عالم الحياة الزوجية - منتدى

مظلوم بحياتي · 26-01-2009, 17:29

السلام عليكم

عندي ولد خالي مبتلى بالبهاق والحمد لله ان نسبة البهاق عنده مايتعدى 10% من جسمه

أهله حاولوا فيه عشان يقنعونه بالزواج بس هو مايبي يتزوج والسبب البهاق وهو خايف لاترفضه البنت بسبب البهاق ويزيد من تدهور نفسياته مثل مارفضته بنت خالته ؟

الولد ماشاء الله وسيم بس البهاق خرب وجهه اضافه انه أخلاق ومحترم وطموح عمره وصل 29 وماتزوج

أنا حاولت اقنعه بس مافي فايده

سؤالي هو : هل البنت تقبل شخص مبتلى بالبهاق ؟ يعني كل وحده تحط نفسها بهالموقف وتقدم لها خاطب بنفس مواصفات ولد خالي هل بتقبله ؟

هدفي من السؤال اني اشوف نظره البنات لهذي الحالة ومنها اقدر احاول اقنع ولد خالي ؟ بس نبي الصراحة بدون مجاملات ...

واذا عندكم طريقه تخليه يقتنع ياليت ؟

≈دمعـة مـلاگεïз · 26-01-2009, 19:24

الحمـدلله تطور الطب وألحين فيه إبـر توحيد لـون
يعني البهــاق ماهو عيب
لو الرجــال يخاف الله وخلوق وربي مايعيبـه شي بالعكس
أعرف وحده وافقت على واحد أبوه فيه البهاق وهو مايقرب لها
يعيــني إحتمال كبير يكونون عيالهم مصابين بهالمرض
لكــن عايشيــن أحلى حيــاة ما شاء الله تبارك الله
ليـش يحكم على نفسـه بالإعــدام
حــرام عليه ليش يظلــم نفســه ومايشوف مستقبلـه وحياتــه
حاول تقنعــه وتكلمه مره ومرتيــن ومليون ليـن يقتنع
الله يجزاك كل خير
والله يوفقــه ويرزقـه بالزوجه الصالحه إللي تقر عينـه وتسعــده

بنت الحرس · 26-01-2009, 19:36

عن نفسي اقبل ..

مايعيبه.. لان هذا امر ربه..

وهل في شي سئ من قبل الرب

؟؟

قحطاااني ماااركه · 26-01-2009, 19:46

ما أظن هذا عيب والله أعرف واحد جيكر وفيه بهاق واخلاقه مثل وجهه متزوج بنوته أطيب شاب ما يحلم فيها

سلم عليه وقله يشد حيله والرجال ما يعيبه إلا جيبه

تحياااااااااااتي لك

Dr1986 · 26-01-2009, 20:58

مافي اي مانع لان المرض مو معدي.......فليش ارفض!!!!!!
الرجل مو بشكله........باخلاقه

*غصات الحنين* · 26-01-2009, 21:07

شوف اخوي العزيز فيه شئ يعوض عن شئ ..................

اذا هو فيه بهااق واخلاقه طيبه ومحترم ...... مو عيب ابداااا العيب بالعلوم الرديه
بالعكس اذا ربي وفقه ببنت حلال طيبه والله تبي تنضر لاخلاقه وطيبته قبل الشئ هذاااا
والله يرزقه هو بس يبحث وبيلقى بنااات الحلال وااااجد اللي يبون الستر مع زوج (خلوق ) بالدرجه
الاولى هذي وجهة نظري
بس خله يكوون واثق من نفسه .................... وحتى لو واجه بنات سطحيات ترى فيه بنات
عقلانيات وماتهمهم المظاهر وبالتوفيق خيوووووووووووووو بس اهم شئ الثقه بالنفس

لسعة شقآوه بدلع · 26-01-2009, 21:25

بالنسبه لي إذا كان متدين وأخلاقه عاليه وقتها مارآح أشوف إن البهاق يمنعني من الموافقه عليه..
وأعرف بنات من جماعتنا أزواجهم فيهم بهاق والحمد لله ع كل حال عايشين مبسوطين..
المهم لازم صاحبك يقتنع داخلياً بهالشيء ويتأقلم مع الوضع ويحتسب الأجر عند الله..ويتوكل ع الله ويتزوج..وصدقني ربي يعوضه إن شاء الله بالزوجه الصالحه اللي تسعده وترضيه..
شكراً لك..

رموش نمله · 26-01-2009, 23:40

بلعكس البهاق مايعيب الشخص

والحمد الله ماهو معدي

وعرفلك اشخاص فيهم البهاق وتعالجو وختفا البهاق تماما

اسيرة الحزن.. · 27-01-2009, 01:32

أسأل الله له الشفاء

بالعكس هذا الشي ابدا مايعيب الرجل والحمدالله لاهو مرض مميت او معدي والله تقدملي واحد كان مريض بالكلى

ووافقت قلت اقل شي اكسب اجر فيه والموت مايعرف كبير او صغير او مريض ولاكن اتى من يغير رايي بطريقه غير مباشره وانا صدقت

والله الى الان متندمه

وبنت خالتي مصابه بالبهاق وتزوجت اظن الرجال اهون خله يتوكل على الله واذا وحده رفضته فيه 100 وحده غيرها

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كيف نظرتكم لمن هو مبتلى بالبهاق