عالم الحياة الزوجية - منتدى

ابونواف · 11-02-2009, 11:43

السلام عليكم

( اتمنى من الاخوان والاخوات المشرفيين والمراقبين بعدم نقل الموضوع )

( وفضلا وليس امرا )

اسمعو هالقصه هالمعاناة

ياعـــــالم قسم بالله راحت حياتي أوراق صغيرة ..

جيوبي مليانة .. كل ظهرية و بعد صلاة العشاء

طيب يا زوجتي العزيزة
فيه شيء اسمه دمج .. رئاسة تعليم البنات بكبرها دمجوها .. ما تدمجين أنتِ ورقة مقاضي الظهر مع ورقة مقاضي الليل و نفتك من هالقلق اليومي .. المشكلة وشي ؟ المشكلة إني أقرأ طلبات ما لها داع بس مجبور أجيبها :دراق / طماط/بقسماط/ برغل / و آخرتها ما نلقى على السفرة إلا كبسة و إن سوينا نفوسنا كنديين حطينا فجل !هههههههههههههه طيب هالبقسماط و الصولجان و بقية الأسامي الصعبة لمن؟

طبعاً لأخواتك إذا جاؤوا يوم الإربعاء و أنا ياغافل لك الله !
طقني الجوع مع أبو شايع و أبوعبدالله و إن سوينا فيها فجور و كـــاش أرسلنا حنيف يجيب بروستد و تهاوشنا على الثوم ههههههههه

......
و المدام مع أخواتها يتنعمون من خيري و من تعبي و مطامري في البقالة مع ورقة المقاضي !
مرة سويت فيها ذكي ، و بعد ما قضيت لزوجتي يوم الربوع قلت بروح للشباب .. و أطب على المدام بدري و أحصل أخواتها عندها و توهم حاطين العشاء ... و تصير الكـــارثة .

!
أخيرا شفت ورقة المقاضي صدق .. لقيتهم حاطين سفرة بدايتها في المقلط و نهايتها عند ساكو اللي وراء حلبان

إلى درجة أنهن حاطين سيكل جنب السفرة علشان إذا واحدة بغت صحن من طرف السفرة يمديها تجيبه

..
و ألقى لوحة مكتوب عليها ( السلطة 60 كلم ) ههههههههه

المشكله إن زوجتي تعاملني على أني ابلة تدبير ، و عندي خبرة ، و أنا و الله ما أفرق بين الملوخية و الكزبرة

تقوم تكتب لي مرة في الورقة كيلو كنافة كذابة هههههههههههه ( قسم تروعت وش ذا الكنافة الكذابه ؟ )
أنا أعرف الصادقة يوم أعرف الكذابة ؟ ولا زنود الست بعدين اقولكم سالفتها يومني اقولها واتلفت ..... المهم
وأروح البقالة ما لقيتها

اتصلت بصديق قال : رح لمحل حلويات .. و أروح وأنسى اسمها واقول لراعي المحل : عطني كنافة نصابة
هههههههههههه ناظرني باحتقار و أعطاني أشكل بدل ما يعطيني كنافة .

..
في الأخير رحت عنده و قلت يا أخي معليش أنا نسيت اسمها بس إنها كنافة ما هيب مضبوطة يعني كنافة كافرة و بتروح النار.

ضحك قال : قصدك كنافة كذابة ؟ قلت : إيـــــــه هي أبي منها كيلو .. زحمة و كنافة كذابة و آخرتها قطعة خبز لاعبين علينا و حاطين عليها شيرة هههههههههه .

..

و كله كوم و يوم أخذت أختي في المدرسة طريقة عمل المكرونة بالبشاميل ، سرى يومنا ما غير نأكلها إلى درجة

أن أبوي أضافها في دفتر العائلة لأنها صارت جزء من العائلة و واحدة منا .

الله يحفظ الوالدة .. ورقة المقاضي حقتها ما تتغير علشان كذا ما نرميها أنا حاطها في المفضلة لأنها هي نفس الطلبات
كل يوم بصل/ طماط/ رز/دجاج/خبز/

و إذا بغت تسوي نفسها كيوت استبدلت البصل بثوم و إذا ملينا و بغت تجدد فيها حطت الرز قبل البصل و الخبز قبل الطماط

و الله إني عشت عمري كله و أنا نفسي آكل شيء جديد و خاصةً ذا اللي يقولون عنه أومليت إلى درجة إني سكنت في فندق مرة علشان لقيت في القائمة أومليت ما دريت إنه بيض ..
المشكلة ما عندهم رحمة .. درجة الحرارة في عز الصيف ألف و أنت تطامر من محل إلى محل ، و بمعية سموك ورقة المقاضي لو تجيب العثيم كله و تنسى شيء بسيط قامت القيامة ، و لازم ترجع و أنت أصلاً شرير و لا عمرنا شفنا منك شيء يا بخيــــــــل ..

و يا عيني على استخدام التقنية ..
ورقة المقاضي صارت من العصر الحجري الحين تجيك المقاضي مسج على الجوال و الله إني أبغى أصيح إذا قريت رسايل جوالي و رسايل جوال أخوياي العزوبية ..

كل رسايلهم ( عندما تشرق شمس يوم جديد أذكرك .. ) ( كفاني أن جنح الليل يغشاني و يغشاك .. )
( الله على الجمس لولا وراد الستين ) <<خويته ابوها عسكري ههههههههههههه
و أ نا تعال شف رسايلي ( حليب سريلاك .. ) ( ارجع بدري نبي موية ) ( و أنت جاي جب أعواد اسنا ن ) أعواد أسنان في نص الليل الله من الأعذار بس .

و ما قطع قلبي و نكد علي حياتي إلا إذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل و الليمون ..

تجيب رقاق الوردة قالوا نبي رقاق غوار .. تجيب صلصة قالوا نبي ماجي .. بس خل عنك و الله صار عندي خبرة و لا خبرة رابحة

وأنا و الله من أول كنت أحسب البندورة هي البطاطس ههههههههه

مناسبة هالموضوع إني رحت اليوم بعد صلاة الجمعة و معي كالعاده رفيقة دربي ورقة المقاضي طولها حوالي 7.12 متر و يوم دخلت العثيم و ألقى زحمة و أنا اللي تصعب علي نفسي و أتمرد و أشق ورقة المقاضي و أرسل للمدام رسالة أقول لها إني تمردت و قطعت الورقة

وسلامتكم

اتمنى باني نقلت القصه بالشكل المناسب وتوسعت صدروكم

بطه سوداء · 11-02-2009, 11:58

دقه وصلت المعلومه
بس حلو الكنافه الكافر ههههه

Eagle Man · 11-02-2009, 11:58

سانتالوشيانو · 11-02-2009, 12:04

جعلتني أشعر أنك مشرد بين دروب السوبر ماركت
وطرق المحلات
وسبل العطارين
وكباري الحلوانيه
وصحراء الجزارين

جعلتني أشعر أنك عبد أسود في عصور الإستبداد الإنجليزي في جنوب أفريقيا قبل ظهور نلسون مانديلا
من الواضح أنك كريم
فكن كريما حتى نهاية المشوار

وسنرتضي دعوتك الكريمة لتناول الكبسة بمنزلكم العامر
ولن نقبل البروست والدجاج ومفرداته

ولك كل التقدير والود

ابونواف · 11-02-2009, 12:23

اقتباس:

المشاركة الأصلية كتبت بواسطة بطه سوداء

دقه وصلت المعلومه
بس حلو الكنافه الكافر ههههه

حياك الله اختي بطه وانا مدري ليه يسمونها كنافة كافر !!!!!

ابونواف · 11-02-2009, 12:24

اقتباس:

المشاركة الأصلية كتبت بواسطة Yasser Al-Saleh

ياسر لا هنت دموعك متلت بالنت اصبر اجيب طشت لدموعك

ابونواف · 11-02-2009, 12:25

اقتباس:

المشاركة الأصلية كتبت بواسطة سانتالوشيانو

جعلتني أشعر أنك مشرد بين دروب السوبر ماركت
وطرق المحلات
وسبل العطارين
وكباري الحلوانيه
وصحراء الجزارين
جعلتني أشعر أنك عبد أسود في عصور الإستبداد الإنجليزي في جنوب أفريقيا قبل ظهور نلسون مانديلا
من الواضح أنك كريم
فكن كريما حتى نهاية المشوار
وسنرتضي دعوتك الكريمة لتناول الكبسة بمنزلكم العامر
ولن نقبل البروست والدجاج ومفرداته
ولك كل التقدير والود

حياك الله اخوي

мόόη Ļίģħт · 11-02-2009, 12:34

ههههه حلوه القصه

1000 شكر بو نواف

ابونواف · 11-02-2009, 12:48

اقتباس:

المشاركة الأصلية كتبت بواسطة عروس جديــ ـ ــدة

ههههه حلوه القصه

1000 شكر بو نواف

حلوة دنياك اختي عروس

اموله 2009 · 11-02-2009, 13:36

هههههههههههههههههههههههههههههههههههههههه

الله يوسع صدرك يابو نواف....والله منم جد ضحكت من قلب

الله يعين هالنوعيات من الرجال على حريمهم

بس الفجل والبروستد والكنافه عجيبببببببببببة

يعطيك العافية

ابو عبدالله 2009 · 11-02-2009, 13:48

شكرا ابو نواق موضوع جميل <<< وين جميل والله ضيق الخلق هههههههههههههه

والله يابو نواف الحال من بعضو

وياسبحان الله ماتجيك هالورقه اللي فيها طلبات الا بوقت خروجك لاصحابك في الديوانيه

واذا انت فاضي بالبيت وماعندك شغل ماتجي الطلبات

وبعد يقولون ليش السمنه منتشره بين حريم الخليج والله من كثر البلع ههههههههه

ابونواف · 11-02-2009, 13:52

اقتباس:

المشاركة الأصلية كتبت بواسطة اموله 2009

هههههههههههههههههههههههههههههههههههههههه
الله يوسع صدرك يابو نواف....والله منم جد ضحكت من قلب
الله يعين هالنوعيات من الرجال على حريمهم
بس الفجل والبروستد والكنافه عجيبببببببببببة
يعطيك العافية

حياك الله اختي اموله شاكر مرورك

ابونواف · 11-02-2009, 13:53

اقتباس:

المشاركة الأصلية كتبت بواسطة ابو عبدالله 2009

شكرا ابو نواق موضوع جميل <<< وين جميل والله ضيق الخلق هههههههههههههه
والله يابو نواف الحال من بعضو
وياسبحان الله ماتجيك هالورقه اللي فيها طلبات الا بوقت خروجك لاصحابك في الديوانيه
واذا انت فاضي بالبيت وماعندك شغل ماتجي الطلبات
وبعد يقولون ليش السمنه منتشره بين حريم الخليج والله من كثر البلع ههههههههه

واذا قلتلها وشو ذا الحلا قالت لا هذا لايت ههههههههههههههههههههههههه

شاكر مرورك ابوعبدالله يا بعدي والله

شادن مون · 11-02-2009, 13:58

يالله يا اخووووووي ابو نواف هذا ظلم واستبداد هو الحبيب دايم كذا امشي فديتك .... يا حليلة والله
بس اقولك على شيء داخله علشان ارد على موضوعك ولو انه !!!!!!!!!!!!! ولا اقول اخليها لك سربرايز

ابو عبدالله 2009 · 11-02-2009, 14:10

اقتباس:

المشاركة الأصلية كتبت بواسطة شدين مون

يالله يا اخووووووي ابو نواف هذا ظلم واستبداد هو الحبيب دايم كذا امشي فديتك .... يا حليلة والله
بس اقولك على شيء داخله علشان ارد على موضوعك ولو انه !!!!!!!!!!!!! ولا اقول اخليها لك سربرايز

ابو نواااااااااف هذه تتكلم عربي ولا شنوووو

فهمت شي انت ههههههههههههههه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

معاناااااااااااة زوج !!!!!!!!