عالم الحياة الزوجية - منتدى

ام سدومه · 10-02-2009, 14:28

ياريت الي جربت قبل او عندها فكره بس تكون متاكده تخبرني ..
انا حامل بكيس بدون جنين حجمه تقريبا بالألترساوند سبع اسابيع وكان امس موعدي مع الطبيبه بعد ما انتهت المهله الي اعطتني علشان اسقط الكيس عن طريق الأعشاب بس ما نفع
شربت قرفه وزنجبيل وحلبه ولا فاد
والأسبوع الجاي عطتني موعد علشان ادخل المستشفى واسوي اجهاض وتنظيف
انا مرعوبه من كثر ما اسمع عن ان الأجهاض اصعب من الولاده وعن مضار التنظيف والكحت للرحم وانه ممكن يصير ثقب في الرحم
تكفون دلوني ايش الحل اول مره امر بها التجربه
الطبيبه تقول راح نعطيك حبوب ترخي الرحم وتفتحه ما راح نعطيك طلق
بس ودي اعرف هل فيه الام شديده ؟
هل فيه تخدير كامل ولا موضعي؟
كم تستغرق العمليه واقدر اطلع بنفس اليوم ؟
كم احتاج علشان يرجع الجسم لطبيعته؟

ام سدومه · 10-02-2009, 17:49

لا اله الا الله تسع دخلوا الموضوع ولا احد رد كنت متوقعه الا قي اجابه عاجله من دكاترة العياده او الأخوات

اخواتي الي ما تعرف اقلها تدعيلي ان الله يسر لي امري ويعوضني خير

ام سدومه · 10-02-2009, 20:14

ارجو من مشرفات العيادة نقل موضوعي هذا لقسم الحمل والولاده علني اجد اجابه هناك!!!!!!!!!

د.سوسنة · 10-02-2009, 23:49

لاتحافي اختي الامر بسيط جدا ليش كل هالخوف
التنظيف بالنسبة الي يكون تحت مخدر وما بتشغرين بشي وبما انك خائفة يكون الافضل تخدير عام

يعني تصحي تلاقي كل شي اانتهى
طبيعي تكون معك لالام بالبطن والطبيبةراح تعطيك مسكنات
مافي داعي للخوف طالما ان لابد من التنظيف
توكلي على الله
مافي طلق ابدا

ام سدومه · 11-02-2009, 13:18

اقتباس:

المشاركة الأصلية كتبت بواسطة د.سوسنة

لاتحافي اختي الامر بسيط جدا ليش كل هالخوف
التنظيف بالنسبة الي يكون تحت مخدر وما بتشغرين بشي وبما انك خائفة يكون الافضل تخدير عام

يعني تصحي تلاقي كل شي اانتهى
طبيعي تكون معك لالام بالبطن والطبيبةراح تعطيك مسكنات
مافي داعي للخوف طالما ان لابد من التنظيف
توكلي على الله
مافي طلق ابدا

مشكوره دكتوره سوسنه كلامك جدا يريح ويطمن

بس ودي اسمع تجارب البنات خصوصا الي صارلها نفس الحاله وهي الحمل بكيس بدون جنين

يارب تيسر امري

بْقَاٌيَاٌ҉ذِكْرَيَاٌتِ · 11-02-2009, 14:01

ياقلبي ياام سدومه الله يعوضك حبيبتي شوفي حبيبتي أنا حملت 3 مرات وكلها اجهاض وجربت عمليات التنظيف راح افيدك بإذن الله واقولك واذا حابه تسألني أنا موجوده ....

اقتباس:

انا مرعوبه من كثر ما اسمع عن ان الأجهاض اصعب من الولاده وعن مضار التنظيف والكحت للرحم وانه ممكن يصير ثقب في الرحم

مرعوووووبه من ايش ؟ الاجهاض ألالامه زي ألم الدوره بالضبط هذا اذا كان عمره صغير .وانتي عمره تقريبا شهرين يعني حجمه بحجم كف يدك راح ينزل منك بالبدايه دم ونزيف وقطع دم متجمده الي هي الكيس . وعملية التنظيف من اسمها تنظيف تنظف بقايا الحمل لكن يجهد جدار الرحم ويلزم لك راحه وتحاولي ماتحملي على طول

اقتباس:

هل فيه تخدير كامل ولا موضعي؟

لا تخدير كامل وتقدري تخرجي بنفس اليوم .. ولاكأن شئ صارلك ..

اقتباس:

كم احتاج علشان يرجع الجسم لطبيعته؟

الأفضل 5 شهور .. عشان يرتاح الرحم أكثر ..

والله يعوضني ويعوضك خير ان شاءالله

بْقَاٌيَاٌ҉ذِكْرَيَاٌتِ · 11-02-2009, 14:14

اسباب الحمل بكيس بدون جنين ..هو توقف نمو البويضة او عدم إنقسامها ويبقى الكيس فارغا بدون جنين طبعا حبيبتي الاسباب كثيره منها خلل او ضعف في الحيوانات المنويه او البويضه الملقحه او مشاكل في انقسام الكروموسونات .. او مشاكل بالهرمونات .. زي ارتفاع هرمون LH ونقص الغده الدرقيه أو نقص هرمون البروجسترون ووجود تكيس ع المبايض ...................... يعني حبيبتي لابد عندك مشكلة معينه والاسباب كثيره .. حاولي تتابعي التحاليل أول بأول وتعدلي هرمونات جسمك قبل ماتفكري بالحمل طبعا مع دكتورتك ..
وسوي اشعه سونار في الاسبوع السابع عشان تتأكدي من نبض الجنين ............ هذا الي اعرفه وحبيت افيدك فيه ..

ام سدومه · 12-02-2009, 11:52

اقتباس:

المشاركة الأصلية كتبت بواسطة نوسه13

اسباب الحمل بكيس بدون جنين ..هو توقف نمو البويضة او عدم إنقسامها ويبقى الكيس فارغا بدون جنين طبعا حبيبتي الاسباب كثيره منها خلل او ضعف في الحيوانات المنويه او البويضه الملقحه او مشاكل في انقسام الكروموسونات .. او مشاكل بالهرمونات .. زي ارتفاع هرمون LH ونقص الغده الدرقيه أو نقص هرمون البروجسترون ووجود تكيس ع المبايض ...................... يعني حبيبتي لابد عندك مشكلة معينه والاسباب كثيره .. حاولي تتابعي التحاليل أول بأول وتعدلي هرمونات جسمك قبل ماتفكري بالحمل طبعا مع دكتورتك ..
وسوي اشعه سونار في الاسبوع السابع عشان تتأكدي من نبض الجنين ............ هذا الي اعرفه وحبيت افيدك فيه ..

مادري ايش اقووووووووووووول

انا عاجزه عن شكــــــــــــــــــــــــــــــــــــــــــرك

ما قصرتي طمنتيني الحمدلله على كل شي والله يعوضني ويعوضك باطفال سليمين من كل سوء يارب

بس تحمليني باقي عندي اسئله حابه استفسر عنها

هل صار معاك نزيف قبل تروحي المستشفى انا ما نزل معاي شي ومن ثلاث اسابيع والطبيبه تقول لي لا تستني روحي نزليه؟؟؟ وهل فيه خطوره علشان طولت ما رحت نزلته؟؟

هل اعطوكي طلق صناعي علشان ينزل الحمل ؟؟؟

لانه طبيبتي تقول باعطيك حبوب ترخي الرحم !!!!! ما فهمت ايش تقصد؟؟؟وسمعت وحده تقول بعدين اعطوها طلق صناعي!!

انا كنت مركبه لولب هرموني 5 سنوات تقريبا ولما شلته ما جاتني الدوره الا مره وحملت ويمكن فعلا كان عندي لخبطه بالهرمونات وما رجعت لطبيعتها وحدث الحمل يمكن هذا هو السبب!!

على كل حال الحمدلله على كل شي

@ كوكو شانيل @ · 12-02-2009, 17:21

ماحبيت اطلع نت غير مادعي لك
الله يعوضك خير مماراح ويرزقك بالذريه الصالحه المعافاه عاجلا غير اجل

ام سدومه · 12-02-2009, 22:35

اقتباس:

المشاركة الأصلية كتبت بواسطة @ كوكو شانيل @

ماحبيت اطلع نت غير مادعي لك
الله يعوضك خير مماراح ويرزقك بالذريه الصالحه المعافاه عاجلا غير اجل

غاليتي كوكو شانيل دعواتك بالنسبه لي كالبلسم الشافي لكل ما اعاني

كلك ذووووووق الله يرزقك ويسعدك ويحقق كل امانيك يارب

بْقَاٌيَاٌ҉ذِكْرَيَاٌتِ · 13-02-2009, 16:07

الله يطمنك دوووووم يارب .. راح اقولك ع إلي مريت فيه .. عشان ترتاحي أكثر .. بس انتي ليش مكبره المووضوع وخايفه ؟؟

اقتباس:

هل صار معاك نزيف قبل تروحي المستشفى انا ما نزل معاي شي ومن ثلاث اسابيع والطبيبه تقول لي لا تستني روحي نزليه؟؟؟ وهل فيه خطوره علشان طولت ما رحت نزلته؟؟

نزل مني نقط دم خفيفه وبعدها عرفت انه حمل غير سليم بعدها بدأ النزيف معي وسويت العمليه على طوووول كذا ولا كذا صدقيني راح ينزل معك دم .. بس انتي تحركي كثير ..
وكلام دكتورتك صح لازم تستعجلي وتروحي لأن احيانا الحمل الي زي كذا ممكن يسبب لك تسمم بالدم .. فاا انتبهي حبيبتي ..

اقتباس:

هل اعطوكي طلق صناعي علشان ينزل الحمل ؟؟؟

لا مااعطوني طلق بإجهاضي الأول لأن اساسا ماراحت لهم الا وكل شئ قد نزل مني
أما بإجهاضي الثاني إيوا عطوني طلق صناعي لأن الحمل كان كبير

أما حبوب الارتخاء مااعندي اي خلفيه عنها
وزي ماقلت لك لازم الهرمونات تتعدل قبل الحمـــل عشان تضمني سلامته بإذن الله .
والله يوفقك ان شاءالله ويعوضك خير ويعوضني معك .. ويحفظلك أطفالك ..

***حرم الظابط*** · 13-02-2009, 18:01

لا تستعجلي
لازم تتاكدي ان كيس فاضي
انا قالت لي ان كيس ومافيه نبض وانتظرت فتره لان الجنين مايبان الا بعد 9 اسابيع ولاتنسين ان السونار يكبر اسبوع او اسبوعين بالكثير
وعلى حسب الدكتوره اذا كانت شاطره بشغلها او لا
نصيحه اصبري كم اسبوع
ولو كان مثل ما قالت ما راح يضرك الكيس لاتصدقين اللي يقول يسبب تسمم
وماتشوفين شر

ام سدومه · 13-02-2009, 19:52

تسلمين نوسه 13

زي ما توقعت انه صار اول نزيف يعني رحتي والرحم مفتوح وسوتلك تنظيف

الله يعوض علينا

من امس بدا ينزل معايا دم قليل اول كان بني بعدين احس بدا يميل للون الأحمر بس مره قليل

انشاء الله ينزل الباقي وارتاح

لا تستغربين من خوفي انا جربت الطلق الصناعي مرتين ودايم ولاداتي اطول بالطلق يمكن يوم كامل علشان اولد واااالآم الله بها عليم

الحمدلله على كل شي

اللهم ارزقني واختي نوسه13 ذرية صالحه واعظم لنا اجرا على صبرنا ياكريم

ام سدومه · 13-02-2009, 19:57

اقتباس:

المشاركة الأصلية كتبت بواسطة ***حرم الظابط***

لا تستعجلي
لازم تتاكدي ان كيس فاضي
انا قالت لي ان كيس ومافيه نبض وانتظرت فتره لان الجنين مايبان الا بعد 9 اسابيع ولاتنسين ان السونار يكبر اسبوع او اسبوعين بالكثير
وعلى حسب الدكتوره اذا كانت شاطره بشغلها او لا
نصيحه اصبري كم اسبوع
ولو كان مثل ما قالت ما راح يضرك الكيس لاتصدقين اللي يقول يسبب تسمم
وماتشوفين شر

تسلمين حبيبتي حرم الضابط

بس انا رحت اكثر من طبيبه واكثر من مستشفى وكلهم اكدولي انه كيس
وسويت سونار وتحليل الدم الرقمي وهذا اكيد ما فيه مجال للشك

بعدين انا من حملت كنت حاسه الحمل غير طبيعي

ومع كذا الحين اشعر ان اعراض الحمل تلاشت

الحمدلله على كل شي

بدوي ستايل · 14-02-2009, 17:44

الله يكون
بعونك
يا ام سدونه

والله يقويك عزيزتي

وانششالله تجيبي 20 ولد يا رب
مع حبي ووودي هههههههههههههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

ساعدوني..اجهاض الكيس المنسي