عالم الحياة الزوجية - منتدى

دلوعه بوظبي · 25-01-2009, 02:45

مرحبااا

عندي سؤال وابي جوااب صريح ..

ليش المتزوج يحب يسافر بروحه ولا مع ربعه ...؟؟ وليش يعاند لو كانت زوجته مب رااضيه ..؟؟؟

والاهم من هذا كله شو غرضه من هالسفره ..؟؟

والزوجه هل تؤيدين هالسفره ..؟ لو ايه ليش ؟؟ ولو لا بعد لييش ؟؟؟

وهل تكونين واثقه فيه ومرتاحه لين مايرجع ولا بيذبحج الشك والتفكير ؟؟

توووحه2 · 25-01-2009, 03:42

انا اشوف انو ماافيه زوج بالدنيا يسافر بروحه او مع ربعه((يتمشى مو شغل))
الا اللي زوجته نكديه وتنكد عليه بالسفره

او الخربان راعي الخرابيط<<<<اللي بيسوي اشياء ممنوعه واكيد مايبي زوجته تشوفه

..
وانا بالنسبه لي ماراح اغار او اشك ابدا
اولا بشوف سبب السفره اذا انا اقتنعت((مع انو مافيه شي يقنع))
بخليه يسافر وبرضاي وبدون اي غيره وشك
بس اذا ما اقتنعت
ماراح اخليه يروح((طبعا ماراح اغصبه))
بس بمنعه باسلوبي
واذا مافاد وراح
اي سفره يسافرونها اهلي بروح معهم واخليه

وماراح اسافر معه لو ايش

هو فتح باب انو كل واحد يساافر لحاله
هو بياخذ راحته مع ربعه
وانا باخذ راحتي مع اهلي
<<<<<<واكيييييييييييد هو الخسران وهو اللي بيفقد الراحه والدلع والنظافه والترتيب والنظام<<اهم شي عنده

((الله لايوصلنا لهالمرحله))

ياليت الشباب يقولون ليش يسافر الزوج بدون زوجته؟؟؟
يعني اذا جاه دلع بالسفر ضعف الدلع اللي يجيه اول
وكنت مرره مرره مرره مسعدته ((بالسفره))
بيفكر يسافر مع ربعه؟؟؟<<<انا مااتوقع
بس ودي اشوف ردود الشباب

دووونه · 25-01-2009, 10:36

دلوعه تسلمين فتحتي موضوع ذكرني ذكريات ما انساها الحمد لله زوجي ما يحب يسافر لحاله إذا نسافر مع بعض
و احنا مخطوبين راح مصر و قال لأهله انه رايح جده كلمني من مصر و قال لي
انه هناك يعني يبغى يسوي فيها انه يحبني
و يعلمني و ما يخبي علي شي أنا قيمت الدنيا فوق راسه و بكيت و هددته اني أقول لأهلي و افضحه عند اهله و هو كل شي و لا تدري امه بار فيها يا قلبي و جلست اسبوع كل ما اتصل ما رديت عليه
لين جاني و جاب لي هديه و حلف لي انه ما يعيدها و فعلا والله ما عاد جاب طاري
الا مره بعد كنا بالدمام عند اهله و كانوا الشباب معزمين يروحون يسهرون في البحرين و هو الله يخليه ليه ما يخبي عليه شي يوم قالي انه رايح البحرين زعلت و بكيت و كان أيام برد رحت و جلست عند باب البيت برا و حلفت إذا راح ان اجلس برا و لا ادخل البيت و اجلس مكاني لين يرجع
قام و حاس ودخل و خرج و حاول بس ما فيه فايده مجنونه راح الغرفه و سكر
عليه و نام و اليوم الثاني رجعني بيتي
يعني الجنون أحيانا يجيب نتيجه
الحين الحمد لله عقلت وواثقه فيه لو
يروح وين ما يروح
لكن إلي زوجها يسافر كل سنه بلد سياحه و خرابيط من حقها انها تزعل
و الله يعنيهم زوجات كثير على هالحال
سامحيني دلوعه طولت عليكم و طلعت برا موضوعك

أبو لجين · 25-01-2009, 13:49

مو الكل .. كل زوجه تعرف زوجها وتعرف طبعه ..

إذا الرجل مستقيم أخلاقياً .. فخيله يسافر مع ربعه ..

كثير شباب يسافرون ويكونون عاقلين فعلاً ومحترمين ..

الشباب يستانسون مو بالمكان اللي يروحون له ..

الشباب يستانسون بالجلسة مع بعض .. والتمشية مع بعض ..

فيحتاجون أحياناً يغيرون جو .. والمكان اللي هم فيه ..

وما يمنع لو كان التغيير لأي بلد آخر ..

لكن لما يكون زوجك راعي سوالف من اللي أنتم عارفينها ..

فعاد هنا المسألة مختلفة كلياً ..

غالبية الحريم ما راح يرضون بهالأمر ..

وهذا شي طبيعي جداً .. وصعب التغلب عليه ..

وعموماً ..

أنا متابع لردود البنات ^_^

shawakhy · 25-01-2009, 13:54

والله الموضوع حلو وشيق بس انا عن نفسي حتى لو كنت واثقه فيه ما راح اخليه يسافر خاصه مع ربعد يمكن يكونون اصدقاء السوء و في الخارج الأغراءات لا تعد ولا تحصى

قائد الاسود · 25-01-2009, 14:13

في الغالب اذا كانت الزوجه نكدية ولا يعجبها شي يذهب مع زملاء ويترك زوجته

واعرف الكثير ونا اولهم اني اسافر مع زوجتي واحب السفر لانها شي بسفر

ضحك ووناسة وفله ولا تمانع من شي

فلذالك اخذها

ولو العكس كان اتركها وروح مع الزملاء

طبعا فيه رجال يحبوا السفر مع زملائهم حتى لو كانت الزوجه مميزه بسفر

الله يخليكم لبعض وبعد عنكم الشيطان

دلوعه بوظبي · 26-01-2009, 16:41

شاكره لكم ردودكم نتريااا بااجي الاعضاااء ..

الماليزي · 26-01-2009, 17:30

هلا دلوعة

وينك من زمااااااااااااان

المهم ننتظر بقية الاعضاء بس رايي من راي ابو لجين

كلامه حلوووو

تحياتي،

al jo0or · 26-01-2009, 21:40

مرات الزوج يحتاج أن يسافر مع ربعه مب شرط دوم مع زوجته
وأهم شي تكون الثقة موجودة

رغم أني أرى بأن الثقة في زمنناااا هذاااا باتت شبه معدومة

راعية الكرولا · 26-01-2009, 23:59

الرجال اللي يموت بزوجته ورتاح معها ما بيسافر حق وناسته بروحه وبيخلي مرته

جولييت الخليج · 27-01-2009, 00:14

اذا كان البلد اللي مسافر له بلد محافظ وأصدقاءه معروفين بالطيبه عادي ليش لا خليه يسافر ويستانس مع ربعه
لكن اذا البلد معروف بالخراب أو الفساد عندهم متوفر بسهوله لا والف لا حتى لو أصدقاءه زينين 000

مــجـ فكـــرة ـــرد · 27-01-2009, 00:19

اقتباس:

مرحبااا

اقتباس:

عندي سؤال وابي جوااب صريح ..

ليش المتزوج يحب يسافر بروحه ولا مع ربعه ...؟؟ وليش يعاند لو كانت زوجته مب رااضيه ..؟؟؟

يختلف الرجال وتختلف النساء بطريقتها بالرفض
ومدى علاقتهم معض بعض لو كان بينهم تفاهم
كان تم حل الموضوع بسهولة

اقتباس:

والاهم من هذا كله شو غرضه من هالسفره ..؟؟

ايضاً هناك من يسافر للتمشية وتغيير الجو بسبب ظغوطات الحياة وهناك من يسافرلسياحه او لعمل أو زيارة او صياعه لكن انا بشرحلك اكثر سفر زوجك وانتي خايفه , زوجك من سكان الإمارات لو كان يحتاج صياعه اعتقد دبي قريبه ولاتحتاج سفر وكل شيء متوفر فيها .

اقتباس:

والزوجه هل تؤيدين هالسفره ..؟ لو ايه ليش ؟؟ ولو لا بعد لييش ؟؟؟

المراه عاده تحتاج تكون بقرب زوجهامهما كان لغيره او حب او خوف عليه او تغيير جو مع زوجها ,
ولكن هناك بعض من تمنعها الظروف او تثق في
زوجها وتحاول ان يبتعد عنها لكي توله وتشاق له
وهو ايضاص سيرجع مشتاق لزوجته بسبب الراحه
النفسيه وهي الدافع الكبير للرجل للقيام بكامل
واجباته الزوجية .

اقتباس:

وهل تكونين واثقه فيه ومرتاحه لين مايرجع ولا بيذبحج الشك والتفكير ؟؟

كل وحده ادرى بزوجها والشك موجود ولكن شك غيره عند جميع النساء وأبليس متفرغ لإثارة المشاكل بين الازواج .

رديت وانا رجل بس حبيت أرد

مــجـ فكـــرة ـــرد

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

سؤال للزوجين ؟؟السفر ..