عالم الحياة الزوجية - منتدى

You my love · 11-02-2009, 12:58

بسم الله الرحمن الرحيم
أنــا جيت لكم طالبه منكم ردة فعلكم للموقف اللي بقولــهـ .
لأنو هذا الموقف صدر مني وكان ردة فعل خطيبي مررره قويــهـ . ومتأثــر حيل .
وانا أقول له مايستحمل الموضوع .
المهم .
كان بداية الموضوع جدا تافهـ ومايحتاج أي نقاش , لاكن الشراره تولد النار .
صار بيننا جدال قوي مانتهى من بداية اليوم الى نهايتهـ , وكل موضوع يجر موضوع مضا وانتهى
وكان من خلال الكلام اللي نقوله هو يقول لي انا ماحب الزوجه اللي تعاند واللي ترادد واللي تصارخ , رديت
عليه , انا انسانه وانت انسان , انت تحتاج انك تنفعل وانا بعد احتاج اني انفعل , بعد الجدال هذا كله , قلت
له بقول لك شي , انت اناني , اغلب كلامك كله فيه انا وانا انا احب وانا اكره انا ابيك تكونين وانا وانا .
ماعمرك قلت انتي او انو نا بسوي هذا الشي عشان يريحك , ماقول لكم بالعكس هو يحبني وانا احبه بس
مشكلته يحب انو يمشي كلمته حتا لو كانت مو داخله مزاجي وابسرعه يتنرفز ويعصب ,
انا بعد هذا كلهـ تحطمت عاطفيا , قلت له صراحه انا محتاره ,
قال لي وش محتاره منه , انا هنا سكت مابغيت اقول لانو اعرف انو ردة فعله بيعصب واقل شي بيسكر
بوجهي , هو اصر قولي وش محتاره فيه , كرر علي وانا اقول خلاص ماله داعي اقول بس هو اصر قلت له
( محتاره اذا انت تحبني والا لا )
هنا سكت وانا سكت , اشوي سكر ورجعت اتصلت واعطاني مشغول , وكتبت له رساله قلت له انو انت اصريت وانا قلت لك ... ومن هالكلام .
بعد ماكلمته صار اللي ماراح اقول لكم وش صار , لان بالاول ابي اعرف انتو وش راح تطون ردة فعلكم ,
بس انا ابي ردة فعلكم هل بتكون قويهت مره أو بتكون كيف , لانو انا قلت له انو ردة فعلك ماتستاهل كل
هذا .

zema8 · 11-02-2009, 13:15

هذا هو الدلال الزوجي

تدللي وتمتعي واظهري مخالبك بين الحين والاخر

واستمتعي بحياتك جعلها الله حياة كلها سعادة

ولا تنسي الرجال قومون على النساء

تقبلي مروري

قريب وبعيد · 11-02-2009, 13:20

بقوه ردة فعله ماتستاهل وبعدين سؤالك قمة الدلع واي بنت عادي تساله

المفروض قال ايه احبك واموت فيك ومايحتاج تسألين عن مدى حبي لك

وماينفعل هالانفعال ويسكر ويعطيك مشغول وكل هالافلام اللي صارت

الله يصبرنا ويصبرك

بس اتوقع هو يحبك بس طبعه كذا ويحب يسوي نفسه شخصيته قوية

بالتوفيق

مانو · 11-02-2009, 14:18

قلت وقال لي
وقال لي وقلت له
وقلت له وما قال لي
ليه قال وانا ما قلت
بعد الزواج كيف ح يصير النقاش؟

You my love · 11-02-2009, 14:40

مشكورين حيل عالمرور .. بس انا ابي ردة فعلكم ..

انا فترة خطوبتي كانت 6 شهور , وهو عصب لانو وانا اقولها له كأني مستنكره انو يحبني هو فهمها كذا

بس انا ماقصد هالشي ابداً .

عيون ملائكية · 11-02-2009, 14:51

بصراحه حبيبتي انا اشوف ان كلامك مافيه شي .. انا فكرت بتقولين محتاره اني اكمل معك ولا لا ..
يعني هو المفروض يجاوب يقول اكيد احبك .. مو يقفل بوجهك والله هالحركه مافيها ذره احترام لزوجته ..

الله يعينك ..

small angel · 11-02-2009, 15:24

انا اتوقع ردة فعله لانه متنرفز وسكر
بس حبيبتي نصيحة لوجه الله اي شي يقوله زوجك لا تزعلين قوليله حاظر على عيني
بعدين هو لما يقول ابيك كذا وانا احب تكوني كذا وانا ما احب الزوجة اللي تعاند وتناقش
هذا من حقة
اذا تبين سعادتك لازم تتنازلين شوي
مو كل ماقال شي قمتي عطيتيه كلمة
الرجال يحب يكون قائد .... طيب ليش تمنعينه
هو يوضحلك الأمور اللي يحبها وما يحبها تقبليها بسعة صدر
عشان حياتك المستقبلية ... واذا في نقطة ماعجبتك لا تناقشينها بوفت ماهو يتكلم
لازم تشوفين الوقت المناسب وقت مايكون رايق دلعيه وقوليله حبيبي انا بقولك وجهة نظري بشي وقتها هو بيسمعك
ياحبيبتي الرجال بسيط انك تملكينه وتخلينه خاتم بصبعك
نفذي اللي يطلبه مع الوقت هو بيستحي انه دايم يتأمر وقتها اذا طلي منك شي هو عارف انك مابترفضين راح يقولك اذا ماعليك كلافة

اتوقع هو سكر لانه كان كاظم غيضة ولما سمعتيه هالكلمة شب نار وبدل مايناقش ويتجادل سكر
استسمحي منه وأتأسفي اخرتها انتي الكسبانه راح تكسبين رضاه
وش نبي بالدنيا غير رضى الزوج
وتذكر كلام الرسول عن الأزواج
حبيبتي نصيحة اقولها لك عن تجربة
التفاهم هو اللي يمشيلك حياتك وتذكري اي شي يقوله قولي طيب حاظر
والله لو تقولين طيب ماراح يكثر طلبات وبكذا تبردين على قلبه

الله يسعدك ياقلبي وحاولي تخفين على زوجك ترى الرجال يدورون على الأمان ومن يسمعهم

حبيبتي قبل ماتسألينا وش ردة فعلنا لو كنا مكانه
انا حطيت نفسي بمكانه وزعلت
حطي نفسك بمكانه واتخيلي هو يقولك انا محتار اذا انتي تحبيني والا لأ

بالتوفيق حبيبتي والله يسهل عليك حياتك

خيركم لأهله · 11-02-2009, 15:54

الخطأ عليه 100%

الله يعينك اخت ..

اثقلي ولا تعتذرين المفروض هو يعتذر ... لا تبدأين حياتك على تنازلات !!

بالتوفيق

كل الغنج · 11-02-2009, 16:04

بصراحه احسك مرررررررررره مندفعه جدا له .........يعني المرووض يكون به شووي ثقل......مسكيييينه البنت بفتره الخطوبه

عواطفها مررررررره جياااشه وتتوقع راح تستمر الحياه كلها حب ودلع ومكالمات وهدايا ....وتحس انه المعشووقه الوحيده بها الحياه .........شووي شووي يابنات لاتنصدمون

فرفوووشه · 11-02-2009, 16:13

متاااااابعه

الزوج المميز · 11-02-2009, 16:17

أتمنى ما يكون تحليلي للموضوع خطأ..أنا اعتقد :
أعتقد انه مو قصده بكلامه (انا احب كذا وابغاك تكونين كذا) انه يكون اناني ..بس يمكن قال لك الاشياء اللي يحب انك تسوينها وتكونين عليها..ويمكن تفكيره ما اسعفه انه ينتبه لهالنقطة هذه.

واعتقد ان كلامك زعله كثير يوم تقولين له انك محتاره ان كان يحبك او لا
أشور عليك انك ترسلين له رسالة اعتذار عالجوال وبعدها بفترة تتصلين عليه وتفهمينه باسلوب رقيق وطيب انك ما قصدتي تزعلينه.

(اعتقد ان زوجك عصبي)

نصيحة لك اختي : اذا حبيتي تناقشينه في اي شي تعالي له باسلوب رقيق وطيب...والتجربة خير برهان

طمنينا وش يصير معك من تطورات
تمنياتنا لك بالتوفيق

small angel · 11-02-2009, 16:48

اقتباس:

المشاركة الأصلية كتبت بواسطة الزوج المميز

أتمنى ما يكون تحليلي للموضوع خطأ..أنا اعتقد :
أعتقد انه مو قصده بكلامه (انا احب كذا وابغاك تكونين كذا) انه يكون اناني ..بس يمكن قال لك الاشياء اللي يحب انك تسوينها وتكونين عليها..ويمكن تفكيره ما اسعفه انه ينتبه لهالنقطة هذه.
واعتقد ان كلامك زعله كثير يوم تقولين له انك محتاره ان كان يحبك او لا
أشور عليك انك ترسلين له رسالة اعتذار عالجوال وبعدها بفترة تتصلين عليه وتفهمينه باسلوب رقيق وطيب انك ما قصدتي تزعلينه.
(اعتقد ان زوجك عصبي)
نصيحة لك اختي : اذا حبيتي تناقشينه في اي شي تعالي له باسلوب رقيق وطيب...والتجربة خير برهان
طمنينا وش يصير معك من تطورات
تمنياتنا لك بالتوفيق

انا معك بكل اللي تقوله

وخيركم لاهله ::: مو عيب ولا حرام ولا انتقاص من كرامتها لما تبدى حياتها بتنازلات
هي الكسبانه
وانا اقولها عن تجربة لاني كنت من الزوجات العنيدات و ماترضى ان احد يتأمر عليها بس ماكسبت شي
الا عشت بجحيم
وبصراحة انا تنازلت كثير والحين أطلب اللي ابي مايردني
فكري وش اللي يناسبك وسويه
انتي بين رأيين
اللي يقولك اعتذري
واللي يقولك اثقلي
وانا اقول اسألي قلبك وش الحل المناسب لسعادتك

وبشريييييييييينا
ننتظرك

غلاااوي · 11-02-2009, 18:59

حبيبتي الله يحفظ لك زوجك لكن حتى أنت بيني حبك ودلالك بتقولين أنا أسوي كذا ما عليه دلليه أكثر وأكثر ولا تقصرين بشي علي وإذا شفتيه عصب لا تعاندينه وتعلين صوتك بالعكس خليك هادئة وقولي له بين فترة وأخرى أني أحبك وأحب أشوف الحب بعيونك شوفيه والله بيخق معك يارب تدوم السعادة عليكم

ولـــه · 11-02-2009, 20:34

حبيبتي الرجال يحب الزوجة القوية بس مو اللي تتقوى عليه انتي بالطيب لو هو يحبك راح تاخذين اللي تبيه بس لا تخليه يحس انك تجاكرينه او تعانديه حتى مايستعرض عضلاته ومهما كان هو الاقوى
وبعدين اذا في شي ماتبيه قوليله وادلعي عليه بيوافقلك ع طول اكيد الرجال يبي اللي يحس معها برجولته وقوته ويحس بدلعها وضعفها معاه
بالتوفيق حبيبتي

بنت أبوي والفخر لي · 12-02-2009, 09:48

الحين اللهم لاتبلاانا هذا كله صار في الخطوووبه

واصلاااا انا دايما مايجي ورى الملكات الا المشاكل

وبعدين ابسألك كم لكم من ملكتوا !!!؟؟؟

شوووفي مادام سكر الر جال احسه يهرب في الاوقات لما يكون السؤال محير ولا ماعنده اجاه لهذا السؤال !!

وانا ماأقووول انوا مايحبك لاتفهمي غلط

شوووفي الحب مايجي في شهر شهرين ولا سنه

الحب يبغاله وقت هذا الحب الحقيقي يالغلاااا

الحين حطي في بالك شئ واحد في الخطوبه وبس نصيحه لاتفكرين في الرومانسيه والحب هو يعطيك كلااام رومنسي طيب اعطيه بالنسبه قليله جدا

وإذا قلك انتي ليه مو رومنسيه ليه وليه قولي له الصراحه ابغى افهمك عشان احبك وبس

خلي عقلك يفوق قلبك في هذي الفتره

فكري كيف تفهمينه!! وش تفكيره ؟؟؟

وش الحياه ال هو يبغى يعيش فيها

خلي عواطفك في جهه وقلبك في جهه

والحين يالغلاااا

ارسلي له رساله أنا أسفه اذا عصبت عليك ولا صرخت فيك وبس

وبالتوفيق يااارب يالغلاااا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

وش ردة فعلكـــم ( بليز قولو ) ؟؟؟