عالم الحياة الزوجية - منتدى

كنارية صغيرة · 11-02-2009, 01:47

بسم الله الرحمن الرحيم ..
اول شي اني كتبت ل كم موضوع عن اخوي ومشكلته مع خطيبته ..
الحين بقولكم اشياء صارت .. وابي منكم تردون علي لو انتوا مكانه شنو تسوون .....
اولا :خطيبته دائما ساكتة ما تتكلم معاه .. ما تتكلم الا اذا احد ساله واحيانا حتى الجواب ما تجاوب تكتفي بابتسامة .... واذا اتصلت فيه تتصل وتسكت ما تتكلم .. اتكلمي يا بنت الناس انتي الي متصلة امري قولي شي .. ما في ساكتة (( ما في شي .. ما ادري ..اي)) هاي كلماتها وهذا اذا اتصلت فيه بعد .. لانها قليلة الاتصال وحتى لما يكون معاها ما تساله شخبارك شمسوي ..ومن هالكلام...(( مع العلم ان صارلهم اكثر من شهرين من ملكتهم ...وهو من النوع الاجتماعي الي يحب احد يسولف وياه ياخذ ويعطي معاه))

ثانيا : من اول اسبوع خطوبة تلفونها يرن ويرن وهي ما ترد او تقطعه .. ولما اخذ منها التلفون تسحبه من ايده.. وتقول له مالك شغل بتلفوني.. وبالاخير تقبل ان تفتح تلفونها ليه .. ويشوف مسج من رقم غريب من خارج البلاد يقول لها يا قلانة .. باسمها قعدي على المسنجر...وتقول انه سعودي من سنة يتصل فيها بس اهي ما ترد وانها غيرت ايميلها ...

ثالثا: تطرش له مسج وتقول له انها تبيغي تروح لشيخ يعرف حق الجن ...
سالها ليش .. ما ترد بالغصب تطلع الكلمة يبغي لها ايام ... قامم يسالها اسئلة وكانت اجوبتها انها تشوف خيال عاى شكل رجال وان هاي ال ي تشوفه تقعد وياه وتسولف وياه عادي .. وما تخاف منه وانه يحبها .. وفوق هذا انه ....(((( على كلامها هي انه يعاشرها ))) وانه مههددنها انه اذا راح عنها يعمي عيونها وانه راح يخلي اخوي يندم يوم الي اخذها ....(( وهي على فكرة دايما تقعد فوق السطح بالليل بروحها .. حتى لما اهله دروا ابوها يقول اشوف سجادة الصلاة فوق .. كانت تصلي فوق السطح ... والي خلى اخي يقولنا لنا انها مو طبيعية انها كانت تمسك ايده بقوة وترجف وتطالع بنظرات حتى اهو يخاف من نظراتها ... يقول انا الي ما اخاف من شي والله اخاف منها ..

رابعا:طرشت له مسج ثاني وقالت له ليش هذا الرجال يتصل على تلفونها .. كانت كاتبه له انها من فترة ستة شهور كانت سوبر في ثلاث شاتات ومشرفة في اححد المنتديات وان مرة احد العظوات طلبت منها انها تساعدها عندها مشكلة اني ايميلها سارقينه وففيه صورها وان يهددها يا تعطيه فلوس او ينشر الصور فخطيبة اخوي قالت لها اعطيه فلوس احسن ..ز فقامت تدور لها احد يعطيها فلوس فما حصلنت الا صاحب المنتدى الي هي فيه يعطيهم بس بشرط ان تعطيه رقم تلفونه عشان يسوي لها رنة وهي تدز لها الرنة عشان يتاكد ان هي نفسها قبل لا يطرش لها الفلوس على حساب البنك ... وانه بعدين ظل يتصل وهي ما ترد عليه او ترد وتخليه يتكلم بروحه ...((((( تبون رايي اني ما صدقت هالي السلفة بالمرة ))) مع العلم انها اول مرة قالت سعودي ومن سنة وثاني مرة قالت قطري ومن ستة شهور...

خامسا:: ودوها حق الشيخ وكانت هي واعدتنه انها تقول له شي بعد ما يخلصون من الشيخ بعد كم يوم اتصل فيها وقال لها انش وعدتيني انش تقولين لي شي .. قالت مو الحين اصر عليها الا تقولينه الحين وافقت انها تقول بسبعدين سكتت قولي يا فلانة تسكت وتسكت دقيقة دقيقتين عشر ربع ساة سكوت .. وما تكلمت .. وترد تتصل مرة ثانية ونفس الحركة ما تكلمت لم عصب عليها وقال لها بس بندي التلفون تعبت ما ابغي اعرف ولا ابغي اسمع صوتش ....

سادسا : اهو كان قايل لها ان احنا ما نصلح لبعضوا يبغي ينفصل ... اول شي قالت له انت ودني للشيخ بعدين اني بقول لبيتنا انا اني ما ابغاك ... ولما ودها وخلص وبعد اسبوعين تقريبا .. قالها كلمي بيتكم قالت ما بقول ليهم قال لها اذا انتين ما كلمتينهم انا بقول قالت ليه لا تقول .ز لان ما تبغي يعرفون ليش ما يبغيها ..قال بكلم شيخ قالت لا قال لها انتي وش تبغين قالت خلنا جذي عصب عليها وقال لها انتين قاعدة تلعبين علي يعني .. وسكر التلفون

تعبتكم وياي معليش ... سامحوني بس كتبت لكم السالفة بالتفصي عشان تفهمون عليي
المهم اهو الحين مو عارفي ويش يسوي ,, اهو يبغي ينفصل لكن شلون يخبر بيتهم اول لان اهلهاما يدرون بشي.... وثانيا هم ناس طيببين ويحبون اخوي .وهو من جذي يستحي يواجههم ويقول لهم ... وامي ما تقدر تقول لهم لان من اهلها ... قولو لي ويش يسوي...

مسامحة تعبتكم ... وبقولكم شي ترى والله كل حرف كتبته ماجذبت فيه والله شاهد عليي))

أنا&هو · 11-02-2009, 02:07

كناريه يا الطيبه مصدقينك واكيد ما كتبتي المشكله الا انها صدقيه ومافيه مبرر انك تكذبين هذا شي
الشي الثاني البنت اللي خاطبها خوك غريب طبعها جدا جدا جدا وبصراحه احس سلوكها غير سوي
شوري عليك ان اخوك يروح لأهل البنت ويقول لهم انا ما اقدر اكمل حياتي مع بنتكم >> ولا يعلمهم بالسالفه لان اهلها مثل ماتقولين ناس طيبين (( ويحذر البنت من حركاتها أو يعلم واحد متفهم من اهلها اختها او امها او اخوها ولايكبر الموضوع )) يقولهم انا كرهتها ويقول يمكن عين صابتني انا وياها ويطلقها وهو مو مغصوب عليها نهائيا

يعني لا يعيش مع وحده فيها مثل صفات هالبنت شيخ وجن ورنات وسجاده وسطوح ومدري ايش

امرها غرررررررررريب هالبنت والله يشفيها ويعوضهم اثنينتهم كل خير

الله يستر على بنات المسلمين ^_^

دمتي بخيررررررررررررررررررررررر

мόόη Ļίģħт · 11-02-2009, 02:14

هـ الامور مافيها حياء

اذا ماله رغبه فيها وماراح يصبر عليها .. لايماطل

يكلم امه .. وامه تكلم اهله .. خصوصا بسالفه الشيخ والجن!

والله يعوض كل واحد بأحسن من الثاني

عسوله2 · 11-02-2009, 05:07

والله انا مو فاهمه مدري كيف اخوك صابر عليها لحد الحين مع انو مكتشف فيها اشياء غرييييبه

الله يشفيها امين بس نصيحتي خلي اخوك ينفصل عنها نهائيا وبسرعه الله يستر لا يصير له شي من هالسوالف
والله يعوضه بأفضل منها

وذا على سالفة انه مايقدر يواجهم والله من رأيي انه يواجهم ويقولهم ما أقدر استمر ماكتبه الله وهم مستحييييل بيجبرونه او يزعجونه باللأسئله وانتي اخته انصحيه انه ياخذ قرار في الوقت القريب من مصلحته والله يكون بعونه

كنارية صغيرة · 13-02-2009, 14:22

اولا مسامحة ما قدرت ارد عليكم ..
لان الكمبيوتر ((مريض))
اولا اهو قال الى اهلها عن سالفة الشيخ والجن يقول انا ما اقدر اوديها بدون ما يدرون اهلها ... لو صار فيها شي بقولون انتون اخذتون بتنا وجننتونها .....اهو صابر الى الحين لان يبي يعالجها عند شيخ بعدين يتركها لان هي قالت له انت ودني حق الشيخ بعدين اني بقول الى اهلي انا اني ما ابغيك .....

تشكرات يادنيا · 13-02-2009, 15:22

[SIZE="5"]أنا برايي يتركها من الحين لان الله العالم البنت وش ناويه عليه فالافضل انه يتركها من الحين
حالتها بصراحه غريبه جدااااااا جداااااااا جداااااااااا جدااااااااااا والافضل يشيل الحرج لان مااحد راح ينفعه لما يتنكد ويعيش بقلق والله يوفقه ويرزقه كل خير وخليه يقول هالدعاء دايم((اللهم اني استودعتك نفسي انك لاتضيع ودائعك))علشان ربي يحميه من هاجنون وهالبلاوي ور كل من فيه شر موووووووووووووووووفقين حبيبتي[/SIZE]

هوى الروح · 13-02-2009, 16:01

دام اخوكي متررد ...ومو مرتاح

احسن له ...يقول الى اهلها ..ان هي وهو ..ماتفقوا بالافكار...والاسلوب ...
وانه مو مرتاح ....

لانه اللي بداية شرط نهاية نور .....وهذا من حقه انه يرفض او يستمر ....

وكويس انه ماتزوج ....هذا ربي يحبه ...

وربي يوفق الجميع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

لو مكانه .. شنو تسوي