عالم الحياة الزوجية - منتدى

بيـ مسافات ـننا · 27-01-2009, 06:41

أهلــــــــين وسهلــــــين ومرحبــــــــتين ..

أنا أبغى أعرض لكم مشكلتي اللي مالقيت لها حلّ لارضاء جميع الأطراف ..

بما اني بمجتمع خليجي فالغالب يكون زواجنا عن طريق الزواج التقليدي ..

مو هنا المشكله ..

المشكله اني عجزت أتقبل فكرة الاهل يجون ( يتفرجون علي ))

نقطة خلاف كبيرة بيني وبين اهلي ..

أتنرفز وأقوّم الدنيا ولا أقعدها لو دريت انه أهل الخاطب بيجون وخاصة اذا كنت مو مقتنعه اصلا بالولد لانه لو معجبني مبدئيا ممكن أمشي الموضوع وأتقبّل فكرة الزيارة ..

ويالله نبدأ بالطقاق أنا وأهلي .. والنفسيه الله بالخير ..

شعور جدا قبيح بالنسبة لي أحس اني ( فستان أو شنطه ) يتفرجون عليها ..

طولي , شعري , مستوى جمالي , درجة بياضي ..

اف اف شي يقهرررررررررررررررر

لو الولد جاء دايركت أفضل بميّة مررره ..

يجوون الناس للبيت سواءا يصلحون أو مايصلحون .. استقبالهم أمر مفروض علي ولا مجال للنقاش فيه ..

كثير اوقات يكون مو مناسب ومع كذا غصب أستقبلهم مجاملة لانه بابا مؤمن بقاعده معيّنه (( لازم يعرفون

الناس انه احنا مانرد أحد ونستقبل الخطّاب ))

الى متى بكون بضاعة .....؟

أحس انه البيت المفروض مو أياً يدخله .. والبنت مو أي أحد يشوفها ..

لاني أحس فيه تقليل من قيمتي وكرامتي ..

وكنت أقول يمكن كل البنات مثلي .. واكتشفت انه حالتنا نادره .. كل من هبّ ودبّ يدخل للبيت !!

هل وضعي طبيعي ..؟؟

ايش الحلّ ..؟

لاني أحس اني قربت أنفجر وأعارض أهلي حتى لو زعلوا مني .. والله للصبر حدود .

دلوعة نايف · 27-01-2009, 07:00

ياحبيبتي ..ياعمري .. احنا مجتمعنا كذا ..وش نسوي
أنا عارفة انو شئ يقهر .. وكنت مثلج تماما ..
بس مالنا الانلبس ونكشخ ونروح نقابلهم ..
وكل هذا في كوم ..
والكوم الثاني يوم يجووون ويقولون احنا بنحجز البنت ..
احس من جد بضاعة ..وش حجز وش خرابيط ..
مو ناوي يتزوج الحين ..يررروح ..
لين يجي يتزوح يخطب ..وش يحجز بعد ..

ههههههههههههه
نسيت نفسي وانا اسولف ..مروقة من الصبح
ههههههههه

بيـ مسافات ـننا · 27-01-2009, 07:08

دلوعة نايف الله يعطيك العافيه على المرور ..

والا بعد بيحجزني .. !!

هه وانا على كيفه .. بضاعه محجوزه بمخزن .. اف اف اف

لا ماراح يصير انشالله ..

وبعدين مابي كلمة وش نسوي يادلوعة ..

انا أبي حلّ على الأقل يهدّيني شوي ..

الاستسلام شي مرفووووووووض

Rawwaf · 27-01-2009, 07:57

بالعكس عادي جداً وحتى أحنا عندنا كذا
وصدقيني هذا اشرف لك واعز لك
ولا تخلين الشيطان يلعب براسك ويحسسك أن بضاعه
بالعكس أنت ملكه معززه ومكرمه في بيتك وأميره بكشختك ولباسك وثقتك بنفسك والناس هي تجي تشوف الملكه مو هي تروح وتخلي الناس تشوفهم.
وبما أن هذا الشيء يرضي الله فالحمد لله .. الواحد يرضى بقدره.

أنا شاب مثلاً ابحث عن بنت وذكرا لي بنت وأهلي ما شافوها .. فلازم يكون فيه ولو شوفه وحده عشان يشوفون مطابقه شروطي عليك.

ولو قلنا نفس كلامك .. فأيضاً الشوفه الشرعيه تعتبر مثل كلامك كأنك بضاعه.
ومع ذلك الشوفه الشرعيه مو الهدف منها التشييك على بضاعه .. وهل هي تصلح لي أو لا .. بل بالعكس هو قياس مدى الراحه والإنسجام بين الطرفين..وهل فيه قبول نفسي قبل لا يكون قبول شكلي أو لا.
وأيضاً كذلك زيارة الأهل قياس مدى ا لراحه والقبول النفسي للبنت.
يشوفون كلامها وطريقتها واسلوبها ولبسها وكل ما هو يدعوا لخطبتها.

صدقيني .. طريقتنا فيها عز للبنت وشرف لها
والبنت ما تكون بضاعه إلا إذا هي رخصة نفسها وصارت مثل اللعبه بين يد الشباب كل واحد يأخذها ويرميها .. هنا نقول بضاعه .. بس أنت جوهرة وألماسه .. الناس يجون يشوفونك ولست عرضه لمئات الشباب في الشارع أو الشات أو السوق مثل ما نشوف في الواقع بعض البنات اللي مرخصه نفسها.

مسأله أنه يعجبك ويوافق شروطك هذي أنت تحددينها مع مشورة امك وابوك.
ولو وافقت شروط الخاطب تقريباً 60% فوافقي عليه .. إذا لا .. قولي لأهلك غير مواففة..وبس.

شيء ثاني مهم
المفترض أنك ما تنزلين له إلا بعد ما توافقين عليه كشخص مناسب .. إذا سألتوا عنه وطلع الرجال مناسب .. بعد كذا يجيون أهله ويشوفونك
إذا مناسبه الحمد لله يجي ويشوفك وخلاص .. إذا لا .. ينتهي الموضوع بسلام.

بالتوفيق

أميرة الورد1986 · 27-01-2009, 09:37

نفس مشكلتي

امورة امهاا · 27-01-2009, 09:51

عااادي جدا بالعكس احسن من انه يشوفك الولد وماتعجبيه ويروح يحكي لاصحابه باللي شافه وبعدين اكيد يحجزو ممكن بلحظه تروحي لغيرهم وهذا ان دل ع شي دل ع جماااااااااااااااااااااااااااااالك

انا اشوف ان الوضع ايييييييييييزي

احلى عشق · 27-01-2009, 10:25

اخـــتي في الخليج هــذا اللي يصير

بس عندنا يمكن شوي غير احنا بالاول يــسألون عن الولد اذا طلع زيــن اهلا وسهلا يخلون الاهل والولد يجون البيت يشوفون البنت ...

to0ota · 27-01-2009, 11:59

احنا طريقتنا غير ..

اولا يسالون الاهل عن الولد وسمعته واهله ..

ثانيا الزياره الاولى البنت ماتنزل فيها لان الوالده الله يحفظهاا لازم تقعد مع الام وتشوف طريقتهااا واللخ .......

قبل 5 شهور انخطبت وجاااو اهل المعرس مرتين ولانزلت ولامره بقرار من امي لاننا كنا رافضين من البداايه ..

لاتنزلين الا اذا كان لكم موافقه مبدئيه ..

بالتوفيق خيتو

دعبوســـ الدبوســـ · 27-01-2009, 12:02

شوفي وانا اوخيك

أهلك بصراحة ملخبطين الهرجة

واسمحو لي اتكلم بصراحة شديدة خلاص
آي
خلونا هسه في الكلام السمح سماحة شديدة:

خطوات الخطبة المفروض تكون كالتالي:
1- أهل العريس يكلمون أهل العروسه ويقولون لهم عن مواصفات ولدهم ووظيفته وعمره وحبذا لو يجيبون صورته و و و و و و
2- اهلك يعطونك خبر ويسألون عن المعرس زين ما زين.
3- إذا طلع المعرس مناسب من ناحية أهلك وشروطهم ودين وأخلاق ومناسب من ناحيتك وشروطك.
4- اهلك يكلمون اهل المعرس يجون يشوفونك أو حتى هو يشوفك الشوفه الشرعية.
5- الخطوبة
6- الفرح
7- (الخطوة سبعة مشفره) : )
8- رصعة بزارين.

لكن أهلك مدري ليه ملخبطين
يعني جايبين الخطوة رقم 4 في أول القائمة

ما يسير كل من هب ودب وطحس وتسحب
يجون اهله يشوفونك
يذكرني ذلك بقول الشاعر:
هزلت ، وبان هزالها ،،، وسامها كل مفلس

يعني إذا واحد ما هو مناسب وطاحس ومخرب أولها وتاليها
وشفتي صورته جالك غثيان والتهاب اللوز
اهله ويشهوله يجون يشوفونك
ياحب بعض العرب للمخاسير : )

نسرين احمد · 27-01-2009, 12:42

اقتباس:

شعور جدا قبيح بالنسبة لي أحس اني ( فستان أو شنطه ) يتفرجون عليها ..

طولي , شعري , مستوى جمالي , درجة بياضي ..

والله انك صادقة حتى اهلي كانوا كدة يسووو
بس انتي ارفضي ولازم تكون في موافقة مبدئية اول ويكونوا عارفين كل شي عنك وشايفينك في كذا مناسبة قبل ما يجو يخطبوا
المطلوووووووووووووب ما يجووووووووو البيت يتفرجوا لا يجوووووون خطبة رسمية وفي فرق

zema8 · 27-01-2009, 13:22

بالرغم من انغلاق المجتمع

بالرغم من المساوئ التى تحدث من جراء هذا

وبالرغم من انفلات الاهل في بعض الاحيان

الا أنني اعتبره انجح زواج

وذلك لسعى الطرفين لانشاء حياة جديدة

كل يسعى فيها لغرس بذور الحب للزواج واستمرار الحياة

أمــير الذوق · 27-01-2009, 14:28

السلام عليكم ورحمة الله وبركاته

يســلمو على الموضــوع
فعلاً موضوع حساس (( سوف يكون هناك موايد وغير موايد ))
أما عن نفسي فسوفا أطرح لكي شي ما يساعد على أقناعك
أشي هذا موجود بكل مكان يعني بدول العربية عامة أنهم يزورونك ويشوفون جمالك
ودلعك وكشختك ولباسك وثقتك بنفسك والناس هي تجي تشوف الملكه الجديدهـ وعشه الزوجي مو هي تروح وتخلي الناس يشوفونها يعني الوضـع هذا لابد انتي تدعمين لهـ لجل تحطين بعين الحسود عود هههههه ونتي وأثقة من نفــسك وهذي أول الأمور الزوجيه يعني خلي صدرك وسي وخلي المثل هـذا معك.... (( أن مشوار الألف ميل يبداء بخطوهـ)) لا تعقدينها من بديتهاا

تــحياتي لـكـ تقبلي مروري
أمـــير الذوق

راعية الكرولا · 27-01-2009, 18:45

لا تعليق يا اختي

الله يكون بالعون

realylive · 27-01-2009, 19:00

بيننا مسافات ... اختي اولا اشكرك على مافضفضتي علنينا بمشكلتك .. واذا سمحتيلي ... اقول رأي وبتجلي وهو النظرة التي أشرتي لها بأنك بضاعة ؟ فأنا لاوافقك هل تعرفين لماذا ؟ انا باقولك ؟
بحكم أنك فتاة تحكمك العادات في مجتمع خليجي محافظ فهناك قواعد لابد أن ترضخ الفتاة بها وتسلم بها ...
زيارة أهل الخطيب لمشاهدة الفتاة لها ايجابية حتى يصفوا لأبنهم محاسنها وحتى يمهدوا للحضور ورؤيتها ..
تخيلي أن خطيبك حضر ولم يعجبه شكلك ؟
تخيلي أن هناك عدم انسجام من النظرة الاولى ؟
ورفض بعد مغادرة الزواج بكي ؟
فكري مليئا بأن هذا هو المفتاح لزواجك نعم المفتاح جية الاهل وشوفتك ووصفهم لابنهم افضل بكثير من انه يراك ولايعجبه منظرك وانتي لستي كذلك ..
بتتعبين وبتجيلك ردة فعل تؤثر على نمط حياتك ..
وانتي تأكدي مادام انتي واثقة بجمالك فلماذا الخوف ؟
تقبلي تحياتي

بيـ مسافات ـننا · 27-01-2009, 19:44

(( Rawwaf )) .. مشكــــــــور على مروركـ وردّك ..

أنا مو متأزمه من موضوع المقابلة في حال تم قبولي مبدئيا لمواصفات العريس .. صح كلامك ضروري يتعرفون

على شخصيتي واسلوبي والخ .. لانه احنا مثلنا مثل أي عائله لما نخطب لاخوي اهلي يشوفون البنت ..

أنا متأزمه مع مقابلة اللي يسوى واللي مايسوى ..!!

هنا المشكلة ..

شكرا على رايك والله عين الصواب

****************************

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

أحس اني بضاعه !!