عالم الحياة الزوجية - منتدى

حيرتي هي سبب حزني · 25-01-2009, 09:06

السلام عليكم ورحمة الله وبركــاته

انــا مشكلتي إنو في شخص متقدم لي ولكن اهلي رافضينه بسبب فارق السن بيني وبينه وتركوا لي حرية الاختيار وقالوا لي ان هم عطوني رأيهم وفي الاخير انــا لي حرية الاختيار ومع ذالك انـا خايفه من اتخاذ أي قرار وبعدين يصير قراري مو صائب واهلي يقولوا لي احنا قلنا لك وانتي اخترتيه

عمومآ انــا بقول لكم مواصفاته هو عمره 39 وانـا عمري 23 وهنا تكمن المشكله وبعد لما اهلي سألوا عنه قالوا لهم الناس انه كثير سفريات ولما قلنا لأهل الولد انو احنــا سمعنا ان ولدكم يسافر كثير قالوا شغله يتطلب منه السفر ولما قلنا لهم ليش لحد الحين ماتزوج يعني ليش توه يخطب قالوا هو من زمان يخطب بس لما تجي الشوفه الشرعيه ماتعجبه البنت يعني حاط شروط تعجيزيه يعني شقرا وبيضه وطويله وماادري ايش المهم انـا شفت صورته ومو باين عليه ان عمره 39 يعني شكله كأنه ابو 28لكن انــا خايفه من طريقة تفكيره لان فارق السن كبير بينا المهم انــا ابيكم تساعدوني واللي يعافيكم مره محتاره واهلــه يبون مني رد في اقرب وقت وانـا ماني عارفه وش ارد عليهم محتاره مره مع العلم انو انـا جوني خطاب كثير بس انــا ارفضهم لاني كنت من اول وانـا ابي واحد كبير وفاهم في الحياه يعني مو انسان توه مبتدئ في حياته ومايقدر يفتح بيت ويهتم بعايله ولا يقدر يحل مشاكله بس هذا اللي متقدم لي انــا اول شي فرحت لانه نفس اللي كنت اتمنى بس انــا الحين خايفه من فارق الســن انه بكره يسبب لي مشاكل ولا افهمه ولا يفهمني وخايفه بعد عشان لعيال بكره لما نجيب ولد بيكون فارق السن بينه وبين ابوه كبير كيف بيقدر يربيه ولا بتصير التربيه علي انـا وبس وغير كذا في ناس قالوا لي هذا بكره ماراح يقدر يكفيك جنسيآ لانه وصل للإربعين وفي العمر هذا تقل عندهم الرغبه الجنسيه وانــا ماعندي اي فكره عن الشي هذا؟؟؟ فياريت تفيدوني وبأسرع وقت
واسفه على الاطاله

نسمة الخير · 25-01-2009, 09:17

يمممممممممممممممممم اكبر منك 15 سنه والله شوفي انا احس احسن الرجال يكون اكبر من حرمته بكثير عشان
الرجال الكبير يدلع الحرمه وعن تجربه كثير صديقاتي خذووو رياجيل كبار وما شاء الله مهنينهم
احسن من انك تاخذين ولد من عمرك ما تدرين لو انه طايش
استخيري ربك صلي صلاة الاستخار وثقي بالله انه بعدها راح يكتب لج ربك كل ما هو خير
تمنياتي لج بالتوفيييييييييييق

همسة_حنان · 25-01-2009, 09:30

اختي لا تتسرعي ولا شي خدي وقتك في التفكير ولا تسمعي كلام الناس كثير لا يودي ولا يجب إلي بتعيش الحياة هي انتي
استخير اكثر من مرة

حيرتي هي سبب حزني · 25-01-2009, 10:00

نسمــة الخير & همسة حنان

يعطيكم الف عافيه

حلوة قلباً وقالباً · 25-01-2009, 10:11

أخيتي استخيري أكثري الدعاء والصلاة في الثلث الاخير من الليل
ولا تسمعي من احد ف هذي حياتك وانتي تعيشينها

والله يوفقج وتنالي مرادج

تحيتي لج أختج
حلوة قلباً وقالباً

bodybuilder99 · 25-01-2009, 10:29

شوفي يا اختي كل حالة من الناس هي حالة قائمة بحد ذاتها ولا يصلح اقولك ان زواج الكبير من الصغيرة مايصلح ولكن انا عندي وجهة نظر بسيطة...........

انا زوجتي اصغر مني ب 13 سنة واحنا الحين في فترة الملكة وانا اللي خطبتها وكنت ابغاها لكني الحين ندمان والله ندم ماتتوقعيه........ اكاد احلفلك بالله اني ما الاقي موضوع نتكلم فيه قد ما احاول مع العلم اني اجلس احضر لمكالمتها تحضير بالورقة والقلم عشان لا اشعرها بالملل

احس انها ماتفهم احتياجاتي العاطفية ولا انا قادر افهم اهمالها ليا وحاجتها للعب والجري مع اترابها

الرجل قبل الاربعين يكون شديد الحاجة للعاطفة لكن بعد الاربعين يبدء يركز على انجاز ينجزه في حياته وتقل كثييييييييير عنده الرغبة في الحنان والحب

بينما تبدء المرأة قمة عواطفها ونضجها في الثلاثين...........وتبدئي تحسي انو زوجك مهملك ومو منتبهلك

اما بالنسبة للقدرة الجنسية كلامك فيه شي من الصحة ولكن..............تعتمد على الرجال نفسه.........يعني في رجال يوصلوا ال80 وال 90 وهو قادر جنسيا وفي رجال مايكمل ال40 الا وتاريخه منتهي

لو تساليني عن رايي الشخصي اقولك لاا,,,,,,,,,,, عسى ربي يبدلك خير منه لاتستعجلي

ولاكن تظل الامور هذه مرتبطة بعلم الغيب ولاتقاس بالمقاييس الدنيوية البحته............زاكثري من الدعاء والاستخارة

اسال الله انه يوفقك ويسددك لمافيه مصلحتك

عاشق اللمى · 25-01-2009, 10:34

-تقولين يسافر كثير
-فوق كذا للحين ماتزوج
-شروطه صعبة مرة من ناحية الشكل لازم شقرا ؟؟؟؟ وين يلقى شقرا مو سهلة الا اذا اخذ وحدة اوربية او امريكية
غير كذا صعبة يلقى شقرا

شوفي انا انصحك ترفضين الرجال شكله مرة يهتم بالشكل يعني المرأة عنده مجرد شكل وجمال مظهر ولمن تشين او تكبر او تحمل وتمتن شوي خلاص تصير ماتلزمه ويرجع يدور ثانية رشيقة وبيضا وصغيرة و....و....

غير سفرياته الكثيرة وانه بهالسن للحين ماتزوج؟؟؟؟ يسافر كثير وماتزوج للحين مابي اسيء الظن فيه صراحة لكن بقولك

كثير رجاجيل سمعت عنهم يسافرون كثير ولهم سوالف وبنات وخرابيط وعلاقات بالذات بالخارج وشافوا انواع الجمال من البنات ولمن يجي بيتزوج ويستقر يبيها احلى من كل الجميلات اللي مروا عليه بحياته

ارجع واقولك انا مابي اسيء الظن فيه لكن انصحك بالرفض وفارق السن سبب كافي ووجيه جدا للرفض
الله يوفقك ويسعدك يارب

عاشق اللمى · 25-01-2009, 10:38

لو سمحت اخوي99 body builder اذا كنت من اللي يشيلون حديد ويسوون تمارين كمال اجسام ممكن ايميلك ترسله لي عالخاص لو سمحت لأن ودي اسولف معك بهالموضوع وبستشيرك بأشيا كثير

انتظر ردك اخوي

to0ota · 25-01-2009, 10:43

اسمعي كلااام اهلك .. اهلك لهم نظره اعمق .. واوصيكي بالاستخاره .. بالتوفيق

المدافع عن الحرية · 25-01-2009, 11:03

اذا نفسك تتزوجيه

قال الرسول صلى الله عليه وسلم من جائكم من ترضون دينه وخلقه فزوجوه

1- الدين لازم تتحقي من اتباعه للفرائض

2- اسألي عن اخلاقه ما تسالي كيف يعامل اصحابه او الناس او لما يزوركم طبعا رح يكون ناعم وخلوق جدا

لكن اسالي عنه داخل البيت وكيف يحترم امه وابوه واخواته البنات اذا كان يبرهم ويحن عليهم ويسمع كلامهم ومشورتهم فهو خلوق .

لانه الرسول صلى الله عليه وسلم قال خيركم خيركم لاهله وانا خيركم لاهلي.

وفي عنا مثل بسوريا بناء على هذا الحديث الشريف : إلي ما فيه خير لأهله ما فيه خير للناس.. وهذه حقيقة مطلقة انا ابصرتها في كثير حالات.

وفي الاخ تكلم عن فارق العمر

خله يقرأ سيرة النبي ويشوف كيف تزوج السيدة خديجة اكبر منه بكثير والسيدة عائشة واصغر منه بكثير وعاش احسن حياة مع اهله في قمة الرومانسية في الاخلاص والحب.

حيرتي هي سبب حزني · 25-01-2009, 11:11

حلوه قلبـــآ وقالبــآ & body builder 99 & عاشق اللمى & to0ota
تسلمون على إبداء أرائكم ويعطيكم الف عافيه
body builder 99 ) كنت جدآ محتاره مع انو كلامك ريحني لأني لقيت الغالبيه يقولون لي ارفضي والقليل يقول لي اقبلي
ولكني اريد المزيد من أرائكم حول هذا الموضوع فــ بليـــــــــز لاتهملون مشكلتي

حيرتي هي سبب حزني · 25-01-2009, 12:42

حــــــــــــرام عليكم 41 مشاهده و10 ردود بـــــس

ابــــــي ردود اكثر ابــــي أراء اكثـــــر لمشكلتــي

واللي يعافيكم ســـــــــــــااااعدونــي
راســـــي بينفجر من كثر التفكير

حيرتي هي سبب حزني · 26-01-2009, 09:18

ويـــــــــــــــن الحماس
طيب يعني خلصت أرائكم؟؟؟؟
يعني مافي رأي من هنــا من هنـــا مااحد قاله
ياريت اللي يدخل يعلق

bodybuilder99 · 26-01-2009, 09:26

ايش تبغي تعرفي؟

اسالي؟ انا قلتلك رايي

رايي لا والف لا

لكن القرار الاول والاخير لكي بعد ماتستخيري اللله عز وجل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تكفوووون عطوني حل:(