عالم الحياة الزوجية - منتدى

مهموم222 · 27-01-2009, 16:59

هل تقبل بتصوير عرسك وزفتك من المصورين والمنتجين للزفات .؟

انا جدا مصدوم من الي يرضون او يجيبون مصوره تصور العرس كله .. فوتو وفيديو .. وتصور الزفه كاامله ..

ثم تروح فيه لمحلها محل المونتاج وتسويله مونتاج و و و ,... طيب كيف انت وياه تثقون بالمصوره ذي .؟

هل تضمن انت يا المعرس او انتي يا العروس ان صورك ما يشوفها احد غير المصوره ذي .. خاصه اذا اخذت العمل كله وراحت فيه لمحل المونتاج والتعديل .؟ هل تضمن انه لايوجد رجال هناك او ان يطلع عليه احد الرجال .. او انت تشوفينه بكرا في اليوتيوب .؟

كيف اجيب مصوره غريبه عنا واخليها تاخذ راحتها بالتصوير كيييييييييف .؟

ويقولون ممنوع جوالات الكامره . ههههههه

الموضوع مره اخرا بعد اذن المشرفه ...

سوووا_28 · 27-01-2009, 18:37

انا اسمع كثير عن المصورره

وطبعا بنات هاليومين لازم مصوره عشان الفشخره والمظاهر واللي ما تجيب مصوره متخلفه إلا من رحم ربي

ولكن انا ما ارضاها لا لخواتي ولا لزوجتي تتصور إيه بس بكاميرا خاصه أحد من العيله يصورها أو الخادمه أو اختها اخوها

واللي يرضاها لاهله مدري وين عقله لأن نسمع كثير ونشووف مقاطـع لناس غافلين انتشرت

الله يستر على الجميع

مشكور اخي

قحطاااني ماااركه · 27-01-2009, 21:32

الظاهرة هذي منتشرة في العوائل المنفتحة أو بالأصح اللي ما فيهم غيرة كل شيء عندهم فري وإذا ماتت الغيرة لا تستغرب أي شيء يحصل

moony · 28-01-2009, 02:09

مع احترامي لرأيك ياقحطاني والله اعرف عوائل متشدده بكل شي ومع ذلك يصورون بناتهم بافراحهم الله يلطف بنا
بالنسبة لي انا رافضه التصوير سواء صور او فيديو لاني مقتنعه بحكم التصوير وحرمته وربي ماحرم شي الا لحكم عديده
والغريب ان الناس الي حولي يشوفوني فريده من نوعي ومافيه مثلي اثنين بالعالم!!!

مهموم222 · 28-01-2009, 08:42

قسم بالله .. انا ما اهتميت للموضوع بقوه .. الى وشفت قدام عيني .. صور بنات وعروس عوايل وحمايل .. تنباع من البنقاليه و غيرهم بدون ذكر اسماء .. وبرخص التراب ..

على فكره المصوره الي تصور .. بعد ما تطلع بصوركم وفيديواتكم لمشغلها او بيتها او اي مكان عشان تسوي المونتاج .. والله اعلم من الي يكون معها .. تراها تعطيه لأستيدوات تكون هي تتعامل معها عشان يساعدوها بالمونتاج او اي شي اضافي مثل الطباعه مثلا او اي شي ..

هنا انت او انتي كيف بتعرفي البنت الي صورت او المشغل الي اشتغل على صورك او الجهاز الي يعملون عليه وفيه صورك متناثره .. كيف بتعرفي ان لهم ضمير ولالا .. الحين الواحد مايثق من الي اقرب الناس له .. شلون يثق بذولا الغرب .؟

والله شي يحزن من جد ..

فيه شي اسمه كامرات خاصه ...

قال ايش قال ممنوع دخول جوالات الكامره .. هههههههههههه ... لالا عنده غيره الولد ..

بيـ مسافات ـننا · 28-01-2009, 09:44

مشكور اخوي المهموم بس انت منهار وهي مصوّرة .. أجل وش تقول عن العوائل اللي تجيب (مصوّر ) رجال

يعني ..

هذا غير الحركة البايخه اللي طايحين فيها .. يصورون live طول الحفلة مو بس وقت الزفّة زي ماتعودنا ..!!

الصراحه انا اسمع بس ماقد شفت صور عروس منتشره ..

وأنا شخصيا أصوّر مو للفشخره زي ماقلتوا .. للذكرى .. أحلى وأهم يوم بحياتي أحب تكون لي صور ذكرى ..

صور حلوه وفيها فكره .. وطبعا تكون فوتو وفيديو وقت الزفة بس ..

مو أي مصوّره أجيبها .. فيه مصوّرة متعاملين معها من سنين .. وانشالله انها قد الثقة ..

انا أسوي اللي علي والباقي على الله ..

وانتم يالرجال لكم وجهة نظر مختلفه عنّا .. تعتبرونه شي تافه لكن بالنسبة لنا شي مهم وأساسي ..

والموضوع والله ماله دخل بالتفتّح او التديّن ..

تقبل مروري ورأيي ..

**************************************

مهموم222 · 28-01-2009, 10:00

بننا مسافات ..:::

انا ما قلت ممنوع التصوير .. ولا تصورون ... بالعكس انا اكثر واحد مؤيد للذكرى وصور الذكرى .. بس بكمرات وهاردسكات خاااااصه ..

حتى لو تجيبين بنت .. تصورلك .. مستحيل تكون ثقه .. وش دراك ... يمكن ما تنتشر الصور .. بس وش يضمن لك .. ان هي الوحيده الي تطلع على الصور .؟

وش يضمنلك انها هي الوحيده الي تستخدم جهاز الكمبيوتر الي فيه صورك مبعثره فيه .؟

وش يضمنلك انها هي الوحيده الي تشتغل على الصور .. وانها ما تستعين بغيرها .؟

اذا ترضينها لنسفسك وزوجك يرضاها عليك وعلى نفسه .. !!! اااااااااااه خليني ساكت بس ...

to0ota · 28-01-2009, 10:40

آنا اشووف انهـ عآآدي والله انا مابرووح اي استوديووو وبقول تعالوو صوروني فوتو وفيديوو بروح استوديوو سمعته طيبه والعماله الي فيه متاكده انهم 100% نسائيه .. وين عايشين انتم خليتوها غيره ودنيااا .. اغلب الناس تتصور في الزفاف انا مصدوومه من ردوود الاعضاء .. ولاتظنون اني منفتحه بالعكس قبيليه وبدويه ورجاجيلنا ولااشد منهم بس انا اكره التشدد الي ماله داااعي

الماليزي · 28-01-2009, 10:46

معليش يعني بس احب اقول شئ

ليش ما يخلون وحده من الاقارب تصور الزفة مثلا اخت العروس او قريبتها

والمونتاج مو مهم

تحياتي،،

بيـ مسافات ـننا · 28-01-2009, 10:51

to0ota أنا مثلك مصدومه ..!!

واحنا بنات عاديات مو متفتحات بزياده ..

عشان كذا أقول انه تفكير الرجال غيرنا ..

بعدين كيف وحده من اهلي تصورني .. كان طول الزفة انا مو باينه مسلطة على السقف بالغلط ..

مافيه أحد محترف .. تصوير منزلي ايوه بس تصوير زفتي .. ماينفع ..!!

وليه المونتاج مو لازم .. بالعكس اهم شي بالتصوير هو ..

والله انتم مكبرين الموضوع .. لسه الدنيا بخير ..

ولسه الناس اللي تخاف ربي موجوده ..

********************************

مهموم222 · 28-01-2009, 11:13

هههههههههههههههههههههههههههههههههه

حجبتني الجمله ذي

((( لسه الناس الي تخاف ربي موجوده )))

ههههههه .. طيب وين الناس ذولا .. تقدرين تحلفين ان فلان ولا فلانه .. وتحددين الناس الي تخاف ربهم .. ليش انتي عالمه الغيب .؟

الله اعلم منهو الي يخاف ربه .. ويا كثر الي ما يخاف ربه ولا عنده ضمير ..

اما بالنسبه للتصوير الأحترافي .. اوكي اجيب مصوره .. بس تصور بكمرتي الخاصه انا .. عشان اضمن قبل ما تطلع المصوره استلم الكامره انا ..

اما انها تطلع بصورنا وفيديونا برا القاعه وتسليم الصور والشرطه اليوم الفلاني ههههههههههههههه .. عز الله مهزله .. وما يندرا كم مرت على جهاز وعلا كم مصصمم ومصممه ووين وصلت ووين راحت .. وهل مسحو النسخ ولالا ..

والله الغريب انتم يا لبنات الي ما تخافون على نفسكم .. بس الشرها على رجال الي يرضون للمهزله ذي ..

معليش تحمست شوي .. لأني مو مستوعب كلام المؤيدين ...

يجي واحد بكل سهوله يفتحله ستيديو واواع التصوير .. ويجي الكفيل وعياله .. يشوفون الوصر بالأجهزه ... احد من العماله يقدر يقوله لا .؟ لي يقوله لا .؟ لسواد عيون العروس .؟

ههههههه

الله يخلف عليكم بس ..

وترا التصوير سهل جدا جدا .. حتى الجوالات تصور الحين ..

moony · 28-01-2009, 19:55

لاياخوي لاتستغرب 99بالميه من البنات مؤيدات للتصوير وبقووووووووووووة
المهم بغيت اسألك اخوي وين البنقاليه اللي يبعون الصور؟
بالبقالات مثلا؟ بأماكن عامه!
هذي مصيببه وررررررررربي مصييييييييييبه!

مصدومه من خطيبها · 29-01-2009, 02:49

ور بي مجبووورين

ايام ماتفوت لازم توثق

ومالنا الا هالمصورات

وهم وذمتهم

والله الحامي

زوجي حياتي-احبك · 29-01-2009, 03:32

الزواج ذكرى مهمه لاي بنت ولازم تكون حلوه لان لين مانعجز راح نجلس نشوفها وكفاية عليا خليت قريبتي في الملكه تصور طلع مره بايخ ومو مرتب بس الحمد لله جبت مصور واهلي يعرفوها ونثق فيها وبجيبها في الفرح اذا ربي ارد والصور اهم والفيديو احسوا مهم للبنت لانه ذكرى اي وحده فينا ماتحب تنسى ذكرى زواجها وخاصه اذا كان اغلى شخص في حياتها

مهموم222 · 29-01-2009, 22:38

ياخي جيبو مصورات .. اذا ما فيه احد منكم يعرف يضغط زر التصوير .. جيبو مصورات وخلوهم يصورون كل بلاويكم ... بس بكمراتكم الخاصه ....

يعني قبل ما يطلعون من القاعه .. يسلمونكم كمراتكم واشرطتكم وصوركم ..

اما لو يطلعون ببلاويكم وصوركم .. عز الله شي فضيييع ..

الحين بعض الناس يقولون انا بجهازي مستحيل احط فيه صوري .. اخاف من اي شي .. طيب شلون الحين ترضون صوركم تتناثر بجهاز غيركم .. شلوووووووووووووووووون

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)