عالم الحياة الزوجية - منتدى

sweety Jessica · 09-02-2009, 23:01

هاااااااااااااي

بعد ما كتبت مشكلتي هنا ولقيت عندكم الاهتمام لمست فيكم الطيبة والحكمة

اتشجعت اكتب المشكلة التانية في الحقيقة هي ما تخصنيش انا تخص اخويا

اخويا عنده 25 سنة وفالحقيقة مشكلته كبيرة اوي وصعبان عليا خالص

احنا من عيلة كبيرة اوي ومامي بتحب المظاهر اوي وانا ورثت منها المظاهر دي , وبابي طبقي اوي ومقسم الناس طبقات

طبقة عالية جدا طبقة الناس الارستوقراطية وطبقة الناس البيئة اللي مش من مستوانا

المشكلة بدأت بعد ما اخويا خلص الثانوية العامة وبابي دخله كلية الشرطة لكن اخويا رفض ودخل كليه عمليه من كليات جامعة القاهرة وبكده كسر كلام بابي وده كان بداية الخلاف بينهم

اخويا دخل الكليه دي وبدأ يختلط بالناس التانية اللي من الطبقة اللي بابي ما بيحبهاش ودايما كان يحذرنا من الاختلاط بيهم او من التعرف عليهم

في الكليه دي اخويا اتعرف على واحدة بلدي من الطبقة دي وفالحقيقة انا شفتها وكانت امورة ومؤدبة واخويا ارتبط بالبنت دي جدا وحبها جدا

ولان باباها كان ميكانيكي سيارات بابي رفض الجواز ده نهائي وقال لاخويا لو اتجوزتها لا انت ابني ولا انا اعرفك لازم تصرف نظر عن البنت دي

لكن اخويا فالحقيقة كان بيحبها اوي ورفض يسمع كلام بابي

اخويا حاول كتير اوي يقنع بابي لكن بابي ما رضيش وبمجرد ما اخويا اتجوز البنت دي بابي قاطعه ورفض انو يعيش معانا واجبر مامي انها ما تكلموش او تزوره ورفض اي حد مننا يتصل بيه او يطمن عليه

اخويا كان متفوق في كليته وجت له فرصة كويسه انه يعمل الماجستير في جامعه في دولة اوربيه

واخويا طبعا وافق لانها كانت فرصة كبيرة اوي له

وقبل ما يسافر حاول يسلم على بابي او يشوفه لكن بابي رفض وما رضيش يسلم عليه واخويا حاول مع بابي كتير اوي علشان بابي يرضى عنه لكن بابي كان حط شرط طلاقه لمراته علشان بابي يرجع يسامحه تاني

دلوقتي اخويا سافر وبابي واخد مراته معاه وبابي رافض يكلمه في التليفون او يطمن عليه واخويا بيتصل كتير جدا لكن بابي رافض يكلمه او اي حد مننا يكلمه

مامي كلمته من غير ما بابي يعرف وقالت طلق مراتك طالما لسه مخلفتش منها دي بنت مش كويسه طالما وافقت تتجوزك وهي عارفه ان اهلك رافضين , طلقها وتعالى عيش معانا وباباك يشغلك في احسن شركة في البلد

لكن اخويا رفض

انا بحب اخويا وزعلانه اوي علشانه

بليز لو فيه طريقه او حل علشان نصالح اخويا هو وبابي وباقي العيلة

بليز قولوه

سوري اني بزعجكم

جــآنح · 09-02-2009, 23:16

بصراحة أبوكي الغلطان ..<< معليش بس هاذي الحقيقة ..

ونصيحتي إنكم تزنوا على أبوكم لمن يرضى ..<< تزنوا = يعني تطفشوه من كثرة الإقناع وجاية من زنزنة النحل ..<< خلاها حصة لهجات ..^^

تحـــــــــياتي

والله يوفقك في مشكلتك ..

sweety Jessica · 09-02-2009, 23:21

اقتباس:

المشاركة الأصلية كتبت بواسطة كايتو كيد

بصراحة أبوكي الغلطان ..<< معليش بس هاذي الحقيقة ..
ونصيحتي إنكم تزنوا على أبوكم لمن يرضى ..<< تزنوا = يعني تطفشوه من كثرة الإقناع وجاية من زنزنة النحل ..<< خلاها حصة لهجات ..^^
تحـــــــــياتي
والله يوفقك في مشكلتك ..

مرسي لردك واهتمامك

المشكلة انو بابي صعب اوي اوي

وعقله متحجر ومش بيحب حد يخالفه او يجادله

مرسي لاهتمامك وتفاعلك

mohamed_1991 · 09-02-2009, 23:46

لاحول ولاقوة إلاّ بالله العلي العظيم

أول شيئ أتمنى أن تزيلي الصورة التي تضعينها في الصورة الشخصية وفي التوقيع لكي لا تأحذي إثم على كل من يراها

ثاني شيئ المرجو منك أن تتكلمي بطريقة المسلمين ولا تقولي بابي و مامي قولي أبي أمي للأننا مسلومون ولسنا نصارى أو ماشبه وكلام أبوك كله عن الطبقة كذا وكذا والطبقة كذا وكذا كأنه رجل خارق أو أنه من كوكب أخر عشان يحتقر الناس هكذا وإسمحلي على هذا الكلام

الا يعلم أن الأرزاق بيد الله وأن الله عز وجل قادر أن يجعله أفقر من رجل في العالم يا أختي أرجوكي أرجوكي لاتزعلي مني للأنني والله العظيم لا أقول هذا الكلام لكي اجرحك أو أقلل من قيمة أبوك وأمك بل لكي تتقوا الله وتلقوه راض عنكم ويذخلكم الجنة وينجيكم من النـــــــار

وأسال الله عز وجل أن يهدينا جميعا لما يحبه ويرضاه

وأسأل الله العظيم أن يحل مشكلتك إنه هو السميع العليم

الدكتور المرتحل 454 · 09-02-2009, 23:51

بسم الله الرحمن الرحيم

انني ارى ان يعمل مجتمعنا على انهاء كل مظاهر التسلط الابوي انما دون عقوق

فليبقى على موقفه وليبقى في محاولاته للتقرب حتى يتخلص من كل ناحية فيها اساءة لوالده وليتحين الفرص

انما لا يلومن الاب ابنه ان كان الاب هو الذ ي بدأ بالعقوق

والله عزوجل جعل لكل منا عقل فليفهم الجميع انه لكل فرد كيان يتصرف به

وخصوصا هذه العقول المتكبرة التى لا ترى البشر الا من منطق المال او التكبر

معذرة انا لا اقصد الا الانتقاد العام مع احترامي لوالدك الكريم

sweety Jessica · 09-02-2009, 23:55

اقتباس:

المشاركة الأصلية كتبت بواسطة mohamed_1991

لاحول ولاقوة إلاّ بالله العلي العظيم
أول شيئ أتمنى أن تزيلي الصورة التي تضعينها في الصورة الشخصية وفي التوقيع لكي لا تأحذي إثم على كل من يراها
ثاني شيئ المرجو منك أن تتكلمي بطريقة المسلمين ولا تقولي بابي و مامي قولي أبي أمي للأننا مسلومون ولسنا نصارى أو ماشبه وكلام أبوك كله عن الطبقة كذا وكذا والطبقة كذا وكذا كأنه رجل خارق أو أنه من كوكب أخر عشان يحتقر الناس هكذا وإسمحلي على هذا الكلام
الا يعلم أن الأرزاق بيد الله وأن الله عز وجل قادر أن يجعله أفقر من رجل في العالم يا أختي أرجوكي أرجوكي لاتزعلي مني للأنني والله العظيم لا أقول هذا الكلام لكي اجرحك أو أقلل من قيمة أبوك وأمك بل لكي تتقوا الله وتلقوه راض عنكم ويذخلكم الجنة وينجيكم من النـــــــار
وأسال الله عز وجل أن يهدينا جميعا لما يحبه ويرضاه
وأسأل الله العظيم أن يحل مشكلتك إنه هو السميع العليم

مرسي لردك واهتمامك

بس انا مش بعرف اقول غير بابي ومامي

وبعدين حرام عليك ما تقلش على بابي راجل خارق وبابي مش من كوكب آخر

انا من 21 سنة بقول بابي ومامي صعب اغيرها دلوقتي

بس انت ما تقبلش حد يشتم بابك او مامتك وانا كمان ما اقبلش

sweety Jessica · 09-02-2009, 23:57

علشان انا بخاف من ربنا

وانت نصحتني ان الصورة حرام

حغير الصورة اللي في التوقيع مع انها بتعبر عني اوي

مرسي للنصيحة

sweety Jessica · 10-02-2009, 00:10

اقتباس:

المشاركة الأصلية كتبت بواسطة الدكتور المرتحل 454

بسم الله الرحمن الرحيم
انني ارى ان يعمل مجتمعنا على انهاء كل مظاهر التسلط الابوي انما دون عقوق
فليبقى على موقفه وليبقى في محاولاته للتقرب حتى يتخلص من كل ناحية فيها اساءة لوالده وليتحين الفرص
انما لا يلومن الاب ابنه ان كان الاب هو الذ ي بدأ بالعقوق
والله عزوجل جعل لكل منا عقل فليفهم الجميع انه لكل فرد كيان يتصرف به
وخصوصا هذه العقول المتكبرة التى لا ترى البشر الا من منطق المال او التكبر
معذرة انا لا اقصد الا الانتقاد العام مع احترامي لوالدك الكريم

مرسي لردك الراقي

كلامك سليم

بابي عقلية عسكرية اتعود انو الكل يسمع كلامه بدون اي مناقشة

مرسي لاهتمامك وتفاعلك

mrARAB1 · 10-02-2009, 00:43

لو الماما ضغطت على البابا و نكدت عليه. و اخوكي لم يخلف يسمي ابنه باسم ابوه. راح تتصلح الامور. خلي اخوكي يكون صبور و يغرق برسال تلفون. شويه شويه راح يحن. ممكن ياخذ الموضوع وقت لكن راح يوصل و اذا ليك عم اكبر من ابوكي في السن. خليه يكلم ابوكي . و انا متاسف جدا جدا لو كنت جرحتك في موضوعك السابق. بس احب اكون صريح

%انسه زحلطه% · 10-02-2009, 00:48

متابعه

WITTY DODI · 10-02-2009, 02:19

هااااااى يا قمر
اولاً انا مش شايفة مشكلة انك تقولى بابى ومامى وعادى جداً انك تقوليها
واية علاقة الدين فى كدة وربنا لم يحرم ذلك او الرسول علية الصلاة والسلام
وانتى اتربيتى على كدة اظن الأخ غلطان فى انة يحرم كلمة بابى ومامى احنا مش فى دار افتاء عشان نقول حرام وحلال
ولافرق بين عربى واعجمى الا بالتقوى
المهم نجى لمشكلتك اعتقد ان مجرد ما اخوكى هيخلف ويجيب لوالدك الحفيد اكيد بتنحل المشكلة
لأن اعز الولد ولد الولد واكيد هيتمنى والدك انة يشوف حفيدة
وربنا معاكم ويجمعكم على خير ان شاءاللة

ا ب ر ا ه ي م · 10-02-2009, 06:52

الرسول صلى الله عليه وسلم كان راعي غنم

رورو *** أبو أيه · 10-02-2009, 07:43

بابى بتاعك متل مامى بتاعتى

والله يعينا على بابى ومامى هههههههههههههههههههه

عايشين بعالم تانى وناسيين رحمة ربنا بعبادة
وهذا ايضا اثر على زواجى من بنت ناس طيبين

وبالفعل اللى براس مامى نفذ ..>> عشان هيك انا قريب بجيب ضرة مش لمراتى حبيبتى لااا

لمامى عيونى ههههههههههههههههههههههههههه تطلع القديم والجديد

اااااااااة رحمتك يارب

انصح اخوكى يتزوج اربعة من نفس الناس البيئة اللى مش عاجبين باباكى

ويفرحو اكترررررررررررررررررررررر هههههههههه

واخوكى خليكى جمبة ومتهتموش كتير بكلام بابى

لانهم صعب يتغيرو على شيئ كبرو علية
غير بالاجباااااااااااااااااااار والغصب

بالتوفيق

sweety Jessica · 10-02-2009, 15:27

اقتباس:

المشاركة الأصلية كتبت بواسطة mrARAB1

لو الماما ضغطت على البابا و نكدت عليه. و اخوكي لم يخلف يسمي ابنه باسم ابوه. راح تتصلح الامور. خلي اخوكي يكون صبور و يغرق برسال تلفون. شويه شويه راح يحن. ممكن ياخذ الموضوع وقت لكن راح يوصل و اذا ليك عم اكبر من ابوكي في السن. خليه يكلم ابوكي . و انا متاسف جدا جدا لو كنت جرحتك في موضوعك السابق. بس احب اكون صريح

مرسي لردك وتفاعلك

ردك عجبني جدا

بس المشكلة انو مامي مش عاجبها الجوازة دي

وعاوزة تخلص من العروسة

لكن ححاول اقنعها تعمل كده وتضغط على بابي علشان خاطر اخويا

وكمان حكلم عمو علشان يقنع بابي

مرسي خالص خالص

وانت ما جرحتنيش ولا حاجة انا عاوزة اغير من نفسي بجد

sweety Jessica · 10-02-2009, 15:29

اقتباس:

المشاركة الأصلية كتبت بواسطة %انسه زحلطه%

متابعه

مرسي لتفاعلك ومتابعتك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لو تعرفوا حل قولوه