عالم الحياة الزوجية - منتدى

مليت نفسي · 15-02-2009, 13:51

السلام عليكم ورحمة الله وبركاته
اعضاء المنتدى الكريم
في خاطري كلام وودي افضفضه عندكم وتشورون علي لاني انا شخصيا احس اني متقلبه انا صار لي مخطوبه من كم شهر في بداية خطوبتنا كنت فرحانه كثير واحس اني مرتاحه له بعد والحمدلله وكانت حياتنا مبنيه على التفاهم وكل شي مثل ما انا اتمناه في فارس احلامي
وبعد مده لما جلست مع بنت عمتي انا جلست اسولف وياها من بين المواضيع الي طرحتها لي قالت لي لما تقدم لك زوجك بعد مده من تحديد كل شي وتحديد موعد العقد كانت عملية السؤال عن الولد مستمرة قالت لي انهم في وقت متاخر سمعت عنه انه بخيل !! انا انصدمت لانه كانت بداية حياتي معه ماحسيت بهاي الشي
لكن الحين احس روحي انفتح على اشياء احس اني غافله عنها واحس ساعات انه يستغلني خصوصا انه لا يزال يدرس فيعني انه الحالة المادية مو مستقرة لكن هاي الشي ماهمني لكن جات له فترة وطلب فيه المهر من اجل اكمال الدراسة فأعطيته اياه من باب اني انا المفروض الي اساعده واكون ذراعه اليمين وطبعا اعطيته من دون علم والدتي وكل ما تسالني امي عن المهر اقول لها اني وضعته في البنك وطبعا كل بنت تحلم في ليلة عمرها وتجهيز نفسها لهاي الليله وانا الصراحه ما املك شي واستحي اني اقول له اني احتاج الى المهر
وثانيا من يوم ما ارتبطنا مع بعض كان في خاطري انه زوجي يقدم لي هدية وتعبت معاه كثير كل مره المح له اني اتمنى من زوجي يقدم لزوجته هديه او يعمل لها مفاجأة وهاي الشي انا افتقده كثيرا خصوصا عندما اشوف بنات خاله او بنت خالتي خطيبها يقدم لها هديه بين كل فترة علما مرت علينا مناسبات كثيرة منها يوم مولدي ويوم نجاحي وبتفوق لكن ماشفت شي انا ساعات اعذره لظروف العمل لكن خاطري يعبرني من هاي الناحية
ادري اني طولتها عليكم لكن مادري في خاطري كلام ولا اقدر اني اقوله لاحد فمالي الا الله ثم انتم وتنصحوني شنو اسوي
ولكم خالص شكري وتقديري

مليت نفسي · 15-02-2009, 14:44

ليش محد يرد على موضوعي

%انسه زحلطه% · 15-02-2009, 15:03

علمي اهلك بالمووووضوع

ضروري هذا الا ستغلال بعينه اشلون تتتصرفين بمهرك بدون علم اهلك الله يهديك بس

اللحين ممكن ينكر واهلك يشكون فيك

انتي كذا تفتحين ع نفسك ابواب

ياحياتي كلمي امك ... لازم تكلمينها

وزوجك لا يفلها معاك كثير .... خليك اشوي حازمه انا قلت اشوي مو كثيرررر

%% انسه زحلطه%

هوى الروح · 15-02-2009, 15:08

هلا ياعسل

هو يفرق لما يكون الشخص حريص , غير لما يكون بخيل
يعني مو شرط دحين تعرفي انه بخيل ....يمكن عنده ظروف, ومثل ماقلتي هو يدرس

لا تستعجلي ترى مرات الواحد يحط بباله اشياء غير الواقع ,ويرسم خرافات مالها اول ولا اخر
ويمكن بعد بنت عمتك لم قالت انه بخيل ,هي ماتعرفه لسى ,احيانا الناس تحكم على الشخص بالمظاهر

طيب جربي انتي اللي تعطية هدية ,حتى لو وردة ...وقولي له انا حابة اهديك هالشي ....عشان يذكرك فيني..واتمنى لو انت بعد تجيب لي شي يذكرني فيك.(عادي صارحية بطريقة غير مباشرة , انتي خطيبته )..........!!!! شوفي ردة فعله ...اذا جد هو يحبك و ماهو بخيل ..راح يجيب لك حتى لو رسالة مكتوب فيها كلام ......حتى لو اعطاك شي بسيط ...معناها هو يحبك و يمكن مثل ماقلتي حالته الماليه لسى ماهي متحسنه

وجرب بعد تستخدمي اسلوب الفتاة الحالمة .......يعني لما تجلسي تسولفي معاه , قولي له :تدري انا اتخيل بعدين بالمستقبل ان اذا كذا وكذا ......الغرض من هذا الاسلوب انك تستشفي ايش تفكيرة ...وتعرفي اسلوبه ,,,,هل بعدين بكون كيف التفكير هل بخاف عليكي ,هل بكون ملزم يصرف عليكي ....يعني من هذا القبيل

نصيحة لا تخلي غيرك ,يتدخل بينكم .......حتى خواتك .....لانه راح تصير بعدين لاسمح الله مشاكل

انتي وهو اتفاهموا ......شي ثاني انتي لسى ببداية الخطوبة.......وماراح تعرفيه الا بعد فترررررررة

تدري..انا لي الحين وجالسه كمان اكتشف اشيااااااااااء كثيرة عن خطيبي ....يعني لسى ببداية المشوار

بالنسبة الى المهر....يعني كان اعطيتيه جزء فقط منه ......يعني اذا شفتي انه من النوع الاستغلالي ...خبري امك بعدها

على فكرة حتى لو طلع بخيل لاسمح الله ....تقدري انتي بعدين تساعدية على التخلص منها ....باسلوبك وااصرارك يصير كل شي بخير

وربي يوفقك

مليت نفسي · 15-02-2009, 15:21

شكرا اختي انسة زحلطه واختي هوى الروح على الرد

لكن بالنسبه للهدايا انا ياما عطيته كثيررر في مناسبات وغير مناسبات لازم في كل شهر اعطيه على الاقل هدية وكنت دائما المح له وساعات بالعبارة الصريحه اقول له خاطري مثل باقي المخطوبات اني احصل من زوجي هديه يقول لي ان شاء الله لكن صار لنا 6 شهور مخطوبين وماصار شي

وبالنسبه للمهر ماقدر اخبر امي فيه اخاف الصراحه بس انا قبل لا اعطيه قلت له اني راح اطالبك فيه لكن اشوفه يقول باقي على دراسته مبلغ 30 الف ريال واخاف اطلب منه وماعرف ايش اعمل هل اتركه لين يكمل الدراسة وبعدين اطالبه او مادري

beeeeeent · 15-02-2009, 15:29

لازم تطلبي منه المهر
قولي له ابغى اقضي لي للزواج
انا بنظري استغلال والله اعلم ايش بقلبه..

خالد اليوم · 15-02-2009, 17:27

ياختي مايسير هالكلام
هذا استغلال

------------------------------------
عموما صار اللي صار
اولا - انتبهي لا لا لا لا لا تتصرفين فشياء حساسه ومواضيع كبيره الا لما تستشيرين اوحد عزيز عليكي

خلاص--------------------------------------------------------------------------------------

2- اخذ مالك بدون وجه حق -
قوليله انا ما عندي فلوس علشان اجهز نفسي ويادوب 30 الف تجهز زواجي وانا كمان ممكن اسلف من صاحبتي
علشان اكمل تجهيزاتي

---------------------------------------------------
حاضرين لاي سوال

мόόη Ļίģħт · 15-02-2009, 17:40

انتي غلطانه لما اعطيتيه المهر وانتي بحاجته ..

لو كانت حالتك الماليه ممتازة وماتحتاجين .. ممكن نقول مو مشكله ..

قضية الهدايا عاديه مقارنة بالمهر

ع العموم .. هذي تجربة واستفيدي منها بحياتك الجايه ..

لاتتنازلين عن حق من حقوقك طالما الامر مايستحق ... حتى لو دراسته .. المفروض هو اللي يدبر نفسه

خليك وسط لا شديدة ولا ضعيفه

لكن التضحية ساعات ممكن توصل للاستغلال

الله يوفقك يارب ويسهل امورك

small angel · 15-02-2009, 18:05

لا تعودينه انك دايم تعطينه مع الوقت راح ياخذها حلى كل شوي هاتي ومابينا فلوس
لا ياقلبي زوجي عالعين والراس بس الفلوس انتي محتاجتها عشان الزواج
طالبيه من الحين واذا ماطل مالك الا انك تكلمين امك
والا راح تدخلين بمشاكل انتي فغنى عنها

zizo142020 · 15-02-2009, 18:25

صعبة الحياة ستكون بينكم اذا انت اعتقدت فى زوجك انه بخيل و استغلالى

zizo142020 · 15-02-2009, 18:26

لابد من مصارحة الام و الحل يكون قبل الزواج لابد

حلمIT · 15-02-2009, 20:44

هلا بك اختي
ماراح اتطرق لمسألة الهدايا لان كثيييييييييير يعانون الشي
وكثير رجال ما يعترفون بالهديه
فما راح يكون موضع نقاش

لكن مسألة الاستغلال اسمحيلي واضحه
واكبر غلطه انك تصرفتي بدون علم اهلك
على الاقل الوالده لازم تكون معك بالصورة
خطوة بخطوة

غلطتي غلطه كبيره

بس مسألة البخل باذن الله يكون لك دور فيها بعد الزواج

لكن اهتمي بموضوع المهر

الله ييسر امورك ويوفقك

THE SKY COLORS · 15-02-2009, 20:47

عطيتيه مهرك !!!!!!!!!!!!!!!!!!!!!!!!!!!
معليش روحي قولي لاهلك لا تسكتين
او اساليه متى بترجع المهر لانو ابي اجهز نفسي
معليش انتي غلطتي وهو شكله استغلالي
(((بصراحه انا مدري ليش لاقالو سبب العنوسه بالبنات غلاء المهور ورفض الاباء انا اشوف ان العنوسه سببها الشباب نفسه مو لاقين احد محترم نفسه بهالايام وجعه ان شاء الله تاخذ كل واحد مايخاف الله بزوجته بيوم واحد ))

ROHALROH · 15-02-2009, 21:08

الصراحه ما املك شي واستحي اني اقول له اني احتاج الى المهر
وثانيا من يوم ما ارتبطنا مع بعض كان في خاطري انه زوجي يقدم لي هدية وتعبت معاه كثير كل مره المح له اني اتمنى من زوجي يقدم لزوجته هديه او يعمل لها مفاجأة وهاي الشي انا افتقده كثيرا خصوصا عندما اشوف بنات خاله او بنت خالتي خطيبها يقدم لها هديه بين كل فترة علما مرت علينا مناسبات كثيرة منها يوم مولدي ويوم نجاحي وبتفوق لكن ماشفت شي انا ساعات اعذره لظروف ............بصراحه ياأختي تقريبا أنل مريت بهذا الظرف تبين خلاصة الكلام هالنوع من الريايل ما ينفع معاهم المستحها بهدج على البر قولي الي في خاطرج له وخذي المهر عنه وأوقات المناسبات لتلمحينله بل قولي مثلاعيد ميلادي قرب حبيبي شو بتيبلي هديه خليج قدهااااااااااااااااااا

مليت نفسي · 16-02-2009, 00:17

الشكر الجزيل لكل من رد على موضوعي

لكن يااخواني واخواتي انا ما اعرف الوقت المناسب لكي اطالب بالمهر لانه هو يدرس حاليا واخاف اذا طالبته كاني اخل من ميزانيته ماعرف شلون ومادري متى اطالبه هل انتظر لين مايخلص دراسته علما كل الناس واهلي يسألوني متى راح تتزوجين مااعطيهم الرد الوافي لأني انا شخصيا مادري متى راح نتزوج ولما افاتحه بالموضوع متى راح نتزوج يقول اذا راح نتزوج لازم اضحي اما اوقف دراسة ونتزوج او اخلص الدراسة اول وبعدين نتزوج فمادري هل هو يعني يعاني من الميزانيه الماديه او شلون مادري واشكر كل من شاركني وابدى برأيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

محتاجة الى نصيحتكم