السلام عليكم ورحمة الله وبركاته
انا اعشق بنت خالتي من صغري لحد الجنون من صغري ما اميل الا لها وهي ما تميل الا لي مع الايام واه من الايام كبر حبنا وكبرنا وطبعا تعرفون العادات ان كبرت البنت تغطت طبعا وانا اللي رحت وطي مدري ايش اسوي ماني مصدق ان ما عاد فيه بنت خالتي خلاص اتعلقت فيها وبصراحة قلت مالي الا اصبر الين ما اخلص دراسة واتوظف واتزوجها وارتاح لكن ما قدرت اقاوم ابد احس شي يجذبني لها , ان زرناهم او زارونا سمعتها تضحك حسيت اني بعالم ثاني , قلبي مدري ايش يصير فيه ان سمعهم ينطقون اسمها , صورتها ما تفارق خيالي ابد ودي اكلمها بس صعبه ما حبيت احرجها وبيوم من الايام اتصلت علي وقالت لي انا اخذت رقمك من عند اخوي وهو ما يدري واذا كنت تحبني صح اوعدني انك ما تتصل علي ابد وتزعجني وتحرجني مع اهلي وانا ما اتصلت الا لاني احبك وابغاك لي وبس ومابي غيرك وحبيت اقول لك اتحرك وسوي شي لان جاني واحد وخطبني انا هنا مدري ايش صار فيني خفت تكون لغيري جهزت نفسي ورحت لابوها وكلمته من دون ما يدرون اهلي عن شي قال لي هات ابوك ما تجيني لوحدك قلت له ابشر رحت وفاتحت ابوي بالموضوع قال لي لا ما تاخذ بنت خالتك (ابوي وزوج خالتي بينهم مشاكل شوي) قلت له ما ابغى غيرها لو ايش يصير بالكون بعد ما شاف اني مصر على رأيي وافق انه يروح ويخطبها لي وقتها كنت بفرحة ما يعلم فيها الا الله وصلنا وفاتحه بالموضوع قام يتحجج انه ولدك الى الان ما كون نفسه وما عنده وظيفه (كنت اخر سنة بالجامعه وقت الكلام هذا وهي صغيرة ما كملت الثانوية) قلنا له طبعنا الزواج بعد التخرج وكلها سنة قال لا رجعنا والفرحة بقلب ابوي لان ابوي ما وده اني اخذ بنته والقهر كله بصدري كثر الكلام انها انخطبت رسمي ما استحملت اخذت نفسي لابوها وادري انه بيردني بس ما ابي غيرها يا ناس وابستحمل لاجلها ورحت له لوحدي وهذه كانت المرة الثالثة
وقال لي انا رديتك مرتين وما عندي مانع اردك للمرة الثالثة بس اتمنى انه تكون عندك كرامة وما عاد تجيني وحتى زواجها مابيك تحضره
والله يا ناس اني اكتب هالكلام وابكي
واللي قاهرني اكثر انها حتى بعد زواجها وولدها الله يخليه لها ترسل سلامها مع اهلي
هي تبيني وانا ابيها ليه هالحركات والا لازم يعذبنا؟؟؟؟؟؟؟؟
مو حرام اللي يسويه فيني ؟؟؟؟؟؟؟؟؟؟؟؟
ما سويت فيه شي الا اني حبيت بنته
دريت هي عن الموضوع وان ابوها هو اللي رافض رفضت تتزوج قام وزوجها غصب عنها
وهالكلام له ثلاث سنوات وشوي ومن يوم زواجها وبالتحديد 4/7/1426 وانا ما عرفت طعم الفرح ابد
عمري 28 تعبت يا عالم تركت الجامعه تركت العالم ضاعت حياتي صرت على طول موجود بالبيت وكاتم على نفسي
والسبب هو زوج خالتي
انصحوني قولوا لي ايش اسوي عشان ارتاح لو يوم واحد بس