا واسوا بكثير في تعبه من انشاء جديد
اذا توفرت الارض وعندكم 150 الف بدااية ممتازه
ممكن احسب لك التكاليف بصورة تقريبيه.
لنفرض تبغي تبني دورين على مساحة 300متر مربع.
بدون دخول بالتفاصيل كثيرا:
وعلى الاسعار الحالية للحديد وخلافه
ممكن الدور يكلفك 50 الف عظم
والاساسات وخلافه قريب من هالسعر
واجرة وتكاليف اخرى ايضا قريب 50
دورين ب100 الف و100 الف اخرى يصبح كلفة كمجموع
200 الف
بالنسبة للتشطيبات تختلف
بس بصفه عامه ممكن تشطبوا جزء للسكن وبعدها على مهلكم
ممكن 100 الف تشطب جزء تقريبا دور
بصوره عامة: 300 الف غير سعر الارض بحول الله تسكني خلال اقل من سنه وعلى مزاجكم واختياراتكم.
طبعا انا هالكلام من خلال تجربه
واي خدمه اخوك حاظر
وربي يسهل طريقك

دنياغريبه · 05-02-2009, 01:40

يعطيكم العافيه ماقصرتوا جميعاا.............مشكورين.
والله يتمم علينا...ويرزقناواياكم.

laidi · 05-02-2009, 05:26

الا فيه انا خالي بنى بيته كذا

اعطوه دفعه سبع مية الف ..بس لازم مقدم مية الف وشهريا ياخذون ست الاف ريال وثاث مية الف فايده..يعني بيسدد مليون

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

شلون...بيت بالتقسيط..نبي نشتري بس نورونا..