عالم الحياة الزوجية - منتدى

وكيل المالية · 31-01-2009, 17:18

تعرفت على بنت عن طريق احد الأصدقاء عطاني رقمها وقال لي اخذه انا ماادري ما سألته اذا كان متعرف عليها او لا بس اكيد انه متعرف عليها لأني اعرفه راعي بنات المهم عطاني الرقم ودقيت عليها اول ما شالته سويت روحي متصل بالغلط وقلت لها مسامحه بعدين اتصلت فيها مرة ثانية وقلت لها صوتك عجبني ومن هالكلام الحلو المهم دخلت في علاقة معها و صارحتني في كثير من الأمور وهي ما تخفي علاقتها بحد غيري بالعكس تقول انها تعرف فلا وعلان وتكلمهم على المسنجر والجوال بس قالت تعتبرهم زي الأصدقاء يعني قير فراند مو اكثر ولا اقل وانا قلت لها اني ابي اتقدم ليها رسمي ولازم تترك علاقتها باحد غيري قالت اعتبرهم مثل الأصدقاء وما صار شي لحد الحين بينك وبيني عشان تطلب مني هالطلب المهم انا للحين اكلمها وما اخفي عليكم ان البنت كثير جريئة في الكلام بس للأمانة ما سكست وياها سوالفنا عادية يعني وانا متحير اتقدم ليها او لا هي للحين ما عطتني لا اسمها الحقيقي ولا عنوان بيتهم ولا لقبهم عشان اتقدم ليها خايفه مني اني اتصل في بيتهم واهددها واقول لبيتهم انها تكلمني ما ادري شلون احاول اخليها تثق فيني وانا قلت لها اصابعك مو سوا انا ما اعرف العب على احد ابي علاقتنا تكون علاقة حب تنتهي بالزواج فما ادري كيف اخليها تثق فيني و شنو رايكم فيها وهل اتقدم ليها او لا وكيف اخذ منها عنوان بيتهم عشان اتقدم اليها البنت عاجبتني روحيا وانا للحين ما شفتها شكليا
احب ضحكاتها احب سوالفها ايش اسوي
كيف اخليها تعطيني عنوان بيتهم عشان اخلي امي تكلم اهلها وتطلبها لي ؟

المشورة

خزامى الرياض · 31-01-2009, 17:22

مابني على باطل فهو باطل ..

ما انصحك بالزواج هاذا لانكم ما تصلحون لبعض ..

الله يستر عليها ..ويوفقها ... ويوفقك انشالله ..

mgro7a · 31-01-2009, 17:24

المسألة بسيطة .. خلى صديقك يقولك من وين جاب الرقم أو روح خلى احد معارفك يطلع لك بيانات الخط الى تكلمها علية
بس استخير ربك اولا .. و ان كنت ناوى جد قولها يا بنت الحلال انا اتكلم جد و لو ما تعطينى عنوانكم انا ما ابى اكمل بهالعلاقة خليها تحس جديتك بالموضوع .. وافنا بالتطورات ..

الماليزي · 31-01-2009, 17:37

ههههههههه الحين تبغى تتزوجها هذي؟؟؟

هههههههههههههههههههههههههههههههههههه

احس انك تمزح

تحياتي،،

فتاة الثلج · 31-01-2009, 17:44

عندي سؤال بسيط : كيف أردتُ أن تتزوجها دون ان تعرف أصلها و فصلها و إذا كانت صادقة فيما قالته لك ؟؟

و أنت بأي حق تقول حبيبتي بما أنها لا تثق بك و لا تعتبرك حبيبها ( على حسب قولك )

إذا كنت صادقا حقا ، فاستخر الله أولا ، لأن الزواج ليس لعبة ، و بعدها اترك الأمور بين يدي الله عز و جل

و هي من الأساس لو واثقة فيك و تريدك زوجا لها ، لأعطتك العنوان ..

وكيل المالية · 31-01-2009, 17:47

اقتباس:

المشاركة الأصلية كتبت بواسطة الماليزي

ههههههههه الحين تبغى تتزوجها هذي؟؟؟
هههههههههههههههههههههههههههههههههههه
احس انك تمزح
تحياتي،،

يا ريت اسمع وجهة نظرك اخوي بدون تجريح وضحك لأني بأمس الحاجة للكلمة الطيبة واللى تخفف علي قول رايك وانا راح احترمه وعلى عيني و راسي .

حلى من العسل · 31-01-2009, 17:58

الحمد الله فيه ناس يتزوجمن من هلاشكال

لاانت ولا هي كلكم لاعبين

واكيد ماراح تعطيك شي من عنوانهم وغيره

ماقول الى الله يصلحكم

الماليزي · 31-01-2009, 18:00

قلت وجهة نظري وهي واضحة جدا من ردي السابق

قاعد استفهم منك واتعجب منك

اعتقد ان وجهة نظري واضحة

تحياتي،،

وكيل المالية · 31-01-2009, 18:06

اقتباس:

المشاركة الأصلية كتبت بواسطة حلى من العسل

لاانت ولا هي كلكم لاعبين
واكيد ماراح تعطيك شي من عنوانهم وغيره
ماقول الى الله يصلحكم

انا لعاب !!! مشكورة اختي وما قصرتي انا طول عمري شريف وحبي حب طاهر عفيف ونظيف مو مثل ما تتصورينه واللى يعرفني يعرف نقاء سريرتي لكن انا الغلطان اللى حاط لكم الموضوع وابي رايكم انا اللى استاهل

المعذرة على كلامي بس في ردود خارجه عن الذوق العام ولازم الأشراف يدخل لأني احس انه كرامتي انجرحت وما اعتقد ان احد يرضى بذا الكلام انا لعااب!! الله يسامحك

وكيل المالية · 31-01-2009, 18:10

اقتباس:

المشاركة الأصلية كتبت بواسطة الماليزي

قلت وجهة نظري وهي واضحة جدا من ردي السابق
قاعد استفهم منك واتعجب منك
اعتقد ان وجهة نظري واضحة
تحياتي،،

اخوي متعجب من ايش ! ارجوك اشرح وجهة نظرك يمكن اكون انا غلطان وانته صح و كلنا بشر و نخطأ وما في احد معصوم قول وانا مستعد اسمع كلامك

تحياتي

الماليزي · 31-01-2009, 18:12

معليش يالغلا

بس انت والله تخلي الواحد يشك فيك

ليش تتصل على بنت ما تدري مين هي؟؟؟

يعني انك تبغى تعاكس ولا انا غلطان

معليش احنا نشوف الظاهر بس من موضوعك عشان كذا ردينا عليك

وبعدين احد يتزوج وحده زي كذا؟؟

انت ايش رايك

لا تزعل مني بس هذا الي يظهر لي

تحياتي،،

الماليزي · 31-01-2009, 18:14

ثم ابغى اضيف شئ

انتبه من رفقاء السوء

والله يسحبووووك سحب معاهم

انتبه منهم وانا اخوك

تحياتي لك،،

ALmaw3o0od · 31-01-2009, 18:49

شوف اخوي

استخير الله قبل كل شي
و شلون تبي تتزوج وحده ماخذ رقمها من صديقك
و هي تعترف لك انها على علاقات و صداقات الحين ؟؟؟

بعدين هي اللي تقول إن علاقاتها مجرد صداقات و صدقت كلامها
و تناسيت ان هذه العلاقات محرمة من الله عز و جل لأن لا أساس لها من الصحه
و لأنها تجر إلى ما لا تحمد عواقبة ..

إنت ترضى تكون زوجها و هي على علاقات و صداقات مع شباب غيرك ؟؟
بتقول لي إنها راح تنهي هذي العلاقات و انا اقول لك شلون تتوقع إنها بتنهيها
و هي مو مقتنعه بإنها على خطأ ؟؟؟

فكر الف مره قبل تقدم على خطوة الزواج هذي
و اللي انا متأكد من انها مجرد تسرع منك و قرار " غير حكيم "

وكيل المالية · 31-01-2009, 19:01

اقتباس:

المشاركة الأصلية كتبت بواسطة ALmaw3o0od

شوف اخوي
استخير الله قبل كل شي
و شلون تبي تتزوج وحده ماخذ رقمها من صديقك
و هي تعترف لك انها على علاقات و صداقات الحين ؟؟؟
بعدين هي اللي تقول إن علاقاتها مجرد صداقات و صدقت كلامها
و تناسيت ان هذه العلاقات محرمة من الله عز و جل لأن لا أساس لها من الصحه
و لأنها تجر إلى ما لا تحمد عواقبة ..
إنت ترضى تكون زوجها و هي على علاقات و صداقات مع شباب غيرك ؟؟
بتقول لي إنها راح تنهي هذي العلاقات و انا اقول لك شلون تتوقع إنها بتنهيها
و هي مو مقتنعه بإنها على خطأ ؟؟؟
فكر الف مره قبل تقدم على خطوة الزواج هذي
و اللي انا متأكد من انها مجرد تسرع منك و قرار " غير حكيم "

اخوي ممكن تعتدل بعد الزواج وتكون رزينة لأنها حاليا في مرحلة مراهقة وكذا بس بعد الزواج ممكن انها تتغير بعد ما تعيش حياة جديدة ؟ الا ايش رايك لأنه الكثير من البنات والشباب مروا بذي المرحلة بس بعد الزواج كل شي يتغير .

سلطانة الغرام · 31-01-2009, 19:09

بصراحة انا ضد زواج التلفون لانو بعدين يترتب علية مشاكل كثيرة ومافي راحة كل واحد يشك في التاني وفي النهاية هذا شئ لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

كيف اخلي حبيبتي تعطيني عنوان بيتهم عشان اتقدم رسمي ؟