عالم الحياة الزوجية - منتدى

ميمي مجروحه · 05-02-2009, 22:54

مسا الخير على الحلوات

<<<<< بدت بالصياح بتنحشكم من الموضوع
بنات كل وحده قبل ما تقرا الموضوع تحط نفسها مكاني
امس وفجأه دق جوال ماما مرت عمي داقه تخطب
انا اول ماسمعت ماما تقول البنت بنتكم بس تدرين بنات هاليومين شورهم بكيفهم
انا سمعت كذا كان ودي اطب من سطح بيتنا
انا مااااااااابي الولد بقولكم ليش بس لحد يقول اني سطحيه
<<<<<< عارفه نفسها
هو استنساخ كربون من اخوي الكبير ما يفرق عنه بشي حتى الطول والعصاقيل ولصوت
و الخشه كل شي بدون مبالغه كأنهم توأم حتى اساميهم كلهم عبد ال
مو متقبله انه اتزوج واحد يشبه اخوي احس ان كأنه اخوي مو زوجي
طيب هالشي ممكن اني اقنع نفسي بالغصب بالطيب و اوافق عشانه ولد عمي
بس في شي ثاني
انا طبعي نص فري يعني ماخذه راحتي باللبس و العبايه
لبسي طبعا عزايم و طلعات الحريم اخذ راحتي في اللبس
عباتي مافيها شي ساتره و وسيعه واتغطى بس اني البس كتف مب راس
و ولد عمي امه و خواته و خالته كلللللهم بدون مبالغه متشددين مررررررره
يعني اللي تلبس بنطلون يقولون لها هداك الله يا فتاه واللي تلبس نص الساق هذي ما تستحي ابد
شلون بطب عندهم وانا طبعي غير عن طبعهم لحد يقول غيري ما اقدر هم مررره متشددين
انا لبغيت اروح بيت خالي المطوع ابتحلت بعمري بذا السوق افتر ادور شي طويل وحلو
وانا ما احب البس طويل مب حلو علي ابد يطلع شكلي حسره بقوه
انا ابي ارفضه بس المشكله
اني رافضه ولد عمي الثاني قبل شهر ماما تقول فشلتي ابوك عند عمانك
والمشكله الثانيه ان مرت عمي لما دقت قالت انه هو قال يبيني انا بالأسم
اصلا الولد مب ملتزم مثل اهله هو عادي انا اتوقع عشان كذا طلبني بالاسم لانه عارف ان احنا عادي
مب مثل اهله وخواله متشددين
بقولكم سر صدته مره في بيتهم يطل علي من فوق الدرج
( انا استغربت مرت عمي خطبتني هي عارفه وضعنا و وضعهم بس قلت اكيد ان ولدها قالها
خطبي فلانه ابيها ولا لو بكيفها ما فكرت فيني مو انا بالنسبه لهم مخربتها في الحياه )
انا الحين ابي ارفض انا اعرف نفسي مو مقتنعه وماراح اتحمل الوضع مع اهله و خالته
واخاف تصير مشاكل بعدين و ماما تقول استحي على وجهك ولد عمك طالبك بالأسم
بابا درى بالسالفه وقالي انتي كبيره و تعرفين الصح من الغلط واللي راح راح احنا في اللي جاي
ومع هذا انا مب غاصبك
( كلامه دقه على ولد عمي اللي قبله )
شسوي اخلي اختي الكبيره تقوله ميمي ماتبي لان مالي وجه اقوله
انا مابي اوافق على شي انا مب قده

النوخذة عبدالله · 05-02-2009, 23:03

ماعندي تعليق للاسف

جروحي حبيب روحي · 05-02-2009, 23:06

والله ما بعرف وش اكلك الله يعينك

هوى الروح · 05-02-2009, 23:31

انا قريته

لي عودة مرة ثانية وبعلق على الموضوع وبقولك رايي فيه ؟؟؟

بس شكلك سالفتك طويلة...لانه مافيه حد يجبر حد على الزواج

برجعل لموضوعك بعدين طيب

ميمي مجروحه · 05-02-2009, 23:34

اوكي يا عسل استناك

فرفوووشه · 05-02-2009, 23:46

اذا كنتي مو مقتنعه به ماراح احد يجبرك عليه لانك انتي الي بتعيشين معاه مو اهلك

وارررررررفظي بشده

lady20088 · 06-02-2009, 00:53

اي انا بعد اؤيد رأي فرفووشه

لو ما تبين ارفضي ومع الوقت راح ينسون

صج انهم راح يضايقونك بس تحملي شوي احسن ما تتحملي كثير بعدين

ترى هذا قرار حياه كامله مو لعبه

لو بتوافقين عليه عشان اهلك وبعدين تكونين مو متقبلته من داخلك وتكرهينه وتصير مشاكل ووو

حاولي تقنعيهم بوجهة نظرك بس بشوي شوي

وان شاء الله يصير لك اللي قيه خير لك

سلامي

u.a.a · 06-02-2009, 01:13

معك حق بالنقطه الأولى وهو انك ما تبينه ما أعجبك
من حقك والموضوع هذا ما فيه مجاملات
ولو ما بينتي اي سبب هذا قناعتك وهذي حياتك
صحيح الحين بتصعب عليك رده لكن لو وافقتي بيكون
اصعب عليك جلستك معه وانتي ما تبينه

اما ع النقطه الثانيه انا اخالفك وهذي وجهة نظرك
وكلن ذنبه على جنبه

وعسى ربي يوفقكم ويكتب لكم اللي فيه الخير
واصرفلك استخيري ربك و بعدها لا تجاملين احد

بنت الدكتور · 06-02-2009, 01:17

الله يكتب لك الي فيه الخير

شوفي انتي بنت عمهم وخاطبينك وهم عارفين طريقة لبسك وشكلك ... أنا رأيي اذا الولد تمام من ناحيه أخلاقه ودينه

ووظيفته وشكله مقبول .. خلااص الحمدلله وافقي مبدأيا واشرطي عليهم ان بتكونين مثل انتي من ناحية لبسك وشكلك

كوني واااااااااااااااضحه تمام معاهم ولا عليك .. لان الزواج قسمه ونصيب ..

طمنينا عليك

ريم 506 · 06-02-2009, 01:23

مافيه اي مشكلة انتي مكبرة سالفة والموضوع

بما ان اهلك مااجبروك توافقين وانتي ماتبينه خلاص رفضيه وانتهى الامر

ميمي مجروحه · 06-02-2009, 01:28

اقتباس:

المشاركة الأصلية كتبت بواسطة بنت الدكتور

الله يكتب لك الي فيه الخير
شوفي انتي بنت عمهم وخاطبينك وهم عارفين طريقة لبسك وشكلك ... أنا رأيي اذا الولد تمام من ناحيه أخلاقه ودينه
ووظيفته وشكله مقبول .. خلااص الحمدلله وافقي مبدأيا واشرطي عليهم ان بتكونين مثل انتي من ناحية لبسك وشكلك
كوني واااااااااااااااضحه تمام معاهم ولا عليك .. لان الزواج قسمه ونصيب ..
طمنينا عليك

المشكله انهم ما يسكتون وما يخلون احد في حاله ولا كان طنشت
يعني لازم يتكلمون لا بعد لدرجه ممكن يقولون لا تلبسين كذا انا اعرفهم

ميمي مجروحه · 06-02-2009, 01:29

اقتباس:

المشاركة الأصلية كتبت بواسطة ريم 506

مافيه اي مشكلة انتي مكبرة سالفة والموضوع
بما ان اهلك مااجبروك توافقين وانتي ماتبينه خلاص رفضيه وانتهى الامر

لا تعليق

ميمي مجروحه · 06-02-2009, 01:32

النخوذه عبدالله
جروحي حبيب روحي
فرفوووشه
lady20088
u.a.a

تسلمون على مروركم

بنت الدكتور · 06-02-2009, 01:36

اختي انا مااعرف طبعهم لكن انا اقولك

خلي امك تكلم زوجة عمك وتقولها شروطك ومنها انك بتبقين مثل مانتي من ناحيه لبسك وشكلك فهل انتم راضين

او لا من البدايه عشان مايكون فيه مشاكل .. التفاهم احسن شي والله حتى لو كان بأمور اللبس

اهم شي اهله يكونون عارفين وموافقين ... اما اخواله ماعليك منهم يتكلمون مره مرتين ثلاث وبيرضون بالاخير وبيطفشون

وبيتعودون على شكلك

شرااايك ؟؟

ميمي مجروحه · 06-02-2009, 01:49

اقتباس:

المشاركة الأصلية كتبت بواسطة بنت الدكتور

اختي انا مااعرف طبعهم لكن انا اقولك
خلي امك تكلم زوجة عمك وتقولها شروطك ومنها انك بتبقين مثل مانتي من ناحيه لبسك وشكلك فهل انتم راضين
او لا من البدايه عشان مايكون فيه مشاكل .. التفاهم احسن شي والله حتى لو كان بأمور اللبس
اهم شي اهله يكونون عارفين وموافقين ... اما اخواله ماعليك منهم يتكلمون مره مرتين ثلاث وبيرضون بالاخير وبيطفشون
وبيتعودون على شكلك
شرااايك ؟؟

بالنسبه لاخلاقه الولد ما عليه كلام
والوظيفه والشغلات هذي ما افدر اسأل عنها لان لو دخله 1000 ماارده لان ولد عمي
بس على سالفه اللبس والشغلات الثانيه انا بصلي استخاره وبعدين بخلي ماما تكلم امه

مشكوره ما قصرتي عطتيني حل ممكن نجربه و اتفاد احراج بابا مع عمي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

بنــــــــــــــــــــــــــــــــــات تعالوا ابي رايكم