عالم الحياة الزوجية - منتدى

الدلال كله لي · 12-02-2009, 23:36

السلام عليكم

بدخل ع الطول بسالفتي

طبعا انا زوجه وعندي اطفال وعندي طفله عليل منومه بالمستشفى من خمس اشهر

ونفسيتي زفت وحياتي مالها طعم لان حبيبتي مالها علاج ابدا

والله ومن غير مااطولها عليكم حياتي تقتصر على المستشفى تفكيري كله بالاطفال الي بالعنايه المركزه

وعلى بنتي الي بتروح مني بأي لحظه وانتوا اخبر ماكو اعز من الطفل

ولكن شلون تتوقعون حياتي في البيت مع الانسان الي من المفروض يكون لي السند بأزمتي ويشدني بضعفي

طبعا زوجي والله الحمد شخص متجرد من الانسانيه يعيش ويعشق الجنس الحرام

انا مايقربني نهائيا ونادرا لو حصل بينا جماع

وكل بين كم شهر اطيح عليه مع وحده شكل ولكن بعد مايكون جامعها

زوجي وبأختصار لا يشتغل مثل اي رجال ولا يكسب عشان يعيشني انا وعيالي عدل

همه كله يقعد ع النت قدام موقع زواج ينقال له موده يتصيد طايحات هالحظ من عوانس ومطلقات

وللأسف يخدعهم بسم الزواج وهم بعد انفسهم ضعيفه ويمارس معاهم الجنس بكل وقاحه وبأي مكان

وحتى بشقتي

ويقعد ع التشات ويجمع بهالرخيصات ويضيفهم بالمسنجر عنده ويمضي ايامه بالحب والغزل والغرام وانه شاعر

ورياضي وحساس ويوهمهم انه مطلق ويبحث عن الي تشغل قلبه

مااطولها اكتشفت الحين انه على علاقه من فتره مع بنت وللاسف مسويه فيها ملتزمه وتروح تدرس دين

ويواعدها وياخذها من هالمكان ويجيبها شقتي ويسوي معها كل شي الا انه مايولج فيها

واخر مقابله بينهم ولكن مو الاخيره كانت اول امس

طلع معها الصباح وكانوا بمكان مافيه احد ومسكته الدوريه والضابط ماحب يفضح البنت وقاله امشي

وعرفت بالسالفه وواجهته تخيلوا شنو ردت فعله

تهجم علي وضربني بوحشيه وقالي كيفي وانا احب الحرام ولمن اموت وانا ادور على بنات وانت مافيك

وحقر فيني كفايه وقالي انا هذول البنات استمع بالجنس وياهم واستعمل بدل الوحده عشر

وقالي مايهمه لو ينسجن لو ينضرب اهم شي خذ رغبته منهم

لا فوق هذا يطردني من البيت والحبيبيه طالبه منه هديه لاب توب

وطاير بيجيبه

مع ان اطفاله محتاجين اقل الامور مايوفرها

انا اخواني ماابي نصح لاني اعرف شنو المفروض اسوي ومن زمان

لكن حابه اخواتي المتزوجات يعرفون قدر ازواجهم قدام هالحقير الي الله بلاني فيه

وان اي وحده تكتشف زوجها من اول خيانه ولو تليفون توقفه عند حده لايتمادى00

الدريني 2 · 12-02-2009, 23:43

الله يعينك يارررررررب
اعوذ بالله
وان شاء الله الله يهدي زوجك لك يارررب

غلا الرياض · 12-02-2009, 23:43

الله يفرج عنك ويرفع عن بنتك ويشفيها ويعوضك انتي وعيالك باللي احسن منه قولي امييييييييييييييييييييين

الدلال كله لي · 12-02-2009, 23:46

الدريني

غلا الرياض

يعطيكم العافيه ع تفاؤلكم ودعائكم

ولكن(( انك لا تهدي من احببت ولكن الله يهدي من يشاء))

صدق الله العظيم

حلمIT · 13-02-2009, 00:25

بصراحه شي يقهر ان حكينا ندمنا وان سكتنا قهر
بس نفسي اعرف كيف نوقف واحد يرضى علي نفسه عند حده ؟؟؟؟
هالسؤال جد افكر فيه
لان احيانا بعض الرجال اذا واجهتيه يصير الموضوع عنده عادي
وترجعين لنفس الموقف اكثر من مره وللاسف مابه جديد
وسالفه اني باسكت واتكتم على الموضوع مصيبه
وش الحل ؟؟؟

اما زوجك اسال الله ان يهديه ويسخره لك ولاطفاله
هذا عبد لرغباته
والا اشلون تهون عليه نفسه ويغامر بكل الطرق عشان يوصل للبنات ؟؟؟

الله يهون عليك وييسر امورك ويقوي صبرك .. احتسبي يالغاليه واكثري الاستغفار
قومي الليل فسهام الليل لا تخطئ .. وادعي له .....

اعتذر للاطاله ...

وشلون ابنسى؟؟ · 13-02-2009, 00:39

تعالي لاتكونين متزوجه طليقي؟
وربي نفس الي صار لي
غرقت البيت دموع
ياربي مع اني سعيده بزواجي الثاني الا اني لسا اعاني من الماضي
وعزة جلال الله زوجي الاول احقر من زوجك

(من جديد ) · 13-02-2009, 00:45

وش مصبرك عليه
ماتخافي ينقل لك امراض
او صابرة على عدم المعاشرة ؟؟

رومنسي محروم · 13-02-2009, 00:47

الله يسلملك اولادك ويطلعمه سالمين يارب

ويعينك ربي

ام الحيرة · 13-02-2009, 00:54

الله يعدل امورك ويهدي زوجك

@ اميره @ · 13-02-2009, 00:56

الله يعينك اختي ويفرجها عليك

وليش صابره على ها الحيااااااه؟؟؟؟

_أبوزياد_ · 13-02-2009, 01:00

اختي اولا الله يشفي بنتك
ثانيا الله يهدي زوجك
حاولي تدخلين احد في الموضوع ممن يحترمهم زوجك لان الوضع ماينسكت علية

كويتية22 · 13-02-2009, 01:00

ربي يعافيلج عيااالج يااارب ويصلحهم ويرزقج هناء البال وراحته

ابتعدي عن هالإنسان علشان نفسج وعيالج اللي محتاجينج

لا يجيبلج مرض من إحدى هالساقطات ويبيليج فيه ابعدي عنه

وحاولي تثبتين واقعة الزنا عليه علشان تفتكين منه بسهولة في المحكمة

وهبة حمد · 13-02-2009, 01:08

طيب اتركيه وأكييييد بيعوضك الله خيرا منه قطعا بس كوني جريئة واتخذي قرار حازم

حلاوه بنعومتها · 13-02-2009, 01:08

الله يعينج .....ويساعد بنتج ...ويقومها بالسلامه..آمين..

بس انتي كيف صابره على هالعيشه؟؟؟!!!!!!

وماتخافين مثل ماقالوا لج الاخوان\الاخوات....ينقلج أمراااااض..!!!!!!

وليش ماطلبتي الطلاق وفكيتي نفسج من هذي الحقاره كلها؟؟؟؟

اعوووذ بالله من هالاشكال اللي ماتستاهل زوجه ولا أعيال*********

واللي قهرني أكثر انه يرد عليج بتفاخر ف اللي يسويه!!!!!!!!!صدق انها قوة عين من شيطانه ....!!!!!!!!!

حسبي الله ع شياطينه.......

تــولا · 13-02-2009, 01:27

تطلقي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

احقر خيااااااانه