عالم الحياة الزوجية - منتدى

دلع غالي · 14-02-2009, 02:48

السلام عليكم ورحمة الله وبركاته
واليوم وانا اتصفح في المنتديات اللي اعرفها قريت مواضيع واايد في اكثر من منتدى تتكلم عن المهور بشكل عام في الخليج وبشكل خاص في السعودية
وخصوصا عن الحملة اللي اطلقها شباب سعوديين في النت (خلوها تعنس) ضد غلاء المهور
والشي المضحك في الموضوع ان في عضوة في منتدى نسائي اطلقت حملة ( خلوه عزوبي ) ردا على الحملة ( خلوها تعنس ) و واايد من البنات السعوديات وقفوا معاها
طيب الحين ابي اسالكم يا شباب السعودية كم سؤال وياريت تجاوبون عليه وبكون لكم شاكرة
هل انت ضد او مع الحملة ؟؟
هل تفضل الزواج من بنت غير سعودية على الزواج من بنت البلد بسبب ارتفاع المهور ؟ وطبعا ما في احسن من بنت البلد
هل تعتقد من حق الفتاة و اهلها المطالبة بمهر مرتفع ؟ وشنو المهر المناسب

اقتباس:

و من رايي مع العلم انا مب سعودية بس احس ان المهور في السعودية جدا مرتفعة
انا بنت وادري ان الزواج يحتاج لتجهيزات ومصارف لكن انا بحاجة لزوج صالح يصوني ويستر علي اكثر من الكماليات وبصراحة حرام الريال يضل يدفع في مصاريف العرس بعد الزواج بسنين وهذا اللي يصير ومع الاسف

انتظر ردودكم واتمنى من كل واحد يدخل يرد لو بدعوة و بنات بلييز لا تزعلون واللي عندها راي تتفضل

بقايا امراءه · 14-02-2009, 03:03

موضوع مهموبالعكس مايزعل
والرسول يقول معنى الحديث لايحظرني النص ( خير النساء اقلهم مهورا )
انا مع تقليل المهور اكيد والى يتحمل نتيجة غلاء المهور وهي العنوسه
المسأله من وجهة نظري ابعد من غلاء مهور وعنوسه ومصاريف زواج
لانه ف مثل هذا الزمن الذي كثرت فيه الاغراءت والانفتاح على عوالم وبيئات
وحضارات من الصعب انك تتحكم مثلا بما يعرض على شاشات التلفاز من اغراء
او النت والكثير الكثير ومن وجهة نظري انه الرجال بحاجه الى من تعه والبنت كذالك
او راح يحدث في المجتمعماليحمد عقبا من جرائم واغتصاب وتحرش واعتداءت
حتى سرقات
غلاء المهور مسأله اكبر من ان البنت تستحق او لا او حتى غلاء معيشه واحتياجات
لانه مافي بنت بالكون تتقدر بالمال ومايعني نه دفع لي اكثر يعني اني افضل
والمهر من وجهة نظري يكفي 25 الف ا 30 الف
شكرا لطرحك موضوع بهده الاهميه

ا ب ر ا ه ي م · 14-02-2009, 04:14

خلوها تعنس

تونه الطعمونه · 14-02-2009, 05:46

الرسول صلى الله عليه وسلم قال بمعنى الحديث
اذا جائكم من ترضون دينه وخلقه فزوجوه
ماقال ماله اونسبه
ومن رايي اذا بنت البلد مهرها غالي طبيعي الشباب حيفضلو البنات العرب الاخريات اللي مهم من بلده
يعني مد لحافك على قد رجليك
ليش كفايه انو يعزها بببيت ويصونها ويستر عرضها على قولت اهل زمااااااااااان<نشتري الرجال>
والله اخر زمن

بحر وغروب · 14-02-2009, 07:58

بالعس انا اشوف انه هالايام

قللوا المهور شوي وصاروا يراعون الشباب

وهذا انا المسه بعايلتنا ومادري عن الباقيين

ابوي يقل العريس جيب اللي تقدر عليه

وعاد هو وقدرته

ويكمل لنا ابوي اللي ناقصنا والله مسكين يدفع لنا من الريال الى مالا نهايه

كله عشان يكون شاري الرجال طبعا دينه وخلقه

اما من ناحيه التخصيص انه بالذات السعوديين .. اسمحيلي

ياااااااااحبكم لتعليق الاخطاء على الشماعه ( اللي هي السعوديه )

انا ما اقول ما في غلاء مهور بس اللي اقوله

انه في كل دول الخليج عاااااااااااااااااااامه

وبعضهم يوصل المهر لفوق الميتين الف !!!!!

والحل الوحيد .... ان يتنازل الطرفين عن بعض الاشياء

ويناظرون للايجابيات والسلبيات

اما عن الحمله ما اقول الا الله يهدي النفوس

آل عصفور · 14-02-2009, 08:21

أكيــــــــــــــــــــد مع الحمله

اذا في غلاة للمهور

خلـــــــــــــوها تعنـس وابوهـا يفلــــــــــس

بحر وغروب · 14-02-2009, 08:26

ههههههههههههههه

اجل خلوه عزوبي ههههههه

أحـــــلى بنوته · 14-02-2009, 08:27

أنـــــــــــآآآآ ضد وبقوووهـ

غلاااء المهووور اهمـ شي التوفييق من عند الله

مو مهمـ قيمة المهر . .

بنت أبوي والفخر لي · 14-02-2009, 18:18

اللي مهرها كثير عقلها صغييييير

ولي مهرها قليل عقلها كبير

وانا مع كلاام بقايا أمراءه 25 و30 وكفااايه مع انه صح صار اللحين كل غالي بس تشتري الي ضروري والاشياء الثانيخليها لبعد الزواج إن شاء الله

والله يعين الجميع

و

~نواعم~ · 14-02-2009, 19:36

انا اشوف مجتمعنا اغلى مهر عندنا 30 الف والاغلبية 20 او25 الف

ماعندنا زيادة

والرجال مو بفلوسه الرجال باخلاقه ودينه

والبنت للاسف اهلها يفكرونها سلعة ويعتقدون لرفعو المهر زادت قيمتها عن زوجها مايدون انه بيتبهدل بالاديون

ايميل · 14-02-2009, 19:39

أشوف المهر 40 الف فيها كل شيء الذهب والجهاز كافية و لا يكون أقل من ذلك

لأن بعض الشباب هداهم الله إذا ما تعب ودفع يتهاون و يمكن يعاير زوجته بمهرها ولا يحترمها

لكن الافضل الوسط لا مغالاة ولا جب أي حاجة

بالنسبة للزواج من داخل السعودية هو الأفضل لعدة أمور ... أقلها أهل البنت يكونون قريبين ... ولو صار بينك و بين زوجتك شيء بعدين ... وين يروحون الاولاد

وفقكم الله

احل عقد · 14-02-2009, 19:58

قال الرسول صلى الله عليه وسلم فيما معناه (اقلكم مهرا اكثركم بركه )

والسعوديه كبيره ماهي زي بعض احنا عندنا بالحجاز المهر من 10الى 30 الف ريال

واهل العريس والعروسه بيساعدو العرسان بالزواج يعني الي يجيب تلاجه الي يجيب غرفه نوم

الي يعطيك فلوس ............

ماشاء الله زي كده اما المناطق التانيه ما ادري عنها

وانا ضد غلاء المهور ولا اتزوج الا بنت بلدي ........

قحطاااني ماااركه · 14-02-2009, 20:25

صراحة المهور والتكاليف عندنا مبالغ فيها .. وبنات البلد فيهن الخير والبركه لكن على ارتفاع المهور اشوف الزواج من الخارج أحد الحلول خاصه لو كان هناك توافق وانسجام

تحياااااااااااااااااااااتي

%انسه زحلطه% · 14-02-2009, 21:11

كل شي غالي .... يعني من وين نجيب الدراهم ..نسرق يعني >> تفكير .. خايس

خخخخخخخخخخخ

اهم شي التوفيق من الله والرجال كفوووو ... والله لو الا قي رجال كفو انه يحطني بين اعيونه ويحطني براسه ويقدرني

مانفكر بالدراهم ... حنا بس نبي رجـــال (رجـــال وبس)

crâzy яoмâитic · 14-02-2009, 23:48

طيب الواحد ودة يتزوج بس الغلا مو في المهور في التكاليف بعد انا في خاطري اخطب وحدة ما اقدملها مال ما ينعد طيب انا ما عندي اموال ممكن لو

اقدملها عيوني ممكن ترضى او ادخلها في قلبي ولا عاد تطلع ابد منه بس وينها !!

يا رب ارزقني انا وكل من يريد الستر يا رب العالمين

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

المهور وما ادراك ما المهور!! بلييز الكل يدخل ضروري