عالم الحياة الزوجية - منتدى

تاج الورد · 17-02-2009, 04:53

السلام عليكم بعد تصفحي للمنتديات لاحظت نساء تسرد طريقه جماعها تحت عنوان مشكله ! طيب فيه وحده فينا ترضى يجامعها زوجها قدام الناس اكيد لا فكيف ترضي انك تنشري علاقتك الجنسيه على الملايين وتفضحي زوجك مثال :عنده برود جنسي مشاكل القذف ووصلت لوصف الاعضاء حطي نفسك مكانه ترضي يتكلم عنك بهذي الطريقه حتى لوماكان احد يعرفك تصوري بس يكتشف زوجك انك تتكلمي عنه تكلمي في اي شي من دون تصفي علاقتك الجنسيه وشرعا حرام عليك 0

منك الغلا · 17-02-2009, 04:55

جزاك الله خير وكلامك صحيح بل ان في نساء شرحو كيفية الجماع هذا بحد ذاتها ادمر والله يهديهم الى سوا السبيل

حياتي زوجي · 17-02-2009, 05:07

يعطيك العافية

ياغـــايب متـى تـعود · 17-02-2009, 05:16

في نساء في قمه الاغباء لو يدري زوجها طاحت من عينه .........

مشكوره حبيبتب

حكاية قلب · 17-02-2009, 07:31

كلام جميل وعين العقل
حتى لو الوحده عندها مشكله مافي داعي تعرضها بالتفصيل يقولها وباختصار وبدون شرح وافي
ومشكوررره وتقبلي مروري

<جورجي> · 17-02-2009, 08:27

والله انك صادقه وموضوع رائع جدا الحمد الله على نعمة العقل
والصراحه الحريم مايفكرون في العواقب من افشى اسرار العلاقه اهم شي عندهم النتائج

@نوف@ · 17-02-2009, 12:58

..خلونا نصير عقلانين..اذا الوحده عندها مشكله بالله في مجتمعنا صعبه تروح تشرحها بمستشفى وبعدين ترى هذي حاجات طبيعيه رجال او مره عندها مشكله طيب وخير ان شالله ..اكيد في منتديات فيها اخصائيين لما الوحده او الواحد عرض المشكله يمكن يحصل الحل ..مافيها شي مالاداعي هالتعقيد..بس اذا قصدك اللي يكتبون المشكله بقصد ثاني انا معك بهالشي بس ان وحده عندها مشكله ترى مافيها شي كلها حاجات طبيعيه والامراض من الله ولاشرايك بمجتمعنا المتفتح اللي يسمح للوحده تروح مستشفى وتعرض المشكله؟اذا الرجال ماراح من نفسه صعب الوحده تروح وتقول هالكلام عالاقل النت ارحم..انا الحمدلله ماافكر اني اكتب هالشي لان عندي الجراه اروح اخصائيه واشرح لها..لكن في ناس ماعندهم الجرايتكلمون عن هالشي..وترى هذا مهوب تخلف بالعكس الواحد يفتح عقله شوي .؟.مافيها شي السؤال عن هالاشياء او المشاكل المرضيه الخاصه..وعلى فكره ياكثر الرجال اللي يكتبون عن مشاكل زوجاتهم الخاصه ولا انتي ماشفتي المواضيع..الف موضوع وموضوع واحد يكتب عن برود زوجته بالله فيها شي؟؟ولا لكتبت الوحده عن برود زوجها حرام؟طيب واذا كتب واحد عن هالشي مايخاف زوجته تدخل وتشوف؟ولابس الرجال هو اللي بيعصب وبطيح من عينه زوجته؟بعدين هالشي مهوب حرام هذي مشاكل مرضيه تصير شي طبيعي ..الواحد يصير عقلاني قبل لايتحيز ويخلي عقله متفتح..مع احترامي لكل اللي ردو..وهذا راي الشخصي..واتمنى تتقبلونه ..

عنيدة وبكيفي · 17-02-2009, 13:03

والله اذا هي فعلا مشكلة تسردها بأدب

وبصراحة فيه ناس يستعرضون بدون ذكر اسماء

بس بجد شي يقرف

وفي · 17-02-2009, 15:11

موضوع جميل
بما ان الرجل سمح لزوجته الدخول للنت
لا اعتفد انه سيغضب

والموضوع لدي شائك
وطويل
لا استطيع حصره الاّن

تاج الورد · 21-03-2009, 08:13

للرفع

ضيم السنين · 21-03-2009, 08:42

من زود الفداغه

عنز بدو وطاحت بمريس تحسب المنتديات تنكتب فيها كل شي واي شي

استغرب فاللي يعرض هالنوع من المشاكل بالتفصيل الممل يعني الاعضاء بيعطونتس حل ولا بيخترعون لتس علم جديد

هالسوالف مو تجين تكتبينها فيذا خابره وين تسئلين وتستفسرين

بس الوحده لمسكت الكيبورد تدرعم بالكتابه وانتر بدون ماتشوف هي وش كاتبه

تاج الورد · 21-03-2009, 08:57

اقتباس:

المشاركة الأصلية كتبت بواسطة ضيم السنين

من زود الفداغه
عنز بدو وطاحت بمريس تحسب المنتديات تنكتب فيها كل شي واي شي
استغرب فاللي يعرض هالنوع من المشاكل بالتفصيل الممل يعني الاعضاء بيعطونتس حل ولا بيخترعون لتس علم جديد
هالسوالف مو تجين تكتبينها فيذا خابره وين تسئلين وتستفسرين
بس الوحده لمسكت الكيبورد تدرعم بالكتابه وانتر بدون ماتشوف هي وش كاتبه

انتي تمدحين ولاتسبين مافهمت شي عالعموم مشكوره0

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

عالم الحياة الزوجية - منتدى

تصوري زوجك دخل وشاف موضوعاتك