عالم الحياة الزوجية - منتدى

قلوب مؤمنه · 29-01-2009, 23:22

السلام عليكم ورحمة الله وبركاته

بصراحه انا اول مره اكتب موضوع في منتدى ومحتاجه رايكم وانا متاكده انكم ماراح تخيبون ظني

اسفه السالفه طويله لكن ابي رايكم تكفون

اولا راح اقول عن حياتي

انا زوجه رجل مشهور وعندنا عيال الحمدلله متفاهمه انا وزوجي خلافاتنا تعتبر جدا عاديه وقد لاتذكر احبه لدرجة ما اتخيل اعيش بدونه وهو دايم يذكر انه يحبني وهو بصراحه مايقصر وهو كثير السفر لحكم العمل

يوم من الايام فتحت جواله وهو كان جاي من السفر ونايم لقيت فيه بلاوي ومصايب بنات حرام الله لايبارك فيهم ما قدرت امسك نفسي تمنيت اني اموت وقتها ورحت فتحت جواله الثاني وهذا الجوال مو معروف عند كل الناس يعني قله والمقربين يعرفونه ونفس الشي فيه مصايب واتقهرت اكثر ان اسمه مكتوب بالرسايل

اتصلت على زوجة صديقه وهي مقربه جدا معاي من اول زواجنا واحنا ربع وقلت لها اللي صار لان زوجها دايم يسافر مع زوجي قلتلها تقوله اني عرفت بكل شي ومالا داعي انه يخبي عني لان حياتي انتهت اصلاً لكن لازم اعرف من متى يعرفها وليه ارخص فيني لهذي الدرجه رد زوجها ان مستحيل زوجي يعمل شي زي كذا وهوكل الناس عارفه اني مومقصره بشي وهو يغليني كثير

فتحت الموضوع مع زوجي لما صحى من النوم قلتله انا بأيش قصرت معاك رد ماقصرتي بشي

قلت ليه تخوني قال من وين جايبه الكلام هذا قلت لاراح الف وادور انا فتحت جوالك وشفت رسايلك وعرفت كل شي لكن انا من حقي اعرف ليه تخوني رد علي وحلف بالله انا ماخنتك وانك ظلمتيني وراح تندمين انك ظلمتيني قلت له اشرح لي فهمني طيب انا موقاعده اصرخ ولامنفعله اتكلم معاك بكل هدوء ابي افهم الموضوع منك وانا ماقلت لاهلي ولا لاهلك قال ماعندي رد غير اللي قلته وانت براحتك حابة تصدقين ولا بكيفك
اخذت اغراضي كلها اللي بالبيت قلت له دام ماراح تتكلم وتفهمني مالي قعده معاك وزي ما اخذتني من بيت اهلي راح ترجعني
ناداني وقالي نتفاهم الرسايل بالجوال الاولاني مو له لصاحبه وهويعتبر سكرتيره الشخصي انا عارفه ان الجوال دايم يكون عنده لان زي ماقلت هو مشهور فما راح يرد على كل المكالمات قلت اوك لكن الرسايل بالجوال الثاني وهذا المفروض انه خاص قالي هذي وحده مطلقه واهلها عطوني فلوسها اشغلها لها بدل ماتصرفهاوهي نشبت فيني وتعلقت لكن انا ما اعطيها وجه

وكلم صاحبه عشان اتاكد من سالفة الرسايل اللي تخصه وحاول يراضيني واعتذر وانا بخاطري قلت مولازم اكبر السالفه دام انه حلف انه ماخاني ومستحيل يسويها فسامحته
ومرت الايام وكان معاي احل من العسل بصراحه زي ماتعودته لكن رجعت وفتحت جواله بعد شهرين مالقيت فيه رسايل غير اللي قريتها ودخلت على السجل قلت يمكن مسح شي مالقيت شي لكن الشيطان لعب براسي وقلت ليه ما اقراى الرسايل من تحت اقلب بالجوال ولقيت ان ربعه واللي حوله كلهم عندهم خويات انا انقهرت لاني عرفت ان البنت متزوجه بعد طلاقها وفي رسايل منها ومن زوجي ان زوجتي بالبيت لادقين وهي زوجي عندي اتصل ع الرقم الثاني هذي الامور المفروض اني اعرفها من اول لكن من صدمتي الاولى مافتحتها كلها هذي المره قريتها كلها وكانت تواريخ الرسايل قديمه

كلمت صديقتي وقلت لها اللي صار وانا منهاره واصيح ورجولي موشايلتني قاعده ارجف حاولت تهديني وصليت ركعتين ومشيت الموضوع قدام زوجي عادي خرج للعمل

لكن بعد ساعتين جاني البيت وقلب الدنيا على راسي وقال ما اخذت منك وعد انك ماتفتشين ليه فتشتي شفتي علي شي خلاك تفتشي قلت ابغى اعرف البنت لسه تلاحقك او لا وانا زوجه وكلي غيره بموت من القهر وحده ترسلك رسايل اكيد بتجيك لحظة ضعف وبتكلمها ابغى اعرف كيف اتعامل معاك بالوضع هذا انا ابغى بيتي ما ابغاه ينهدم من بنت الشوارع قالي مافي شي وانت تتوهمين مافي شي من الكلام اللي تقولينه لاني قلت له الرسايل يقول انت تبين تمسكين علي شي لكن والله مافي ولاشي من اللي تفكرين فيه انا اصريت انه في قالي لاتنرفزيني وتخليني اطلع من البيت اكلمها قلت ما استاهل منك كل هذا وشديت معاه بالكلام قالي شوفي اذا فتحتي جوالي مرة ثانيه انت طالق وراح اطلقك واخذها انا انقهرت بغيت اموت من القهر والالم اللي بداخلي وطلع من البيت لما رجع دخل وما سلم علي راح للغرفه لحقته قلت ما ابي اقصر بحقه ويفكر فيها سوى نفسه بينام دخلت قلت تبي شي قام ينغز بالكلام على الموضوع
قلت له شوف انت زوجي وانا احبك وشاريتك لاترخص فيني بنت الشوارع ماراح تحبك اكثر مني ولاراح تصونك لان مافيها خير في زوجها واهلها فاكيد ان ماراح يكون فيها خير لك انا زوجتك صاينه بيتك وعيالك لاترخص فينيقام يبكي ونزلت دموعه يقول انا عمري مافكرت ان راح يجي يوم وتتهميني كذا انت موواثقه فيني انا حياتي انتهت (سؤال للرجال ليه نزلت دموعه هل هي ندم ولا دموع تماسيح كانت )

وانا بصراحه خقيت وراضيته لان قلبي طيب وما اقدر على زعله لكن بعدين ندمت

المهم رجعت علاقتنا عادي وانا مبينه له ان الثقه موجوده واني احبه وهو يبادلني نفس الشعور انا عارفه لكن موقادره اسامحه اذا هو غلط انا مو متاكده لان كلانه كان متناقض وبصراحه شتت تفكيري

ابي رايكم بالموضوع واذا في شي مافهمتوه قولولي اوضحه لكم بس تكفون لاتخلوني لاني مشاعري متقلبه مره اذكر واعفس وجهي عليه

فرهود10 · 29-01-2009, 23:30

اختي من قالك تفتحي جواله
وشدخلك فيه اه اه من هالحركات اللي تغث القلب يعني انتي استفتدي ممكن تخسريه
وليش تتصلي بزوجة صديقة انتي غلطااااااااانه تاسفي منه ولا عاد تسويها

قلوب مؤمنه · 29-01-2009, 23:37

انا مومتعوده افتح جواله وبيتا ثقه كبيره جدا لكن حسيت بشعور فضولي ذاك الوقت ما قدرت اقاوم قلت ايش بيصير اذا فتحته وكانت الكارثه
لكن سؤالي ليه غير موضوع الرسايل وخلا موضوع اني انا كيف تجراءت وفتحت جواله هو الاهم انا بالنسبه لي اشوف اني فتشت بجواله شي ثانوي وهو المفروض مايعلق ع الموضوع اذا كان هو واثق من نفسه

انا ابي استفيد من وجهة نظر الرجال بهذا الموضوع عشان اقدر افهم تفكير زوجي

واشكرك على المشاركه

غلا الرياض · 29-01-2009, 23:38

لا تعليق بس قلبي معك والله لا يحطني بهالموقف

رضاك يارب · 29-01-2009, 23:43

اختي دام الرجال حلف انه مايخونك ودمعت عيونه ان شاء الله انه صادق
كلما تذكرتي هالموضوع تعوذي من الشيطان وحاولي تنسين ترى الشيطان
شاطر خصوصا فهالمواضيع الي تفرق بين الزوجين الله يستر علينا وعليكم
ومادامك تقولين زوجك مشهور لازم مع الايام يتعرض لهالبنات لكن ادعي له
بالثبات

العاشق العنيد · 29-01-2009, 23:45

يعني ان كلم احد ثاني بالجوال يعني انه يخونك وما يبغاكي ؟

اختي الرجل مثل الديك ممكن يلف ويدور ولكن اخرته لبيته وعشته الاصليه

ودموعه اكيد دموع واحد مقهور على حاله

وموضوع انك تكلمي صديقتك زوجته صديقه هذا امر مرفوض من جذوره لانها اسرار بيت

نصيحه صوني زوجك وخذي الموضوع كما هو قال لك

وسأليه عنها كل فترة والثانيه من دون حساسيه وغيره زايده من باب انك تشاركيه همومه واعماله

وبما انه زوجك شخصيه معروفه لازم يكون تصرفك معه غيررررر

وبالتوفيق ان شاء الله

فرهود10 · 29-01-2009, 23:47

اقتباس:

المشاركة الأصلية كتبت بواسطة قلوب مؤمنه

انا مومتعوده افتح جواله وبيتا ثقه كبيره جدا لكن حسيت بشعور فضولي ذاك الوقت ما قدرت اقاوم قلت ايش بيصير اذا فتحته وكانت الكارثه
لكن سؤالي ليه غير موضوع الرسايل وخلا موضوع اني انا كيف تجراءت وفتحت جواله هو الاهم انا بالنسبه لي اشوف اني فتشت بجواله شي ثانوي وهو المفروض مايعلق ع الموضوع اذا كان هو واثق من نفسه

انا ابي استفيد من وجهة نظر الرجال بهذا الموضوع عشان اقدر افهم تفكير زوجي

واشكرك على المشاركه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــ
اختي تخيلي زميلتك مرسله لك رساله خااااااااصة وفتحها زوجك
اكيد راح تزعلي انتي لازم تعرفي ان فيه شيء اسمه استاذان لو قلتي عن اذنك كااان ازين
بعدين وجة نظري يمكن زوجك يحسك تراقبيه او تحاولي تعرفي شيء عنه
وسلامتك

zema8 · 30-01-2009, 00:41

يا أخت

حفظك الله

زوجك من نوعية الرجال

الذين يرغبون دائما امراءة للزواج

وامراءة لمطارحة العشق والغرام

ومن حديثك وطرحك فثقي تماما ان الله

لايكشف خائنا من المرة الاولى

بل يتركه مرات ومرات لعله يعود الي رشده

وعندما يستفحل الامر يفضحه الي اقرب الناس له وهي زوجته

ادعو الله بأن يكفيه شر نفسه وان يصلح له

وعليك انت الاخرى عامل هـــــــــــــــــــــــــام

وهو كيف يمكن لك ان تقدمي له حياة تجعله لا ينظر الي غيرها

وذكريه دائما بمخافة الله وأن لديه اولاد

ومن زني يزنى به ولو بجدار بيته

ايقظي بداخله الوازع الديني ومحبة الله ومخافته

ادعيه لصلاة الفجر معك وخاصة بعد معاشرتك وادعى واجعليه يسمع دعائك

لعل الله يتقبل منك ويصلحه لك

أسأل الله ان يهيئ لكم من امرك رشدا

أبو بنية · 30-01-2009, 00:51

ومن قال لك تفتحين جواله...له أسراره وأسرار أصدقائه........دائما أصدقائنا يتكلمون بجوالاتنا....وأنا دائما صديقي يأخذ

جوالي ويكلم به وتجيني رسائل له.....وانا ما أقول ليش لانني أعذاره الخاصة....................................

تركي! · 30-01-2009, 02:32

بصراحه قرات الموضوع وساختصر الرد على نقاط:-

1-الحب هو اجمل احساس وكله ايجابيات ولكن سلبيته الوحيده (الغيره والشك)..

2-اختي نصيحه لك دام ان زوجك معطيك الحب والحنان ويحلف لك ((ارجو عدم الدخول في خصوصياته))
لان الرجل يسخط من تدخل المراه بخصوصياته واللتي قد تدفعه الي البحث عن مكان اكثر امان !!

3-لايمنع الحرص ولاكن دائما ابني المحبه وجددي الثقه في الزوج ودائما اي امر سلبي حاولي ان تحوليه الى ايجابي

4-خطاء لايغفر .......... ماكان يجب ادخال الغير في مشاكلك ارجو ان لا تتكرر فهي امر سلبي جدا ...ارجو ان تحفظي اسرار زوجك اللايجابيه والسلبيه...اخبارك لزوجه صديق زوجك لا يجب ان يتكرر ..

4- الموضوع منقوص طبعا لاننا لانعلم ماهي وظيفه الزوج الاساسيه حتى يمكننا الحكم عن الحدث((المشكله)) وكل مانعرفه هو انه مشهور ولكن الشهره في اي مجال !!

ولكن نصيحه... زوجك شاريك فلا تفقديه الثقه وتجعليه يكرهك..

ساضرب لك مثال عارض :-
تخيلي لو ان لك صديقه بينكم موده وعشره منذ الازل وقامت هذه الصديقه بتفتيش موبايلك او امورك الشخصيه ليس بدافع شي سوا الاخوه وعشره الطفوله !!! صدقيني قد تمرر فعلتها للمره للاولى ولكن اعتقد انك بتكرار اسلوبها معاكي ستفكيرين بصديقه اخرى !!!!

متابع معاكم
تركي !

قلوب مؤمنه · 30-01-2009, 13:44

جزاكم الله خير

الامور الان ماشيه تمام لكن لما اتذكر ارجع اغار واتقهر لكن بحمدلله استفغر واصلي وانسى الموضوع لاني ما ابي اخسره

لكن كان سؤالي هل الزوج لما يبكي يكون من قلبه ولا بس عشان يلين قلبي واغفرله واسامحه وهو ندمان على فعلته

وزوجي مشهور بشغله تختص بالشباب و البنات المفروض مايميلون لهذي الامور

غير بنات الشوارع اللي يميلون لكل مشهور فقط لانه مشهور

اشكر كل من شارك في الموضوع

حكيم من غير حكمه · 30-01-2009, 13:58

لحكيم عوده فنتظري عودتي

عاشق المسيار · 30-01-2009, 15:10

السلام عليكم

أنتِ عصيتي الله وتجسستي وتستحقين كل هذا النكد والمشاكل والألم النفسي وهذا من شؤم المعصية

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

اريد رئي الرجال الله لايهينكم