عالم الحياة الزوجية - منتدى

angel ksa · 03-02-2009, 01:20

طبعاً بنتكلم أولاً عن قصة زواجي وبعدها طلاقي وماتعلمته من تلك التجربه ...
بداية القصه عندما تقدم لي رجل غريب وليس من عائلتنا حصل كالآتي :
رئيته الرؤيه الشرعيه
قبلها طبعاً صليت صلاة استخاره وبعدها نفس الشي صليت صلاة استخاره
ومن بكره مالقيت الا ابوي يسألني ها وش رايك الناس مستعجلين
قلتله عطني اسبوعين استخير وانت تسأل بعد
المهم مروا الإسبوعين ولم أشعر بأي شعورلا ارتياح ولا عدم ارتياح
ومشيت الأمور ووافق ابوي بنائاً على السؤال وبنائاً على سمعة والده ..
طبعاً كل ماسألني أبوي قمت قلتله اللي تشوفه
اللي تشوفه , اللي تشوفه
ابوي سأل عنه ماترك أحد الا وسئل عنه , لدرجة ابوي قام يقول ماشاء الله على هالرجال
المهم بعد اسبوعين صارت الملكة ولا صار بينا اي كلام تصورنا ومن هالحكي وخلاص
بعدها جانا البيت وجاب لي جوال هديه وجوال خايس بدون كاميرا ولا بلوتوث على الرغم انه غالي وجديد لكن مافيه هالاشياء
طبعاً انا فرحت ان خطيبي جاب لي هديه ويوم فتحتها انصدمت وش ذا الجوال ؟؟
يارب ان جوالي اللي معي احلى منه واجدد منه مليون مره
طبعاً على طول جت في بالي فكرة انه معقد نفسياً قلت كل شي بيبين مع المكالمات
طبعاً موعد الزواج كان بعد شهرين
من يوم الملكه الى الزواج ماكلمني 5 مرات على بعض
وغير كذا كان هو في جده وانا في الرياض
يعني ماشفته الا بس بالملكة والرؤيه الشرعيه
وكان دائماً يتلاشى يتكلم معي او يطول معي بالكلام وكل مسئلته شي يقول لا تسئليني عن شي انا ماحب اللي يسئل كثير
المهم تزوجنا وانا حاطه يدي على قلبي
تعالو شوفو وش صار من اول ليله .........
طبعاً أخذ حقه وبالغصب وبطريقه وحشيه ..( أدت إلى كره شديد له ..)
ولا رحت فندق ولا يحزنون بالبيت
ثاني يوم قمت من النوم اشم ريحه غريبه ومقرفه
قمت أسئله وشكله كان غريب كذا عيونه شبه نايمه ومو طبيعي
قام يقول لي أنا أتكيف .. وياويلك لو تعلمين أحد سمعتي والا لأ .؟
قلتله طيب بيني وبينكم خوفي زاد مره شكله مو طبيعي
المهم كل ما أمي كلمتني قام يقول لي خير ياطير وش تبي ؟؟
أنا أقول له عيب عليك هالحكي هذي أمي في مقام والدتك
يقول لي مابقى الا انتي تعلميني العيب !!
بعدها بثلاث أيام وداني بيت أهله وهذي كانت اول مره أطلع فيها
يومها مسكني مع شعري قبل لأروح وقالي قسم بالله اذا علمتي أحد لأكسر راسك
المهم أنا الله يكفيكم شري بانهار من اللي شفته ولا قادره اعلم احد
خايفه لاني مو بالرياض عند اهلي ولا لي احد هناك
المهم رجعنا من بيت اهله
ودخلت ابدل ملابسي وصليت العشا الا القى واحد يمسح على راسي ويضحك ويقول بركاتك يالسديس ؟؟
انا يوم سمعته يقول كذا استغربت
بعدها طلعت بالصاله والقاها حاط شي بالكوب لونه اصفر شبيه بلون عصير التفاح
والولد يهلوس
المهم اخذت نفسي وقفلت باب غرفتي علي وارسل رساله لامي قلتلها ادعيلي الله يصبرني على مابلاني ..
من بكره وداني بيت اهله وشاف جوالي وشاف الرساله
وينزل علي ضرب لما ورمت عيوني
دقيت على ابوي قال لي خلك هناك في بيت اهله ولا تشوفينه ولا يلمسك الين ما اجي
قلت له طيب
المهم ابوي جى والولد استسمحه وابوي قال لي مافي داعي تكبرين السالفه وخلك عاقله وانا ابد ابي اتطلق شلون يمد يده علي ؟؟
ابوي فهم من الولد انها لحظه غضب
مري يا ايام قبل الشهر بأسبوع ويتركني بالبيت جوا ويقول لي حضري شاهي وعصير وقهوه ولا تطلعين بالحوش
؟؟
المهم اخينا بالله جايب بنات بالملحق ؟
كيف عرفت !!
طبعاً تسحبت من باب المطبخ لأنه قفل الباب الخارجي علي
واتفرج من الشباك على المهزله
طبعاً وانا ياجبل مايهزك ريح ولا كأني شفت شي
هذا غير انه مقفل جوالاته برقم سري كل ماقلتله ليش قال لي مو شغلك!!

طبعاً هذا غير الاهانه النفسيه
انتي تحسبين نفسك حلوه ؟
انتي ماشفتي شكلك وانتي صاحيه من النوم ؟؟
ولا شكلك وانتي حاطه مكياج ؟؟
والله لاكسر خشمك انتي شايفه نفسك على ايش ؟؟
على هالشهاده ؟؟
والا على الجمال ؟؟
المهم انا هذا كله ساكته لهدف براسي
شوي وانا ارتب بالبيت والقى فوق الدولاب علبه باين طرفها
والقاه مكتوب عليها بالانقليزي
المهم طلعت قزازة خمر
وبنفس اليوم دخلت عليه المجلس الا وهو يكلم وحده ويقول لها انا متزوجها لان امي تبيها
والله انها غبيه ولا داريه عن شي
طبعاً هو اللي غبي انا ساكته لهدف براسي
دخلت عليه وقلت له والله تبي تكلم هالاشكال يابالحمام يابالشارع مو عندي بالبيت
المهم ابرد مايكون طلع وكلمها ساعتين بالشارع ورجع يستسمحني ويكذب
انا عديتها وقلت له عاااادي موب داري انا وش براسي
المهم نمت وقمت الفجر علشان اصلي الا والقاه سكرااااااااااااااااااااان
وناداني وقام اخينا بالله يفضفض

طبعاً انا استغليت الفرصه وسألته عن كل اللي بخاطري
طلع متزوج لان امه وابوه غاصبينه
ولا عنده شهاده غير المتوسطه
ومدمن مخدرات من 10 سنوات وعنده شقه يجيب البنات فيها ويسهر فيها
المهم ليلتها انا بتجيني سكته قلبيه
من بكره صحى وسألني صار شي وانا مو بوعيي ؟؟

×شموخي تعداك× · 03-02-2009, 01:34

لاحول ولا قووة الا بالله

يالله من جد ماسااتك مااسااة ..

حنين الفؤاد · 03-02-2009, 01:34

يؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ

انجل من صدقك الي تقولينه

ماني مصدقه

angel ksa · 03-02-2009, 01:38

قلتله لا بالعكس انت كنت مره ساكت وهادي
مر اخر اسبوع بالشهر لاحظوا ماطلعت من البيت الا عند بيت اهله فقط
قلتله وش رايك نروح نقضي يومين عسل وتصالحني فيهم بالرياض قال طيب
وانا ادور اصغر شنطه وآخذ ذهبي وجواز سفري واوراقي وقسيمة الزواج
ويالله جايين الرياض
طبعاً انا براسي شي ..؟
رحنا الرياض وامي مسكينه ماتدري عن اي شي عني الا اني مبسوطه
وادق على ابوي قلتله تعال بسرعه انا بالبيت
وجى وقلتله على كل الحكايه من طئ طئ لسلام عليكم
ابوي انفجع ماصدق
قلت مو مصدق واجهنا
قال طيب يوم جى وواجهنا الا الحقير قام ضربني كف على وجهي قدام ابوي وامي
ابوي قال له وخر عنها هالحكي اللي قالته صحيح قال ايه اذا عاجبكم!
ابوي قال له مثل مادخلنا بالمعروف طلقها بالمعروف
وقال لي انتي طالق ..
...............
المهم سألنا الشيخ هل من الممكن انه يرجعني قال ايه
طيب البنت ماتبي ترجع له
قال الشيخ اجل لا تشوفه ولا احد من طرفكم يشوفه ولا يسمع صوته حتى تخلص العده حقتها
لأجل ان يقع الطلاق
المهم اختفيت ثلاث قيضات
وبعدها رحت قدمت بالمحكمه انه معلقني ولا يبي يعطيني ورقتي جلست بالمحكمه رايحه جايه سنه كامله لانه كان بجده وكل ماطلبته المحكمه مايجي
الين اخر شي الشرطه جابته ووقع على الصك ..
وكان الإفراااااااااااااااج
....................
طبعاً بنبه على كل البنات لازم تتروين مع خطيبك ولازم ابوك يسئل وعمامك وخوالك وكل احد تعرفونه
لازم تكون فترة الخطوبه طويله والأهم من هذا كله ان يصير في احتكاك يعني تعرفينه زين
والصلاة الصلاة
اذاا انسان مايصلي انتبهي اعرفي انه اكيد ماراح يتق الله فيكي
ولا تصدقين كلام امه واخواته اذا جو يوم الرؤيه الشرعيه انتي لك باللي تشوفينه
يعني ابسط مثال ام الولد هذا كانت مطوعه تخيلوا وتحلف بالله انه من البيت للمسجد وانه انسان مطيع وبار بوالديه والخ ...............
طبعاً هذا كله رياااااااااااااااااااااء ..
اختبريه وكلميه بالجوال انتي على ذمته يعني مو قاعده تسوين شي حرام ..
مو كل الرجال سوا بس عرفت كيف ينعرف صنف الرجال ..
انتبهوا انتبهوا
الله يرزقنا بالزوج الصالح اللي يخاف الله ويتق الله فينا ..
( قولوا آمين )

حنين الفؤاد · 03-02-2009, 01:41

اجل انا الحمدلله انتهى موضوعي زي شرب المويه

ياربي لك الحمد

الله يعوضك ياااااااااااااااااااااااااارب

בبيـ__ـبـة زوجـ__ـهـآ · 03-02-2009, 01:48

لا حول ولا قوة الا بالله العلي العظيم
جد الله يعينك على اللي شفتيه صبورة ماشاء الله عليك
الله يعوضك يالغلا بزوج صالح يعوضك عن كل ايام العذاب ياارب

لدمعتي قصة الم !! · 03-02-2009, 01:54

السلام عليكم ورحمة الله وبركاته
حسبي الله ونعم الوكيل عاد تصدقي انا كنت غلبانه لابعد درجه والاخ كان يحط الخمره بقارورة مويه بالثلجه ولمن اساله يقولي هذا علاج اخدته من شيخ!!!
ومشيت على الا مره حكيت صديقتي وكان زوجها برضو يخمر قالتلي انتبهي ليكون خمرا !!
الا انا رحت وفكيته وشميته ابي اعرف قسم بالله مسكني صداع يومين بس لاني فكيت الغطه ولا وجهته ابد اللين ماصار الاخ يخبيه
فعلا رجال بالاسم فقط
الله يوضك ويعوضني ويعوض الجميع الرجل التقي التقي التقي

angel ksa · 03-02-2009, 01:55

اقتباس:

المشاركة الأصلية كتبت بواسطة جروح الدموع

لاحول ولا قووة الا بالله

يالله من جد ماسااتك مااسااة ..

ولا مأساه ولا شي الأهم من هذا كله إني عرفت كيف أتصرف معاه
وكنت ذكيه معاه لأنه هو عنيد وعصبي
واذا انا رحت لبيت اهلي وقلت له طلق والله الي يومك هذاماكان طلق
ووقتها كنت توي 20 سنه 21 سنه
يعني تعلمت كووووووووووووووووووووووووووووويس

الحمدلله على كل حال والله خيره
ربي كاتب لي هالعذاب علشان يعوض صبري خير
دعواتكم بالزوج الصالح ..

استاااهلك · 03-02-2009, 01:55

انجل الله يعوظك ..والحمد لله افتكيتي منه..هذا انسان حقير ..مايخاف الله ..

لو استمريتي معاه ماتدرين وش صار فيك يمكن يدخل رجال عليك لان المخدرات..نهايتها كذا..الله لايبلانا..

angel ksa · 03-02-2009, 01:58

اقتباس:

المشاركة الأصلية كتبت بواسطة حنين الفؤاد

اجل انا الحمدلله انتهى موضوعي زي شرب المويه

ياربي لك الحمد

الله يعوضك ياااااااااااااااااااااااااارب

ايوا دايماً قولي الحمدلله على كل حال
والله يعوضنا بالخير يارب جميع ..

angel ksa · 03-02-2009, 01:59

اقتباس:

المشاركة الأصلية كتبت بواسطة {فرح}

لا حول ولا قوة الا بالله العلي العظيم
جد الله يعينك على اللي شفتيه صبورة ماشاء الله عليك
الله يعوضك يالغلا بزوج صالح يعوضك عن كل ايام العذاب ياارب

سبحان الله انا ببيت اهلي ابد ماني صبوره ودايم عصبيه من وين جاني هالبرود وهالصبر
سبحان الله
تسلمين ياقمر الله يسمع منك يارب ..

المروج الخضراء · 03-02-2009, 02:09

الله يعينج اختي ويعوضج خير الله كريم

angel ksa · 03-02-2009, 02:17

اقتباس:

المشاركة الأصلية كتبت بواسطة امراءه لا تنحني

السلام عليكم ورحمة الله وبركاته
حسبي الله ونعم الوكيل عاد تصدقي انا كنت غلبانه لابعد درجه والاخ كان يحط الخمره بقارورة مويه بالثلجه ولمن اساله يقولي هذا علاج اخدته من شيخ!!!
ومشيت على الا مره حكيت صديقتي وكان زوجها برضو يخمر قالتلي انتبهي ليكون خمرا !!
الا انا رحت وفكيته وشميته ابي اعرف قسم بالله مسكني صداع يومين بس لاني فكيت الغطه ولا وجهته ابد اللين ماصار الاخ يخبيه
فعلا رجال بالاسم فقط
الله يوضك ويعوضني ويعوض الجميع الرجل التقي التقي التقي

وعليكم السلام ورحمة الله
اهلين أختي يعني وش بنقول غير حسبي الله ونعم الوكيل
الدنيا مليانه بلاوي
يحسبون بنات الناس لعبه ..
الله يعوض علينا يارب باللي يخاف الله والتقي والرجال السنع ..

angel ksa · 03-02-2009, 02:28

اقتباس:

المشاركة الأصلية كتبت بواسطة استاااهلك

انجل الله يعوظك ..والحمد لله افتكيتي منه..هذا انسان حقير ..مايخاف الله ..

لو استمريتي معاه ماتدرين وش صار فيك يمكن يدخل رجال عليك لان المخدرات..نهايتها كذا..الله لايبلانا..

والله أحمد الله مليون مره إني ماجبت منه عيال
واحمد الله على نعمة الأمن عايشه بأمان مع أهلي وأخواني جو يخاف الله جو مترابط جو كله حب ووناسه ..
الحمدلله على كل حال
شفتوا الإدمان وش يسوي ؟؟
الله يكفينا شره .
مشكوره على مرورك ..

وفيت لما انتهيت · 03-02-2009, 02:29

ياعمري والله انك ملاك بجد !! وهذا من طيبتك يوم تنصحين البنات
بس الغلط مو غلطه الغلط غلط اهله يزم يخطبون له وهم عارفين انو مو مضبوط
حسبي الله على كل ام تخطب لولدها وهو مدمن

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

انتبهي واسمعي اللي صار معي ..